ಪ್ರೀತಿಯಿಲ್ಲದೆ ಜೀವನದಲ್ಲಿ ಎಲ್ಲವೂ ಅಪೂರ್ಣ. ಆದ್ದರಿಂದ, ಕುಟುಂಬದಲ್ಲಿ ಅಥವಾ ಸಂಗಾತಿಯೊಂದಿಗೆ ಅಥವಾ ಗೆಳೆಯ-ಗೆಳತಿಯ ನಡುವಿನ ಸಂಬಂಧವು ಬಲವಾಗಿರಬೇಕು ಅಂದ್ರೆ ಪ್ರೀತಿ ಅತಿಮುಖ್ಯ. ಜ್ಯೋತಿಷ್ಯ ಶಾಸ್ತ್ರದಲ್ಲಿ, ಸಂಬಂಧಗಳನ್ನು ಕಾಪಾಡುವ ಅಂತಹ ಐದು ರಾಶಿಗಳನ್ನು ಹೇಳಲಾಗಿದೆ. ಅವುಗಳ ಬಗ್ಗೆ ತಿಳಿಯೋಣ.
ಜ್ಯೋತಿಷ್ಯದಲ್ಲಿ, ಆದಾಯ, ಶಿಕ್ಷಣ, ಅದೃಷ್ಟ, ಇತ್ಯಾದಿ ವಿಷಯವನ್ನು ವಿವರವಾಗಿ ವಿವರಿಸಲಾಗಿದೆ. ಆದರೆ ಈ ಎಲ್ಲದರಲ್ಲೂ, ಪ್ರೀತಿಯ(Love) ವಿಷಯ ಹೆಚ್ಚು ಗಮನ ಸೆಳೆಯುತ್ತೆ. ಯಾಕಂದ್ರೆ ಪ್ರೀತಿಯಿಲ್ಲದೆ ಜೀವನ ಅಪೂರ್ಣ ಮತ್ತು ಉತ್ತಮ ಪ್ರೇಮ ಸಂಬಂಧವಿಲ್ಲದೆ, ಕುಟುಂಬ ಅಥವಾ ಸಂಗಾತಿಯೊಂದಿಗೆ ಸಾಮರಸ್ಯವಿಲ್ಲದೆ ಮನುಷ್ಯ ಬದುಕಲಾರ, ಇದು ಸಂತೋಷದ ಜೀವನಕ್ಕೆ ಬಹಳ ಮುಖ್ಯವೆಂದು ಪರಿಗಣಿಸಲಾಗುತ್ತೆ.
ಬಲವಾದ ಸಂಬಂಧಕ್ಕೆ 4 ವಿಷಯಗಳು ಬೇಕಾಗುತ್ತವೆ, ನಂಬಿಕೆ (Trust), ಮಾತುಕತೆ (Communication), ತಿಳುವಳಿಕೆ (Awareness) ಮತ್ತು ನಿಷ್ಠೆ (Loyalty). ಜ್ಯೋತಿಷ್ಯ ಶಾಸ್ತ್ರದಲ್ಲಿ ಐದು ರಾಶಿಗಳು(Zodiac sign) ಈ ಎಲ್ಲಾ ವಿಷಯಗಳಲ್ಲಿ ಅಗ್ರಸ್ಥಾನದಲ್ಲಿವೆ ಮತ್ತು ಸಂಬಂಧದ ಬಂಧವನ್ನು ಬಹಳ ಸುಲಭವಾಗಿ ಹಿಡಿದಿಡುತ್ತವೆ ಎಂದು ಹೇಳಲಾಗಿದೆ. ಅವುಗಳು ಯಾವವೆಂದು ಇಲ್ಲಿ ತಿಳಿಯಿರಿ.
ವೃಷಭ ರಾಶಿ(Taurus)
ಜ್ಯೋತಿಷ್ಯದ ಪ್ರಕಾರ, ವೃಷಭ ರಾಶಿಯ ಜನರು ತುಂಬಾ ತಾಳ್ಮೆಯಿಂದಿರುತ್ತಾರೆ ಮತ್ತು ಸೀರಿಯಸ್ ರಿಲೇಷನ್ಷಿಪ್‌ಗೆ ಉತ್ತಮ ಪಾರ್ಟ್ನರ್‌ಗಳಾಗಿರುತ್ತಾರೆ. ಇದರೊಂದಿಗೆ, ಈ ರಾಶಿಯ ಜನರು ನಿಷ್ಠಾವಂತರು ಮತ್ತು ವಿಶ್ವಾಸಾರ್ಹರು. ಹಾಗೆಯೇ, ಇವರು ಜೀವನದಲ್ಲಿ ಬರುವ ಸಮಸ್ಯೆಗಳನ್ನು ಕೂಲ್ ಆಗಿ ಪರಿಹರಿಸುವುದನ್ನು ನಂಬುತ್ತಾರೆ, ಹಾಗೆ ಬದುಕುತ್ತಾರೆ ಕೂಡ.
ಕರ್ಕಾಟಕ ರಾಶಿ
ಕರ್ಕಾಟಕ ರಾಶಿಯವರು ತಮ್ಮ ಸಂಬಂಧಗಳನ್ನು(Relationship) ಗಟ್ಟಿಯಾಗಿ ಕಟ್ಟುವುದನ್ನು ನಂಬುತ್ತಾರೆ. ಈ ರಾಶಿಯ ಜನರು ತುಂಬಾ ಭಾವನಾತ್ಮಕವಾಗಿರುತ್ತಾರೆ ಮತ್ತು ತಮ್ಮ ಸಂಗಾತಿಯ ಸಂವೇದನೆಗಳನ್ನು ಗೌರವಿಸುತ್ತಾರೆ. ಇತರರೊಂದಿಗೆ ಸಹಾನುಭೂತಿ ಹೊಂದುವ ಮೂಲಕ, ಇವರ ಸಂಬಂಧವು ಗಾಢವಾಗಲು ಪ್ರಾರಂಭಿಸುತ್ತೆ.
ತುಲಾ ರಾಶಿ
ತುಲಾ ರಾಶಿಯವರು ಜೀವನದಲ್ಲಿ ಸಮತೋಲನವನ್ನು ಕಾಪಾಡಿಕೊಳ್ಳೋದನ್ನು ನಂಬುತ್ತಾರೆ. ಅಲ್ಲದೆ, ಈ ರಾಶಿಯ ಜನರು ಬುದ್ಧಿವಂತರು ಮತ್ತು ಆಕರ್ಷಕವಾಗಿರುತ್ತಾರೆ(Attractive). ಜನರು ಸುಲಭವಾಗಿ ಅವರತ್ತ ಆಕರ್ಷಿತರಾಗುತ್ತಾರೆ.
ವೃಶ್ಚಿಕ ರಾಶಿ(Scorpio)
ವೃಶ್ಚಿಕ ರಾಶಿಯ ಜನರು ಭಾವೋದ್ರಿಕ್ತ ಮತ್ತು ತೀಕ್ಷ್ಣವಾಗಿರುತ್ತಾರೆ, ಆದರೆ ಪ್ರೀತಿಯ ವಿಷಯದಲ್ಲಿ ಯೋಗ್ಯ ಸಂಗಾತಿಯ ಪಾತ್ರವನ್ನು ಚೆನ್ನಾಗಿ ನಿರ್ವಹಿಸುತ್ತಾರೆ. ಈ ರಾಶಿಯ ಜನರು ತಮ್ಮ ಬಗ್ಗೆ ಕಾಳಜಿ ವಹಿಸುವವರಿಗೆ ನಿಷ್ಠರಾಗಿರುತ್ತಾರೆ. ಹಾಗೆಯೇ, ಇವರು ಯಾವಾಗಲೂ ಹೊಸದನ್ನು ಪ್ರಯತ್ನಿಸಲು ಸಿದ್ಧರಿರುತ್ತಾರೆ.
ಮಕರ ರಾಶಿ
ಮಕರ ರಾಶಿಯವರು ಮಹತ್ವಾಕಾಂಕ್ಷೆಗಳಿಂದ ತುಂಬಿರುತ್ತಾರೆ ಮತ್ತು ಶಿಸ್ತುಬದ್ಧ ಜೀವನವನ್ನು ನಡೆಸೋದ್ರಿಂದ ಜೀವನ ಸಂತಸದಿಂದಿರುತ್ತೆ (Happy) ಎಂದು ನಂಬುತ್ತಾರೆ. ಉತ್ತಮ ಜೀವನ ಸಂಗಾತಿ ಮತ್ತು ಕುಟುಂಬ ಸದಸ್ಯರಾಗಲು ಎಲ್ಲಾ ಪ್ರಯತ್ನಗಳನ್ನು ಮಾಡಿ ಮತ್ತು ಇತರರನ್ನು ಉತ್ತಮ ಮನುಷ್ಯರಾಗಲು ಪ್ರೇರೇಪಿಸುವ ಗುಣದವರು ಇವರು.