Saif Ali Khan Amrita Singh love story: ಬಾಲಿವುಡ್ ಸ್ಟಾರ್ ಸೈಫ್ ಅಲಿ ಖಾನ್ ಮತ್ತು ಅಮೃತಾ ಸಿಂಗ್ ಅವರ ಸೀಕ್ರೆಟ್ ಮದುವೆಗೆ ಸಂಬಂಧಿಸಿದ ಕೆಲವು ಶಾಕಿಂಗ್ ವಿಷಯಗಳು ಈಗ ಹೊರಬಂದಿವೆ. ಸೈಫ್ ಮದುವೆಗೆ ಅವರ ತಂಗಿಯರಾದ ಸೋಹಾ ಮತ್ತು ಸಬಾ ಯಾಕೆ ಬಂದಿರಲಿಲ್ಲ ಅನ್ನೋದು ಈಗ ರಿವೀಲ್ ಆಗಿದೆ.
ಬಾಲಿವುಡ್ನ ಹ್ಯಾಂಡ್ಸಮ್ ನಟ ಸೈಫ್ ಅಲಿ ಖಾನ್ ಅವರ ಮೊದಲ ಮದುವೆ ನಟಿ ಅಮೃತಾ ಸಿಂಗ್ ಅವರೊಂದಿಗೆ ನಡೆದಿತ್ತು. 1991ರಲ್ಲಿ ಇವರಿಬ್ಬರು ಸೀಕ್ರೆಟ್ ಆಗಿ, ಬಹಳ ಅವಸರದಲ್ಲಿ ಮದುವೆಯಾಗಿದ್ದರು. ಆದರೆ ಈ ಮದುವೆಗೆ ಸೈಫ್ ಅವರ ಸ್ವಂತ ತಂಗಿಯರಾದ ಸೋಹಾ ಅಲಿ ಖಾನ್ ಮತ್ತು ಸಬಾ ಅಲಿ ಖಾನ್ ಹಾಜರಾಗಿರಲಿಲ್ಲ. ಇತ್ತೀಚೆಗೆ ನೇಹಾ ಧೂಪಿಯಾ ಮತ್ತು ಅಂಗದ್ ಬೇಡಿ ಅವರ 'ಡಬಲ್ ಡೇಟ್' ಶೋನಲ್ಲಿ ಭಾಗವಹಿಸಿದ್ದ ಖಾನ್ ಸೋದರಿಯರು, ಅಂದು ಏನಾಗಿತ್ತು ಎಂಬ ಪೂರ್ತಿ ವಿವರಗಳನ್ನು ಬಹಿರಂಗಪಡಿಸಿದ್ದಾರೆ.
25
ಎಲ್ಲವೂ ಸಡನ್ ಆಗಿ ನಡೆದುಹೋಯ್ತು
ಸೈಫ್ ಅಲಿ ಖಾನ್ ಮತ್ತು ಅಮೃತಾ ಸಿಂಗ್ ಮದುವೆಯಾದಾಗ, ಸೋಹಾ ಮತ್ತು ಸಬಾ ಇನ್ನೂ ಶಾಲೆಯಲ್ಲಿದ್ದರು. ಆಗ ಸಬಾಗೆ 15 ವರ್ಷ, ಸೋಹಾಗೆ ಕೇವಲ 13 ವರ್ಷ. ಸೈಫ್ ಮದುವೆ ಸುದ್ದಿ ಪೇಪರ್ನಲ್ಲಿ ಬಂದ ತಕ್ಷಣ ಶಾಲೆಯವರು ಇಬ್ಬರನ್ನೂ ಪ್ರಿನ್ಸಿಪಾಲ್ ಆಫೀಸ್ಗೆ ಕರೆಸಿದರು. "ನಮ್ಮನ್ನು ಇದ್ದಕ್ಕಿದ್ದಂತೆ ಪ್ರಿನ್ಸಿಪಾಲ್ ಆಫೀಸ್ಗೆ ಕರೆದರು. ಪೋಷಕರಿಂದ ಫೋನ್ ಬಂದಿತ್ತು. ಅಣ್ಣನ ಮದುವೆ ಬಗ್ಗೆ ಹೇಳಿ, ಈ ವಿಷಯವನ್ನು ಯಾರಿಗೂ ಹೇಳಬೇಡಿ ಎಂದು ಗಟ್ಟಿಯಾಗಿ ವಾರ್ನಿಂಗ್ ಕೊಟ್ಟರು. ಆ ಸುದ್ದಿಯಲ್ಲಿ ಎಷ್ಟು ನಿಜವಿತ್ತು ಅಂತ ನಮಗೆ ಆಗ ತಿಳಿದಿರಲಿಲ್ಲ," ಎಂದು ಸಬಾ ಹೇಳಿದ್ದಾರೆ. ಸೋಹಾ ಪ್ರಕಾರ, ಅವರ ಫ್ರೆಂಚ್ ಟೀಚರ್ ಬಂದು ಈ ಮದುವೆ ವಿಷಯ ತಿಳಿಸಿದರಂತೆ. ಎಲ್ಲವೂ ತುಂಬಾ ಸಡನ್ ಆಗಿ ನಡೆದುಹೋಯ್ತು ಅಂತ ಅವರು ನೆನಪಿಸಿಕೊಂಡರು.
35
ಆ ಸಿನಿಮಾದಿಂದ ಔಟ್
1990ರಲ್ಲಿ ನಿರ್ದೇಶಕ ರಾಹುಲ್ ರಾವೈಲ್ 'ಬೇಖುದಿ' ಸಿನಿಮಾ ಮೂಲಕ ಸೈಫ್ನನ್ನು ಲಾಂಚ್ ಮಾಡಲು ನಿರ್ಧರಿಸಿದ್ದರು. ಪ್ರಮೋಷನಲ್ ಫೋಟೋಶೂಟ್ಗೆ ಅಂದಿನ ಸ್ಟಾರ್ ನಟಿ ಅಮೃತಾ ಸಿಂಗ್ ಅವರನ್ನು ಕರೆಸಲಾಗಿತ್ತು. ಶೂಟಿಂಗ್ ವೇಳೆ ಸೈಫ್, ಅಮೃತಾ ಹೆಗಲ ಮೇಲೆ ಕೈ ಹಾಕಿದಾಗ ಅವರು ಕೋಪದಿಂದ ನೋಡಿದರು. ನಂತರ ಸೈಫ್ ಅವರಿಗೆ ಫೋನ್ ಮಾಡಿ ಡಿನ್ನರ್ಗೆ ಆಹ್ವಾನಿಸಿದಾಗ, ಅಮೃತಾ ನಿರಾಕರಿಸಿದರು. ಆದರೆ, ಮನೆಗೇ ಬಂದು ಡಿನ್ನರ್ ಮಾಡುವಂತೆ ಆಫರ್ ಕೊಟ್ಟರು. ಅವರ ಮನೆಗೆ ಹೋದ ಸೈಫ್ ಎರಡು ದಿನ ಅಲ್ಲೇ ಉಳಿದುಕೊಂಡರು. ಇಬ್ಬರ ನಡುವೆ ಲವ್ ಟ್ರ್ಯಾಕ್ ಶುರುವಾಯಿತು. ಅಮೃತಾ ಸೀರಿಯಸ್ ಆದಾಗ ಸೈಫ್ ಪ್ರಪೋಸ್ ಮಾಡಿದರು. ಎರಡು ದಿನಗಳ ನಂತರ ಶೂಟಿಂಗ್ಗೆ ಹೋಗಲು ಸೈಫ್ ಬಳಿ ಹಣವಿರಲಿಲ್ಲ, ಆಗ ಅಮೃತಾ ಬಳಿ 100 ರೂಪಾಯಿ ಸಾಲ ಪಡೆದು ಹೋದರು. ನಂತರ ಪದೇ ಪದೇ ಲೇಟಾಗಿ ಬರುತ್ತಿದ್ದ ಕಾರಣಕ್ಕೆ ಸೈಫ್ನನ್ನು ಆ ಸಿನಿಮಾದಿಂದ ತೆಗೆದುಹಾಕಲಾಯಿತು.
ತನಗಿಂತ 12 ವರ್ಷ ದೊಡ್ಡವರಾದ ಅಮೃತಾ ಸಿಂಗ್ ಅವರನ್ನು ಸೈಫ್ 1991ರಲ್ಲಿ ಮದುವೆಯಾದರು. ಆಗ ಸೈಫ್ಗೆ ಕೇವಲ 21 ವರ್ಷ. ನವಾಬರ ಕುಟುಂಬಕ್ಕೆ ಸೇರಲು ಅಮೃತಾ ತಮ್ಮ ಧರ್ಮವನ್ನು ಬದಲಾಯಿಸಿಕೊಂಡು 'ಅಜೀಜಾ' ಆದರು. ಒಬ್ಬ ಮೌಲ್ವಿ ಮತ್ತು ಒಬ್ಬ ಸಿಖ್ ಪೂಜಾರಿ ಸೇರಿ ಸ್ನೇಹಿತರ ಮನೆಯಲ್ಲಿ ಮದುವೆ ಮಾಡಿಸಿದರು. ಮದುವೆಯ ನಂತರ ಅಮೃತಾ ತಮ್ಮ ವೃತ್ತಿಜೀವನಕ್ಕೆ ಗುಡ್ಬೈ ಹೇಳಿದರು. ಇವರಿಗೆ ಸಾರಾ ಅಲಿ ಖಾನ್ ಮತ್ತು ಇಬ್ರಾಹಿಂ ಅಲಿ ಖಾನ್ ಎಂಬ ಇಬ್ಬರು ಮಕ್ಕಳಿದ್ದಾರೆ. ಆದರೆ ಈ ಮದುವೆಗೆ ಸೈಫ್ ತಾಯಿ ಶರ್ಮಿಳಾ ಠಾಗೋರ್ ಅವರಿಗೆ ಇಷ್ಟವಿರಲಿಲ್ಲ ಎಂದು ಹೇಳಲಾಗುತ್ತದೆ. ಅಂದುಕೊಂಡಂತೆಯೇ ಕೆಲವು ವರ್ಷಗಳ ನಂತರ ಇಬ್ಬರ ನಡುವೆ ಜಗಳಗಳು ಶುರುವಾಗಿ 2004ರಲ್ಲಿ ವಿಚ್ಛೇದನ ಪಡೆದರು. ನಂತರ ಸೈಫ್ ನಟಿ ಕರೀನಾ ಕಪೂರ್ ಅವರನ್ನು ಮದುವೆಯಾದರು.
55
ಇಂದಿಗೂ ಸಿಂಗಲ್ ಆಗಿಯೇ ಉಳಿದಿದ್ದೇನೆ
ಇದೇ ಶೋನಲ್ಲಿ ಸಬಾ ಅಲಿ ಖಾನ್ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಕೆಲವು ಆಸಕ್ತಿಕರ ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ತಮಗೆ 18-19ನೇ ವಯಸ್ಸಿನಿಂದಲೇ ಮದುವೆ ಸಂಬಂಧಗಳು ಬರುತ್ತಿದ್ದವು, ಕಲ್ಕತ್ತಾದ ವ್ಯಕ್ತಿಯೊಬ್ಬರೊಂದಿಗೆ ಮದುವೆ ಬಹುತೇಕ ನಿಶ್ಚಯವಾಗಿತ್ತು ಎಂದು ಹೇಳಿದರು. ಆದರೆ ಆಗ ಮದುವೆಗೆ ಸಿದ್ಧರಿಲ್ಲದ ಕಾರಣ ಆ ಸಂಬಂಧ ಮುರಿದುಬಿತ್ತು. ತನ್ನ ತಂದೆ ಮನ್ಸೂರ್ ಅಲಿ ಖಾನ್ ಪಟೌಡಿಯವರಂತಹ ವ್ಯಕ್ತಿ ಪತಿಯಾಗಿ ಬರಬೇಕೆಂದು ಬಯಸಿದ್ದೆ, ಆದರೆ ಅಂತಹ ವ್ಯಕ್ತಿ ಸಿಗದ ಕಾರಣ ಇಂದಿಗೂ ಮದುವೆಯಾಗದೆ ಸಿಂಗಲ್ ಆಗಿಯೇ ಉಳಿದಿದ್ದೇನೆ ಎಂದು ಸಬಾ ತಿಳಿಸಿದ್ದಾರೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.
