ಪ್ರಿನ್ಸ್ ಮಹೇಶ್ ಬಾಬುಗೆ ಈ ರಾಜಕಾರಣಿ ಕರೆ ಬಂದ್ರೆ ವಿಪರೀತ ಭಯವೇಕೆ?

ಸೂಪರ್‌ಸ್ಟಾರ್ ಮಹೇಶ್ ಬಾಬುಗೆ ಒಮ್ಮೆ ಒಬ್ಬ ದೊಡ್ಡ ರಾಜಕಾರಣಿ ಫೋನ್ ಮಾಡಿ ಬೈದಿದ್ರಂತೆ. ಹೀಗಾಗಿ ಆ ರಾಜಕಾರಣಿ ಕಾಲ್ ಬಂದ್ರೆ ಸಾಕು, ಟಾಲಿವುಡ್ ಪ್ರಿನ್ಸ್‌ಗೆ ತುಂಬಾ ಭಯವಂತೆ. ತಮ್ಮ ಸಿನಿಮಾ ಬಿಡುಗಡೆಯಾದಾಗ, ಈ ರಾಜಕಾರಣಿ ಏನಂತಾರೋ ಎಂಬ ಆತಂಕ ತುಂಬಾ ಕಾಡುತ್ತಂತೆ. ಏನಿದು ಮಹೇಶ್ ಬಾಬುಗೇಕೆ ಈ ರಾಜಕಾರಣಿ ಕಂಡ್ರೆ ಎಲ್ಲಿಲ್ಲದ ಭಯ?

ಟಾಲಿವುಡ್‌ ಟಾಪ್ ಸ್ಟಾರ್‌ಗಳಲ್ಲಿ ಮಹೇಶ್ ಬಾಬು ಕೂಡ ಒಬ್ಬರು. ಭಾರತದಾದ್ಯಂತ ಅವರಿಗೆ ಅಭಿಮಾನಿಗಳಿದ್ದಾರೆ. ಕೆಲವು ವರ್ಷಗಳಿಂದ ಅವರ ಚಿತ್ರಗಳು ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದು, ಸತತ ಗೆಲುವಿನೊಂದಿಗೆ ಮುನ್ನಡೆಯುತ್ತಿದ್ದಾರೆ. ಮಹೇಶ್ ಬಾಬು ಅವರ ಇತ್ತೀಚಿಗೆ ಚಿತ್ರ ಗುಂಟೂರು ಕಾರಂ ಸಿನಿಮಾ ಮಿಶ್ರ ಪ್ರತಿಕ್ರಿಯೆ ಕಂಡರೂ, ನೂರು ಕೋಟಿಗೂ ಹೆಚ್ಚು ಗಳಿಕೆ ಮಾಡಿದೆ.

ಎಚ್ಚರಿಕೆಯಿಂದ ಸಿನಿಮಾಗಳನ್ನು ಆಯ್ಕೆ ಮಾಡುವ ಕಾರಣ ಮಹೇಶ್ ಬಾಬು ನಾಯಕನಾಗಿ ನಟಿಸಿರುವ ಸಿನಿಮಾಗಳು ಇನ್ನೂ 30ರ ಗಡಿ ದಾಟಿಲ್ಲ, ತಮ್ಮ ಇಮೇಜ್‌ಗೆ ಸರಿ ಹೊಂದುವ, ಉತ್ತಮ ಕಥೆಗಳನ್ನು ಮಾತ್ರ ಅವರು ಆರಿಸಿಕೊಳ್ಳುತ್ತಾರೆ. ಮಹೇಶ್ ಬಾಬು ಯಶಸ್ಸಿನ ಗುಟ್ಟು ಕೂಡ ಇದೇ. ಮಹೇಶ್ ಬಾಬು ತಮ್ಮ 29ನೇ ಚಿತ್ರವನ್ನು ರಾಜಮೌಳಿ ಜೊತೆ ಮಾಡುತ್ತಿದ್ದಾರೆ. ಹೀಗಿರುವಾಗ ಮಹೇಶ್ ಬಾಬುಗೆ ಒಬ್ಬ ತೆಲಂಗಾಣದ ದೊಡ್ಡ ರಾಜಕಾರಣಿ ಫೋನ್ ಮಾಡಿ ಬೈದಿದ್ರಂತೆ. ಹೀಗಾಗಿ ತಮ್ಮ ಸಿನಿಮಾ ಬಿಡುಗಡೆಯಾದ್ರೆ ಆ ರಾಜಕಾರಣಿ ಏನಂತಾರೋ ಅನ್ನೋ ಭಯ ಮಹೇಶ್ ಬಾಬು ಅವರಿಗಿದೆಯಂತೆ. ಮಹೇಶ್ ಬಾಬುವನ್ನು ಹೆದರಿಸಿದ ಆ ರಾಜಕೀಯ ನಾಯಕ ಯಾರೂ ಅಲ್ಲ, ಮಾಜಿ ಸಚಿವ ಕೆಟಿಆರ್. ಈ ಹಿಂದೆ ಮಹೇಶ್ ಬಾಬು ಅವರ 'ಭರತ್ ಅನ್ನೇ ನೇನು' ಸಿನಿಮಾದ ಪ್ರಚಾರ ಕಾರ್ಯಕ್ರಮದಲ್ಲಿ ಕೆಟಿಆರ್, ಮಹೇಶ್ ಬಾಬು ಮತ್ತು ಕೊರಟಾಲ ಶಿವ ಭಾಗವಹಿಸಿದ್ದರು.

ಆ ಸಂದರ್ಭದಲ್ಲಿ ಮಾತನಾಡಿದ ಮಹೇಶ್ ಬಾಬು, ಕೆಟಿಆರ್ ನನ್ನ ಉತ್ತಮ ಗೆಳೆಯ. ಅವರು ನನ್ನ ಸಿನಿಮಾಗಳನ್ನು ನೋಡಿದ ತಕ್ಷಣ ತಮ್ಮ ಅಭಿಪ್ರಾಯವನ್ನು ತಿಳಿಸುತ್ತಾರೆ. 'ಆಗಡು' ಸಿನಿಮಾ ನೋಡಿ ನನಗೆ ಫೋನ್ ಮಾಡಿ ಬೈದರು. ಇಂಥ ಕೆಟ್ಟ ಸಿನಿಮಾ ಮಾಡಬೇಡಿ ಅಂದ್ರು. ಆ ಘಟನೆ ನನಗೆ ಇನ್ನೂ ನೆನಪಿದೆ. ಕೆಟಿಆರ್ ತಮ್ಮ ಅಭಿಪ್ರಾಯವನ್ನು ಪ್ರಾಮಾಣಿಕವಾಗಿ ವ್ಯಕ್ತಪಡಿಸುತ್ತಾರೆ. ನನ್ನ ಸಿನಿಮಾ ಬಿಡುಗಡೆಯಾದಾಗ ಕೆಟಿಆರ್ ಪ್ರತಿಕ್ರಿಯೆ ಏನಿರುತ್ತದೆ ಎಂಬ ಭಯ ನನಗೆ ಇರುತ್ತದೆ. 'ಭರತ್ ಅನ್ನೇ ನೇನು' ಸಿನಿಮಾದಲ್ಲಿ ನನ್ನ ಪಾತ್ರ ಪೋಷಿಸುವಾಗ ಕೆಟಿಆರ್ ಅವರನ್ನು ಸ್ಫೂರ್ತಿಯಾಗಿ ತೆಗೆದುಕೊಂಡಿದ್ದೇವೆ. ಕೆಟಿಆರ್ ಜೀವನಶೈಲಿಗೆ ಸ್ವಲ್ಪ ಹತ್ತಿರವಾಗಿ 'ಭರತ್ ಅನ್ನೇ ನೇನು' ಸಿನಿಮಾದಲ್ಲಿ ನನ್ನ ಪಾತ್ರ ಇದೆ ಎಂದಿದ್ದರು.

ಮಹೇಶ್ ಬಾಬು ಹಿಂದೆ ಮಾಡಿದ ಈ ಕಾಮೆಂಟ್‌ಗಳು ಈಗ ವೈರಲ್ ಆಗುತ್ತಿವೆ. ಕೊರಟಾಲ ಶಿವ ನಿರ್ದೇಶಿಸಿದ 'ಭರತ್ ಅನ್ನೇ ನೇನು' ಸಿನಿಮಾ ಸೂಪರ್ ಹಿಟ್  ಆಗಿತ್ತು. ಈ ಚಿತ್ರದಲ್ಲಿ ಮಹೇಶ್ ಬಾಬು ಸಿಎಂ ಆಗಿ ನಟಿಸಿದ್ದರು. ಮಹೇಶ್ ಬಾಬು ವೃತ್ತಿ ಜೀವನದ ಅತ್ಯುತ್ತಮ ಚಿತ್ರಗಳಲ್ಲಿ 'ಭರತ್ ಅನ್ನೇ ನೇನು'  ಕೂಡ ಒಂದಾಗಿದ್ದು, ಇವರ ಕ್ಯಾರೆಕ್ಟರ್ ತುಂಬಾ ಚನ್ನಾಗಿದೆ. ಕೊರಟಾಲ-ಮಹೇಶ್ ಬಾಬು ಕಾಂಬಿನೇಷನ್‌ನಲ್ಲಿ ತೆರೆಕಂಡ ಶ್ರೀಮಂತುಡು ಮತ್ತು ಭರತ್ ಅನ್ನೇ ನೇನು ಉತ್ತಮ ಯಶಸ್ಸು ಗಳಿಸಿವೆ. ಮುಂದೆ ರಾಜಮೌಳಿ-ಮಹೇಶ್ ಕಾಂಬೊದ ಮೊದಲ ಯೋಜನೆಯಾಗಿ ಎಸ್‌ಎಸ್‌ಎಂಬಿ 29 ತೆರೆಗೆ ಬರಲಿದೆ. ಸುಮಾರು 800 ಕೋಟಿ ರೂಪಾಯಿ ಬಜೆಟ್‌ನೊಂದಿಗೆ ಪ್ಯಾನ್ ವರ್ಲ್ಡ್ ಸಿನಿಮಾವಾಗಿ ಇದನ್ನು ನಿರ್ಮಿಸಲಾಗುತ್ತಿದೆ. ಇದು ಜಂಗಲ್ ಆಕ್ಷನ್ ಅಡ್ವೆಂಚರ್ ಡ್ರಾಮಾ ಎಂದು ರಾಜಮೌಳಿ ಈಗಾಗಲೇ ತಿಳಿಸಿದ್ದಾರೆ. ಹಾಲಿವುಡ್ ಚಿತ್ರ ಇಂಡಿಯಾನಾ ಜೋನ್ಸ್ ಮಾದರಿಯಲ್ಲಿ ಇರುತ್ತದೆ ಎನ್ನಲಾಗಿದೆ.

ಈ ಸಿನಿಮಾದ ಚಿತ್ರಕಥೆಗಾಗಿ ಎರಡು ವರ್ಷಗಳನ್ನು ತೆಗೆದುಕೊಂಡಿದ್ದಾರೆ. ಜನವರಿಯಲ್ಲಿ ಈ ಚಿತ್ರ ಸೆಟ್ಟೇರಲಿದೆ. ಪೂರ್ವ ನಿರ್ಮಾಣ ಕಾರ್ಯಗಳು ನಡೆಯುತ್ತಿದ್ದು, ಈ ಚಿತ್ರಕ್ಕಾಗಿ ಮಹೇಶ್ ಬಾಬು ಹೊಸ ಲುಕ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಎಂದಿಗೂ ಇಲ್ಲದ ರೀತಿ ಕೂದಲು ಮತ್ತು ಗಡ್ಡ ಬೆಳೆಸಿದ್ದಾರೆ. ಎಸ್‌ಎಸ್‌ಎಂಬಿ 28ರಲ್ಲಿ ಮಹೇಶ್ ಹೇಗೆ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಹೆಚ್ಚಾಗಿದೆ.

ರಾಜಮೌಳಿ ಮತ್ತು ಮಹೇಶ್ ಬಾಬು

ಎರಡು ವರ್ಷಗಳಿಗೂ ಹೆಚ್ಚು ಕಾಲ ಎಸ್‌ಎಸ್‌ಎಂಬಿ 29 ಚಿತ್ರೀಕರಣ ನಡೆಯಲಿದೆ. ಭಾರತದಾದ್ಯಂತ ಈ ಈ ಮೂವಿ ಬಗ್ಗೆ ಪ್ರೇಕ್ಷಕರಲ್ಲಿ ಉತ್ಸಾಹ ಮನೆ ಮಾಡಿದೆ. ಎಸ್‌ಎಸ್‌ಎಂಬಿ 29 ಮೂಲಕ ಮಹೇಶ್ ಬಾಬು ಪ್ಯಾನ್ ಇಂಡಿಯಾ ರಂಗಕ್ಕೆ ಇಳಿಯಲಿದ್ದಾರೆ. ಮುಂದೆ ಮಹೇಶ್ ಬಾಬು ಸಂದೀಪ್ ರೆಡ್ಡಿ ವಂಗ ಜೊತೆ ಸಿನಿಮಾ ಮಾಡುವ ಸಾಧ್ಯತೆಯಿದೆ.

ಭಾರತದ ಅತ್ಯಂತ ಸುಂದರ ನಟರಲ್ಲಿ ಸೂಪರ್‌ಸ್ಟಾರ್ ಮಹೇಶ್ ಬಾಬು ಒಬ್ಬರು. ಹಾಲಿವುಡ್ ನಟರನ್ನು ನೆನಪಿಸುವ ಅವರ ಲುಕ್‌ಗೆ ದೇಶಾದ್ಯಂತ ಅಭಿಮಾನಿಗಳಿದ್ದಾರೆ. ಮಿಲ್ಕ್ ಬಾಯ್ ಆಗಿರು ಮಹೇಶ್ ಬಾಬುಗೆ ಸಾಕಷ್ಟು ಮಹಿಳಾ ಅಭಿಮಾನಿಗಳಿದ್ದಾರೆ ಎಂದು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ.