ಪಾಕಿಸ್ತಾನಿ ಬೌಲರ್‌ಗೆ ಬೋಲ್ಡ್‌ ಆದ ಬಾಲಿವುಡ್‌ ನಟಿ? ನೆಟ್ಟಿಗ್ಗರ ಕೆಂಗಣ್ಣಿಗೆ ಗುರಿ

ಬಾಲಿವುಡ್ ನಟಿ ಊರ್ವಶಿ ರೌಟೇಲಾ (Urvashi Rautela) ಇತ್ತೀಚಿನ ದಿನಗಳಲ್ಲಿ ಸುದ್ದಿಯಲ್ಲಿದ್ದಾರೆ. ಆದರೆ  ಅವರ ಬಾಲಿವುಡ್ ವೃತ್ತಿಜೀವನದ ಬಗ್ಗೆ ಅಲ್ಲ. ಅವರ ವೈಯಕ್ತಿಕ ಮತ್ತು ಪ್ರೀತಿಯ ಜೀವನದ ಕಾರಣದಿಂದ ನ್ಯೂಸ್‌ನಲ್ಲಿದ್ದಾರೆ ನಟಿ. ಅವರು ರಿಷಬ್ ಪಂತ್ ಮತ್ತು ಈಗ ಪಾಕಿಸ್ತಾನಿ ಕ್ರಿಕೆಟಿಗ ನಸೀಮ್ ಶಾ ಅವರೊಂದಿಗೆ ಶೀತಲ ಸಮರದ ವೀಡಿಯೊವನ್ನು ಹಂಚಿಕೊಳ್ಳುವ ಮೂಲಕ ಸಾಮಾಜಿಕ ಮಾಧ್ಯಮದಲ್ಲಿ ಟ್ರೆಂಡ್‌ ಆಗಿದ್ದಾರೆ. ಇತ್ತೀಚೆಗೆ, ನಟಿ ಇನ್ಸ್ಟಾ ಸ್ಟೋರಿಯಲ್ಲಿ ನಸೀಮ್ ಶಾ ಅವರೊಂದಿಗೆ ರೊಮ್ಯಾಂಟಿಕ್ ಎಡಿಟ್ ಮಾಡಿದ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಇದಾದ ನಂತರ ಅವರನ್ನು ಸಾಕಷ್ಟು ಟ್ರೋಲ್ ಮಾಡಲಾಗುತ್ತಿದೆ. ಅಷ್ಟಕ್ಕೂ ಈ  ನಸೀಮ್ ಶಾ ಯಾರು.ಹಾಗಾದರೆ ಭಾರತದ ಚೆಲುವೆ ಊರ್ವಶಿ ರೌಟೇಲಾ ಅವರ ಹೃದಯ ಬಂದ ಪಾಕಿಸ್ತಾನಿ ಕ್ರಿಕೆಟಿಗ ಯಾರು ಎಂದು ಹೇಳೋಣ.  

ನಸೀಮ್ ಶಾ ಪಾಕಿಸ್ತಾನಿ ವೇಗದ ಬೌಲರ್. ಅವರು 15 ಫೆಬ್ರವರಿ 2003 ರಂದು ಲೋವರ್ ದಾರ್ ಪಾಕಿಸ್ತಾನದಲ್ಲಿ ಜನಿಸಿದಅವರು 16 ನೇ ವಯಸ್ಸಿನಲ್ಲಿ ಪಾಕಿಸ್ತಾನಕ್ಕಾಗಿ ಕ್ರಿಕೆಟ್ ಆಡಲು ಪ್ರಾರಂಭಿಸಿದರು.

ಅವರು 2019 ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ ತಮ್ಮ ಅಂತರರಾಷ್ಟ್ರೀಯ ಚೊಚ್ಚಲ ಪಂದ್ಯವನ್ನು ಆಡಿದ್ದರು. ಪ್ರಸ್ತುತ ಅವರು ಏಷ್ಯಾ ಕಪ್ 2022 ರಲ್ಲಿ ಪಾಕಿಸ್ತಾನ ತಂಡದ ಭಾಗವಾಗಿದ್ದಾರೆ ಮತ್ತು ಅದ್ಭುತ ಪ್ರದರ್ಶನ ನೀಡುತ್ತಿದ್ದಾರೆ. 

ಬುಧವಾರ, ಅವರು ತಮ್ಮ ತಂಡವನ್ನು ಅದ್ಭುತ ಗೆಲುವಿನತ್ತ ಮುನ್ನಡೆಸಿದರು. ಅಫ್ಘಾನಿಸ್ತಾನದ ವಿರುದ್ಧ ಪಾಕಿಸ್ತಾನ ತಂಡಕ್ಕೆ 1 ಓವರ್‌ನಲ್ಲಿ 11 ರನ್ ಅಗತ್ಯವಿದ್ದಾಗ, ನಸೀಮ್ ಶಾ 2 ಎಸೆತಗಳಲ್ಲಿ 2 ಸಿಕ್ಸರ್ ಬಾರಿಸಿ ಸೋಲಿನ ಪಂದ್ಯವನ್ನು ಗೆದ್ದರು.

ಪಾಕಿಸ್ತಾನದ ವಿಜಯದ ನಂತರ, ಬಾಲಿವುಡ್ ನಟಿ ಮತ್ತು ವಿಶ್ವ ಸುಂದರಿ 2022 ತೀರ್ಪುಗಾರರ ಸದಸ್ಯೆ ಊರ್ವಶಿ ರೌಟೇಲಾ ತಮ್ಮ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಪಾಕಿಸ್ತಾನದ ವೇಗದ ಬೌಲರ್ ನಸೀಮ್ ಶಾ ನಗುತ್ತಿರುವುದನ್ನು ಕಾಣಬಹುದು. 

ಈ ವಿಡಿಯೋದ ಹಿನ್ನೆಲೆಯಲ್ಲಿ ಅತೀಫ್ ಅಸ್ಲಾಂ ಅವರ ರೊಮ್ಯಾಂಟಿಕ್ ಹಾಡು ಪ್ಲೇ ಆಗುತ್ತಿದೆ. ಅದರ ನಂತರ ಊರ್ವಶಿ ಮತ್ತು ನಸೀಮ್ ನಡುವೆ ಏನೋ ನಡೆಯುತ್ತಿದೆ ಎಂದು ಊಹಿಸಲಾಗಿದೆ.

ನಸೀಮ್ ಶಾ ಪಾಕಿಸ್ತಾನದ ಅತ್ಯುತ್ತಮ ಬೌಲರ್ ಮತ್ತು ಅವರು ಗಂಟೆಗೆ ಸುಮಾರು 150 ಕಿಲೋಮೀಟರ್ ವೇಗದಲ್ಲಿ ಬೌಲಿಂಗ್ ಮಾಡುತ್ತಾರೆ. ಅವರು ಇದುವರೆಗೆ 13 ಟೆಸ್ಟ್ ಪಂದ್ಯಗಳಲ್ಲಿ 33 ವಿಕೆಟ್ ಪಡೆದಿದ್ದಾರೆ. ಇದಲ್ಲದೇ ನಸೀಮ್ ಅವರ ಟಿ20ಯಲ್ಲಿ ಅವರು 45 ಪಂದ್ಯಗಳಲ್ಲಿ 44 ವಿಕೆಟ್ ಪಡೆದಿದ್ದಾರೆ. ಅಲ್ಲದೆ, ಪಾಕಿಸ್ತಾನ ತಂಡದ ಪರ ಮೂರು ಏಕದಿನ ಪಂದ್ಯಗಳಲ್ಲಿ 10 ವಿಕೆಟ್ ಪಡೆದಿದ್ದಾರೆ.

ಅತ್ಯುತ್ತಮ ಬೌಲಿಂಗ್‌ನ ಹೊರತಾಗಿ, ನಸೀಮ್ ಅವರ ಲುಕ್‌ಕ್ಕಾಗಿ ತುಂಬಾ ಚರ್ಚೆಯಲ್ಲಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ಅವರು ಸಖತ್‌ ಫ್ಯಾನ್‌ ಫಾಲೋಯಿಂಗ್‌ ಹೊಂದಿದ್ದಾರೆ, ಅವರನ್ನು Instagram ನಲ್ಲಿ 612K ಬಳಕೆದಾರರು ಅನುಸರಿಸುತ್ತಿದ್ದಾರೆ.

ಈಗ ನಸೀಮ್‌ನ ಈ ನಗುವನ್ನು ನೋಡಿ ಊರ್ವಶಿ ರೌಟೇಲಾಳ ಹೃದಯ ಅವರ ಮೇಲೆ ಬಿದ್ದಂತೆ ತೋರುತ್ತದೆ. ಆದರೆ, ಸದ್ಯಕ್ಕೆ ಇಬ್ಬರ ನಡುವಿನ ಸಂಬಂಧದ ಬಗ್ಗೆ ಯಾವುದೇ ದೃಢೀಕರಣವಿಲ್ಲ. ಆದರೆ ಊರ್ವಶಿ ರೌಟೇಲಾ ಅವರು ತಮ್ಮ ವೀಡಿಯೊವನ್ನು ಹಂಚಿಕೊಂಡ ನಂತರ ಈ ವಿಷಯ ಸಖತ್‌ ಸುದ್ದಿಯಾಗಿದೆ.