ಮಹೇಶ್ ಭಟ್ ತಂದೆ ನಾನಭಾಯ್ ಭಟ್‌ದು ಲವ್‌ ಮ್ಯಾರೇಜ್‌. ಅವರ ತಂದೆ ಹಿಂದೂ, ತಾಯಿ ಶಿಯಾ ಮುಸ್ಲಿಂ. ಮಹೇಶ್ ಯಾವಾಗಲೂ ತನ್ನ ತಂದೆಯಿಂದ ದೂರವಿದ್ದರು. ಕಾರಣ ತಾಯಿ ನಾನಭಾಯ್ ಭಟ್‌ರನ್ನು ಎರಡನೆ ಮದುವೆಯಾಗಿದ್ದು. ಸಹೋದರ ಮುಖೇಶ್ ಭಟ್ ಕೂಡ ಚಲನಚಿತ್ರ ನಿರ್ಮಾಪಕರು.
ಮಹೇಶ್ 20 ವರ್ಷದವರಿದ್ದಾಗ ಜಾಹೀರಾತುಗಳಿಗಾಗಿ ಬರೆಯಲು ಪ್ರಾರಂಭಿಸಿದರು. ಆದಾಗ್ಯೂ, ಶಾಲಾ ದಿನಗಳಿಂದ, ಹಣವನ್ನು ಸಂಪಾದಿಸಲು ಹಲವು ಟೆಂಪ್ರವರಿ ಉದ್ಯೋಗಗಳನ್ನು ಮಾಡಲು ಪ್ರಾರಂಭಿಸಿದರು. ಮಹೇಶ್ ಓಶೋ ರಜನೀಶ್ ಅನುಯಾಯಿಗಳಾಗಿರುವುದರಿಂದ ಓಶೋ ಅವರ ವ್ಯಕ್ತಿತ್ವದ ಮೇಲೆ ಹೆಚ್ಚಿನ ಪ್ರಭಾವ ಬೀರಿದೆ ಎಂದು ನಂಬಲಾಗಿದೆ.
ನಿರ್ದೇಶಕ ರಾಜ್ ಖೋಸ್ಲಾ ಜೊತೆಗೆ ಸಹಾಯಕ ನಿರ್ದೇಶಕರಾಗಿ ತಮ್ಮ ಚಲನಚಿತ್ರ ಜೀವನವನ್ನು ಪ್ರಾರಂಭಿಸಿದ ಮಹೇಶ್ ಮೊದಲ ಬಾರಿಗೆ 1970 ರ ಚಲನಚಿತ್ರ ಸಂಕಾತ್ ನಿರ್ದೇಶಿಸಿದರು. ಹಲವಾರು ಆರಂಭಿಕ ಫೈಲ್ಯುರ್‌ಗಳ ನಂತರ, ಮಹೇಶ್ 1979 ರ ಚಲನಚಿತ್ರ 'ಲಾಹು ಕೆ ದೋ ರಂಗ್' ನಲ್ಲಿ ಯಶಸ್ವಿಯಾದರು. ಇದರ ನಂತರ, ತಮ್ಮ ಸ್ವಂತ ಜೀವನದಿಂದ ಪ್ರೇರಿತರಾಗಿ 'ಅರ್ಥ್' ಚಿತ್ರವನ್ನು ನಿರ್ಮಿಸಿದರು.
ಮಹೇಶ್ ಭಟ್‌ರ ಪರ್ಸನಲ್‌ ಲೈಫ್‌ ಸಖತ್‌ ಫೇಮಸ್‌. ಅವರು 1970 ರಲ್ಲಿ ಕಿರಣ್ ಭಟ್ ಅವರನ್ನು ವಿವಾಹವಾಗಿ ಪೂಜಾ ಮತ್ತು ರಾಹುಲ್ ಭಟ್‌ಗೆ ತಂದೆಯಾದರು.
ಪರ್ವೀನ್ ಬಾಬಿ ಜೊತೆಯ ರಿಲೆಷನ್‌ಶಿಪ್‌ ಕಾರಣದಿಂದ ಕಿರಣ್‌ರನ್ನು ತೊರೆದರು. ಮಹೇಶ್ ಮತ್ತು ಪರ್ವೀನ್ ಬಾಬಿ ಅವರ ಸಂಬಂಧ 3 ವರ್ಷಗಳ ಕಾಲ ನಡೆಯಿತು. ಇಬ್ಬರೂ ಲೀವ್‌-ಇನ್ ರಿಲೆಶನ್‌ಶಿಪ್‌ನಲ್ಲಿದ್ದರು, ಆದರೆ ಪರ್ವೀನ್‌ರ ಮಾನಸಿಕ ಅಸ್ವಸ್ಥತೆಯಿಂದಾಗಿ ಮಹೇಶ್ ನಟಿಯನ್ನು ಬಿಟ್ಟರು.
ನಂತರ ಸೋನಿ ರಜ್ದಾನ್ ಜೊತೆ ಮರುಮದುವೆಯಾದರು. ಆಲಿಯಾ ಮಹೇಶ್ ಮತ್ತು ಸೋನಿ ದಂಪತಿಯ ಪುತ್ರಿ.
ವರ್ಷಗಳ ಹಿಂದೆ, ಮಗಳು ಪೂಜಾ ಭಟ್ ಜೊತೆ ನಿಯತಕಾಲಿಕೆಗೆ ಲಿಪ್ಲಾಕ್ ಫೋಟೋ ಶೂಟ್‌ ನೀಡಿದ ಕಾರಣಕ್ಕಾಗಿಸಾಕಷ್ಟು ವಿವಾದಗಳನ್ನು ಎದುರಿಸಿದ್ದರು.
1985 ರಲ್ಲಿ 'ಜನಮ್' ಚಿತ್ರದಲ್ಲಿ ತಮ್ಮ ವೈಯಕ್ತಿಕ ಜೀವನವನ್ನು ತೆರೆಗೆ ತರಲು ಪ್ರಯತ್ನಿಸಿದರು ಹಾಗೂ ಸಿನಿಮಾ ಸಾಕಷ್ಟು ಮೆಚ್ಚುಗೆ ಗಳಿಸಿತು .
ನಂತರ 'ಆಶಿಕಿ' ಮಾಡಿದರು. ಈ ಚಿತ್ರವು ಅವರ ಮತ್ತು ಕಿರಣ್ ನಿಜ ಜೀವನದ ಕಥೆಯನ್ನು ಆಧರಿಸಿದೆ ಎಂದು ಹೇಳಲಾಗಿದೆ. 'ನಾಮ್' ಚಿತ್ರದಲ್ಲಿ ಅವರು ತಮ್ಮ ಜೀವನದ ಕೆಲವು ಪುಟಗಳನ್ನು ಎತ್ತಿ ತೋರಿಸಿದ್ದಾರೆ.
ಮಹೇಶ್ ಭಟ್ 'ಅರ್ಥ್', 'ಸಾರಾಂಶ', 'ಜನಮ್', 'ನಾಮ್', 'ಕಾಶ್', 'ಡ್ಯಾಡಿ', 'ತಮನ್ನಾ' ಮತ್ತು 'ಜಖ್ಮ್' ನಂತಹ ಸೂಕ್ಷ್ಮ ಚಿತ್ರಗಳನ್ನು ನಿರ್ಮಿಸಿದರು.
ಅದೇ ಸಮಯದಲ್ಲಿ, ಅವರು ರಾಜ್, ಜಿಸ್ಮ್, ಸಿನ್, ಮರ್ಡರ್, ರೋಗ್, ಜಹ್ರಾ, ಮರ್ಡರ್ 2, ಜಿಸ್ಮ್ 2 ನಂತಹ ಚಲನಚಿತ್ರಗಳನ್ನು ಮಾಡುವ ಮೂಲಕ ಬೋಲ್ಡ್‌ ಚಿತ್ರಗಳ ನಿರ್ದೇಶಕರಾಗಿ ಛಾಪು ಮೂಡಿಸಿದರು.
ಮಹೇಶ್ ಭಟ್ ತಮ್ಮ ಮೂವರು ಪುತ್ರಿಯರೊಂದಿಗೆ.