ಈ ಸೂಪರ್ ಸ್ಟಾರ್ ಮಗಳು 11 ವರ್ಷದಲ್ಲೇ ಮೊದಲ ಪ್ರಾಜೆಕ್ಟಿಗೆ ಗಳಿಸಿದ್ದು 1 ಕೋಟಿ; ಇಷ್ಟೊಂದು ಹಣ ಏನ್ ಮಾಡಿದ್ಲು?

ಈ ಪುಟಾಣಿಯ ತಂದೆ ಭಾರತದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಒಬ್ಬರು, ತಾಯಿ ಮಾಜಿ ನಟಿ, ಮಿಸ್ ಇಂಡಿಯಾ. ಈಕೆ 11 ವರ್ಷದಲ್ಲಿ ಮಾಡಿದ ಮೊದಲ ಪ್ರಾಜೆಕ್ಟ್‌ಗೆ ಗಳಿಸಿದ್ದು 1 ಕೋಟಿ ರೂ. 

ಈ ಮುದ್ದು ಮಗುವಿನ ನಗು ನೋಡಿದರೆ ಎಲ್ಲೋ ನೋಡಿದಂತಾಗುತ್ತದಲ್ಲ.. ಹೌದು, ಅಪ್ಪನ ಅಚ್ಚಿನಂತಿರುವ ಈಕೆ ತೆಲುಗು ಸೂಪರ್ ಸ್ಟಾರ್  ಮಹೇಶ್ ಬಾಬು ಮಗಳು. 

ದೇಶದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಒಬ್ಬರಾದ ಮಹೇಶ್ ಬಾಬು ಮತ್ತು ಮಾಜಿ ಮಿಸ್ ಇಂಡಿಯಾ ನಮ್ರತಾ ಶಿರೋಡ್ಕರ್ ಜೋಡಿಯ ಪ್ರತಿಭಾನ್ವಿತ ಮಗಳು ಈ ಸಿತಾರ ಘಟ್ಟಮನೇನಿ. 

ಪ್ರಸ್ತುತ 12 ವರ್ಷದ ಸಿತಾರಾ ಕೇವಲ 11 ವರ್ಷವಿದ್ದಾಗ ಒಂದು ಜನಪ್ರಿಯ ಆಭರಣ ಬ್ರ್ಯಾಂಡ್‌ಗೆ ಅದರ ಬ್ರಾಂಡ್ ಅಂಬಾಸಿಡರ್ ಆಗಿ ಮಾಡೆಲ್ ಆಗಿ ಕಾಣಿಸಿಕೊಂಡು ಪಡೆದಿದ್ದು 1 ಕೋಟಿ ರೂ. ಸಂಭಾವನೆ!

ಆಕೆಯ ಚೊಚ್ಚಲ ಫೋಟೋಶೂಟ್ ಅನ್ನು ನ್ಯೂಯಾರ್ಕ್‌ನ ಐಕಾನಿಕ್ ಟೈಮ್ಸ್ ಸ್ಕ್ವೇರ್‌ನಲ್ಲಿ ಬಿಲ್‌ಬೋರ್ಡ್‌ನಂತೆ ಪ್ರಾರಂಭಿಸಲಾಯಿತು.

ಸಿತಾರಾ ಈ ಪೂರ್ತಿ 1 ಕೋಟಿ ರೂಪಾಯಿಯನ್ನು ಉತ್ತಮ ಕೆಲಸಕ್ಕಾಗಿ ಚಾರಿಟಿಗೆ ದಾನ ಮಾಡುವ ಮೂಲಕ ಎಲ್ಲರ ಮೆಚ್ಚುಗೆಗೆ ಪಾತ್ರವಾದಳು. 

ತಂದೆಯ ಸರ್ಕಾರಿ ವಾರಿ ಪಾಟ ಚಿತ್ರದ ಪೆನ್ನಿ ಹಾಡಿನ ಮ್ಯೂಸಿಕ್ ವಿಡಿಯೋದಲ್ಲಿ ಸಿತಾರಾ ತನ್ನ ತಂದೆಯೊಂದಿಗೆ ನಟಿಸಿದ್ದಾಳೆ. ಅವಳು ಫ್ರೋಜನ್ 2 ನ ತೆಲುಗು ಡಬ್‌ನಲ್ಲಿ ಬೇಬಿ ಎಲ್ಸಾಗೆ ಧ್ವನಿ ನೀಡಿದ್ದಾಳೆ.

ತನ್ನ ತಾಯಿ ನಮ್ರತಾ ಶಿರೋಡ್ಕರ್ ಜೊತೆ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದಾಗ, ಸಿತಾರಾ ತನ್ನ ಪ್ರಸಿದ್ಧ ಪೋಷಕರಂತೆ ನಟಿಸುವ ಆಕಾಂಕ್ಷೆಯನ್ನು ಬಹಿರಂಗಪಡಿಸಿದ್ದಾಳೆ.

ಸ್ಟಾರ್ ಕಿಡ್ ತನ್ನ ಸ್ವಂತ ಇನ್‌ಸ್ಟಾಗ್ರಾಮ್ ಖಾತೆಯನ್ನು ಹೊಂದಿದ್ದು ಸುಮಾರು 2 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾಳೆ. 

ಬಹುಮುಖಿ ಪ್ರತಿಭೆಯಾಗಿರುವ ಸಿತಾರಾ, ನಟನೆ ಹೊರತಾಗಿ ಕೂಚಿಪುಡಿ ಮತ್ತು ಬೆಲ್ಲಿ ಡ್ಯಾನ್ಸ್ ಮಾಡುತ್ತಾಳೆ. ಅಲ್ಲದೆ, ಪುಸ್ತಕ ಓದುವುದು, ಪೇಂಟಿಂಗ್, ಸ್ವಿಮ್ಮಿಂಗ್, ಗಿಟಾರ್ ನುಡಿಸುವ ಅಭ್ಯಾಸ ಇಟ್ಟುಕೊಂಡಿದ್ದಾಳೆ.