Vikram Vedha 'ವಿಕ್ರಂ ವೇದ' ಫಸ್ಟ್‌ ಲುಕ್‌ ಬಿಡುಗಡೆ: ಪತಿ ಸೈಫ್‌ ಸೂಪರ್‌ ಹಾಟ್‌ ಎಂದ ಕರೀನಾ!

'ವಿಕ್ರಮ್ ವೇದ' (vikram vedha) ಸಿನಿಮಾದ ಫಸ್ಟ್‌ ಲುಕ್‌ ನೋಡಿದ ನಂತರ ಸಿನಿಮಾದ ಬಗ್ಗೆ ವೀಕ್ಷಕರಲ್ಲಿ ಕಾತುರ  ಹೆಚ್ಚಾಗಿದೆ. ಇಂದು ಮುಂಜಾನೆ, ವಿಕ್ರಮ್ ವೇದಾ ಚಿತ್ರದ ವಿಕ್ರಮ್ ಪಾತ್ರದಲ್ಲಿ ಸೈಫ್ ಅಲಿ ಖಾನ್ (Saif Ali Khan) ಅವರ ಫಸ್ಟ್ ಲುಕ್  ಬಿಡುಗಡೆಯಾಗಿದೆ. ಅಭಿಮಾನಿಗಳು ಚೋಟಾ ನವಾಬನನ್ನು ಹೊಗಳಿದ್ದಾರೆ. ಚಿತ್ರದಲ್ಲಿನ ಸೈಫ್ ಲುಕ್ ನೋಡಿ ಪತ್ನಿ ಕರೀನಾ ಕಪೂರ್ ಖಾನ್ (Kareena Kapoor) ಫುಲ್‌ ಫಿದಾ ಆಗಿದ್ದಾರೆ. ಪತಿ ಸೈಫ್ ಅಲಿ ಖಾನ್‌ ಬಗ್ಗೆ ಕರೀನಾರ  ಮೆಚ್ಚುಗೆಯ  ಪೋಸ್ಟ್ ಇಂಟರ್ನೆಟ್‌ನಲ್ಲಿ ಸಖತ್‌ ವೈರಲ್‌ ಆಗಿದೆ. 

ಕರೀನಾ ತಮ್ಮ ಇನ್‌ಸ್ಟಾ ಸ್ಟೋರಿ ಸೈಫ್‌ನ ಮೊದಲ ನೋಟವನ್ನು ಹಂಚಿಕೊಂಡಿದ್ದಾರೆ. ಪೊಲೀಸ್ ಅಧಿಕಾರಿ ವಿಕ್ರಮ್ ಅವರ ಲುಕ್‌ನಲ್ಲಿ ಸೈಫ್ ತುಂಬಾ ಹಾಟ್ ಆಗಿ ಕಾಣುತ್ತಿದ್ದಾರೆ ಎಂದು ಹೇಳಿದ್ದಾರೆ. ತನ್ನ ಪತಿಯನ್ನು ಹೊಗಳಿದ ಕರೀನಾ ಕಪೂರ್ ಕೂಡ ತನ್ನ ಪತಿ ಹಾಟೆಸ್ಟ್ ಎಂದು ಹೇಳಿದ್ದಾರೆ. 

'Husband hotter than ever. Can't wait for this one. #VikramVedha  ಸೆಪ್ಟೆಂಬರ್ 30, 2022 ರಂದು ವಿಶ್ವದಾದ್ಯಂತ ಸಿನಿಮಾ ಹಾಲ್‌ಗಳಲ್ಲಿ ಬಿಡುಗಡೆಯಾಗುತ್ತಿದೆ' ಎಂದು ಕರೀನಾ ಫೋಟೋ ಜೊತೆ ಬರೆದಿದ್ದಾರೆ.

ವೇಧಾ ಪಾತ್ರದಲ್ಲಿ ನಟಿಸುತ್ತಿರುವ ಹೃತಿಕ್ ರೋಷನ್ ಫಸ್ಟ್ ಲುಕ್ ಅನ್ನು ಅನಾವರಣಗೊಳಿಸಿದ್ದಾರೆ. ಸೈಫ್ ಅಲಿ ಖಾನ್ ಅವರ ಚಿತ್ರದ ಮೊದಲ ನೋಟವನ್ನು ಹಂಚಿಕೊಂಡ ಹೃತಿಕ್ ಅವರನ್ನು 'ಅತ್ಯುತ್ತಮ ನಟರಲ್ಲಿ ಒಬ್ಬರು' ಎಂದು ಕರೆದರು ಮತ್ತು ಹೀಗೆ ಬರೆದಿದ್ದಾರೆ.

ಸೈಫ್ ಅಲಿ ಖಾನ್ ಅವರ ಸಹೋದರಿ ಸಬಾ ಅಲಿ ಖಾನ್ ಪಟೌಡಿ ಕೂಡ ತಮ್ಮ ಸಹೋದರನನ್ನು ಹೊಗಳಿದ್ದಾರೆ ಮತ್ತು 'Charismatic! ವಿಜೇತರಾಗುವಂತೆ ತೋರುತ್ತಿದೆ...ಇನ್ಶಾಲ್ಲಾಹ್" ಎಂದು ಕಾಮೆಂಟ್ ಮಾಡಿದ್ದಾರೆ.

ವಿಕ್ರಮ್-ಬೇತಾಳದ ಪುರಾತನ ಕಥೆಯನ್ನು ಆಧರಿಸಿ 'ವಿಕ್ರಮ್ ವೇದ' ತಯಾರಾಗುತ್ತಿದೆ. ಈ ಚಿತ್ರವು ಬೇತಾಳ ಪಂಚಬಿಂಸತಿ ಎಂಬ ಜಾನಪದ ಕಥೆಯಿಂದ ಪ್ರೇರಿತವಾಗಿದೆ. ಚಿತ್ರದಲ್ಲಿ, ಇನ್ಸ್‌ಪೆಕ್ಟರ್ ವಿಕ್ರಮ್ (ಸೈಫ್ ಅಲಿ ಖಾನ್) ಜೀವನದಲ್ಲಿ ದರೋಡೆಕೋರ ವೇದಾನನ್ನು ಕೊಲ್ಲುವುದು ಏಕೈಕ ಗುರಿಯಾಗಿದೆ.

ಚಿತ್ರದಲ್ಲಿ ಸೈಫ್ ಅಲಿ ಖಾನ್ ಪೊಲೀಸ್ ಇನ್ಸ್‌ಪೆಕ್ಟರ್ ವಿಕ್ರಮ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಹೃತಿಕ್ ರೋಷನ್ ಗ್ಯಾಂಗ್ ಸ್ಟರ್ ವೇದಾ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.ಇದು ತಮಿಳಿನ ಸೂಪರ್‌ಹಿಟ್ ಚಿತ್ರ 'ವಿಕ್ರಂ ವೇದ'ದ ಹಿಂದಿ ರಿಮೇಕ್ ಆಗಿದೆ. ಮಾಧವನ್ ಮತ್ತು ವಿಜಯ್ ಶೇತುಪತಿ ತಮಿಳು ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. 

ತಮಿಳಿನ  'ವಿಕ್ರಂ ವೇದ'ದ  ಮೂಲ ಲೇಖಕರು ಮತ್ತು ನಿರ್ದೇಶಕರಾದ ಪುಷ್ಕರ್ ಮತ್ತು ಗಾಯತ್ರಿ ಹಿಂದಿ ರೀಮೇಕ್‌ಗೂ ನಿರ್ದೇಶಕರಾಗಿ ಕೆಲಸ ಮಾಡಲಿದ್ದಾರೆ. ರಾಧಿಕಾ ಆಪ್ಟೆ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. 

ಹೃತಿಕ್ ಮತ್ತು ಸೈಫ್ 20 ವರ್ಷಗಳ ನಂತರ ಚಿತ್ರದಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ, ಅವರ ಕೊನೆಯ ಬಾರಿ  ಒಟ್ಟಿಗೆ ಕಾಣಿಸಿಕೊಂಡ ಸಿನಿಮಾ  'ನಾ ತುಮ್ ಜಾನೋ ನಾ ಹಮ್' (2002). ಎಲ್ಲವೂ ಅಂದುಕೊಂಡಂತೆ ನಡೆದರೆ
ಇದೇ ಸೆಪ್ಟೆಂಬರ್ 30ರಂದು ಚಿತ್ರ ತೆರೆಕಾಣಲಿದೆ.