ಎಂಟನೇ ವಯಸ್ಸಲ್ಲಿ ಡ್ರಗ್ ಅಡಿಕ್ಟ್ ಆಗಿ ಜೈಲಿಗೆ ಹೋಗಿದ್ದ ನಟ, ಈಗ ಅತಿ ಹೆಚ್ಚು ಸಂಭಾವನೆ ಪಡೆಯೋ ಸೂಪರ್‌ ಸ್ಟಾರ್!

6ನೇ ವಯಸ್ಸಿನಲ್ಲೇ ಡ್ರಗ್ಸ್ ಸೇವಿಸಲು ಆರಂಭ ಮಾಡಿ 8ನೇ ವಯಸ್ಸಿನಲ್ಲಿ ಮಾದಕ ವ್ಯಸನಿಯಾಗಿದ್ದ ನಟನಾತ.  20ನೇ ವಯಸ್ಸಿನಲ್ಲಿ ಕೊಕೇನ್‌, ಹೆರಾಯಿನ್‌ ಎಲ್ಲವನ್ನೂ ಬಳಸಿ ಜೈಲಿಗೆ ಹೋಗಿದ್ದ. ಈಗ ಕೋಟ್ಯಾಂತರ ಮಂದಿಯ ಫೇವರಿಟ್ ಆಕ್ಟರ್‌. ಅತಿ ಹೆಚ್ಚು ಸಂಭಾವನೆ ಪಡೆಯುವ ಸೂಪರ್‌ಸ್ಟಾರ್‌.

ಬಾಲನಟರು ಸಾಮಾನ್ಯವಾಗಿ ವೈಯುಕ್ತಿಕವಾಗಿ ಸಂಕಷ್ಟದ ಜೀವನವನ್ನು ಅನುಭವಿಸುತ್ತಾರೆ. ಚಿಕ್ಕವಯಸ್ಸಿನಲ್ಲೇ ಹೆಚ್ಚು ಫೇಮ್‌, ಖ್ಯಾತಿಯನ್ನು ನಿಭಾಯಿಸಲು ಸಾಧ್ಯವಾಗದಿರುವುದು ಅವರ ವೈಯಕ್ತಿಕ ಜೀವನದಲ್ಲಿ ಭಾರಿ ಏರುಪೇರುಗಳನ್ನು ಉಂಟುಮಾಡುತ್ತದೆ. ಬಲವಾದ ಬೆಂಬಲ ವ್ಯವಸ್ಥೆಯನ್ನು ಹೊಂದಿರುವವರು ಬದುಕುಳಿಯುತ್ತಾರೆ

ಆದರೆ ಬಾಲಿವುಡ್‌ನ ಈ ಖ್ಯಾತ ನಟನ ಜೀವನ ಪೋಷಕರಿಂದಲೇ ಹಾಳಾಯಿತು. 6ನೇ ವಯಸ್ಸಿನಲ್ಲೇ ತಂದೆ ಡ್ರಗ್ಸ್‌ ಪರಿಚಯಿಸಿದರು. ಇದು ನಟ ತನ್ನ ಎಂಟನೇ ವಯಸ್ಸಿನಲ್ಲಿ ಡ್ರಗ್ಸ್ ಅಡಿಕ್ಟ್ ಆಗಲು ಕಾರಣವಾಯಿತು. ಆ ನಟ ಮತ್ಯಾರೂ ಅಲ್ಲ, ಐರನ್ ಮ್ಯಾನ್ ಖ್ಯಾತಿಯ ಜ್ಯೂನಿಯರ್‌ ರಾಬರ್ಟ್ ಡೌನಿ.

ನಿರ್ಮಾಪಕ ರಾಬರ್ಟ್ ಡೌನಿಯ ಮಗ, ಜ್ಯೂನಿಯರ್‌ ರಾಬರ್ಟ್ ಡೌನಿ ಐದನೇ ವಯಸ್ಸಿನಲ್ಲಿ ಬಾಲ ಕಲಾವಿದರಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. 2004ರಲ್ಲಿ ಡೌನಿ, ಡ್ರಗ್‌ ಅಡಿಕ್ಟ್ ಆಗಿರುವುದನ್ನು ಬಹಿರಂಗಪಡಿಸಿದರು. 20ರ ವಯಸ್ಸಿನಲ್ಲಿ, ಡೌನಿ ಕೊಕೇನ್‌ನಿಂದ ಹೆರಾಯಿನ್‌ವರೆಗೆ ಎಲ್ಲವನ್ನೂ ಬಳಸುತ್ತಿದ್ದನು. 

1996-2001 ರವರೆಗೆ, ಅವರನ್ನು ಹಲವು ಸಂಬಂಧಿಸಿದ ಪ್ರಕರಣಗಳಲ್ಲಿ ಬಂಧಿಸಿ ಹಲವಾರು ಬಾರಿ ಜೈಲಿಗೆ ಕಳುಹಿಸಲಾಯಿತು. 'ನನ್ನ ಬಾಯಿಯಲ್ಲಿ ಶಾಟ್‌ಗನ್ ಇದೆ, ಮತ್ತು ನನ್ನ ಬೆರಳನ್ನು ಟ್ರಿಗ್ಗರ್‌ನಲ್ಲಿ ಪಡೆದುಕೊಂಡಿದ್ದೇನೆ ಮತ್ತು ಗನ್ ಲೋಹದ ರುಚಿಯನ್ನು ನಾನು ಇಷ್ಟಪಡುತ್ತೇನೆ' ಎಂದು ನಟ 1999ರಲ್ಲಿ ನ್ಯಾಯಾಧೀಶರಿಗೆ ಹೇಳಿದರು.

2003ರಲ್ಲಿ ರಾಬರ್ಟ್ ಡೌನಿ, ವ್ಯಸನಕಾರಿ ಅಭ್ಯಾಸಗಳನ್ನು ತ್ಯಜಿಸಿದರು. ಚಿಕಿತ್ಸೆ ಮತ್ತು ಧ್ಯಾನಕ್ಕೆ ಅವರನ್ನು ಪರಿಚಯಿಸಲು ಅವರ ಪತ್ನಿ ಸುಸಾನ್ ಲೆವಿನ್ ನೆರವಾದರು. 2007ರಲ್ಲಿ ರಾಬರ್ಟ್‌, ಮಾರ್ವೆಲ್ ಸಿನೆಮ್ಯಾಟಿಕ್ ಯೂನಿವರ್ಸ್‌ನಲ್ಲಿ ಟೋನಿ ಸ್ಟಾರ್ ಅಕಾ ಐರನ್ ಮ್ಯಾನ್ ಆಗಿ ನಟಿಸಿದರು, ಈ ಪಾತ್ರವು ಅವರ ವೃತ್ತಿಜೀವನವನ್ನು ಪರಿವರ್ತಿಸಿತು. 

43ನೇ ವಯಸ್ಸಿನಲ್ಲಿ, ಅವರು ಸ್ಟಾರ್ ಆಗಿ ಮರುಜನ್ಮ ಪಡೆದರು. ಶೀಘ್ರದಲ್ಲೇ ಹಾಲಿವುಡ್‌ನ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟ ಎಂದು ಗುರುತಿಸಿಕೊಂಡರು. ಫೋರ್ಬ್ಸ್ ಪ್ರಕಾರ, ಅವರು 2012-13ರಲ್ಲಿ 75 ಮಿಲಿಯನ್ ಡಾಲರ್ (450 ಕೋಟಿ ರೂ.) ಗಳಿಸಿದ್ದಾರೆ.

2019ರಲ್ಲಿ, ಅರ್ಧ ಡಜನ್ ಚಿತ್ರಗಳ ನಂತರ, ರಾಬರ್ಟ್ ಡೌನಿ ಜೂನಿಯರ್ ಮಾರ್ವೆಲ್ ಸಿನೆಮ್ಯಾಟಿಕ್ ಯೂನಿವರ್ಸ್‌ಗೆ ವಿದಾಯ ಹೇಳಿದರು. ಅವೆಂಜರ್ಸ್ ಎಂಡ್‌ಗೇಮ್‌ನಲ್ಲಿ ಅಂತಿಮ ಬಾರಿಗೆ ಐರನ್ ಮ್ಯಾನ್ ಪಾತ್ರವನ್ನು ನಿರ್ವಹಿಸಿದರು.

2023ರಲ್ಲಿ, ಕ್ರಿಸ್ಟೋಫರ್ ನೋಲನ್ ಅವರ ಬಯೋಪಿಕ್ ಓಪನ್‌ಹೈಮರ್‌ನಲ್ಲಿ ಪೋಷಕ ಪಾತ್ರದಲ್ಲಿ ಕಾಣಿಸಿಕೊಂಡರು. ಅಭಿನಯಕ್ಕಾಗಿ, ಅತ್ಯುತ್ತಮ ಪೋಷಕ ನಟನಿಗಾಗಿ ಆಸ್ಕರ್ ನಾಮನಿರ್ದೇಶನವನ್ನು ಪಡೆದಿದ್ದಾರೆ.