Birthday Special: ಡ್ರಗ್ಸ್‌ ಕೇಸಲ್ಲಿ ಸಿಕ್ಕಾಕೊಂಡಿದ್ದರು ಸೌತ್ ಸೂಪರ್ ಸ್ಟಾರ್ ರವಿತೇಜ

ಸೌತ್ ಚಿತ್ರರಂಗದ ಸೂಪರ್ ಸ್ಟಾರ್ ರವಿತೇಜ (Ravi Teja)ಅವರಿಗೆ 54 ವರ್ಷ ತುಂಬಿದೆ. ಅವರು ಜನವರಿ 26, 1968 ರಂದು ಜಗ್ಗಂಪೇಟೆಯಲ್ಲಿ ಜನಿಸಿದರು. ದಕ್ಷಿಣದ ಹಲವು ಬ್ಲಾಕ್‌ಬಸ್ಟರ್ ಚಿತ್ರಗಳಲ್ಲಿ ಕೆಲಸ ಮಾಡಿರುವ ರವಿತೇಜ ಅವರ ಜೀವನವು ವಿವಾದಗಳಿಂದ ತುಂಬಿದೆ. ಅವರ ಪೂರ್ಣ ಹೆಸರು ರವಿಶಂಕರ್ ರಾಜು ಭೂಪತಿರಾಜು. ರವಿ ತೆಲುಗು ಚಿತ್ರರಂಗದ ಸೂಪರ್ ಸ್ಟಾರ್. ಅವರು 1990 ರಲ್ಲಿ ದುತೀಸಂ ಚಿತ್ರದ ಮೂಲಕ ಪಾದಾರ್ಪಣೆ ಮಾಡಿದರು. ಆರಂಭಿಕ ಹಂತದಲ್ಲಿ, ಅವರು ಚಿತ್ರದಲ್ಲಿ ಪೋಷಕ ಕಲಾವಿದನ ಪಾತ್ರವನ್ನು ನಿರ್ವಹಿಸಿದರು. ಇದರ ನಂತರ, ಅವರು 1999 ರ ಚಲನಚಿತ್ರ ನೀ ಕೊಸಂನಲ್ಲಿ ನಾಯಕ ನಟರಾಗಿ ಪಾದಾರ್ಪಣೆ ಮಾಡಿದರು. ಆ ನಂತರ ಅವರು ಹಿಂತಿರುಗಿ ನೋಡಲೇ ಇಲ್ಲ. ಇಂದು ಅವರನ್ನು ಸೌತ್ ಫಿಲ್ಮ್ ಇಂಡಸ್ಟ್ರಿಯಲ್ಲಿ ಮಾಸ್‌ ಕಿಂಗ್‌ ಎಂದೇ ಕರೆಯಲಾಗುತ್ತದೆ. ರವಿತೇಜಾ ಅವರ ಜೀವನಕ್ಕೆ ಸಂಬಂಧಿಸಿದ ಕೆಲವು ಕೇಳಿರದ ವಿಷಯಗಳನ್ನು ಕೆಳಗೆ ಓದಿ

ರವಿತೇಜ 1996ರಲ್ಲಿ ಕೃಷ್ಣ ವಂಶಿ ಅವರನ್ನು ಭೇಟಿಯಾದರು. ಅವರು ತಮ್ಮ ನೆನೆ ಪಲ್ಲಡುತಾ ಸಿನಿಮಾದಲ್ಲಿ ರವಿಯನ್ನು ಸಹಾಯಕ ನಿರ್ದೇಶಕರಾಗಿ ನೇಮಿಸಿಕೊಂಡರು. ಸಣ್ಣ ಪಾತ್ರವನ್ನೂ ನೀಡಿದರು. ಬೇರೆ ಬೇರೆ ಚಿತ್ರಗಳಲ್ಲಿ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ ನಂತರ ಅವರಿಗೆ ಪ್ರಮುಖ ಪಾತ್ರ ಸಿಕ್ಕಿತು.

ರವಿತೇಜ ಅಭಿನಯದ ಚಿತ್ರಗಳಿಗೆ ದಕ್ಷಿಣದಲ್ಲಿ ಅದ್ಭುತ ಪ್ರತಿಕ್ರಿಯೆ ಸಿಗುತ್ತದೆ. ಅವರ ಸಿನಿಮಾಗಳು ಆಕ್ಷನ್ ಮತ್ತು ಫೈಟ್‌ಗಳಿಂದ ತುಂಬಿರುತ್ತವೆ. ಅಷ್ಟೇ ಅಲ್ಲ ಉತ್ತರದಲ್ಲೂ ಅವರ ಅಭಿಮಾನಿಗಳ ಕೊರತೆ ಇಲ್ಲ. ಒಂದು ಚಿತ್ರಕ್ಕೆ ಸುಮಾರು 15 ಕೋಟಿ ರು ಸಂಭಾವನೆ ಪಡೆಯುತ್ತಾರೆ ಇವರು.

2012 ರಲ್ಲಿ, ಫೋರ್ಬ್ಸ್‌ನ 100 ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ರವಿತೇಜಾ ಅವರನ್ನು ಸೇರಿಸಲಾಯಿತು, ಈ ಪಟ್ಟಿಯಲ್ಲಿ ಅವರು 50 ನೇ ಸ್ಥಾನದಲ್ಲಿದ್ದರು. ಅವರ ನಿವ್ವಳ ಮೌಲ್ಯ 113 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ.

2017 ರಲ್ಲಿ, ಹೈದರಾಬಾದ್‌ನಲ್ಲಿ ಒಂದು ತಿಂಗಳೊಳಗೆ ಹಾರ್ಡ್ ಡ್ರಗ್ಸ್ ಪತ್ತೆಯಾದ ಬಗ್ಗೆ ಅಬಕಾರಿ ಮತ್ತು ನಿಷೇಧ ಇಲಾಖೆಯ ಎಸ್‌ಐಟಿ ತೆಲುಗು ಚಲನಚಿತ್ರೋದ್ಯಮಕ್ಕೆ ಸಂಬಂಧಿಸಿದ 12 ಜನರಿಗೆ ಸಮನ್ಸ್ ನೀಡಿತ್ತು. ಇದರಲ್ಲಿ ರವಿತೇಜ ಅವರ ಹೆಸರೂ ಸೇರಿತ್ತು.

ರವಿತೇಜ ಅವರನ್ನು ತೆಲುಗು ಚಿತ್ರರಂಗದ ಅಕ್ಷಯ್ ಕುಮಾರ್ ಎಂದು ಕರೆಯುತ್ತಾರೆ. ಇದಕ್ಕೆ ಕಾರಣ ಅವರ ಸ್ಟೈಲ್‌. ವಾಸ್ತವವಾಗಿ, ಅಕ್ಷಯ್ ಅವರ ನಟನೆ ಮತ್ತು ಸ್ಟೈಲ್‌  ರವಿಯಲ್ಲಿ ಸ್ಪಷ್ಟವಾಗಿ ಗೋಚರಿಸುತ್ತದೆ. ರವಿ ಅಭಿಮಾನಿಗಳು ಅವರ ಸಿನಿಮಾಗಳನ್ನು ನೋಡುವ ತುಂಬಾ ಕ್ರೇಜ್‌ ಹೊಂದಿದ್ದಾರೆ.

ರವಿತೇಜ 26 ಮೇ 2002 ರಂದು ಕಲ್ಯಾಣಿ ಅವರನ್ನು ವಿವಾಹವಾದರು. ಅವರಿಗೆ ಇಬ್ಬರು ಮಕ್ಕಳು. ಮಗಳು ಮೋಕ್ಷದಾ ಮತ್ತು ಮಗ ಮಹಾಧನ್ ಭೂಪತಿರಾಜ್. ಅದೇ ಸಮಯದಲ್ಲಿ, ಅವರ ಹಿರಿಯ ಸಹೋದರ 2017 ರಲ್ಲಿ ನಿಧನರಾದರು. ಈ ಘಟನೆಯ ನಂತರ ರವಿ ಮಾನಸಿಕವಾಗಿ ತುಂಬಾ ಕುಸಿದಿದ್ದರು. ಆದರೆ, ಈ ವೇಳೆ ಕುಟುಂಬಸ್ಥರು ಅವರಿಗೆ ಸಂಪೂರ್ಣ ಬೆಂಬಲ ನೀಡಿದರು.