ಗೆಹ್ರೆಯಾನ್ ಪ್ರಮೋಷನ್‌ಗಾಗಿ ದೀಪಿಕಾ ಸಖತ್ ಸ್ಟೈಲಿಷ್ ಲುಕ್‌ಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ಬ್ಲಾಕ್ & ವೈಟ್ ಬ್ಲೇಝರ್ ಡ್ರೆಸ್‌ನಲ್ಲಿ ಮಿಂಚಿದ್ದು ಫೋಟೋ ಪೋಸ್ಟ್ ಆದ ಕೆಲವೇ ಕ್ಷಣಗಳಲ್ಲಿ ದೀಪಿಕಾ ಲುಕ್ ವೈರಲ್ ಆಗಿದೆ.
ಗೆಹ್ರೆಯಾನ್ ಸಿನಿಮಾ ಪ್ರಚಾರಕ್ಕಾಗಿ ನಟಿ ದೀಪಿಕಾ ಪಡುಕೋಣೆ ಅವರ ಫ್ಯಾಷನ್ ಆಯ್ಕೆಗಳು ಸಖತ್ ಸೌಂಡ್ ಮಾಡುತ್ತಿವೆ. ಬಾಡಿಕಾನ್ ಡ್ರೆಸ್‌ನಲ್ಲಿ ಅಲ್ಟ್ರಾ-ಗ್ಲಾಮರಸ್ ಲುಕ್‌ಗಳೊಂದಿಗೆ ಅಭಿಮಾನಿಗಳಿಗೆ ಸ್ಟೈಲ್ ಗೋಲ್ಸ್ ಕೊಟ್ಟ ನಂತರ, ನಟಿ ಮತ್ತೊಂದು ಹೊಸ ನೋಟದೊಂದಿಗೆ ಮರಳಿದ್ದಾರೆ. ದೀಪಿಕಾ ಧರಿಸಿದ ಈ ಉಡುಗೆ ಅವರನ್ನು ಫ್ಯಾಷನ್ ರಾಣಿ ಎನ್ನುವುದನ್ನು ಪ್ರೂವ್ ಮಾಡುತ್ತದೆ.
ತನ್ನ ಸಹ-ನಟರಾದ ಅನನ್ಯ ಪಾಂಡೆ ಮತ್ತು ಸಿದ್ಧಾಂತ್ ಚತುರ್ವೇದಿ ಅವರೊಂದಿಗೆ ಚಿತ್ರದ ಪ್ರಚಾರಕ್ಕಾಗಿ ದೀಪಿಕಾ ಚಿಕ್ ಮಿನಿ ಬ್ಲೇಜರ್ ಡ್ರೆಸ್ ಅನ್ನು ಆಯ್ಕೆ ಮಾಡಿಕೊಂಡರು. ಸೆಲೆಬ್ರಿಟಿ ಸ್ಟೈಲಿಸ್ಟ್ ಶಲೀನಾ ನಥಾನಿ ಅವರು ಗೆಹ್ರೆಯಾನ್ ಪ್ರಚಾರಗಳಿಗಾಗಿ ದೀಪಿಕಾ ಅವರ ಮಿನಿ ಬ್ಲೇಜರ್ ಲುಕ್‌ನ ಫೋಟೋಸ್ ಹಂಚಿಕೊಂಡಿದ್ದಾರೆ.
ತಮ್ಮ Instagram ಪೇಜ್‌ನಲ್ಲಿ ದೀಪಿಕಾ ಫೋಟೋ ಶೇರ್ ಮಾಡಿದ್ದು ಫೋಟೋಗಳು ತಕ್ಷಣವೇ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದವು. ಅಭಿಮಾನಿಗಳು ನಟಿಯ ಸ್ಟೈಲಿಂಗ್ ಆಯ್ಕೆಗಳನ್ನು ಇಷ್ಟಪಡುತ್ತಾರೆ. ಕಳೆದ ಬಾರಿಯಂತೆ, ಲಂಡನ್ ಮೂಲದ ಜಾರ್ಜಿಯನ್ ಫ್ಯಾಷನ್ ಡಿಸೈನರ್ ಡೇವಿಡ್ ಕೋಮಾ ವಿನ್ಯಾಸಗೊಳಿಸಿದ ಡ್ರೆಸ್ ದೀಪಿಕಾ ಧರಿಸಿದ್ದರು.
ದೀಪಿಕಾ ಈ ಬಾರಿ ಜಾಕ್ವಾರ್ಡ್ ಬ್ಲೇಜರ್ ಡ್ರೆಸ್ ಅನ್ನು ದೊಡ್ಡ ಗಾತ್ರದ ಸಿಲೂಯೆಟ್‌ ಜೊತೆ ಧರಿಸಿದ್ದಾರೆ. ಇದು ಜ್ಯಾಮೆಟ್ರಿ ಬ್ಲಾಕ್ & ವೈಟ್ ಪ್ರಿಂಟ್, ಮಿನಿ ಲೆಂಗ್ತ್ ಹೊಂದಿದೆ. ನಟಿ ಮಿನಿ ಬ್ಲೇಜರ್ ಅಡಿಯಲ್ಲಿ ಕಪ್ಪು ಲೇಸಿ ಟಾಪ್ ಅನ್ನು ಧರಿಸಿದ್ದರು.
ದೀಪಿಕಾ ಅವರ ಉಡುಗೆ 60 ರ ದಶಕದಿಂದ ಸ್ಫೂರ್ತಿ ಪಡೆದಿದೆ. ನಿಮ್ಮ ವಾರ್ಡ್‌ರೋಬ್‌ಗೆ ರೆಟ್ರೊ ವೈಬ್‌ಗಳನ್ನು ಸೇರಿಸಲು ನೀವು ಬಯಸಿದರೆ ಇದು ಬೆಸ್ಟ್ ಆಯ್ಕೆ. ಇದು ಪ್ರಸ್ತುತ ಡೇವಿಡ್ ಕೋಮಾ ವೆಬ್‌ಸೈಟ್‌ನಲ್ಲಿ ಲಭ್ಯವಿದೆ. ಬ್ಲೇಜರ್ ಡ್ರೆಸ್ ಅನ್ನು ಜ್ಯಾಮಿಟ್ರಿಕ್ ಜಾಕ್ವಾರ್ಡ್ ಜಾಕೆಟ್ ಎಂದು ಕರೆಯಲಾಗುತ್ತದೆ ಮತ್ತು ಇದರ ಮೌಲ್ಯ ₹90,700.
ಬಾಡಿಕಾನ್ ಫಿಟ್‌ನೊಂದಿಗೆ ಹಿಮ್ಮಡಿಯ ಕಪ್ಪು ಸ್ಯೂಡ್ ತೊಡೆಯ ಎತ್ತರದ ಬೂಟುಗಳನ್ನು ಧರಿಸಿ ದೀಪಿಕಾ ತನ್ನ ಉಡುಪನ್ನು ಪೂರ್ಣಗೊಳಿಸಿದರು. ನಟಿ ಕೇವಲ ಒಂದು ಜೋಡಿ ಚಿನ್ನದ ಕಿವಿಯೋಲೆಗಳನ್ನು ಆರಿಸಿಕೊಂಡಿದ್ದಾರೆ. ಅವರ ಸೈಡ್-ಸ್ವೀಪ್ಡ್ ನಯವಾದ ಹೆಣೆಯಲ್ಪಟ್ಟ ಪೋನಿಟೇಲ್ ಗಮನ ಸೆಳೆದಿದೆ.
ಗೆಹ್ರೆಯಾನ್‌ನಲ್ಲಿ ಧೈರ್ಯ ಕರ್ವಾ, ನಾಸಿರುದ್ದೀನ್ ಶಾ ಮತ್ತು ರಜತ್ ಕಪೂರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರವನ್ನು ಶಕುನ್ ಬಾತ್ರಾ ನಿರ್ದೇಶಿಸಿದ್ದಾರೆ. ಫೆಬ್ರವರಿ 11, 2022 ರಂದು ಅಮೆಜಾನ್ ಪ್ರೈಮ್ ವೀಡಿಯೊದಲ್ಲಿ ಸಿನಿಮಾ ಬಿಡುಗಡೆಯಾಗಲಿದೆ.