ರಣವೀರ್‌ ಸಿಂಗ್‌ ಬಳಿಯ ಇರುವ ಕಾರುಗಳ ಮೊತ್ತವೇ ಎಷ್ಟು ಕೋಟಿಗಳು ಗೊತ್ತೇ?

First Published | Jul 6, 2022, 6:28 PM IST

ನಟ ರಣವೀರ್ ಸಿಂಗ್  (Ranveer Singh)  ಅವರಿಗೆ 37 ವರ್ಷಗಳ ಸಂಭ್ರಮ . ಜುಲೈ 6, 1985 ರಂದು ಜನಿಸಿದ ರಣವೀರ್ ಸಿಂಗ್ ಇಂದು ಬಾಲಿವುಡ್‌ನ ಟಾಪ್ ಸ್ಟಾರ್‌ಗಳಲ್ಲಿ ಒಬ್ಬರು. ಆದರೆ ಇಲ್ಲಿಗೆ ಬರಲು ಕಷ್ಟಪಟ್ಟಿದ್ದಾರೆ. 2011ರಲ್ಲಿ ತಾನು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದೆ ಎಂದು ರಣವೀರ್ ಸಂಭಾಷಣೆಯೊಂದರಲ್ಲಿ ಹೇಳಿದ್ದರು. ಆದರೆ, ಇಂದಿನ ದಿನಗಳಲ್ಲಿ ಐಷಾರಾಮಿ ಜೀವನ ನಡೆಸುತ್ತಿದ್ದಾರೆ. ವರದಿಗಳ ಪ್ರಕಾರ, ಅವರು 300 ಕೋಟಿಗೂ ಹೆಚ್ಚು ಆಸ್ತಿ ಹೊಂದಿದ್ದಾರೆ. ಅವರ ಐಷಾರಾಮಿ ಕಾರುಗಳ ಸಂಗ್ರಹವನ್ನು ನೋಡಿದರೆ ಆಶ್ಚರ್ಯವಾಗಬಹುದು. ರಣವೀರ್‌ನ ಅವರ ಕಾರುಗಳ ಕಲೆಕ್ಷನ್‌ ವಿವರ ಇಲ್ಲಿದೆ. ಅದರ ಬೆಲೆ 12 ಲಕ್ಷದಿಂದ 3.29 ಕೋಟಿರೂ ವರೆಗೆ ಇದೆ.  

Follow

ರಣವೀರ್ ಸಿಂಗ್ ಆರೆಂಜ್ ಬಣ್ಣದ ಲಂಬೋರ್ಗಿನಿ ಉರುಸ್‌ನ ಮಾಲೀಕರಾಗಿದ್ದು, ಭಾರತದಲ್ಲಿ ಇದರ ಬೆಲೆ ಸುಮಾರು 3.1 ಕೋಟಿ ಎಂದು ಹೇಳಲಾಗುತ್ತದೆ. ಪ್ರತಿ ಗಂಟೆಗೆ 305 ಕಿ.ಮೀ ಟಾಪ್‌ ಸ್ಪೀಡ್‌ನ  ಈ ಕಾರು ಗಂಟೆಗೆ 100 ಕಿ.ಮೀ.  ಗರಿಷ್ಠ ವೇಗವನ್ನು ತಲುಪಲು ಇದು ಕೇವಲ 3.6 ಸೆಕೆಂಡುಗಳನ್ನು ತೆಗೆದುಕೊಳ್ಳುತ್ತದೆ.

ಮುಂಬೈನ ಬೀದಿಗಳಲ್ಲಿ ರಣವೀರ್ ಆಗಾಗ್ಗೆ ಆಸ್ಟನ್ ಮಾರ್ಟಿನ್ ಕಂಪನಿಯ ರಾಪಿಡ್ ಎಸ್ ಸವಾರಿ ಮಾಡುವುದನ್ನು ಕಾಣಬಹುದು. ಭಾರತದಲ್ಲಿ ಈ ಕಾರಿನ ಬೆಲೆ ಸುಮಾರು 3.29 ಕೋಟಿ ರೂ.

Tap to resize

ರಣವೀರ್ ಸಿಂಗ್ Mercedes Benz GLS 350d ಅನ್ನು ಕೂಡ   ಹೊಂದಿದ್ದಾರೆ, ಇದರ ಬೆಲೆ ಸುಮಾರು 85.66 ಲಕ್ಷ ರೂ.  ಈ ಕಾರಿನ ಗರಿಷ್ಠ ವೇಗ ಗಂಟೆಗೆ 222 ಕಿಮೀ ವೇಗವನ್ನು ತಲುಪಬಹುದು. 

ರಣವೀರ್ ಸಿಂಗ್ ತಮ್ಮ 36 ನೇ ಹುಟ್ಟುಹಬ್ಬದಂದು ಮರ್ಸಿಡಿಸ್ ಮೇಬ್ಯಾಕ್ GLS600 ಕಾರನ್ನು ಖರೀದಿಸಿದ್ದಾರೆ, ಇದರ ಬೆಲೆ 2.80 ಕೋಟಿ ರೂಪಾಯಿ ಎಂದು ಹೇಳಲಾಗಿದೆ. 250 ಕಿ.ಮೀ ಟಾಪ್‌ ಸ್ಪೀಡ್‌ನ ಈ ಕಾರು ಗಂಟೆಗೆ 0-100 ಕಿ.ಮೀ. ಗರಿಷ್ಠ ವೇಗವನ್ನು ತಲುಪಲು ಇದು ಕೇವಲ 4.9 ಸೆಕೆಂಡುಗಳನ್ನು ತೆಗೆದುಕೊಳ್ಳುತ್ತದೆ.

ವರದಿಗಳ ಪ್ರಕಾರ ರಣವೀರ್ ಸಿಂಗ್ ಅವರು ಲ್ಯಾಂಡ್ ರೋವರ್ ರೇಂಜ್ ರೋವರ್ ವೋಗ್ ಕಾರನ್ನು ಹೊಂದಿದ್ದಾರೆ, ಇದರ ಬೆಲೆ ಸುಮಾರು 2.26 ಕೋಟಿ ರೂ. ಈ ಕಾರಿನ ಗರಿಷ್ಟ ವೇಗ   ಗಂಟೆಗೆ  225 ಕಿ.ಮೀ.

ರಣವೀರ್ ಸಿಂಗ್ ಅವರ ಗ್ಯಾರೇಜ್‌ನಲ್ಲಿ ಆಡಿ ಕ್ಯೂ5 ಸಹ ಇದೆ. ಈ ಕಾರಿನ ಬೆಲೆ 59.88 ಲಕ್ಷ ಎಂದು ಹೇಳಲಾಗಿದೆ. 6.3 ಸೆಕೆಂಡುಗಳಲ್ಲಿ 0-100 ಕಿ.ಮೀ ತಲುಪುವ ಈ ಕಾರು   ಗಂಟೆಗೆ 237 ಕಿಮೀ ವೇಗವನ್ನು ತಲುಪಬಹುದು. 

ರಣವೀರ್‌ನ ಐಷಾರಾಮಿ ಕಾರುಗಳ ಸಾಲಿನಲ್ಲಿ ಜಾಗ್ವಾರ್ ಎಕ್ಸ್‌ಜೆಎಲ್ ಸೇರಿದೆ. ಈ ಕಾರಿನ ಬೆಲೆ ಸುಮಾರು 99.56 ಲಕ್ಷದಿಂದ 1.97 ಕೋಟಿ ರೂ. ಕಾರಿನ ಗರಿಷ್ಠ ವೇಗ 250 ಕಿಮೀ. 

ರಣವೀರ್ ಸಿಂಗ್ ಒಡೆತನದ ಅತ್ಯಂತ ಅಗ್ಗದ ಕಾರು ಮಾರುತಿ ಸುಜುಕಿ ಸಿಯಾಜ್ ಆಗಿದ್ದು, ಇದರ ಬೆಲೆ ಸುಮಾರು 12 ಲಕ್ಷ ರೂ. ಮಾರುತಿ ಸುಜುಕಿಯಿಂದ ರಣವೀರ್‌ಗೆ ಈ ಕಾರನ್ನು ಉಡುಗೊರೆಯಾಗಿ ನೀಡಲಾಗಿತ್ತು ಎನ್ನಲಾಗಿದೆ.

Latest Videos

Read More