ಫ್ಲಾಪ್ ನಂತರ ಈಗ ಸೌತ್‌ನ ಸೂಪರ್ ಡೈರೆಕ್ಟರ್‌ ಕೈ ಹಿಡಿದ ರಣವೀರ್ ಸಿಂಗ್

ಬಾಲಿವುಡ್‌ ನಟ ರಣವೀರ್ ಸಿಂಗ್‌ (Ranveer Singh) ಅವರಿಗೆ ಈ ವರ್ಷ ಚೆನ್ನಾಗಿಲ್ಲ. ಈ ವರ್ಷ ಬಿಡುಗಡೆಯಾದ ಅವರ ಜಯೇಶ್‌ಭಾಯ್ ಜೋರ್ದಾರ್ ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಸಂಪೂರ್ಣವಾಗಿ ನೆಲಕಚ್ಚಿದೆ. ಯಶ್ ರಾಜ್ ಅವರ ಬ್ಯಾನರ್ ಅಡಿಯಲ್ಲಿ ತಯಾರಾದ ಈ ಚಿತ್ರವು ತನ್ನ ವೆಚ್ಚವನ್ನು ಮರುಪಡೆಯಲು ಸಾಧ್ಯವಾಗಲಿಲ್ಲ. ಆದಾಗ್ಯೂ, ರಣವೀರ್ ಅವರ ಒಂದು ಚಿತ್ರ ಸರ್ಕಸ್ ಈ ವರ್ಷದ  ಡಿಸೆಂಬರ್‌ನಲ್ಲಿ ಬಿಡುಗಡೆಯಾಗಲಿದೆ. ಏತನ್ಮಧ್ಯೆ, ಅವರು ಈಗ ಬಾಲಿವುಡ್ ಜೊತೆಗೆ ಸೌತ್ ನಿರ್ದೇಶಕರ ಜೊತೆ ಕೆಲಸ ಮಾಡಲು ಮನಸ್ಸು ಮಾಡಿದ್ದಾರೆ ಎಂಬ ಸುದ್ದಿ ಇದೆ. 

ಪಿಂಕ್ವಿಲ್ಲಾ ವರದಿಗಳ ಪ್ರಕಾರ, ರಣವೀರ್ ದಕ್ಷಿಣದ ಸೂಪರ್ ಡೈರೆಕ್ಟರ್ ಎಸ್ ಶಂಕರ್ ಅವರ ಚಿತ್ರದಲ್ಲಿ ಕೆಲಸ ಮಾಡಲಿದ್ದಾರೆ. 3 ಭಾಗಗಳಲ್ಲಿ ಬರಲಿರುವ ಬಾಹುಬಲಿಗಿಂತಲೂ ದೊಡ್ಡ ಸಿನಿಮಾವನ್ನು ಶಂಕರ್ ಮಾಡಲಿದ್ದಾರೆ ಎನ್ನುತ್ತಿವೆ ಮೂಲಗಳು. 

ಇದು ಇಲ್ಲಿಯವರೆಗೆ ಪ್ಯಾನ್ ಇಂಡಿಯಾದ ಅತ್ಯಂತ ದೊಡ್ಡ ಬಜೆಟ್ ಚಿತ್ರವಾಗಲಿದೆ ಎಂದು ಹೇಳಲಾಗುತ್ತಿದೆ. ಚಿತ್ರದ ಶೂಟಿಂಗ್ 2023 ರ ಮಧ್ಯಭಾಗದಲ್ಲಿ ಪ್ರಾರಂಭವಾಗಲಿದೆ.

Ranveer Singh

ಬರುತ್ತಿರುವ ವರದಿಗಳ ಪ್ರಕಾರ, ನಿರ್ದೇಶಕ ಶಂಕರ್ ಅವರು ತಮಿಳು ಸಾಹಿತ್ಯದ ಪ್ರಸಿದ್ಧ ಪುಸ್ತಕವಾದ ವೇಲ್ಪಾರಿ ಅಧರಿಸಿ ರಣವೀರ್ ಸಿಂಗ್ ಅವರೊಂದಿಗೆ ಚಲನಚಿತ್ರ ಸರಣಿಯನ್ನು ನಿರ್ಮಿಸಲಿದ್ದಾರೆ.

ಮೂರು ಭಾಗಗಳ ಈ ಚಿತ್ರ ಸರಣಿಯಲ್ಲಿ ರಣವೀರ್ ನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಬ್ಲಾಕ್ ಬಸ್ಟರ್ ಚಿತ್ರ ಬಾಹುಬಲಿ ಸೀರೀಸ್ ಗಿಂತ ದೊಡ್ಡ ಮಟ್ಟದಲ್ಲಿ ಈ ಸಿನಿಮಾ  ಚಿತ್ರೀಕರಣ ಮಾಡಲು ಶಂಕರ್ ಮುಂದಾಗಿದ್ದಾರೆ ಎನ್ನಲಾಗುತ್ತಿದೆ.

ಶಂಕರ್ ಅವರು ಈ ತಲೆಮಾರಿನ ಸೂಪರ್‌ಸ್ಟಾರ್‌ನೊಂದಿಗೆ ಪ್ಯಾನ್ ಇಂಡಿಯಾ ಚಲನಚಿತ್ರವನ್ನು ಮಾಡಲು ಬಯಸಿದ್ದರು, ಅದಕ್ಕಾಗಿ ಅವರು ರಣವೀರ್ ಸಿಂಗ್ ಅವರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ ಎಂದು ಚಿತ್ರದ ಹತ್ತಿರದ ಮೂಲವೊಂದು ತಿಳಿಸಿದೆ  ಪಿಂಕ್ವಿಲ್ಲಾಗೆ ತಿಳಿಸಿದೆ. ಅವರ ಯೋಜನೆಯು ಜನಪ್ರಿಯ ತಮಿಳು ಭಾಷೆಯ ಪುಸ್ತಕ ವೇಲ್ಪಾರಿಯನ್ನು ಆಧರಿಸಿದೆ.   ಈ ಕಥೆಯನ್ನು ಇನ್ನಷ್ಟು ಉತ್ತಮಗೊಳಿಸಲು ಶಂಕರ್ ವಿಶುವಲ್ ಎಫೆಕ್ಟ್ ಗಳನ್ನು ವಿಶೇಷವಾಗಿ ಬಳಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ. ಈ ಪ್ರಾಜೆಕ್ಟ್ ಅನ್ನು ಬಾಹುಬಲಿಗಿಂತಲೂ ದೊಡ್ಡ ಮಟ್ಟದಲ್ಲಿ ಮಾಡಲು ಶಂಕರ್ ಯೋಚಿಸುತ್ತಿದ್ದಾರೆ.

ವೇಲ್ಪಾರಿ ದೊಡ್ಡ ಕಥೆಯಾಗಿರುವುದರಿಂದ ಅದನ್ನು 3 ಭಾಗಗಳಾಗಿ ಮಾಡಲು ನಿರ್ಧರಿಸಲಾಗಿದೆ ಎಂದು ಮೂಲಗಳು ಹೇಳುತ್ತವೆ. ವರದಿಗಳ ಪ್ರಕಾರ, ಈ ಚಿತ್ರದ ಶೂಟಿಂಗ್ 2023 ರ ಮಧ್ಯಭಾಗದಲ್ಲಿ ಪ್ರಾರಂಭವಾಗಲಿದೆ. ಈ ಚಿತ್ರವು ರಣವೀರ್ ಸಿಂಗ್ ಮತ್ತು ಶಂಕರ್ ಅವರ ವೃತ್ತಿಜೀವನದ ದೊಡ್ಡ ಮತ್ತು ಅತ್ಯಂತ ದುಬಾರಿ ಚಿತ್ರವಾಗಲಿದೆ ಎಂದು ಹೇಳಲಾಗುತ್ತಿದೆ. ಆದರೆ, ಚಿತ್ರದ ಬಜೆಟ್ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ನೀಡಿಲ್ಲ.

ರಣವೀರ್ ಸಿಂಗ್ ಬಹಳ ಸಮಯದಿಂದ ಪರದೆಯಿಂದ ಕಾಣೆಯಾಗಿದ್ದಾರೆ.ಈ ವರ್ಷ ತೆರೆಕಂಡ ಸೂಪರ್‌ಫ್ಲಾಪ್ ಚಿತ್ರ ಜಯೇಶ್‌ಭಾಯ್ ಜೋರ್ದಾರ್‌ನಲ್ಲಿ ಅವರು ಕೊನೆಯದಾಗಿ ಕಾಣಿಸಿಕೊಂಡಿದ್ದರು.

ಮುಂದಿನ ದಿನಗಳಲ್ಲಿ  ನಿರ್ದೇಶಕ ರೋಹಿತ್ ಶೆಟ್ಟಿ ಅವರ ಸರ್ಕಸ್. ಚಿತ್ರದಲ್ಲಿ  ರಣವೀರ್ ದ್ವಿಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಇದರಲ್ಲಿ ರಣವೀರ್ ಜೊತೆಗೆ ಪೂಜಾ ಹೆಗ್ಡೆ ಮತ್ತು ಜಾಕ್ವೆಲಿನ್ ಫೆರ್ನಾಂಡಿಸ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.