ರಣಬೀರ್ ಕಪೂರ್‌ ತಂದೆಯಾದ ಈ ಹೊತ್ತಲ್ಲಿ ಅವರ 3 ಮಾಜಿ ಗೆಳತಿಯರು ಪ್ರತಿಕ್ರಿಯಿಸಿದ್ದು ಹೀಗೆ

ಬಾಲಿವುಡ್ ನಟ ರಣಬೀರ್ ಕಪೂರ್ (Ranbir Kapoor) ತಂದೆಯಾಗಿದ್ದಾರೆ. ಅವರ ಪತ್ನಿ ಹಾಗೂ ನಟಿ ಆಲಿಯಾ ಭಟ್ (Alia Bhatt) ಮುಂಬೈನ ಹೆಚ್ ಎನ್ ರಿಲಯನ್ಸ್ ಆಸ್ಪತ್ರೆಯಲ್ಲಿ ಭಾನುವಾರ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ರಣಬೀರ್ ಮತ್ತು ಆಲಿಯಾ ಪೋಷಕರಾದ ನಂತರ, ಅವರ ಅಭಿಮಾನಿಗಳು ಅವರನ್ನು ಅಭಿನಂದಿಸಿದ್ದಾರೆ. ಚಿತ್ರರಂಗಕ್ಕೆ ಸಂಬಂಧಿಸಿದ ಅವರ ಸಹೋದ್ಯೋಗಿಗಳು ಸಹ  ಅವರನ್ನು ಸಾಮಾಜಿಕ ಮಾಧ್ಯಮಗಳ ಮೂಲಕ ಅಭಿನಂದಿಸಿದ್ದಾರೆ. ಇವರಲ್ಲಿ ರಣಬೀರ್ ಕಪೂರ್ ಅವರ ಮೂವರು ಮಾಜಿ ಗೆಳತಿಯರಾದ ದೀಪಿಕಾ ಪಡುಕೋಣೆ (Deepika Padukone), ಕತ್ರಿನಾ ಕೈಫ್ (Katrina Kaif) ಮತ್ತು ಸೋನಮ್ ಕಪೂರ್ (Sonam Kapoor) ಸೇರಿದ್ದಾರೆ. ಆಲಿಯಾ ಅವರ ಪೋಸ್ಟ್‌ಗೆ ಮೂವರೂ ಹೀಗೆ ಪ್ರತಿಕ್ರಿಯಿಸಿದ್ದಾರೆ.

ಮಗಳ ಜನನದ ಮಾಹಿತಿಯನ್ನು ಆಲಿಯಾ ಭಟ್ ಸಾಮಾಜಿಕ ಜಾಲತಾಣಗಳ ಮೂಲಕ ಹಂಚಿಕೊಂಡಿದ್ದಾರೆ. ಅವರ ಪೋಸ್ಟ್‌ಗೆ ಪ್ರತಿಕ್ರಿಯಿಸಿದ ದೀಪಿಕಾ ಪಡುಕೋಣೆ ಮತ್ತು ಕತ್ರಿನಾ ಕೈಫ್ ಸರಳವಾಗಿ ವಿಶ್‌ ಮಾಡಿದ್ದಾರೆ. ಅದೇ ಸಮಯದಲ್ಲಿ ಸೋನಮ್ ಕಪೂರ್ ಆಲಿಯಾ ಮತ್ತು ರಣಬೀರ್ ಅವರ ಮಗಳನ್ನು ನೋಡುವ ಬಯಕೆಯನ್ನು ವ್ಯಕ್ತಪಡಿಸಿದರು. 

'ಅಭಿನಂದನೆಗಳು ಮುದ್ದು ಹುಡುಗಿ. ನಿನ್ನ ರಾಜಕುಮಾರಿಯನ್ನು ನೋಡಲು ಕಾಯಲು ಸಾಧ್ಯವಿಲ್ಲ' ಎಂದು ಅಲಿಯಾರನ್ನು ಅಭಿನಂದಿಸುತ್ತಾ ಸೋನಮ್‌ ಕಾಮೆಂಟ್‌ ಮಾಡಿದ್ದಾರೆ.

ಸೋನಮ್ ಕಪೂರ್, ದೀಪಿಕಾ ಪಡುಕೋಣೆ ಮತ್ತು ಕತ್ರಿನಾ ಕೈಫ್ ಸೇರಿದಂತೆ ಆಲಿಯಾ ಭಟ್ ಅವರನ್ನು ಮದುವೆಯಾಗುವ ಮೊದಲು ರಣಬೀರ್ ಕಪೂರ್ ಹಲವಾರು ಹುಡುಗಿಯರೊಂದಿಗೆ ಸಂಬಂಧ ಹೊಂದಿದ್ದರು. 

ರಣಬೀರ್ ಸೋನಂ ಕಪೂರ್ ಜೊತೆಗಿನ ಸಂಬಂಧವು ಅವರು ತಮ್ಮ ಚೊಚ್ಚಲ ಚಿತ್ರ 'ಸಾವರಿಯಾ' ಚಿತ್ರೀಕರಣದಲ್ಲಿದ್ದಾಗ ಪ್ರಾರಂಭವಾಯಿತು. ಇವರಿಬ್ಬರ ಆತ್ಮೀಯತೆ ತುಂಬಾ ಹೆಚ್ಚಿತ್ತು ಎನ್ನಲಾಗ್ತಿದೆ.ಆದರೆ ಇವರಿಬ್ಬರ ಬಾಂಧವ್ಯ ಹೆಚ್ಚು ಕಾಲ ಉಳಿಯಲಿಲ್ಲ

ರಣಬೀರ್ ಕಪೂರ್ ಮತ್ತು ದೀಪಿಕಾ ಪಡುಕೋಣೆ ಸಂಬಂಧದ ಬಗ್ಗೆ 'ಬಚ್ನಾ ಏ ಹಸೀನಾ' ಸಿನಿಮಾದ ಸಮಯದಲ್ಲಿ ಸಾಕಷ್ಟು ಚರ್ಚೆಯಾಗಿತ್ತು. ನಂತರ ರಣಬೀರ್‌ ಅವರ ವಂಚನೆಯ ಕಾರಣದಿಂದ ದೀಪಿಕಾ  ದೂರವಾದರು.

ರಣಬೀರ್ ಕಪೂರ್ ಮತ್ತು ಕತ್ರಿನಾ ಕೈಫ್ ಸಂಬಂಧವು ಹೆಚ್ಚು ಚರ್ಚೆಯಾಗಿದೆ. ರಾಜನೀತಿ ಚಿತ್ರದ ಸೆಟ್‌ಗಳಲ್ಲಿ ಇಬ್ಬರೂ ಹತ್ತಿರವಾಗಿದ್ದರು ಮತ್ತು ಅವರ ಸಂಬಂಧವು ಸುಮಾರು 6 ವರ್ಷಗಳ ಕಾಲ ನಡೆಯಿತು. ರಣಬೀರ್ ಕತ್ರಿನಾರನ್ನು ತಮ್ಮ ಕುಟುಂಬಕ್ಕೆ ಕೂಡ  ಪರಿಚಯಿಸಿದ್ದರು. ಇಬ್ಬರೂ ಲಿವ್ ಇನ್ ರಿಲೇಶನ್ ಕೂಡ ಇದ್ದರು. ಆದರೆ ‘ಜಗ್ಗಾ ಜಾಸೂಸ್’ಸಿನಿಮಾದ ಶೂಟಿಂಗ್ ವೇಳೆ ಅವರಿಬ್ಬರು ಬೇರ್ಪಟ್ಟಿದ್ದರು.

ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಅವರ ಪ್ರೇಮಕಥೆಯು 'ಬ್ರಹ್ಮಾಸ್ತ್ರ' ಸೆಟ್‌ನಲ್ಲಿ ಪ್ರಾರಂಭವಾಯಿತು ಮತ್ತು ಅವರು 14 ಏಪ್ರಿಲ್ 2022 ರಂದು ಖಾಸಗಿ ಸಮಾರಂಭದಲ್ಲಿ ವಿವಾಹವಾದರು, ಇದರಲ್ಲಿ ಎರಡೂ ಕುಟುಂಬ ಸದಸ್ಯರು ಮತ್ತು ಆಯ್ದ ಸ್ನೇಹಿತರು ಮಾತ್ರ ಭಾಗವಹಿಸಿದ್ದರು. ಜೂನ್‌ನಲ್ಲಿ ಆಲಿಯಾ ತನ್ನ ಪ್ರೆಗ್ನೆಂಸಿಯನ್ನು ಘೋಷಿಸಿದ್ದರು.