'ಡೇಟ್ ನೈಟ್‌'ಗೆ ಆಟೋ ಏರಿದ ಪ್ರಿಯಾಂಕಾ ಚೋಪ್ರಾ; ನೆಚ್ಚಿನ ವ್ಯಕ್ತಿ ಜೊತೆ ಮುಂಬೈ ಸುತ್ತಾಟ

'ಡೇಟ್ ನೈಟ್‌'ಗೆ  ಪ್ರಿಯಾಂಕಾ ಚೋಪ್ರಾ ಆಟೋ ಏರಿದ್ದಾರೆ.ನೆಚ್ಚಿನ ವ್ಯಕ್ತಿ ಜೊತೆ ಮುಂಬೈ ಸುತ್ತಾಡಿದ ಪ್ರಿಯಾಂಕಾ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. 

ಬಾಲಿವುಡ್ ಸ್ಟಾರ್ ನಟಿ ಪ್ರಿಯಾಂಕಾ ಚೋಪ್ರಾ ಸದ್ಯ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಂಡಿದ್ದಾರೆ. ಪತಿ ನಿಕ್ ಜೋಸನ್ ಜೊತೆ ಅಮೆರಿಕಾದಲ್ಲಿ ನೆಲೆಸಿರುವ ಪ್ರಿಯಾಂಕಾ ಸಿನಿಮಾ ಮತ್ತು ಮಗಳು ಮಾಲ್ತಿ ಜೊತೆ ಹೆಚ್ಚಾಗಿ ಸಮಯ ಕೆಳೆಯುತ್ತಿದ್ದಾರೆ. 

ಪ್ರಿಯಾಂಕಾ ಸದ್ಯ ಭಾರತಕ್ಕೆ ಮರಳಿದ್ದಾರೆ. ನೀತಾ ಮುಖೇಶ್ ಅಂಬಾನಿ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಪ್ರಿಯಾಂಕಾ ಭಾಗಿಯಾಗಿದ್ದರು. ಈವೆಂಟ್‌ಗಾಗಿ ಪ್ರಿಯಾಂಕಾ ಅಮೆರಿಕಾದಿಂದ ಪತಿ ಮತ್ತು ಮಗಳು ಮಾಲ್ತಿ ಜೊತೆ ತವರಿಗೆ ಬಂದಿದ್ದಾರೆ. 

ಅನೇಕ ಸಮಯದ ನಂತರ ಪ್ರಿಯಾಂಕಾ ಭಾರತಕ್ಕೆ ಬಂದಿದ್ದು ಮಸ್ತ್ ಎಂಜಾಯ್ ಮಾಡಿದ್ದಾರೆ. ಕಾರ್ಯಕ್ರಮ ಮುಗಿಸಿ ಪ್ರಿಯಾಂಕಾ ಮತ್ತೆ ಅಮೆರಿಕಾಗೆ ಹಾರಿದ್ದಾರೆ. ಈ ನಡುವೆ ಪ್ರಿಯಾಂಕಾ ಮತ್ತು ನಿಕ್ ಮುಂಬೈ ಸುತ್ತಿದ್ದಾರೆ. 

ಪ್ರಿಯಾಂಕಾ ಚೋಪ್ರಾ ನೀತಾ ಅಂಬಾನಿ ಕಾರ್ಯಕ್ರಮಕ್ಕೆ ಅದ್ದೂರಿಯಾಗಿ ಎಂಟ್ರಿ ಕೊಟ್ಟಿದ್ದರು. ಅದೇ ಗ್ರ್ಯಾಂಡ್ ಡ್ರೆಸ್‌ನಲ್ಲಿ ಪ್ರಿಯಾಂಕಾ ಆಟೋ ಏರಿದ್ದಾರೆ. ಮುಂಬೈ ರಸ್ತೆಯಲ್ಲಿ ಆಟೋ ಜೊತೆ ಪ್ರಿಯಾಂಕಾ ಮಸ್ತ್ ಪೋಸ್ ನೀಡಿದ್ದಾರೆ. 

ಆಟೋ ಜೊತೆ ಫೋಟೋ ಕ್ಲಿಕ್ಕಿಸಿ ನೆಚ್ಚಿನ ವ್ಯಕ್ತಿ ಜೊತೆ ಡೇಟ್ ನೈಟ್ ಎಂದು ಬರೆದುಕೊಂಡಿದ್ದಾರೆ. ಅಂದಹಾಗೆ ನೆಚ್ಚಿನ ವ್ಯಕ್ತಿ ಮತ್ಯಾರು ಅಲ್ಲ ಪತಿ ನಿಕ್ ಜೋನಸ್. ಹೌದು. ಪತಿ ನಿಕ್ ಜೋನಸ್ ಜೊತೆ ಆಟೋ  ಏರಿರುವ ಪ್ರಿಯಾಂಕಾ, ಡೇಟ್ ನೈಟ್ ವಿತ್ ನನ್ನ ನೆಚ್ಚಿನ ವ್ಯಕ್ತಿ ನಿಕ್ ಜೋನಸ್ ಜೊತೆ' ಎಂದು ಬರೆದು ಆಟೋ ಇಮೋಜಿ ಹಾಕಿದ್ದಾರೆ. 

ಸುಂದರ ಫೋಟೋಗಳನ್ನು ಶೇರ್ ಮಾಡಿ ಡ್ರೆಸ್ ಡಿಸೈನ್ ಮಾಡಿದ ಡಿಸೈನರ್ ಅವರಿಗೆ ಧನ್ಯವಾದ ತಿಳಿಸಿದ್ದಾರೆ. ಅಂದಹಾಗೆ ಪ್ರಿಯಾಂಕಾ ಕಾರ್ಯಕ್ರಮಕ್ಕೆ ಬನಾರಸಿ ಸೀರೆಯಲ್ಲಿ ತಯಾರಿಸಿದ ಡ್ರೆಸ್ ಧರಿಸಿದ್ದರು. ಜೊತೆಗೆ ಇಂಥ ಕಾರ್ಯಕ್ರಮ ಆಯೋಜಿಸಿದ್ದ ನೀತಾ ಅಂಬಾನಿ ಮತ್ತು ಇಶಾ ಅಂಬಾನಿ ಅವರಿಗೂ ಧನ್ಯವಾದ ತಿಳಿಸಿದ್ದಾರೆ.