ದೇಶದ ಟಾಪ್-10ನಲ್ಲಿ ನಟಿಯರಲ್ಲಿ ಮೊದಲ ಸ್ಥಾನ ಪಡೆದ ಸಮಂತಾ; ರಶ್ಮಿಕಾ, ದೀಪಿಕಾಗೆ ಎಷ್ಟನೇ ಸ್ಥಾನ?

ಭಾರತದ ಓರ್ಮ್ಯಾಕ್ಸ್ ಮೀಡಿಯಾ ಪ್ರಕಟಿಸಿದ ಭಾರತದ ಅತ್ಯಂತ ಜನಪ್ರಿಯ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಟಾಪ್ 10 ನಲ್ಲಿರುವ ನಟಿಯರ ಪೈಕಿ, ಕಳೆದ 2 ವರ್ಷಗಳಿಂದ ಸಿನಿಮಾದಲ್ಲಿಯೇ ಕಾಣಿಸಿಕೊಳ್ಳದ ಸಮಂತಾ ಅವರು ಮೊದಲ ಸ್ಥಾನದಲ್ಲಿದ್ದಾರೆ. ಹಾಗಾದರೆ, ರಶ್ಮಿಕಾ ಮಂದಣ್ಣ ಸೇರಿ ಉಳಿದ 9 ಸ್ಥಾನಗಳಲ್ಲಿ ಯಾರಿದ್ದಾರೆ ಎಂದು ತಿಳಿದುಕೊಳ್ಳೋಣ.   

ಸಿನಿಮಾ ಸೆಲೆಬ್ರಿಟಿಗಳಿಗೆ ಕಾಲ ಕಾಲಕ್ಕೂ ಜನಪ್ರಿಯತೆ ಇರುತ್ತದೆ. ಅವರ ಸಿನಿಮಾಗಳ ಸಮಯದಲ್ಲಿ ಆ ಕ್ರೇಜ್ ಜಾಸ್ತಿ ಇರುತ್ತೆ. ಈಗ ಭಾರತದ ಅತ್ಯಂತ ಜನಪ್ರಿಯ ನಟಿಯರ ಪಟ್ಟಿ ಬಂದಿದೆ. 2024 ಡಿಸೆಂಬರ್‌ ಅಂತ್ಯಕ್ಕೆ ಯಾರು ಟಾಪ್‌ನಲ್ಲಿದ್ದಾರೆ? ಯಾರು ಕೊನೆಯಲ್ಲಿದ್ದಾರೆ ಅನ್ನೋದನ್ನ ಟಾಪ್ 10 ನಟಿಯರ ಪಟ್ಟಿಯನ್ನು ಓರ್ಮ್ಯಾಕ್ಸ್ ಮೀಡಿಯಾ ಬಿಡುಗಡೆ ಮಾಡಿದೆ. ಇದು ಪ್ರತಿ ತಿಂಗಳು ಭಾರತದ ಅತ್ಯಂತ ಜನಪ್ರಿಯ ಸೆಲೆಬ್ರಿಟಿಗಳ ಪಟ್ಟಿ ಬಿಡುಗಡೆ ಮಾಡುತ್ತದೆ. ಇದೀಗ ಡಿಸೆಂಬರ್‌ ಪಟ್ಟಿ ಬಂದಿದೆ. ಭಾರತದಾದ್ಯಂತ ಅತ್ಯಂತ ಜನಪ್ರಿಯ ನಟಿಯರು ಯಾರೆಂದು ನೋಡೋಣ.

ಇದರಲ್ಲಿ ಸಮಂತಾ ಟಾಪ್ 1 ರಲ್ಲಿ ಇರೋದು ವಿಶೇಷ. ಆಕೆಗೆ ಎರಡು ವರ್ಷಗಳಿಂದ ಸಿನಿಮಾಗಳಿಲ್ಲ. ಕೊನೆಯದಾಗಿ 'ಖುಷಿ' ಸಿನಿಮಾದಲ್ಲಿ ಮಿಂಚಿದ್ದರು. ಆ ನಂತರ ಬ್ರೇಕ್ ತೆಗೆದುಕೊಂಡಿದ್ದಾರೆ. ಆದರೆ ಇತ್ತೀಚೆಗೆ ಆಕೆ 'ಸಿಟಾಡೆಲ್‌' ಮೂಲಕ ಓಟಿಟಿ ಪ್ರೇಕ್ಷಕರಿಗೆ ಹತ್ತಿರವಾಗಿದ್ದಾರೆ. ಇದಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ. ಆದರೂ, ತನ್ನ ವೈಯಕ್ತಿಕ ಜೀವನದ ವಿಷಯದಲ್ಲಿ ಸಾಕಷ್ಟು ವೈರಲ್ ಆಗಿದ್ದಾರೆ. ನಾಗಚೈತನ್ಯ 2ನೇ ಮದುವೆ ಆಗೋದು, ಈ ಸಂದರ್ಭದಲ್ಲಿ ಸಮಂತಾ ಬಗ್ಗೆ ಚರ್ಚೆ ನಡೆಯಿತು. ಅದಕ್ಕಾಗಿಯೇ ಈಕೆ ಭಾರತದ ಅತ್ಯಂತ ಜನಪ್ರಿಯ ನಟಿಯಾಗಿ ಮೊದಲ ಸ್ಥಾನಕ್ಕೆ ಬಂದಿದ್ದಾರೆ. 

ಭಾರತದ ಬಾಲಿವುಡ್ ಚಲುವೆ ಆಲಿಯಾ ಭಟ್ ಅವರು  ಎರಡನೇ ಸ್ಥಾನದಲ್ಲಿ ಇದ್ದಾರೆ. 'ಆರ್‌ಆರ್‌ಆರ್ ಮೂಲಕ ತೆಲುಗು ಚಿತ್ರರಂಗದ ಮೂಲಕ ಪ್ಯಾನ್ ಇಂಡಿಯಾ ಪ್ರೇಕ್ಷಕರಿಗೆ ಚಿರಪರಿಚಿತವಾದ ಆಲಿಯಾ ಭಟ್ ಹುಡುಕುವವರ ಸಂಖ್ಯೆಯೂ ಹೆಚ್ಚಾಗಿದೆ. ಆಲಿಯಾ ಕೊನೆಯದಾಗಿ 'ಜಿಗ್ರಾ' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. 

3ನೇ ಸ್ಥಾನದಲ್ಲಿ 'ಕಲ್ಕಿ 2898 AD' ನಟಿ ದೀಪಿಕಾ ಪಡುಕೋಣೆ ಇದ್ದಾರೆ. ಆಕೆ ಕಳೆದ ವರ್ಷ 'ಕಲ್ಕಿ', 'ಸಿಂಗಂ ಅಗೈನ್' ಚಿತ್ರಗಳಲ್ಲಿ ನಟಿಸಿದ್ದರು. ಅಷ್ಟೇ ಅಲ್ಲ, ಅವರು ತಾಯಿ ಆದ ಸಂದರ್ಭದಲ್ಲೂ ಆಕೆ ಜನಪ್ರಿಯರಾಗಿದ್ದರು.  ಇದೀಗ ಮಗಳ ಪೋಷಣೆ ಮತ್ತು ಆರೈಕೆ ಮೂಲಕ ತಾಯ್ತನ ಅನುಭವಿಸುತ್ತಿದ್ದಾರೆ.

ರಶ್ಮಿಕಾ ಮಂದಣ್ಣ

ಕನ್ನಡ ಕುವರಿ, ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣ ಅವರು ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಕಳೆದೆರಡು ವರ್ಷಗಳಿಂದ ನ್ಯಾಷನಲ್ ಕ್ರಶ್ ಖ್ಯಾತಿಯನ್ನು ತನ್ನ ಬಳಿಯೇ ಉಳಿಸಿಕೊಂಡಿದ್ದಾರೆ. ಅದರಲ್ಲಿಯೂ 'ಪುಷ್ಪ' ಮತ್ತು 'ಅನಿಮಲ್' ಸಿನಿಮಾಗಳ ಮೂಲಕ ಭಾರತದಾದ್ಯಂತ ಸದ್ದು ಮಾಡುತ್ತಿದ್ದಾರೆ. ಅದಕ್ಕಾಗಿಯೇ ಟಾಪ್-10 ಪಟ್ಟಿಯಲ್ಲಿ 4ನೇ ಸ್ಥಾನ ಪಡೆದಿದ್ದಾರೆ.

ಸಾಯಿ ಪಲ್ಲವಿ

5ನೇ ಸ್ಥಾನದಲ್ಲಿ ಸಾಯಿ ಪಲ್ಲವಿ ಇದ್ದಾರೆ. ಆಕೆ ಕೊನೆಯದಾಗಿ 'ಅಮರನ್' ಚಿತ್ರದಲ್ಲಿ ನಟಿಸಿದ್ದರು. ಇದು ಮೇಜರ್ ಮುಕುಂದ್ ಅವರ ಜೀವನ ಆಧಾರಿತ ಸಿನಿಮಾ. ಇದರಲ್ಲಿ ಮುಕುಂದ್ ಅವರ ಪತ್ನಿ ಇಂದು ರೆಬೆಕಾ ವರ್ಗೀಸ್ ಪಾತ್ರದಲ್ಲಿ ನಟಿಸಿದ್ದರು. ಸಿನಿಮಾ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.

ಆರನೇ ಸ್ಥಾನದಲ್ಲಿ ತ್ರಿಷಾ ಇದ್ದಾರೆ. ಆಕೆ ಈಗಲೂ ನಾಲ್ಕೈದು ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ. ಕಳೆದ ವರ್ಷ ವಿಜಯ್ ಜೊತೆ 'ಗೋಟ್' ಸಿನಿಮಾದಲ್ಲಿ ನಟಿಸಿದ್ದರು. ಅದೇ ಸಮಯದಲ್ಲಿ ಅವರ ಜೊತೆ ಅಫೇರ್ ವದಂತಿಗಳಿಂದ ಸುದ್ದಿಯಲ್ಲಿದ್ದರು. ಮತ್ತೊಂದೆಡೆ ಅಜಿತ್ ಜೊತೆ ಎರಡು ಸಿನಿಮಾ ಮಾಡುತ್ತಿದ್ದಾರೆ.

ನಯನತಾರಾ ಕಳೆದ ವರ್ಷ ಯಾವುದೇ ಸಿನಿಮಾ ಮಾಡಿಲ್ಲ. ಆದರೆ ಕೊನೆಯಲ್ಲಿ 'ನಯನತಾರಾ: ಬಿಯಾಂಡ್ ದಿ ಫೇರಿ ಟೇಲ್' ಹೆಸರಿನಲ್ಲಿ ಆಕೆಯ ಡಾಕ್ಯುಮೆಂಟರಿ ಬಿಡುಗಡೆಯಾಯಿತು. ಇದು ದೊಡ್ಡ ಸಂಚಲನ ಸೃಷ್ಟಿಸಿತು. ಜೊತೆಗೆ ಸಣ್ಣ-ಪುಟ್ಟ ವಿಚಾರಗಳಿಗೆ ದೊಡ್ಡ ವಿವಾದವೂ ಆಯಿತು. ಅದಕ್ಕಾಗಿಯೇ ನಯನತಾರಾ ಜನಪ್ರಿಯರಾಗಿದ್ದಾರೆ. ಇದರಿಂದ ಭಾರತದ ಅತ್ಯಂತ ಜನಪ್ರಿಯ ನಟಿಯರಲ್ಲಿ 7ನೇ ಸ್ಥಾನದಲ್ಲಿದ್ದಾರೆ.

ಕಾಜಲ್ ಅಗರ್ವಾಲ್

ಇನ್ನು ದಕ್ಷಿಣ ಚಿತ್ರರಂಗದಿಂದ ಬಾಲಿವುಡ್‌ಗೆ ಹಾರಿದ್ದ ಮತ್ತೊಬ್ಬ ನಟಿ ಕಾಜಲ್‌ ಅಗರವಾಲ್‌ಗೆ ಹೆಚ್ಚು ಸಿನಿಮಾಗಳಿಲ್ಲ, ಆದರೆ ಟಾಪ್ 10 ರಲ್ಲಿ ಸ್ಥಾನ ಪಡೆದಿದ್ದಾರೆ. ಆಕೆ 8ನೇ ಸ್ಥಾನ ಪಡೆದಿದ್ದಾರೆ. ಜಾಹೀರಾತುಗಳ ಮೂಲಕ ಆಕೆ ಸುದ್ದಿಯಲ್ಲಿರುವುದು ವಿಶೇಷ. 

ಕನ್ನಡ ಮತ್ತೊಬ್ಬ ಬೆಡಗಿ ಶ್ರೀಲೀಲಾಗೆ ನಾಯಕಿಯಾಗಿ ಹೆಚ್ಚು ಸಿನಿಮಾ ಸಿಗದಿದ್ದರೂ, ಸಿಕ್ಕ ಸಿನಿಮಾಗಳಲ್ಲಿ ಬೆಸ್ಟ್‌ ಫರ್ಮಾರ್ಮೆನ್ಸ್ ಕೊಟ್ಟಿದ್ದಾರೆ. ಆದರೆ ಕಳೆದ ತಿಂಗಳು ಆಕೆ 'ಪುಷ್ಪ 2' ಸಿನಿಮಾದ ಹಾಡೊಂದರಲ್ಲಿ ಡ್ಯಾನ್ಸರ್ ಆಗಿ ಮಿಂಚಿದ್ದರು. ಇದರಲ್ಲಿ ವಿಶೇಷ ಹಾಡು 'ಕಿಸಿಕ್' ನಲ್ಲಿ ಅಲ್ಲು ಅರ್ಜುನ್ ಜೊತೆ ಹೆಜ್ಜೆ ಹಾಕಿದ್ದರು. ಇದರಿಂದಲೇ ಆಕೆ ಮತ್ತೆ ಜನಪ್ರಿಯವಾಗಿದ್ದು, ಟಾಪ್ 9 ಸ್ಥಾನದಲ್ಲಿದ್ದಾರೆ. 

ಟಾಪ್ 10 ರ ಕೊನೆಯ ಸ್ಥಾನದಲ್ಲಿ ಪ್ರಭಾಸ್ ನಾಯಕಿ ಶ್ರದ್ಧಾ ಕಪೂರ್ ಇದ್ದಾರೆ. ಆಕೆ ಕಳೆದ ವರ್ಷ 'ಸ್ತ್ರೀ 2' ಚಿತ್ರದಲ್ಲಿ ನಟಿಸಿದ್ದರು. ಈ ಸಿನಿಮಾ 800 ಕೋಟಿ ರೂ.ಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ಆದರೆ ಆಕೆಯ ಬಗ್ಗೆ ಚರ್ಚೆ ವರ್ಷಪೂರ್ತಿ ನಡೆಯುತ್ತಲೇ ಇತ್ತು.