Burj Khalifa: ಜಗತ್ತಿನ ಅತಿ ಎತ್ತರದ ಕಟ್ಟದಲ್ಲಿ ಮತ್ತೊಮ್ಮೆ ಮಿಂಚಿದ ಶಾರೂಖ್

Burj Khalifa : ಜಗತ್ತಿನ ಅತ್ಯಂತ ಎತ್ತರದ ಕಟ್ಟದಲ್ಲಿ ಮತ್ತೊಮ್ಮೆ ಮಿಂಚಿದ ಕಿಂಗ್ ಖಾನ್ ಶಾರೂಖ್‌ ಬರ್ತ್‌ಡೇ ದಿನ ಬುರ್ಜ್‌ ಖಲೀಫಾ ಬೆಳಗಿದ್ದು ಹೀಗೆ

ಪ್ರತಿ ವರ್ಷದಂತೆ ಬಾಲಿವುಡ್ ನಟ ಶಾರುಖ್ ಖಾನ್ ಅವರ ಜನ್ಮದಿನದಂದು, ದುಬೈನ ಗಗನಚುಂಬಿ ಕಟ್ಟಡ ಬುರ್ಜ್ ಖಲೀಫಾ ನಟನಿಗೆ ವಿಶೇಷ ಗೌರವವನ್ನು ನೀಡಿದೆ. ನಟನ ಹುಟ್ಟುಹಬ್ಬ ದಿನ ಜಗತ್ತಿನ ಅತ್ಯಂತ ಎತ್ತರದ ಕಟ್ಟಡ ಜಗಮಗಿಸಿದ್ದು ಹೀಗೆ

ಈ ವರ್ಷವೂ, ಬುರ್ಜ್ ಖಲೀಫಾ ನಟನಿಗೆ 56 ನೇ ಹುಟ್ಟುಹಬ್ಬದಂದು ಹುಟ್ಟುಹಬ್ಬದ ಶುಭಾಶಯಗಳು ಎಂದು ಬರೆದು ನಟನ ಫೋಟೋ ಪ್ರದರ್ಶಿಸುವ ಮೂಲಕ ಶುಭಾಶಯವನ್ನು ಪ್ರದರ್ಶಿಸಿದೆ. ಎಮಾರ್ ಪ್ರಾಪರ್ಟೀಸ್ ಮತ್ತು ಇ-ಕಾಮರ್ಸ್ ವೆಂಚರ್ ನೂನ್‌ನ ಸಂಸ್ಥಾಪಕ ಮೊಹಮದ್ ಅಲಬ್ಬರ್ ಅವರು ಬೆಳಗಿದ ಬುರ್ಜ್ ಖಲೀಫಾದ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ.

ಅದರಲ್ಲಿ ಹೃದಯದ ಜೊತೆಗೆ ಶಾರೂಖ್ ಖಾನ್ ಫೋಟೋ ಇದೆ. ಎಸ್‌ಆರ್‌ಕೆ ಅವರ ಸಿನಿಮಾ ದಿಲ್‌ವಾಲೆ ದುಲ್ಹನಿಯಾ ಲೇ ಜಾಯೇಂಗೆ ಚಿತ್ರದ  ಎವರ್‌ಗ್ರೀನ್ ಟ್ರ್ಯಾಕ್ ತುಜೆ ದೇಖಾ ತೋ ಯೇ ಜಾನಾ ಸನಮ್ ಹಿನ್ನೆಲೆಯಲ್ಲಿ ಪ್ಲೇ ಮಾಡಲಾಗಿದೆ.

ನೂನ್ ಕುಟುಂಬದಿಂದ ಶಾರುಖ್ ಖಾನ್ ಅವರಿಗೆ ಜನ್ಮದಿನದ ಶುಭಾಶಯಗಳು ಎಂದು ಮೊಹಮ್ಮದ್ ಅಲಬ್ಬರ್ ಅವರ ಟ್ವೀಟ್ ಮಾಡಿದ್ದಾರೆ. ಇದಾಗಿ ಕೆಲವೇ ಸಮಯದಲ್ಲಿ, #BurjKhalifa Twitter ನಲ್ಲಿ ಟ್ರೆಂಡ್ ಆಗಿದೆ.

ಕಳೆದ ವರ್ಷವೂ, ಬುರ್ಜ್ ಖಲೀಫಾವನ್ನು ಶಾರುಖ್ ಖಾನ್ ಅವರ ಹುಟ್ಟುಹಬ್ಬದಂದು ಅವರ ಹೆಸರಿನೊಂದಿಗೆ ಬೆಳಗಿಸಲಾಗಿತ್ತು. ಅವರು ಐಕಾನಿಕ್ ಗಗನಚುಂಬಿ ಕಟ್ಟಡದ ವೀಡಿಯೊವನ್ನು ಹಂಚಿಕೊಂಡಿದ್ದರು.

ವಿಶ್ವದ ಅತ್ಯಂತ ದೊಡ್ಡ ಮತ್ತು ಎತ್ತರದ ಪರದೆಯ ಮೇಲೆ ನನ್ನನ್ನು ನೋಡಲು ಸಂತೋಷವಾಗಿದೆ. ನನ್ನ ಸ್ನೇಹಿತ ಮೊಹಮದ್ ಅಲಬ್ಬರ್ ನನ್ನ ಮುಂದಿನ ಸಿನಿಮಾಗೂ ಮುಂಚೆಯೇ ನನ್ನನ್ನು ದೊಡ್ಡ ಪರದೆಯ ಮೇಲೆ ಇರಿಸಿದ್ದಾರೆ. ನಿಮ್ಮೆಲ್ಲರಿಗೂ ಧನ್ಯವಾದಗಳು. ದುಬೈನಲ್ಲಿ ನನ್ನ ಸ್ವಂತ ಅತಿಥಿಗಳಾಗಿರೋ ನನ್ನ ಮಕ್ಕಳು ಪ್ರಭಾವಿತರಾಗಿದ್ದಾರೆ ಎಂದು ನಟ ಬರೆದಿದ್ದರು.

ಕೊನೆಯದಾಗಿ 2018 ರ ಝೀರೋ ಸಿನಿಮಾದಲ್ಲಿ ಕಾಣಿಸಿಕೊಂಡ ಶಾರುಖ್ ಖಾನ್ ಸದ್ಯ ಪಠಾನ್ ಸಿನಿಮಾದ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಇದಕ್ಕಾಗಿ ನಟ ವಿಶೇಷವಾಗಿ ಹೇರ್‌ಸ್ಟೈಲ್ ಕೂಡಾ ಮಾಡಿದ್ದಾರೆ

ಆರ್ಯನ್ ಖಾನ್ ಬಿಡುಗಡೆಯಾಗಿ ಬಂದ ಕೆಲವೇ ದಿನಗಳಲ್ಲಿ ಶಾರೂಖ್ ಬರ್ತ್‌ಡೇ ಬಂದಿದ್ದು ಈ ಬಾರಿ ನಟ ಸರಳವಾಗಿ ಆಚರಿಸಿದ್ದಾರೆ. ಪ್ರತಿ ವರ್ಷದಂತೆ ಈ ಬಾರಿ ಟೆರೇಸ್‌ಗೆ ಬಂದು ಅಭಿಮಾನಿಗಳಿಗೆ ವೇವ್ ಮಾಡುವುದನ್ನೂ ತಪ್ಪಿಸಿಕೊಂಡಿದ್ದಾರೆ ನಟ