ಆಮೀರ್ ಖಾನ್ ಪುತ್ರಿ ಇರಾ ಅವರಿಗೆ ಈ ವರ್ಷದ ದೀಪಾವಳಿ ಹಬ್ಬ ತುಂಬಾ ಸಂತೋಷದಾಯಕವಾಗಿದ್ದು, ಆ ಸಂತಸವ್ನನು ಇರಾ ಸೋಶಿಯಲ್ ಮೀಡಿಯಾದಲ್ಲಿ ತಮ್ಮ ಫ್ಯಾನ್ಸ್ ಜೊತೆ ಹಂಚಿಕೊಂಡಿದ್ದಾರೆ.
ಇರಾ ತಮ್ಮ ಅನುಯಾಯಿಗಳೊಂದಿಗೆ ಹಬ್ಬದ ಆಚರಣೆಗಳ ಸುಂದರವಾದ ಫೋಟೋಗಳನ್ನು Instagram ನಲ್ಲಿ ಹಂಚಿಕೊಂಡಿದ್ದಾರೆ. ಇರಾ ಅವರ ದೀಪಾವಳಿಯು ಪ್ರೀತಿ, ನಗು, ಮತ್ತು ಕುಟುಂಬಕ್ಕೆ ಸಂಬಂಧಿಸಿತ್ತು ಎಂದು ಫೋಟೋಗಳು ಸ್ಪಟಷ್ಟವಾಗಿ ಹೇಳುತ್ತಿವೆ.
ಇರಾ ಖಾನ್ ಅವರು ನೂಪುರ್ ಶಿಖರೆ ಮತ್ತು ಅವರ ಕುಟುಂಬದೊಂದಿಗೆ ಪೋಸ್ ನೀಡಿರುವ ಕೆಲವು ಫೋಟೋಗಳನ್ನು ತಮ್ಮ Instagram ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ. ಇಬ್ಬರೂ ಟ್ರೆಡಿಷನಲ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಶಿಖರೆ ಹಳದಿ ಬಣ್ಣದ ಕುರ್ತಾ ಪೈಜಾಮಾವನ್ನು ಧರಿಸಿದ್ದರೆ, ಆಮೀರ್ ಅವರ ಮಗಳು ಇರಾ ಖಾನ್ ಸುಂದರವಾದ ಬಿಳಿ ಸೀರೆಯನ್ನು ಧರಿಸಿದ್ದರು.
ಫೋಟೋಗಳಲ್ಲಿ, ಇರಾ ಖಾನ್ ತನ್ನ ಅತ್ತೆ, ಸಹೋದರಿಯರು ಮತ್ತು ಒಡಹುಟ್ಟಿದವರ ಪಕ್ಕದಲ್ಲಿ ನಗುತ್ತಿರುವ ಮತ್ತು ಪೋಸ್ ನೀಡುತ್ತಿರುವುದನ್ನು ಕಾಣಬಹುದು.
ಇರಾ ಮತ್ತು ನೂಪುರ್ ಸಾಂಪ್ರದಾಯಿಕವಾಗಿ ಉಡುಗೆ ತೊಟ್ಟಾಗ ಪರಸ್ಪರ ಪೂರಕವಾಗಿದ್ದರು. ಆದರೆ ಶೀಘ್ರದಲ್ಲೇ, ಹಲವಾರು ಆನ್ಲೈನ್ ಬಳಕೆದಾರರು ಅವರ ಟ್ರೆಡಿಷನಲ್ ಲುಕ್ ಅನ್ನು ಗೇಲಿ ಮಾಡಲು ಪ್ರಾರಂಭಿಸಿದರು.
ಒಬ್ಬ ಸಾಮಾಜಿಕ ಮಾಧ್ಯಮ ಬಳಕೆದಾರರು ಇರಾ ಖಾನ್ ಅವರನ್ನು 'ದೀಪಾವಳಿಯಲ್ಲಿ ಇರಾ ಧೋತಿ ಯಾಕೆ ಧರಿಸಿದ್ದಾರೆ' ಎಂದು ಕೇಳಿದರು.'ಅಸಹ್ಯವಾಗಿ ಕಾಣುತ್ತಿದೆ' ಎಂದು ಇನ್ನೊಬ್ಬರು ಕಾಮೆಂಟ್ ಮಾಡಿದ್ದಾರೆ.
ಕಳೆದ ತಿಂಗಳು, ಇರಾ ಖಾನ್ ನೂಪುರ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡರು ಮತ್ತು ಅವರು ತಮ್ಮ ನಿಶ್ಚಿತಾರ್ಥವನ್ನು ಪ್ರಪೋಸಲ್ ವೀಡಿಯೊದೊಂದಿಗೆ ಘೋಷಿಸಿದರು.
ಸೆಲೆಬ್ರಿಟಿ ಫಿಟ್ನೆಸ್ ಕೋಚ್ ನೂಪುರ್ ಶಿಖರೆ ಅವರು ತನ್ನ ಸೈಕ್ಲಿಂಗ್ ಈವೆಂಟ್ನಲ್ಲಿ ಇರಾ ಮುಂದೆ ಮೊಣಕಾಲುಗಳ ಮೇಲೆ ಕುಳಿತು ನೀವು ನನ್ನನ್ನು ಮದುವೆಯಾಗುತ್ತೀರಾ? ಎಂದು ಕೇಳಿದಾಗ ಹೌದು ಎಂದು ಇರಾ ಉತ್ತರಿಸಿದರು.