ರಿಷಿ ಕಪೂರ್‌ ಮದುವೆಯಾದ ಕಾರಣಕ್ಕೆ ನೀತು 21 ನೇ ವಯಸ್ಸಿಗೇ ಸಿನಿಮಾದಿಂದ ದೂರವಾದರು

ಇಂದು ಅಂದರೆ ಜುಲೈ 8 ರಂದು ನೀತು ಸಿಂಗ್ (ಕಪೂರ್) ಜನ್ಮದಿನ. 1958 ರಲ್ಲಿ ದೆಹಲಿಯಲ್ಲಿ ಜನಿಸಿದ ಅವರ ಬಾಲ್ಯದ ಹೆಸರು ಹರ್ಮೀತ್ ಕೌರ್. ನೀತು ಸಿಂಗ್ ಅವರು ಕೇವಲ 8 ನೇ ವಯಸ್ಸಿನಲ್ಲಿ ಬಾಲ ಕಲಾವಿದೆಯಾಗಿ ಗುರುತಿಸಿಕೊಂಡರು. ಬಾಲಿವುಡ್‌ನ ಲೆಜೆಂಡರಿ ಕುಟುಂಬದ ಸೊಸೆ ನೀತು ಕಪೂರ್ (Neetu Kapoor) ಬಹಳ ಬೇಗನೆ ಚಿತ್ರರಂಗಕ್ಕೆ ಪ್ರವೇಶಿಸಿದ್ದರುಆದರೆ  ನೀತು ಸಿಂಗ್ ಕೇವಲ 21 ನೇ ವಯಸ್ಸಿನಲ್ಲಿ ಚಿತ್ರರಂಗದಿಂದ ನಿವೃತ್ತಿ ಹೊಂದಬೇಕಾಯಿತು. ಇದಕ್ಕೆ ಕಾರಣ ಅವರು ಕಪೂರ್‌ ಕಟುಂಬದ ಸೊಸೆಯಾಗಿದ್ದು. ಪೂರ್ತಿ ವಿವರ ಇಲ್ಲಿದೆ.

ರಿಷಿ ಕಪೂರ್-ನೀತು ಸಿಂಗ್ ಜೋಡಿಯನ್ನು ಬಾಲಿವುಡ್‌ನ ಅತ್ಯುತ್ತಮ ಜೋಡಿಗಳಲ್ಲಿ ಒಬ್ಬರು ಎಂದು ಪರಿಗಣಿಸಲಾಗಿದೆ. ಇಬ್ಬರೂ ಕಭಿ ಕಭಿ, ಧರಮ್ ವೀರ್, ದೀವಾರ್, ಖೇಲ್-ಖೇಲ್ ಮೇ, ಜಬ್ ತಕ್ ಹೈ ಜಾನ್ ಮುಂತಾದ ಹಲವು ಚಿತ್ರಗಳಲ್ಲಿ ಕೆಲಸ ಮಾಡಿದರು, ಅವುಗಳಲ್ಲಿ ಹೆಚ್ಚಿನವು ಸೂಪರ್ ಹಿಟ್ ಎಂದು ಸಾಬೀತಾಯಿತು.

ಮಾಧ್ಯಮ ವರದಿಗಳ ಪ್ರಕಾರ, ನೀತು ಸಿಂಗ್ ಮೊದಲು ರಿಷಿ ಕಪೂರ್ ಅವರನ್ನು 'ಜೆಹ್ರೀಲಾ ಇನ್ಸಾನ್' ಚಿತ್ರದ ಶೂಟಿಂಗ್ ಸಮಯದಲ್ಲಿ ಗಮನಿಸಿದರು. ಈ ಚಿತ್ರದ ಸೆಟ್‌ನಲ್ಲಿ ನಡೆದ ಭೇಟಿ ಸ್ನೇಹಕ್ಕೆ ತಿರುಗಿತ್ತು.

ರಿಷಿ ಕಪೂರ್ ಚಿತ್ರದ ಚಿತ್ರೀಕರಣಕ್ಕಾಗಿ ಬಹಳ ದಿನಗಳಿಂದ ವಿದೇಶ ಪ್ರವಾಸದಲ್ಲಿದ್ದರು. ಈ ಸಮಯದಲ್ಲಿ, ರಿಷಿ ಕಪೂರ್ ನೀತು ಸಿಂಗ್‌ ಅವರನ್ನು ನೆನಪಿಸಿಕೊಳ್ಳಲು ಪ್ರಾರಂಭಿಸಿದರು. ಅವರು ಭಾರತಕ್ಕೆ ಹಿಂದಿರುಗಿದ ತಕ್ಷಣ, ರಿಷಿ ನೀತು ಸಿಂಗ್ ಅವರ ಪ್ರೀತಿಯನ್ನು ವ್ಯಕ್ತಪಡಿಸಿದರು.

ಈ ವೇಳೆ ನೀತು ಸಿಂಗ್ ಅವರ ವಯಸ್ಸು ಸುಮಾರು 17 ವರ್ಷ.  ನೀತು ಸಿಂಗ್ ಅವರ ಸಿನಿಮಾ ಜೀವನ ಕೇವಲ 7 ರಿಂದ 8 ವರ್ಷಗಳ ಕಾಲ ನಡೆಯಿತು. 

ಅವರು ನಾಯಕ ನಟಿಯಾಗಿ ಒಟ್ಟು 20 ಚಿತ್ರಗಳನ್ನು ಮಾಡಿದರು. ಈ ಪೈಕಿ 11 ಸಿನಿಮಾಗಳು ರಿಷಿ ಕಪೂರ್ ಜೊತೆಯಲ್ಲಿಯೇ ಮಾಡಲಾಗಿತ್ತು. ನೀತು ಸಿಂಗ್ ಅವರ ವೃತ್ತಿಜೀವನದಲ್ಲಿ ಸುಮಾರು 70 ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.

ನೀತು ಕಪೂರ್ 22 ಜನವರಿ 1980 ರಂದು ರಿಷಿ ಕಪೂರ್ ಅವರನ್ನು ವಿವಾಹವಾದರು. ಈ ಮದುವೆಯ ನಂತರ, ಅವರು 21 ನೇ ವಯಸ್ಸಿನಲ್ಲಿ ತಮ್ಮ ಅಪೂರ್ಣ ಯೋಜನೆಯನ್ನು ಪೂರ್ಣಗೊಳಿಸುವ ಮೂಲಕ ಚಲನಚಿತ್ರಗಳಿಗೆ ವಿದಾಯ ಹೇಳಿದರು.

ಮಾಧ್ಯಮ ವರದಿಗಳ ಪ್ರಕಾರ, ಆ ಸಮಯದಲ್ಲಿ ಕಪೂರ್ ಕುಟುಂಬದ ಹೆಣ್ಣುಮಕ್ಕಳು ಮತ್ತು ಸೊಸೆಯರಿಗೆ ಚಲನಚಿತ್ರಗಳಲ್ಲಿ ಕೆಲಸ ಮಾಡಲು ಅವಕಾಶವಿರಲಿಲ್ಲ. ಕರೀನಾ ಮತ್ತು ಕರಿಷ್ಮಾ ಅವರ ತಾಯಿ ಬಬಿತಾ ಕೂಡ  ಈ ಕಾರಣಕ್ಕೆ ಚಲನಚಿತ್ರಗಳನ್ನು ಬಿಡಬೇಕಾಯಿತು.