ಕರ್ಮ ವಾಪಸ್ ಬರುತ್ತೆ, ವಿಚ್ಚೇದನ ಪಡೆದ ಧನುಷ್‌ಗೆ ನಟಿ ನಯನತಾರ ಟಾಂಗ್ ಕೊಟ್ರಾ?

ನಟ ಧನುಷ್‌ ತಮ್ಮ ಪತ್ನಿ ಐಶ್ವರ್ಯ ರಜನೀಕಾಂತ್‌ರಿಗೆ ವಿಚ್ಛೇದನ ನೀಡಿದ್ದು ಎಲ್ಲರಿಗೂ ತಿಳಿದಿರುವ ವಿಚಾರ. ಈ ಹಿನ್ನೆಲೆಯಲ್ಲಿ ನಯನತಾರ ಹಾಕಿರುವ ಪೋಸ್ಟ್ ಈಗ ಸಂಚಲನ ಮೂಡಿಸಿದೆ.  

ಹೀರೋ ಧನುಷ್‌ ಮತ್ತು ನಟಿ ನಯನತಾರ ನಡುವಿನ ಜಗಳ ಈಗ ತಮಿಳು ಚಿತ್ರರಂಗದಲ್ಲಿ ಹಾಟ್ ಟಾಪಿಕ್ ಆಗಿದೆ. `ನಾನುಮ್ ರೌಡಿ ಧಾನ್` ಚಿತ್ರದ ಚಿತ್ರೀಕರಣದ ಸಮಯದಲ್ಲಿ ಆ ಚಿತ್ರದ ಬಜೆಟ್ ಹೆಚ್ಚಳಕ್ಕೆ ಕಾರಣರಾದ್ದರಿಂದ ನಿರ್ಮಾಪಕ ಧನುಷ್ ಮತ್ತು ನಟಿ ನಯನತಾರ ನಡುವೆ ಜಗಳ ನಡೆದಿತ್ತು. ಈಗ 10 ವರ್ಷಗಳ ನಂತರ ಆ ಸಮಸ್ಯೆ ಮತ್ತೆ ಹೊರಬಿದ್ದಿದೆ. ನಯನತಾರ ತಮ್ಮ ಡಾಕ್ಯುಮೆಂಟರಿಯಲ್ಲಿ `ನಾನುಮ್ ರೌಡಿ ಧಾನ್` ಚಿತ್ರದ ಹಾಡನ್ನು ಬಳಸಿಕೊಳ್ಳಲು ಧನುಷ್ ಒಪ್ಪಿಕೊಂಡಿಲ್ಲ.

ಆ ಡಾಕ್ಯುಮೆಂಟರಿಯಲ್ಲಿ `ನಾನುಮ್ ರೌಡಿ ಧಾನ್` ಚಿತ್ರದ ಕೆಲವು ದೃಶ್ಯಗಳನ್ನು ಬಳಸಿರುವುದನ್ನು ಕಂಡ ಧನುಷ್, ಅದಕ್ಕೆ ತಾನೇ ಹಕ್ಕುದಾರ ಎಂದು ನೋಟಿಸ್ ಕಳುಹಿಸಿ, ಅವುಗಳನ್ನು ತೆಗೆದುಹಾಕದಿದ್ದರೆ 10 ಕೋಟಿ ರೂ. ಪರಿಹಾರ ಕೊಡಬೇಕೆಂದು ಎಚ್ಚರಿಕೆ ನೀಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯೆಯಾಗಿ ನಯನತಾರ ಮೂರು ಪುಟಗಳ ಪ್ರಕಟಣೆ ಹೊರಡಿಸಿದ್ದಾರೆ. ಅಷ್ಟೇ ಅಲ್ಲದೆ, ಧನುಷ್ ಎಚ್ಚರಿಕೆಯನ್ನು ಲೆಕ್ಕಿಸದೆ `ನಾನುಮ್ ರೌಡಿ ಧಾನ್` ಚಿತ್ರದ ಮೇಕಿಂಗ್ ದೃಶ್ಯಗಳನ್ನು ತಮ್ಮ ಡಾಕ್ಯುಮೆಂಟರಿಯಲ್ಲಿ ಸೇರಿಸಿದ್ದಾರೆ.

ನಯನತಾರ ಪ್ರಕಟಣೆಗೆ ಯಾವುದೇ ಪ್ರತಿಕ್ರಿಯೆ ನೀಡದ ಧನುಷ್, ಈ ವಿಷಯದ ಬಗ್ಗೆ ನಯನತಾರ ವಿರುದ್ಧ ಚೆನ್ನೈ ಹೈಕೋರ್ಟ್‌ನಲ್ಲಿ ದಾವೆ ಹೂಡಿದ್ದಾರೆ. ಅನುಮತಿಯಿಲ್ಲದೆ `ನಾನುಮ್ ರೌಡಿ ಧಾನ್` ಚಿತ್ರದ ದೃಶ್ಯಗಳನ್ನು ಬಳಸಿದ ನಯನತಾರ, ವಿಘ್ನೇಶ್ ಶಿವನ್ ಮತ್ತು ನೆಟ್‌ಫ್ಲಿಕ್ಸ್ ಸಂಸ್ಥೆಗಳ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಧನುಷ್ ಅರ್ಜಿಯಲ್ಲಿ ಉಲ್ಲೇಖಿಸಿದ್ದಾರೆ. ಈ ಪ್ರಕರಣವನ್ನು ವಿಚಾರಣೆ ನಡೆಸಿದ ನ್ಯಾಯಾಧೀಶರು ನಯನತಾರ ಉತ್ತರಿಸಬೇಕೆಂದು ಆದೇಶಿಸಿದ್ದಾರೆ.

ಧನುಷ್ ತಮ್ಮ ಮೇಲೆ ದಾವೆ ಹೂಡಿರುವುದರಿಂದ, ಅವರನ್ನು ಪರೋಕ್ಷವಾಗಿ ಗುರಿಯಾಗಿಸಿಕೊಂಡು ತಮ್ಮ ಇನ್‌ಸ್ಟಾ ಪುಟದಲ್ಲಿ ಸ್ಟೋರಿ ಪೋಸ್ಟ್ ಮಾಡಿದ್ದಾರೆ. “ನೀವು ಸುಳ್ಳು ಹೇಳಿ ಯಾರೊಬ್ಬರ ಜೀವನವನ್ನು ಹಾಳುಮಾಡಿದರೆ, ಅದನ್ನು ಸಾಲವಾಗಿ ಪರಿಗಣಿಸಲಾಗುತ್ತದೆ. ಅದು ನಿಮಗೆ ಬಡ್ಡಿಯೊಂದಿಗೆ ವಾಪಸ್ ಬರುತ್ತದೆ” ಎಂದು ಕರ್ಮ ಹೇಳಿದಂತೆ ಉಲ್ಲೇಖಿಸಿ, ಅದಕ್ಕೆ ಅಂಡರ್‌ಲೈನ್ ಕೂಡ ಮಾಡಿದ್ದಾರೆ ನಯನತಾರ. ನೇರವಾಗಿ ಧನುಷ್‌ರನ್ನೇ ಉದ್ದೇಶಿಸಿ ಈ ಪೋಸ್ಟ್ ಹಾಕಿಲ್ಲದಿದ್ದರೂ, ಅದು ಧನುಷ್‌ಗೆ ಟಾಂಗ್ ಎಂದು ನೆಟ್ಟಿಗರು ಟ್ರೆಂಡ್ ಮಾಡುತ್ತಿದ್ದಾರೆ.

ಕೆಲವು ದಿನಗಳ ಹಿಂದೆಯಷ್ಟೇ ಧನುಷ್‌ಗೆ ವಿಚ್ಛೇದನ ಆಗಿದೆ. 2004 ರಲ್ಲಿ ರಜನೀಕಾಂತ್ ಅವರ ಹಿರಿಯ ಪುತ್ರಿ ಐಶ್ವರ್ಯ ಅವರನ್ನು ವಿವಾಹವಾದ ಧನುಷ್, 2022 ರಲ್ಲಿ ವಿಚ್ಛೇದನ ನೀಡುವುದಾಗಿ ಘೋಷಿಸಿದ್ದರು. ಎರಡು ವರ್ಷಗಳ ಕಾಲ ವಿಚ್ಛೇದನ ಪ್ರಕರಣ ನಡೆದ ನಂತರ, ಕೆಲವು ದಿನಗಳ ಹಿಂದೆ ನ್ಯಾಯಾಲಯ ಇಬ್ಬರಿಗೂ ವಿಚ್ಛೇದನ ಮಂಜೂರು ಮಾಡಿದೆ. ಇದನ್ನು ಟೀಕಿಸುತ್ತಲೇ ನಯನತಾರ ಇನ್‌ಸ್ಟಾದಲ್ಲಿ ಸೂಚ್ಯಾರ್ಥದ ಪೋಸ್ಟ್ ಹಾಕಿದ್ದಾರೆ ಎನ್ನಲಾಗುತ್ತಿದೆ. ನಯನತಾರ ಯಾವ ಉದ್ದೇಶದಿಂದ ಪೋಸ್ಟ್ ಹಾಕಿದ್ದಾರೋ ಗೊತ್ತಿಲ್ಲ, ಆದರೆ ನೆಟ್ಟಿಗರು ಧನುಷ್‌ಗೆ ಲಿಂಕ್ ಮಾಡುತ್ತಿದ್ದಾರೆ. ಇದು ಯಾವ ಪರಿಣಾಮ ಬೀರುತ್ತದೆ ಎಂದು ಕಾದು ನೋಡಬೇಕು.