ಮದುವೆಯಾಗಿದ್ರೂ ಶ್ರೀದೇವಿ ಸೇರಿ ಈ ನಟಿಯರ ಜೊತೆ ಸಂಬಂಧ ಹೊಂದಿದ್ದರು ಮಿಥುನ್‌ ಚಕ್ರವರ್ತಿ!

ಬಾಲಿವುಡ್‌ ನಟ ಮಿಥುನ್ ಚಕ್ರವರ್ತಿ (Mithun Chakraborty) ಇಂದು (ಜೂನ್ 16) ತಮ್ಮ 73ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಯಾವುದೇ ಗಾಡ್‌ಫಾದರ್ ಇಲ್ಲದೆ ತಮ್ಮ ಕಠಿಣ ಪರಿಶ್ರಮದಿಂದ ಚಿತ್ರರಂಗದಲ್ಲಿ ತಮ್ಮದೇ ಆದ ಸ್ಥಾನ ಪಡೆದಿರುವ ನಟರಲ್ಲಿ ಮಿಥುನ್ ಒಬ್ಬರು. ಮಿಥುನ್ ಅವರ ಲವ್‌ಲೈಫ್‌ ಸಾಕಷ್ಟು ಸದ್ದು ಮಾಡಿದೆ. ಮದುವೆಯಾದ್ರೂ ಮಿಥುನ್ ಚಕ್ರವರ್ತಿ ಬಾಲಿವುಡ್‌ ಹಲವು ನಟಿಯರ ಜೊತೆ ಸಂಬಂಧ ಹೊಂದಿದ್ದರು.   

ಮಿಥುನ್ ಚಕ್ರವರ್ತಿ ತಮ್ಮ ವೃತ್ತಿ ಜೀವನದ ಜೊತೆ, ತಮ್ಮ ವೈಯಕ್ತಿಕ ಜೀವನದ ಕಾರಣಕ್ಕೂ ಗಮನ ಸೆಳೆದವರು. ಮಿಥುನ್ ಚಕ್ರವರ್ತಿ ಹೆಸರು ಅನೇಕ ನಟಿಯರ ಜೊತೆ ತಳುಕು ಹಾಕಿಕೊಂಡಿದ್ದ ಕಾಲವೊಂದಿತ್ತು. ಆದರೆ ರಂಜಿತಾ, ಯೋಗಿತಾ ಬಾಲಿ ಮತ್ತು ಸಾರಿಕಾ ಅವರೊಂದಿಗಿನ ಅವರ ಸಂಬಂಧ ಹೆಚ್ಚು ಚರ್ಚೆಯಾಯಿತು. ಇದಾದ ನಂತರ ಅವರು ಯೋಗಿತಾ ಬಾಲಿ ಅವರನ್ನು ವಿವಾಹವಾದರು.

ಮದುವೆಯಾಗಿದ್ದರೂ ಮಿಥುನ್ ಶ್ರೀದೇವಿಯನ್ನು ಪ್ರೀತಿಸುತ್ತಿದ್ದರು ಮತ್ತು ಅವರ ಸಂಬಂಧದ ಬಗ್ಗೆ ಸಾಕಷ್ಟು ಚರ್ಚೆಗಳು ನಡೆದಿವೆ. ಆದರೆ ಮಿಥುನ್ ಅವರ ಪತ್ನಿ ಯೋಗಿತಾ ಅವರ ಸಂಬಂಧದ ಬಗ್ಗೆ ತಿಳಿದ ತಕ್ಷಣ ಅವರು ತುಂಬಾ ಕೋಪಗೊಂಡಿದ್ದರು. ಈ ವಿಚಾರ ಕೇಳಿ ಮನನೊಂದ ಯೋಗಿತಾ ಆತ್ಮಹತ್ಯೆಗೆ ಯತ್ನಿಸಿದ್ದರು ಎನ್ನಲಾಗಿದೆ. 

ಈ ಘಟನೆಯ ನಂತರ ಮಿಥುನ್ ಶ್ರೀದೇವಿಯಿಂದ ಬೇರ್ಪಡಬೇಕಾಯಿತು. ತದ ನಂತರ ಶ್ರೀದೇವಿ ವಿವಾಹಿತ ಚಲನಚಿತ್ರ ನಿರ್ಮಾಪಕ ಬೋನಿ ಕಪೂರ್ ಅವರನ್ನು ಪ್ರೀತಿಸಿ ನಂತರ ಅವರನ್ನು ವಿವಾಹವಾದರು.  ಮಿಥುನ್ ಚಕ್ರವರ್ತಿ ಮತ್ತು ಶ್ರೀದೇವಿ ಹಲವು ವರ್ಷಗಳ ಕಾಲ ಪರಸ್ಪರ ಮಾತನಾಡಿರಲಿಲ್ಲ.

ಶ್ರೀದೇವಿಯಿಂದ ಬೇರ್ಪಟ್ಟ ನಂತರ ಮಿಥುನ್ ಚಕ್ರವರ್ತಿ ರಂಜಿತಾ ಜೊತೆ ಸಂಬಂಧ ಹೊಂದಿದ್ದರು. ಆದಾಗ್ಯೂ, ಇಬ್ಬರೂ ಹೆಚ್ಚು ಕಾಲ ಒಟ್ಟಿಗೆ ಇರಲಿಲ್ಲ ಮತ್ತು ಶೀಘ್ರದಲ್ಲೇ ಈ ಸಂಬಂಧವೂ ಕೊನೆಗೊಂಡಿತು. 

ಇದರ ನಂತರ, ಮಿಥುನ್ ಮಾಧುರಿ ದೀಕ್ಷಿತ್ ಅವರ ಸೌಂದರ್ಯವನ್ನು ಇಷ್ಟಪಟ್ಟರು ಮತ್ತು ಅವರೊಂದಿಗೆ ಡೇಟಿಂಗ್ ಮಾಡಲು ಪ್ರಾರಂಭಿಸಿದರು, ಆದರೆ ಈ ಸಂಬಂಧವೂ ಕೊನೆಗೊಂಡಿತು.

ಮಾಧ್ಯಮ ವರದಿಗಳ ಪ್ರಕಾರ, ಇದಾದ ನಂತರ, ಮಿಥುನ್ ತನಗಿಂತ 22 ವರ್ಷ ಚಿಕ್ಕವಳಾದ ಆಯೇಷಾರ ಜೊತೆ  ಡೇಟಿಂಗ್ ಮಾಡಿದ್ದಾರೆ. ಆಯೇಷಾ ಮಿಥುನ್‌ನನ್ನು ಮದುವೆಯಾಗಲು ಬಯಸಿದ್ದರು. ಆದರೆ ಮಿಥುನ್‌ಗೆ ಆಕೆಯನ್ನು  ಮದುವೆಯಾಗಲು ಇಷ್ಟವಿರಲಿಲ್ಲ. ಇದರಿಂದಾಗಿ ಆಯೇಷಾರಿಂದ ದೂರವಾದರು ಮತ್ತು ಇಬ್ಬರೂ ಬೇರೆಯಾದರು.