ಈ ವರ್ಷ ಒಂದೇ ತಿಂಗಳಲ್ಲಿ 2 ಬ್ಲಾಕ್ ಬಸ್ಟರ್ ನೀಡಿದ; ಬರೋಬ್ಬರಿ 500 ಕೋಟಿ ಕಲೆಕ್ಷನ್!

Super Hit Cinema: ಇವತ್ತಿನ ಕಾಲದಲ್ಲಿ ಸ್ಟಾರ್ ನಟರಿಗೆ ವರ್ಷಕ್ಕೆ ಒಂದು ಹಿಟ್ ಸಿನಿಮಾ ಕೊಡೋದೇ ಕಷ್ಟ. ಆದ್ರೆ ಒಂದೇ ತಿಂಗಳಲ್ಲಿ ಎರಡು ಸೂಪರ್ ಹಿಟ್ ಸಿನಿಮಾ ಕೊಟ್ಟ ಸ್ಟಾರ್ ನಟನ ಬಗ್ಗೆ ತಿಳ್ಕೊಳ್ಳೋಣ.

2025ರಲ್ಲಿ ಡಬಲ್ ಬ್ಲಾಕ್ ಬಸ್ಟರ್ ಹೀರೋ

90ರ ದಶಕದ ಮೊದಲು ನಟರು ವರ್ಷಕ್ಕೆ ಹಲವಾರು ಸಿನಿಮಾಗಳಲ್ಲಿ ನಟಿಸುತ್ತಿದ್ದರು. ಈಗಿನ ಕಾಲದಲ್ಲಿ ಸ್ಟಾರ್ ನಟರು ವರ್ಷಕ್ಕೆ ಒಂದು ಸಿನಿಮಾ ಮಾಡೋದೇ ದೊಡ್ಡದು. ಆದ್ರೆ 2025ರಲ್ಲಿ ಒಬ್ಬ ಸ್ಟಾರ್ ನಟ ಒಂದೇ ತಿಂಗಳಲ್ಲಿ ಎರಡು ಸಿನಿಮಾ ರಿಲೀಸ್ ಮಾಡಿ, ಎರಡೂ ಸಿನಿಮಾಗಳು ಸೂಪರ್ ಹಿಟ್ ಆಗಿ 500 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿವೆ.

ಮೋಹನ್ ಲಾಲ್ ಡಬಲ್ ಬ್ಲಾಕ್ ಬಸ್ಟರ್

ಆ ನಟ ಬೇರೆ ಯಾರೂ ಅಲ್ಲ, ಮಲಯಾಳಂ ಸೂಪರ್ ಸ್ಟಾರ್ ಮೋಹನ್ ಲಾಲ್. ಈ ವರ್ಷ ಅವರ 'ಎಂಪುರಾನ್' ಮತ್ತು 'ತುಡರುಮ್' ಸಿನಿಮಾಗಳು ರಿಲೀಸ್ ಆಗಿ, ಬಾಕ್ಸ್ ಆಫೀಸ್ ನಲ್ಲಿ ಸೂಪರ್ ಹಿಟ್ ಆಗಿವೆ. 'ಎಂಪುರಾನ್' ಚಿತ್ರವನ್ನು ಪೃಥ್ವಿರಾಜ್ ಸುಕುಮಾರನ್ ನಿರ್ದೇಶಿಸಿದ್ದಾರೆ. 'ತುಡರುಮ್' ಚಿತ್ರವನ್ನು ತರುಣ್ ಮೂರ್ತಿ ನಿರ್ದೇಶಿಸಿದ್ದಾರೆ. ಈ ಎರಡೂ ಚಿತ್ರಗಳು ಒಂದೇ ತಿಂಗಳ ಅಂತರದಲ್ಲಿ ಬಿಡುಗಡೆಯಾಗಿವೆ.

500 ಕೋಟಿ ಕಲೆಕ್ಷನ್!

'ಎಂಪುರಾನ್' ಮಾರ್ಚ್ 28 ರಂದು ಬಿಡುಗಡೆಯಾಗಿ 325 ಕೋಟಿ ಕಲೆಕ್ಷನ್ ಮಾಡಿತ್ತು. 'ತುಡರುಮ್' ಏಪ್ರಿಲ್ 25 ರಂದು ಬಿಡುಗಡೆಯಾಗಿ 210 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿ ಯಶಸ್ಸು ಕಂಡಿದೆ. ಕೇರಳದಲ್ಲಿ ಮಾತ್ರ 100 ಕೋಟಿ ಕಲೆಕ್ಷನ್ ಮಾಡಿದ ಮೊದಲ ಮಲಯಾಳಂ ಸಿನಿಮಾ ಇದಾಗಿದೆ.

ಮೋಹನ್ ಲಾಲ್ ಹುಟ್ಟುಹಬ್ಬ

ಒಂದೇ ತಿಂಗಳಲ್ಲಿ ಎರಡು ಸೂಪರ್ ಹಿಟ್ ಸಿನಿಮಾ ಕೊಟ್ಟ ಮೋಹನ್ ಲಾಲ್ ಇಂದು ತಮ್ಮ 65ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಸದ್ಯಕ್ಕೆ 'ಹೃದಯಪೂರ್ವಮ್' ಎಂಬ ಮಲಯಾಳಂ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ತಮಿಳಿನ 'ಜೈಲರ್ 2' ಚಿತ್ರದಲ್ಲಿ ರಜನಿಕಾಂತ್ ಜೊತೆ ನಟಿಸಲಿದ್ದಾರೆ.