ನಿರ್ಮಾಪಕ ಸುರೇಶ್ ಮೇನನ್ - ನಟಿ ಮೇನಕಾ ದಂಪತಿಗಳ ಮಗಳು ಕೀರ್ತಿ ಸುರೇಶ್, ತಮಿಳು ಸಿನಿಮಾದಲ್ಲಿ ಎ.ಎಲ್.ವಿಜಯ್ ನಿರ್ದೇಶನದ 'ಇದು ಎನ್ನ ಮಾಯಂ' ಚಿತ್ರದ ಮೂಲಕ ನಾಯಕಿಯಾಗಿ ಪರಿಚಯವಾದರು. ನಂತರ ಶಿವಕಾರ್ತಿಕೇಯನ್ ಜೊತೆ 'ರಜಿನಿ ಮುರುಗನ್' ಚಿತ್ರದಲ್ಲಿ ನಟಿಸಿದ ನಂತರ, ಕೀರ್ತಿ ಸುರೇಶ್ ಎಲ್ಲರಿಗೂ ಪರಿಚಿತರಾದರು. ಮತ್ತೆ 'ರೆಮೋ' ಚಿತ್ರದಲ್ಲೂ ಶಿವಕಾರ್ತಿಕೇಯನ್ ಜೊತೆ ನಟಿಸಿದರು. ಈ ಎರಡೂ ಚಿತ್ರಗಳ ಯಶಸ್ಸಿನ ನಂತರ, ದೊಡ್ಡ ನಟರ ಚಿತ್ರಗಳಲ್ಲಿ ನಟಿಸುವ ಅವಕಾಶಗಳು ಕೀರ್ತಿಗೆ ಹರಿದುಬಂದವು.
26
ನಟಿ ಕೀರ್ತಿ ಸುರೇಶ್
ಧನುಷ್ ಜೊತೆ 'ತೊಡರಿ', ವಿಜಯ್ ಜೊತೆ 'ಭೈರವ' ಮತ್ತು 'ಸರ್ಕಾರ್', ಸೂರ್ಯ ಜೊತೆ 'ತಾನಾ ಸೇರ್ಂದ ಕೂಟ್ಟಂ', ವಿಕ್ರಮ್ ಜೊತೆ 'ಸಾಮಿ ಸ್ಕ್ವೇರ್' ಹೀಗೆ ದೊಡ್ಡ ನಟರ ಜೊತೆ ನಟಿಸಿ, ಕಡಿಮೆ ಅವಧಿಯಲ್ಲಿಯೇ ಸ್ಟಾರ್ ನಟಿಯಾದರು. ನಂತರ ಟಾಲಿವುಡ್ಗೆ ಹೋದ ಅವರು, ಅಲ್ಲಿ ನಟಿಸಿದ ಮೊದಲ ಚಿತ್ರವೇ ಅವರ ಜೀವನಕ್ಕೆ ತಿರುವು ನೀಡಿತು. ಆ ಚಿತ್ರದ ಹೆಸರು 'ಮಹಾನಟಿ'.
36
ಕೀರ್ತಿ ಸುರೇಶ್ ಚಿತ್ರಗಳು
ನಟಿ ಸಾವಿತ್ರಿ ಅವರ ಜೀವನ ಚರಿತ್ರೆಯನ್ನಾಧರಿಸಿ ಈ ಚಿತ್ರ ನಿರ್ಮಾಣವಾಗಿತ್ತು. ಈ ಚಿತ್ರಕ್ಕಾಗಿ ಕೀರ್ತಿ ಸುರೇಶ್ ಅವರಿಗೆ ಅತ್ಯುತ್ತಮ ನಟಿಗಾಗಿ ರಾಷ್ಟ್ರೀಯ ಪ್ರಶಸ್ತಿ ಲಭಿಸಿತು. ಇದರ ನಂತರ, ಕೀರ್ತಿ ಸುರೇಶ್ ತಮ್ಮ ಹಾದಿಯನ್ನೇ ಬದಲಾಯಿಸಿಕೊಂಡರು. ಕಮರ್ಷಿಯಲ್ ಚಿತ್ರಗಳಲ್ಲಿ ನಟಿಸುವುದನ್ನ ಬಿಟ್ಟು, ನಾಯಕಿ ಪ್ರಧಾನ ಪಾತ್ರದಲ್ಲಿರುವ ಚಿತ್ರಗಳನ್ನು ಆಯ್ಕೆ ಮಾಡಿಕೊಂಡು ನಟಿಸಲು ಪ್ರಾರಂಭಿಸಿದರು. ಇದೀಗ ಬಾಲಿವುಡ್ನಲ್ಲೂ ನಾಯಕಿಯಾಗಿ ಕಾಲಿಟ್ಟಿದ್ದಾರೆ.
46
ಕೀರ್ತಿ ಸುರೇಶ್ ಮುಂದಿನ ಚಿತ್ರಗಳು
ಬಾಲಿವುಡ್ನಲ್ಲಿ ಅವರು ನಾಯಕಿಯಾಗಿ ನಟಿಸಿರುವ ಮೊದಲ ಚಿತ್ರ 'ಬೇಬಿ ಜಾನ್'. ಈ ಚಿತ್ರವನ್ನು ಅಟ್ಲಿ ನಿರ್ಮಿಸಿದ್ದಾರೆ. ಈ ಚಿತ್ರದಲ್ಲಿ ವರುಣ್ ಧವನ್ ನಾಯಕನಾಗಿ ನಟಿಸಿದ್ದಾರೆ. ಈ ಚಿತ್ರ ಡಿಸೆಂಬರ್ 25 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಚಿತ್ರ ಬಿಡುಗಡೆಯಾಗುವ ಮೊದಲೇ ಕೀರ್ತಿ ಸುರೇಶ್ ಮದುವೆಯಾಗಿದ್ದಾರೆ. ತಮ್ಮ ಗೆಳೆಯ ಆಂಟನಿ ತಟ್ಟೀಲ್ರನ್ನ ಡಿಸೆಂಬರ್ 12 ರಂದು ವಿವಾಹವಾದರು. ಇವರ ಮದುವೆ ಗೋವಾದಲ್ಲಿ ನಡೆಯಿತು. ವಿಜಯ್, ತ್ರಿಷಾ, ಅಟ್ಲಿ ಸೇರಿದಂತೆ ಹಲವು ಗಣ್ಯರು ಭಾಗವಹಿಸಿದ್ದರು.
56
ಕೀರ್ತಿ ಸುರೇಶ್ ಪತಿ
ಮದುವೆಯ ನಂತರ ಕೀರ್ತಿ ಸುರೇಶ್ ಸಿನಿಮಾ ಬಿಡ್ತಾರಾ ಅನ್ನೋ ಪ್ರಶ್ನೆ ಎದ್ದಿದೆ. ಏಕೆಂದರೆ ಅವರ ಕೈಯಲ್ಲಿ ಈಗ 'ರಿವಾಲ್ವರ್ ರೀಟಾ' ಮತ್ತು 'ಕಣ್ಣಿವೆಡಿ' ಎಂಬ ಎರಡು ಚಿತ್ರಗಳು ಮಾತ್ರ ಇವೆ. ಈ ಎರಡೂ ಚಿತ್ರಗಳ ಚಿತ್ರೀಕರಣ ಮುಗಿದಿದ್ದು, ಬಿಡುಗಡೆಗೆ ಸಿದ್ಧವಾಗಿವೆ. ಹೊಸ ಚಿತ್ರಗಳಿಗೆ ಸಹಿ ಹಾಕದ ಕಾರಣ, ಕೀರ್ತಿ ಸಿನಿಮಾ ಬಿಡಬಹುದು ಎನ್ನಲಾಗುತ್ತಿದೆ.
66
ಕೀರ್ತಿ ಸಿನಿಮಾ ಬಿಡ್ತಾರಾ?
ಕೆಲವು ವರ್ಷಗಳ ಹಿಂದೆ, ಕೀರ್ತಿ ಸುರೇಶ್ ಮದುವೆಯ ನಂತರ ಸಿನಿಮಾ ಬಿಟ್ಟು, ಚಿತ್ರ ನಿರ್ಮಾಣಕ್ಕೆ ಇಳಿಯಲಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಈಗ ಅದು ನಿಜವಾಗುವಂತೆ ಕಾಣುತ್ತಿದೆ. ನಟ ಅಜಿತ್ ಪತ್ನಿ ಶಾಲಿನಿ ಕೂಡ ಸಿನಿಮಾದಲ್ಲಿ ಉತ್ತುಂಗದಲ್ಲಿದ್ದಾಗ ಮದುವೆಯಾಗಿ ಸಿನಿಮಾ ಬಿಟ್ಟರು. ಈಗ ಕೀರ್ತಿ ಕೂಡ ಅದೇ ಹಾದಿ ಹಿಡಿಯುತ್ತಾರಾ ಎಂಬ ಪ್ರಶ್ನೆ ಎದ್ದಿದೆ.
