ಡಿಸೆಂಬರ್‌ನಲ್ಲಿ ಕತ್ರಿನಾ ವಿಕ್ಕಿ ಮದುವೆ; ಡ್ರೆಸ್‌ ಡಿಸೈನರ್‌ ಯಾರು ಗೊತ್ತಾ?

ಕತ್ರಿನಾ ಕೈಫ್ (Katrina Kaif) ಮತ್ತು ವಿಕ್ಕಿ ಕೌಶಲ್  (vicky Kaushal) ಅವರ ಅಫೇರ್, ಎಂಗೇಜ್ಮೆಂಟ್ ಮತ್ತು ನಂತರ ಈಗ ಈ ವರ್ಷ ಡಿಸೆಂಬರ್‌ನಲ್ಲಿ ಇಬ್ಬರೂ ಮದುವೆಯಾಗುತ್ತಾರೆ ಎಂಬ ಸುದ್ದಿಯಿದೆ. ಮಾಧ್ಯಮ ವರದಿಗಳ ಪ್ರಕಾರ, ಮದುವೆಯ ದಿನಾಂಕವನ್ನು ಸಹ ನಿಗದಿಪಡಿಸಲಾಗಿದೆ. ಆದರೆ ಅದನ್ನು ಇನ್ನೂ ರಹಸ್ಯವಾಗಿಡಲಾಗಿದೆ. ಇಬ್ಬರೂ ತಮ್ಮ ಬಟ್ಟೆಗಳನ್ನು ಸಿದ್ಧಪಡಿಸುತ್ತಿದ್ದಾರೆ ಮತ್ತು ಪ್ರಸಿದ್ಧ ಸೆಲೆಬ್ರಿಟಿ ಡಿಸೈನರ್ ಸಬ್ಯಸಾಚಿ (Sabyasachi) ಅವರ ಮದುವೆಯ ಬಟ್ಟೆಗಳನ್ನು ವಿನ್ಯಾಸಗೊಳಿಸುತ್ತಿದ್ದಾರೆ ಎಂಬ ಸುದ್ದಿಯೂ ಇದೆ. ಕತ್ರಿನಾ ತನಗಾಗಿ ರೇಷ್ಮೆ ಬಟ್ಟೆಯನ್ನು ಆರಿಸಿಕೊಂಡಿದ್ದಾರೆ ಎಂದು ವರದಿಗಳು ಹೇಳುತ್ತಿವೆ. ಆದರೆ, ಈ ವರದಿಗಳಲ್ಲಿ ಎಷ್ಟು ಸತ್ಯಾಂಶವಿದೆ ಎಂಬುದು ಕಾದು ನೋಡಬೇಕು.   

ಈ ವರ್ಷದ ಆಗಸ್ಟ್‌ನಲ್ಲಿ ವಿಕ್ಕಿ ಕೌಶಲ್‌ ಹಾಗೂ ಕತ್ರಿನಾರ ನಿಶ್ಚಿತಾರ್ಥದ ಸುದ್ದಿ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು. ಆದರೆ, ಇಬ್ಬರೂ ಈ ವರದಿಗಳನ್ನು ಸಾರಾಸಗಟಾಗಿ ನಿರಾಕರಿಸಿದ್ದರು. ನಿನ್ನೆ ರಾತ್ರಿ ಇಬ್ಬರೂ ರೇಷ್ಮಾ ಶೆಟ್ಟಿ ಅವರ ಕಚೇರಿಯ ಹೊರಗೆ ಕಾಣಿಸಿಕೊಂಡಿದ್ದಾರೆ. ಇಬ್ಬರೂ ತಮ್ಮ ತಮ್ಮ ಕಾರುಗಳಲ್ಲಿ ಇಲ್ಲಿಗೆ ಬಂದಿದ್ದರು. ಇವರಿಬ್ಬರನ್ನು ಮತ್ತೆ ಒಟ್ಟಿಗೆ ನೋಡಿ ಮದುವೆ ಸುದ್ದಿ ವೈರಲ್ ಆಗಿದೆ. 

ವಿಕ್ಕಿ ಕೌಶಲ್ ಅವರ ಚಿತ್ರ ಸರ್ದಾರ್ ಉಧಮ್ ಸಿಂಗ್ ಇತ್ತೀಚೆಗೆ OTT ವೇದಿಕೆಯಲ್ಲಿ ಬಿಡುಗಡೆಯಾಗಿದೆ. ಚಿತ್ರದ ಬಿಡುಗಡೆಯ ಸಂದರ್ಭದಲ್ಲಿ ಕತ್ರಿನಾ ಜೊತೆಗಿನ ನಿಶ್ಚಿತಾರ್ಥದ ಸುದ್ದಿಯ ಬಗ್ಗೆ ಕೇಳಿದಾಗ 'ನಿಮ್ಮ ಸ್ನೇಹಿತರು ಈ ಸುದ್ದಿಯನ್ನು ಹರಡಿದ್ದಾರೆ. ಸಮಯ ಬಂದಾಗ ನಾನು ಕೂಡ ಶೀಘ್ರದಲ್ಲೇ ನಿಶ್ಚಿತಾರ್ಥ ಮಾಡಿಕೊಳ್ಳುತ್ತೇನೆ,' ಎಂದು ಹೇಳಿದ್ದಾರೆ.

ಇತ್ತೀಚೆಗಷ್ಟೇ ಸರ್ದಾರ್ ಉಧಮ್ ಸಿಂಗ್ ಸಿನಿಮಾ ಸ್ಕ್ರೀನಿಂಗ್ ನಡೆದಿದ್ದು, ಕತ್ರಿನಾ ಕೈಫ್ ಕೂಡ ಅದನ್ನು ನೋಡಲು ಹಾಜಾರಾಗಿದ್ದರು . ಫಿಲ್ಮ್‌ ಸ್ಕ್ರೀನಿಂಗ್‌ಗೆ (Film Screening) ಸಂಬಂಧಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಅದರಲ್ಲಿ ಲವ್‌ ಬರ್ಡ್ಸ್‌ (Love Birds) ಪರಸ್ಪರ ಹಗ್‌ ಮಾಡಿರುವುದು ಕಂಡುಬಂದಿದೆ. ಇಷ್ಟೇ ಅಲ್ಲ ಕತ್ರಿನಾ ಸಿನಿಮಾ ನೋಡಿ ವಿಕ್ಕಿಯನ್ನು ಹೊಗಳಿದ್ದಾರೆ.

ವರದಿಗಳ ಪ್ರಕಾರ, ಇಬ್ಬರೂ ರಾಜಸ್ಥಾನದ ಉದಯಪುರದಲ್ಲಿ  ಈ ಜೋಡಿ ಮದುವೆಯಾಗಲಿದ್ದಾರೆ ಮತ್ತು ಇದಕ್ಕಾಗಿ ತಯಾರಿ ಕೂಡ ನಡೆಯುತ್ತಿದೆ. ಸುದ್ದಿ ಪ್ರಕಾರ, ಈ ಮದುವೆಯಲ್ಲಿ ಇಬ್ಬರ ಕುಟುಂಬ ಸದಸ್ಯರು ಭಾಗಿಯಾಗಲಿದ್ದಾರೆ.

ಜುಲೈನಲ್ಲಿ ಕತ್ರಿನಾ ಕೈಫ್ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು. ಈ ಸಮಯದಲ್ಲಿ, ಸಲ್ಮಾನ್ ಖಾನ್ ಅವರ ಸ್ಟೈಲಿಸ್ಟ್ ಆಶ್ಲೇ ರೆಬೆಲ್ಲೋ ಕತ್ರಿನಾಳ ಫೋಟೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ಈ ಫೋಟೋ ನೋಡಿದ ಅಭಿಮಾನಿಗಳು ಕತ್ರಿನಾ ಮತ್ತು ವಿಕ್ಕಿ ಶೀಘ್ರದಲ್ಲೇ ಮದುವೆಯಾಗುತ್ತಾರೆ ಎಂದು ಊಹಿಸಲು ಪ್ರಾರಂಭಿಸಿದರು.

ಕತ್ರಿನಾ-ವಿಕ್ಕಿ ಸಂಬಂಧದ ವಿಷಯ ಲೀಕ್‌ ಆಗಲು ಕಾರಣ ಪ್ರಿಯಾಂಕಾ ಚೋಪ್ರಾರ ಪತಿ ನಿಕ್‌. ವಾಸ್ತವವಾಗಿ, ಪ್ರಿಯಾಂಕಾ ಚೋಪ್ರಾ ಮತ್ತು  ಪತಿ ನಿಕ್ ಜೋನಾಸ್ ಇಶಾ ಅಂಬಾನಿಯವರ ಹೋಳಿ ಪಾರ್ಟಿಯನ್ನು ಅಂಟೆಡ್‌ ಆಗಿದ್ದರು ಮತ್ತು ನಿಕ್ ಅವರು ಅಲ್ಲಿನ ವೀಡಿಯೊವನ್ನು ಹಂಚಿಕೊಂಡಿದ್ದರು. ಇದರಲ್ಲಿ ಕತ್ರಿನಾ-ವಿಕ್ಕಿ ಹೋಳಿಯನ್ನು ಆಡುತ್ತಿರುವುದು ಕಂಡು ಬಂದಿದೆ. ಇದರ ನಂತರ ಇಬ್ಬರ ಡೇಟಿಂಗ್ ಸುದ್ದಿಯೂ ಬೆಳಕಿಗೆ  ಬಂದಿತ್ತು.

ಇದರ ನಂತರ, ವಿಕ್ಕಿ ಕೌಶಲ್ ಮಧ್ಯರಾತ್ರಿಯಲ್ಲಿ ಕತ್ರಿನಾ ಕೈಫ್ ಅವರ ಕಟ್ಟಡದ ಕೆಳಗೆ ಹಲವಾರು ಬಾರಿ ಕಾಣಿಸಿಕೊಂಡರು. ಕತ್ರಿನಾಳನ್ನು ರಹಸ್ಯವಾಗಿ ಭೇಟಿಯಾಗುತ್ತಿದ್ದಾಗ ಮಾಧ್ಯಮದ ಛಾಯಾಗ್ರಾಹಕರು ತಮ್ಮ ಕ್ಯಾಮೆರಾದಲ್ಲಿ ಆಗಾಗ್ಗೆ ಸೆರೆ ಹಿಡಿದಿದ್ದಾರೆ.

ಪ್ರಸ್ತುತ್ತ ಕತ್ರಿನಾ ಕೈಫ್ ರೋಹಿತ್ ಶೆಟ್ಟಿ (Rohith Shetty) ಅವರ ಸೂರ್ಯವಂಶಿ ಚಿತ್ರದಲ್ಲಿ ಅಕ್ಷಯ್ ಕುಮಾರ್ (Akshay Kumar) ಜೊತೆ ಕಾಣಿಸಿಕೊಳ್ಳಲಿದ್ದಾರೆ. ಇದಲ್ಲದೆ, ಅವರು ಇಶಾನ್ ಖಟ್ಟರ್ ಮತ್ತು ಸಿದ್ಧಾಂತ್ ಚತುರ್ವೇದಿ ಅವರೊಂದಿಗೆ ಫೋನ್ ಭೂತ್ ಸಿನಿಮಾದಲ್ಲೂ ಇದ್ದಾರೆ ಹಾಗೂ ಟೈಗರ್ 3ನಲ್ಲಿ ಸಲ್ಮಾನ್ ಜೊತೆ ಕ್ಯಾಟ್ ಕೂಡ ಕೆಲಸ ಮಾಡುತ್ತಿದ್ದಾರೆ. ಅದೇ ಸಮಯದಲ್ಲಿ, ವಿಕ್ಕಿ ಕೌಶಲ್ ಕೂಡ ಅನೇಕ ಪ್ರಾಜೆಕ್ಟ್‌ಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ.