ಕಲ್ಕಿ 2 ಚಿತ್ರೀಕರಣವೇ ಆರಂಭವಾಗಿಲ್ಲ, ಆದ್ರೂ ಕಲ್ಕಿ 3 ಸಿನಿಮಾ ಮಾಡೋದಾಗಿ ಹೇಳಿದ ನಿರ್ದೇಶಕ ನಾಗ್ ಅಶ್ವಿನ್!

ಪ್ರಭಾಸ್ ನಟಿಸಿದ 'ಕಲ್ಕಿ 2898 AD' ಸಿನಿಮಾ ಕಳೆದ ವರ್ಷ ಬಿಡುಗಡೆಯಾಗಿ 1,200 ಕೋಟಿ ಗಳಿಸಿತ್ತು. ಈಗ 'ಕಲ್ಕಿ 2' ಬರ್ತಿದೆ. ಇದರ ಬಗ್ಗೆ ಅದ್ಭುತ ಅಪ್ಡೇಟ್ ಕೊಟ್ಟಿದ್ದಾರೆ ನಾಗ್ ಅಶ್ವಿನ್.   

ಪ್ಯಾನ್ ಇಂಡಿಯಾ ಸ್ಟಾರ್ ನಟ ಪ್ರಭಾಸ್ ಲೈನ್‌ಅಪ್‌ನಲ್ಲಿ ಈಗ ಐದಾರು ಸಿನಿಮಾಗಳಿವೆ. ಯಾವುದು ಮೊದಲು ಮುಗಿಯುತ್ತದೆ? ಯಾವುದು ಯಾವಾಗ ಶೂಟಿಂಗ್ ನಡೆಯುತ್ತದೆ? ಯಾವುದು ಯಾವಾಗ ಬಿಡುಗಡೆಯಾಗುತ್ತದೆ ಎಂಬುದು ದೊಡ್ಡ ಪ್ರಶ್ನೆ. ಇದು ಅವರ ಜೊತೆ ಸಿನಿಮಾ ಮಾಡುವವರಿಗೆ ಮತ್ತು ಅಭಿಮಾನಿಗಳಲ್ಲಿರುವ ಗೊಂದಲ. ಈ ಹಿನ್ನೆಲೆಯಲ್ಲಿ ನಿರ್ದೇಶಕ ನಾಗ್ ಅಶ್ವಿನ್ ಮಾಡಿದ ಕಾಮೆಂಟ್ ಈಗ ಮತ್ತಷ್ಟು ಕುತೂಹಲ ಮೂಡಿಸುತ್ತಿದೆ. ಜೊತೆಗೆ, ಡಾರ್ಲಿಂಗ್ ಫ್ಯಾನ್ಸ್‌ಗೆ ಮತ್ತಷ್ಟು ಗೊಂದಲ ಉಂಟುಮಾಡುತ್ತಿದೆ.

ಪ್ರಭಾಸ್ ಈಗ 'ದಿ ರಾಜಾ ಸಾಬ್' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಇದು ಏಪ್ರಿಲ್‌ನಲ್ಲಿ ಬಿಡುಗಡೆಯಾಗಬೇಕಿತ್ತು. ಆದರೆ ಮುಂದೂಡಲ್ಪಡುತ್ತದೆ ಎಂದು ತಿಳಿದುಬಂದಿದೆ. ಮತ್ತೊಂದೆಡೆ ಹನು ರಾಘವಪೂಡಿ ಜೊತೆ 'ಫೌಜಿ' ಸಿನಿಮಾ ಮಾಡುತ್ತಿದ್ದಾರೆ. ಇದು ಆರ್ಮಿ ಹಿನ್ನೆಲೆಯ ಪ್ರೇಮಕಥೆ ಎಂದು, ಈವರೆಗೆ ಭಾರತೀಯ ಸಿನಿಮಾದಲ್ಲಿ ಇಂತಹ ಹಿನ್ನೆಲೆಯ ಸಿನಿಮಾ ಬಂದಿಲ್ಲ ಎಂದು ನಿರ್ದೇಶಕ ಹನು ರಾಘವಪುಡಿ ಇತ್ತೀಚೆಗೆ ಒಂದು ಸಂದರ್ಶನದಲ್ಲಿ ತಿಳಿಸಿದ್ದಾರೆ.

ಈ ಸಂದರ್ಭದಲ್ಲಿ 'ಕಲ್ಕಿ 2' ಸಿನಿಮಾ ಬಗ್ಗೆ ನಿರ್ದೇಶಕ ನಾಗ್ ಅಶ್ವಿನ್ ಬಿಗ್ ಅಪ್ಡೇಟ್ ಕೊಟ್ಟಿದ್ದಾರೆ. ಈ ಸಿನಿಮಾ ಚಿತ್ರೀಕರಣ ಮತ್ತು ಬಿಡುಗಡೆ ದಿನಾಂಕದ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ಈಗಾಗಲೇ ಸ್ಕ್ರಿಪ್ಟ್ ಕೆಲಸ ಮುಗಿದಿದೆ ಎಂದು ತಿಳಿಸಿದ್ದಾರೆ.

ಪೂರ್ವ ನಿರ್ಮಾಣ ಕಾರ್ಯಗಳು ನಡೆಯುತ್ತಿವೆ, ಪ್ರಭಾಸ್ ಯಾವಾಗ ಫ್ರೀ ಆಗ್ತಾರೋ ಆವಾಗ ಶೂಟಿಂಗ್ ಮಾಡ್ತೀವಿ ಅಂದಿದ್ದಾರೆ. ಅವರು ಹೇಳಿದ ಪ್ರಕಾರ ಈ ವರ್ಷದಲ್ಲೇ ಸಿನಿಮಾ ಚಿತ್ರೀಕರಣ ಶುರುವಾಗುತ್ತದೆ. ಈ ವರ್ಷದ ಕೊನೆಯಲ್ಲಿ ಶೂಟಿಂಗ್ ಶುರು ಮಾಡಿ ಮುಂದಿನ ವರ್ಷ ಡಿಸೆಂಬರ್‌ನಲ್ಲಿ ಬಿಡುಗಡೆ ಮಾಡುವ ಯೋಚನೆಯಲ್ಲಿದ್ದಾರೆ ಎಂದು ನಾಗ್ ಅಶ್ವಿನ್ ತಿಳಿಸಿದ್ದಾರೆ. 

ಒಂದೆಡೆ ಪ್ರಭಾಸ್ ಇನ್ನೂ 'ದಿ ರಾಜಾ ಸಾಬ್' ಶೂಟಿಂಗ್ ಮುಗಿಸಿಲ್ಲ. ಮತ್ತೊಂದೆಡೆ 'ಫೌಜಿ' ಸಿನಿಮಾ ಮುಗಿಯಲು ಇನ್ನೂ ಸಮಯ ಬೇಕು. ಹಾಗೆಯೇ ಮುಂದಿನ 'ಸ್ಪಿರಿಟ್' ಸಿನಿಮಾ ಶುರುವಾಗಬೇಕಿದೆ. ಇದು ಕೂಡ ಈ ವರ್ಷದ ದ್ವಿತೀಯಾರ್ಧದಲ್ಲಿ ಶುರುವಾಗುತ್ತದೆ ಎನ್ನುತ್ತಿದ್ದಾರೆ. ಸಂದೀಪ್ ರೆಡ್ಡಿ ವಂಗಾ ಲೊಕೇಶನ್ ಹುಡುಕಲು ಹೊರಡಲಿದ್ದಾರಂತೆ.

ಹೀಗಿರುವಾಗ 'ಕಲ್ಕಿ' ಒಂದು ಸರಣಿಯಂತೆ ಬರಲಿದೆ ಎಂಬ ಸುಳಿವು ನೀಡಿದ್ದಾರೆ ನಾಗ್ ಅಶ್ವಿನ್. ಅಂದರೆ 'ಕಲ್ಕಿ 3' ಬಗ್ಗೆಯೂ ಸುದ್ದಿ ಕೇಳಿಬರುತ್ತಿದೆ. ಇದು ಯಾವಾಗ ಎಂಬುದು ದೊಡ್ಡ ಸಸ್ಪೆನ್ಸ್. ಇವೆಲ್ಲವೂ ಈಗ ಡಾರ್ಲಿಂಗ್ ಅಭಿಮಾನಿಗಳಿಗೆ ಮತ್ತು ಅವರ ಜೊತೆ ಸಿನಿಮಾ ಮಾಡುವವರಿಗೆ ಅಚ್ಚರಿ ಮೂಡಿಸಿದೆ.

ಡಾರ್ಲಿಂಗ್ ಏನು ಮಾಡ್ತಾರೆ ಅಂತ ನೋಡಬೇಕು. ಈ ಸಿನಿಮಾಗಳ ಭವಿಷ್ಯ ಅವರ ಕೈಯಲ್ಲಿದೆ. ಅವರು ಸಕ್ರಿಯವಾಗಿ, ವೇಗವಾಗಿ ಶೂಟಿಂಗ್‌ನಲ್ಲಿ ಭಾಗವಹಿಸಿದರೆ ಬೇಗ ಮುಗಿಯುತ್ತವೆ, ಅವರು ವಿಳಂಬ ಮಾಡಿದರೆ ಸಿನಿಮಾಗಳೆಲ್ಲ ವಿಳಂಬವಾಗುತ್ತವೆ.

ಈ ಮೂರು ಸಿನಿಮಾಗಳ ಶೂಟಿಂಗ್ ಮುಗಿಯಲು ಇನ್ನೊಂದು ವರ್ಷ, ಎರಡು ವರ್ಷ ಬೇಕಾಗಬಹುದು. ಇದರ ಜೊತೆಗೆ `ಸಲಾರ್ 2` ಕೂಡ ಇದೆ. ಇನ್ನೂ ಹೇಳಬೇಕೆಂದರೆ `ಕಲ್ಕಿ 2` ಗಿಂತ ಮುಂಚೆ 'ಸಲಾರ್ 2' ಮಾಡಬೇಕಿದೆ. ಪ್ರಭಾಸ್ 'ಕಲ್ಕಿ 2' ನಲ್ಲಿ ಯಾವಾಗ ನಟಿಸುತ್ತಾರೆ. ಯಾವಾಗ ಮುಗಿಯುತ್ತದೆ ಎಂಬ ಪ್ರಶ್ನೆ ಶುರುವಾಗಿದೆ.

ನಿರ್ದೇಶಕ ಹೇಳುವಂತೆ ಮುಂದಿನ ವರ್ಷ ಡಿಸೆಂಬರ್‌ನಲ್ಲಿ ಕಲ್ಕಿ 2 ಸಿನಿಮಾ ಬಿಡುಗಡೆ ಸಾಧ್ಯವೇ? ಎಂಬ ಅನುಮಾನಗಳು ಮೂಡುತ್ತಿವೆ. ಇದಕ್ಕೆ ಮತ್ತೊಂದು ಭಾಗ ಕೂಡ ಇದೆಯಂತೆ. 'ಕಲ್ಕಿ 3' ಕೂಡ ಇದೆ ಎಂಬ ಸುದ್ದಿ ಹೊರಬಿದ್ದಿದೆ.

ಕಲ್ಕಿ 2898 AD

ನಾಗ್ ಅಶ್ವಿನ್ ನಿರ್ದೇಶನದ 'ಕಲ್ಕಿ 2898 AD' ಸಿನಿಮಾದಲ್ಲಿ ಪ್ರಭಾಸ್ ಜೊತೆಗೆ ಅಮಿತಾಬ್ ಬಚ್ಚನ್, ಕಮಲ್ ಹಾಸನ್, ದೀಪಿಕಾ ಪಡುಕೋಣೆ, ದಿಶಾ ಪಟಾನಿ, ವಿಜಯ್ ದೇವರಕೊಂಡ, ದುಲ್ಕರ್ ಸಲ್ಮಾನ್, ಆರ್‌ಜಿವಿ, ರಾಜಮೌಳಿ, ಮೃಣಾಲ್ ಠಾಕೂರ್, ಫರಿಯಾ ಅಬ್ದುಲ್ಲಾ, ರಾಜೇಂದ್ರ ಪ್ರಸಾದ್, ಶೋಭನ ನಟಿಸಿದ್ದು ಗೊತ್ತೇ ಇದೆ.