ಇವರು ಭಾರತ ಕಂಡ ಶ್ರೇಷ್ಠ ಕಲಾವಿದ. ನಿರ್ದೇಶಕ, ನಿರ್ಮಾಪಕ, ಚಿತ್ರಕಥೆಗಾರ, ಸಂಗೀತ ಸಂಯೋಜಕ, ಕಥೆಗಾರ, ಎಲ್ಲವೂ ಒಂದುಗೂಡಿದ್ದ ಅತ್ಯದ್ಭುತ ಪ್ರತಿಭೆ. ಆದರೆ ಇವರು ನಿಜ ಜೀವನದಲ್ಲಿ ಸ್ವಂತ ಕಸಿನ್‌ ಜೊತೆ ಗುಟ್ಟಾಗಿ ಮದುವೆಯಾಗಿ ಮುಚ್ಚಿಟ್ಟು, ಮಗುವಿಗೆ ಜನ್ಮ ನೀಡದ ಬಳಿಕ ಇವರ ನಿಜ ಜೀವನದ ಕಥೆ ಬಹಿರಂಗವಾಯ್ತು.
ಭಾರತದ ಶ್ರೇಷ್ಠ ನಟರು ಎಂಬ ವಿಚಾರ ಚರ್ಚೆಗೆ ಬಂದರೆ. ಬಲರಾಜ್ ಸಾಹ್ನಿ ಮತ್ತು ನಾಸಿರುದ್ದೀನ್ ಶಾ ಜೊತೆಗೆ ಸೂಪರ್‌ಸ್ಟಾರ್‌ಗಳಾದ ದಿಲೀಪ್ ಕುಮಾರ್, ಅಮಿತಾಬ್ ಬಚ್ಚನ್ ಮತ್ತು ಎಂಜಿ ರಾಮಚಂದ್ರನ್ ಅವರ ಜೊತೆಗೆ ಅನೇಕ ಮಂದಿ ಸರತಿ ಸಾಲಿನಲ್ಲಿದ್ದಾರೆ.
ಆದರೆ ಭಾರತದ ಶ್ರೇಷ್ಠ ಚಲನಚಿತ್ರ ಯಾರು ಮಾಡುತ್ತಾರೆ ಎಂಬ ಪ್ರಶ್ನೆ ಬಂದಾಗ ಒಮ್ಮತದ ಒಂದೇ ಉತ್ತರ ತೋರುತ್ತದೆ. ಭಾರತ ಮತ್ತು ವಿದೇಶಿ ಪ್ರೇಕ್ಷಕರಲ್ಲಿ ಸತ್ಯಜಿತ್ ರೇ ಅವರನ್ನು ಭಾರತದ ಅತ್ಯುತ್ತಮ ಚಲನಚಿತ್ರ ನಿರ್ದೇಶಕ ಎಂದು ವ್ಯಾಪಕವಾಗಿ ಪರಿಗಣಿಸಲಾಗಿದೆ .
ಸತ್ಯಜಿತ್ ರೇ ಅವರ ಚಿತ್ರಕಥೆ ಮತ್ತು ಅವರ ಸಾಧನೆಗಳ ಬಗ್ಗೆ ಸಿನಿಪ್ರಿಯರಿಗೆ ತಿಳಿದಿದೆ. ಸತ್ಯಜಿತ್ ರೇ ಅವರು ನಿರ್ದೇಶಕ, ನಿರ್ಮಾಪಕ, ಚಿತ್ರಕಥೆಗಾರ, ಸಂಗೀತ ಸಂಯೋಜಕ, ಕಥೆಗಾರ ಮಾತು ಕಲಾ ವಿನ್ಯಾಸಕ ಎಲ್ಲವೂ ಒಂದುಗೂಡಿದ್ದ ಅತ್ಯದ್ಭುತ ಪ್ರತಿಭೆ. ಎಷ್ಟರ ಮಟ್ಟಿಗೆ ಅವರು ಸ್ವಾವಲಂಬಿ ಎಂದರೆ ಪೋಸ್ಟರುಗಳನ್ನು ಕೂಡಾ ತಾವೇ ಸಿದ್ಧಪಡಿಸಿಕೊಳ್ಳುತ್ತಿದ್ದರು. ಅಕ್ಷರಗಳ ಅಚ್ಚುವಿನ್ಯಾಸವನ್ನು ಕೂಡಾ ತಾವೇ ಮಾಡಿಕೊಳ್ಳುತ್ತಿದ್ದರು.
ಆದರೆ ಅವರ ವೈಯಕ್ತಿಕ ಜೀವನ ತುಂಬಾ ವಿಭಿನ್ನ. ಅವರ ಅಪು ಟ್ರೈಲಾಜಿ (ವಿಶೇಷವಾಗಿ ಪಥೇರ್ ಪಾಂಚಾಲಿ) ವಿಶ್ವ ಸಿನಿಮಾ ಇತಿಹಾಸದಲ್ಲಿ ಶ್ರೇಷ್ಠ ಚಿತ್ರಗಳಲ್ಲಿ ಒಂದಾಗಿದೆ. ಚಿತ್ರರಂಗಕ್ಕೆ ಅವರು ನೀಡಿದ ಕೊಡುಗೆಗಾಗಿ 1992 ರಲ್ಲಿ ಅವರಿಗೆ ಗೌರವ ಆಸ್ಕರ್ ನೀಡಲಾಯಿತು. ಮತ್ತು ಅವರು ಬಾಂಗ್ಲಾ ಮತ್ತು ಹಿಂದಿ ಸಿನಿಮಾಗಳಿಗೆ ಶತ್ರಂಜ್ ಕೆ ಕಿಲಾಡಿ, ದೇವಿ ಮತ್ತು ಚಾರುಲತಾ ಮುಂತಾದ ಸಾರ್ವಕಾಲಿಕ ಶ್ರೇಷ್ಠ ಚಿತ್ರಗಳನ್ನು ನೀಡಿದರು.
ಆದರೆ ಅವರ ವೈಯಕ್ತಿಕ ಜೀವನವು ತುಂಬಾ ಆಸಕ್ತಿದಾಯಕವಾಗಿದೆ. ರೇ ಅವರ ಪತ್ನಿ ಬಿಜೋಯಾ ಅವರ ಮೊದಲ ಸೋದರ ಸಂಬಂಧಿ, ರೇ 10 ವರ್ಷದವರಿದ್ದಾಗ 14 ವರ್ಷದ ಬಿಜೋಯಾ ಅವರನ್ನು ಮೊದಲು ಭೇಟಿಯಾದರು. ರೇ ಅವರ ಸಹೋದರ ಮಾವ ಚಾರು ಚಂದ್ರ ದಾಸ್ ಅವರ ಮಗಳು ಬಿಜೋಯಾ. 1931 ರಲ್ಲಿ ಬಿಜೋಯಾ ಅವರ ತಂದೆಯ ಮರಣದ ನಂತರ ರೇ ಕುಟುಂಬದೊಂದಿಗೆ ಜೊತೆಯಾಗಿ ವಾಸಿಸಲು ಬಂದರು.
ವರದಿಗಳ ಪ್ರಕಾರ ಇಬ್ಬರು ಯುವಕರಾಗಿದ್ದಾಗ ಪರಸ್ಪರ ಪ್ರೀತಿಯಲ್ಲಿ ಬಿದ್ದರು. ಏಕೆಂದರೆ ಅವರಿಬ್ಬರೂ ಸಿನಿಮಾ ಮತ್ತು ಪಾಶ್ಚಾತ್ಯ ಶಾಸ್ತ್ರೀಯ ಸಂಗೀತದಲ್ಲಿ ಆಸಕ್ತಿ ಹೊಂದಿದ್ದರು. ಬಾಲ್ಯದಲ್ಲಿ ಒಟ್ಟಿಗೆ ಇದ್ದುದರಿಂದ ಯಾವಾಗಲೂ ಒಬ್ಬರಿಗೊಬ್ಬರು ಇಷ್ಟಪಡುತ್ತಾರೆ ಮತ್ತು ಅವರು ಒಂದೇ ಸೂರಿನಡಿ ವಾಸಿಸುತ್ತಿದ್ದರಿಂದ ಸಹಚರರಾಗಿದ್ದರು ಎಂದು ವರದಿಗಳು ಹೇಳುತ್ತವೆ.
1940 ರಲ್ಲಿ, ಬಿಜೋಯಾ ರೇ ಅವರು ಚಲನಚಿತ್ರ ವೃತ್ತಿಜೀವನವನ್ನು ಮುಂದುವರಿಸಲು ಬಾಂಬೆಗೆ ತೆರಳಿದರು. ಸ್ವತಃ ಅವರೇ ಹಲವು ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಈ ನಡುವೆ ಸತ್ಯಜಿತ್ ರೇ ಅವರು ಚಲನಚಿತ್ರ ನಿರ್ಮಾಣದಲ್ಲಿ ಆಸಕ್ತಿಯನ್ನು ಬೆಳೆಸಿಕೊಂಡರು. 1949 ರಲ್ಲಿ ಅವರ ಸಂಬಂಧವನ್ನು ಮುಚ್ಚಿಟ್ಟು ಸದ್ದಿಲ್ಲದೆ ವಿವಾಹವಾಯ್ತು. ವರ್ಷಗಳ ನಂತರ ಅವರ ಏಕೈಕ ಪುತ್ರ ಸಂದೀಪ್ 1953 ರಲ್ಲಿ ಜನಿಸಿದರು. ಆಗ ವಿಚಾರ ಬಹಿರಂಗವಾಯ್ತು.
ಸತ್ಯಜಿತ್ ರೇ ಅವರು ಬಿಜೋಯಾ ಅವರೇ ಸ್ಫೂರ್ತಿಯ ಮೂಲ ಎಂದು ವಿವರಿಸುತ್ತಾರೆ. ವಿವಾಹವಾದ 43 ವರ್ಷಗಳವರೆಗೆ ಅವರು ರೇ ಅವರ ಮೊದಲ ಚಲನಚಿತ್ರಗಳಿಂದ ಹಿಡಿದು 1992 ರಲ್ಲಿ ರೇ ಅವರ ಸಾವಿನವರೆಗೆ ನಿರಂತರ ಸ್ಫೂರ್ತಿಯಾಗಿ ಉಳಿದರು.
ರೇ ಅವರ ಮರಣದ ನಂತರ, ಅವರು ತಮ್ಮ ಮಗ ಸಂದೀಪ್‌ನೊಂದಿಗೆ ವಾಸಿಸುತ್ತಿದ್ದರು ಮತ್ತು ಅಮದರ್ ಕೋಥಾ ಎಂಬ ಆತ್ಮಚರಿತ್ರೆಯನ್ನೂ ಬರೆದರು. 2015 ರಲ್ಲಿ, ಬಿಜೋಯಾ 97 ನೇ ವಯಸ್ಸಿನಲ್ಲಿ ನಿಧನರಾದರು.