ಲಾಸ್ ಏಂಜಲಿಸ್ ಕಾಡ್ಗಿಚ್ಚಿಗೆ ಮನೆ ಕಳೆದುಕೊಂಡ ಹಾಲಿವುಡ್ ಸೆಲೆಬ್ರಿಟಿಗಳಿವರು

ವರ್ಷದ ಆರಂಭದಲ್ಲೇ ಜಗತ್ತು ಹಲವು ಅವಘಡಗಳಿಗೆ ಸಾಕ್ಷಿಯಾಗಿದ್ದು ಕೆಲ ದಿನಗಳ ಹಿಂದೆ ಸಂಭವಿಸಿದ ಲಾಸ್ ಏಂಜಲೀಸ್‌ ಸರಣಿ ಬೆಂಕಿ ದುರಂತದಿಂದ  ಜನ ಸಾಮಾನ್ಯರು ಮಾತ್ರವಲ್ಲದೇ ಅನೇಕ ಹಾಲಿವುಡ್ ತಾರೆಯರು ಮನೆ ನಿವಾಸಗಳನ್ನು ಕಳೆದುಕೊಂಡಿದ್ದಾರೆ.. ಪ್ಯಾಲಿಸೇಡ್ಸ್, ಈಟನ್ ಮತ್ತು ಹತ್ತಿರದ ಪ್ರದೇಶಗಳಂತಹ ಪ್ರದೇಶಗಳಲ್ಲಿ ಗಾಳಿಯ ವೇಗ ಗಂಟೆಗೆ 100 ಮೈಲುಗಳಿಗಿಂತ ತೀವ್ರವಾಗಿತ್ತು.ಕ್ಯಾಲಿಫೋರ್ನಿಯಾ ಗವರ್ನರ್ ಗವಿನ್ ನ್ಯೂಸಮ್ ತುರ್ತು ಪರಿಸ್ಥಿತಿ ಘೋಷಿಸಿದರು, ಲಾಸ್ ಏಂಜಲೀಸ್‌ನಲ್ಲಿ 30,000 ಕ್ಕೂ ಹೆಚ್ಚು ನಿವಾಸಿಗಳನ್ನು ಸ್ಥಳಾಂತರಿಸಲಾಯಿತು.

ಲಾಸ್ ಏಂಜಲೀಸ್‌ನ ಪೆಸಿಫಿಕ್ ಪ್ಯಾಲಿಸೇಡ್ಸ್ ಪ್ರದೇಶದಾದ್ಯಂತ ವಿನಾಶಕಾರಿ ಕಾಡ್ಗಿಚ್ಚಿನಿಂದಾಗಿ ಪ್ಯಾರಿಸ್ ಹಿಲ್ಟನ್‌ನಿಂದ ಹಿಡಿದು ಬೆನ್ ಅಫ್ಲೆಕ್, ಆಂಥೋನಿ ಹಾಪ್ಕಿನ್ಸ್  ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಈ ಪ್ರದೇಶದಿಂದ ಬೇರೆಡೆ ಹೋಗಿದ್ದಾರೆ ಅವರ ಮನೆಗಳು ಬೆಂಕಿಯಲ್ಲಿ ಸುಟ್ಟುಹೋಗಿವೆ.

ಪ್ಯಾರಿಸ್ ಹಿಲ್ಟನ್

ಪ್ಯಾಲಿಸೇಡ್ಸ್ ಬೆಂಕಿಯಿಂದ ಪ್ಯಾರಿಸ್ ಹಿಲ್ಟನ್ ಅವರ ಮಾಲಿಬು ರಜಾ ಮನೆ ನಾಶವಾಯಿತು.ತಮ್ಮ ಬೆಲೆಬಾಳುವ ಆಸ್ತಿ ಬೆಂಕಿಯಲ್ಲಿ ಸುಟ್ಟು ಹೋಗುವುದನ್ನು ನೋಡಿದ ನಂತರ ಇದರಿಂದಾದ ನಷ್ಟವನ್ನು ಮಾತನ್ನೂ ಮೀರಿ ಹೃದಯ ವಿದ್ರಾವಕ ಎಂದು ವಿವರಿಸಿದ್ದಾರೆ.ತನ್ನ ಕುಟುಂಬ ಸುರಕ್ಷಿತವಾಗಿದೆ ಎಂದು ಅವರು ಅಭಿಮಾನಿಗಳಿಗೆ ಭರವಸೆ ನೀಡಿದ್ದಾರೆ ಮತ್ತು ದುರಂತದಿಂದ ಹಾನಿಗೊಳಗಾದ ಇತರರಿಗೆ ಸಹಾಯ ಮಾಡಲು ತನ್ನ 11:11 ಮೀಡಿಯಾ ಇಂಪ್ಯಾಕ್ಟ್ ತಂಡವು ಕೆಲಸ ಮಾಡುತ್ತಿದೆ ಎಂದು ಅವರು ಘೋಷಿಸಿದ್ದಾರೆ.

ಹೈಡಿ ಮಾಂಟಾಗ್ ಮತ್ತು ಸ್ಪೆನ್ಸರ್ ಪ್ರಾಟ್ ಕೂಡ ಅತೀವವಾದ ನಷ್ಟವನ್ನು ಅನುಭವಿಸಿದ್ದಾರೆ, ಅವರ ಮನೆ ಬೆಂಕಿಯಿಂದ ಸುಟ್ಟುಹೋಯಿತು ಎಂದು ಬಹಿರಂಗಪಡಿಸಿದ್ದಾರೆ. ಪ್ರಾಟ್ ತಮ್ಮ ನಿವಾಸದ ಅವಶೇಷಗಳನ್ನು ಒಳಗೊಂಡ ಭಾವನಾತ್ಮಕ Instagram ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ, ಇದರಲ್ಲಿ ಅವರ ಮಗನಿಗೆ ಸೇರಿದ ಹಾಸಿಗೆಯೂ ಸೇರಿದೆ, ಅದು ಹೃದಯದ ಆಕಾರದಲ್ಲಿ ಸುಟ್ಟುಹೋಗಿದೆ. ಇದು ವರ್ಷಗಳಲ್ಲಿ ತಮ್ಮ ಮನೆಯನ್ನು ತುಂಬಿದ ಪ್ರೀತಿಯ ನೋವಿನ ಜ್ಞಾಪನೆ ಎಂದು ಅವರು ಭಾವುಕರಾಗಿದ್ದಾರೆ.

ಲೈಟನ್ ಮೀಸ್ಟರ್ ಮತ್ತು ಆಡಮ್ ಬ್ರಾಡಿ

ಆಡಮ್ ಬ್ರಾಡಿ ಮತ್ತು ಲೈಟನ್ ಮೀಸ್ಟರ್ ಅವರ ಐಷಾರಾಮಿ 6.5 ಮಿಲಿಯನ್ ಡಾಲರ್‌ನ ಲಾಸ್ ಏಂಜಲೀಸ್ ಆಸ್ತಿಯು ಬೆಂಕಿಯಿಂದ ನಾಶವಾಗಿದೆ ಹಾಗೆಯೇ ಮೈಲ್ಸ್ ಟೆಲ್ಲರ್ ಮತ್ತು ಅವರ ಪತ್ನಿ ಕೆಲೀಘ್ ಟೆಲ್ಲರ್ ಅವರ ಪೆಸಿಫಿಕ್ ಪ್ಯಾಲಿಸೇಡ್ಸ್ ಮನೆಯು ಬೆಂಕಿಗಾಹುತಿಯಾಗಿದೆ.

ಮೈಲ್ಸ್ ಟೆಲ್ಲರ್ ಮತ್ತು ಕೆಲೀಘ್ ಟೆಲ್ಲರ್

ಮೈಲ್ಸ್ ಟೆಲ್ಲರ್ ಮತ್ತು ಅವರ ಪತ್ನಿ ಕೆಲೀಘ್ ಟೆಲ್ಲರ್, ಇತ್ತೀಚೆಗೆ ಖರೀದಿಸಿದ $7.5 ಮಿಲಿಯನ್  ನೀಡಿ ಪೆಸಿಫಿಕ್ ಪ್ಯಾಲಿಸೇಡ್ಸ್‌ನಲ್ಲಿ ತಮ್ಮ ಕನಸಿನ ಮನೆಯನ್ನು ಖರೀದಿಸಿದ್ದರು. ಇದೂ ಕೂಡ ಕಾಡ್ಗಿಚ್ಚಿನಿಂದ ನಾಶವಾಯಿತು.

ಆಂಥೋನಿ ಹಾಪ್ಕಿನ್ಸ್

ಆಂಥೋನಿ ಹಾಪ್ಕಿನ್ಸ್ ಅವರ ಪೆಸಿಫಿಕ್ ಪ್ಯಾಲಿಸೇಡ್ಸ್‌ನ ಮನೆಯೂ ನಾಶವಾಗಿದೆ, ತೀವ್ರ ಬೆಂಕಿಯಿಂದ ಮನೆಯ ಅವಶೇಷವಷ್ಟೇ ಉಳಿದಿದೆ.  ಹಾಗೆಯೇ ಮೆಲಿಸ್ಸಾ ರಿವರ್ಸ್, ದಿವಂಗತ ಜೋನ್ ರಿವರ್ಸ್ ಅವರ ಮಗಳು, ತನ್ನ ಮನೆ ಬೆಂಕಿಯಲ್ಲಿ ಸಂಪೂರ್ಣವಾಗಿ ಕಳೆದುಹೋಗಿದೆ ಎಂದು CNN ಗೆ ತಿಳಿಸಿದ್ದಾರೆ.

ಮೆಲಿಸ್ಸಾ ರಿವರ್ಸ್

ತನ್ನ ತಾಯಿ ಎಮ್ಮಿ, ಕುಟುಂಬದ ಫೋಟೋ ತಂದೆ ಫೋಟೊ ಮತ್ತು ತನ್ನ ಮಗನ ಅಮೂಲ್ಯವಾದ ಚಿತ್ರ ಸೇರಿದಂತೆ ಕೆಲವು ಭಾವನಾತ್ಮಕ ವಸ್ತುಗಳು ಉಳಿದಿವೆ ಎಂದು ಅವರು ಹೇಳಿದ್ದಾರೆ.ಈ ದುರಂತದಿಂದ ಹಾನಿಗೊಳಗಾದ ಪ್ರತಿಯೊಬ್ಬರಿಗೂ ತನ್ನ ಹೃದಯ ಮಿಡಿಯುತ್ತಿದೆ ಎಂದು ಮೆಲಿಸ್ಸಾ ಬಹಳ ದುಃಖ ವ್ಯಕ್ತಪಡಿಸಿದರು.

ಬೆನ್ ಅಫ್ಲೆಕ್

ಬೆನ್ ಅಫ್ಲೆಕ್, ತನ್ನ ಮನೆಯನ್ನು ಕಳೆದುಕೊಳ್ಳದಿದ್ದರೂ, ಬೆಂಕಿ ತನ್ನ ಆಸ್ತಿಯ ಬಳಿ ವ್ಯಾಪಿಸಿದಾಗ ಸುರಕ್ಷಿತ ಪ್ರದೇಶಕ್ಕೆ ಸ್ಥಳಾಂತರಿಸಲು ಆಗ್ರಹಿಸಿದರು.