ಗಂಡನಿಗೆ ಲಿಪ್ ಲಾಕ್ ಮಾಡುತ್ತಲೇ, ಓಣಂ ದಿನ ಮಗನ ಮುಖ ರಿವೀಲ್ ಮಾಡಿದ ಹೆಬ್ಬುಲಿ ಬೆಡಗಿ

ಹೆಬ್ಬುಲಿ ಬೆಡಗಿ ಅಮಲಾ ಪೌಲ್ ಇದೇ ಮೊದಲ ಬಾರಿಗೆ ಓಣಂ ಹಬ್ಬದ ದಿನ ಮಗನ ಫೋಟೊ ರಿವೀಲ್ ಮಾಡಿದ್ದಾರೆ. ಜೊತೆಗೆ ಗಂಡನ ಜೊತೆಗಿನ ರೊಮ್ಯಾಂಟಿಕ್ ಫೋಟೊ ಶೇರ್ ಮಾಡಿದ್ದಾರೆ.   

ಕಿಚ್ಚ ಸುದೀಪ್ ಜೊತೆ ಹೆಬ್ಬುಲಿ ಚಿತ್ರದಲ್ಲಿ ನಟಿಸಿದ ಬೆಡಗಿ ಅಮಲಾ ಪೌಲ್ (Amala Paul) ಮದ್ವೆಯಾಗಿ ಆರು ತಿಂಗಳೊಳಗೆ ಮಗುವಿಗೆ ಜನ್ಮ ನೀಡಿ ಸುದ್ದಿಯಾಗಿದ್ದರು, ಇದೀಗ ಮೊದಲ ಬಾರಿಗೆ ಓಣಂ ಹಬ್ಬದ ದಿನ ತಮ್ಮ ಮುದ್ದಿನ ಮಗನ ಮುಖವನ್ನು ರಿಲೀವ್ ಮಾಡಿದ್ದಾರೆ. 

ತಮಿಳು, ತೆಲುಗು, ಮಲಯಾಲಂ ಸಿನಿಮಾಗಳಲ್ಲಿ ನಟಿಸಿ, ಅಪಾರ ಪ್ರಮಾಣದ ಅಭಿಮಾನಿಗಳನ್ನು ಪಡೆದಿರುವ ಅಮಲಾ ಪೌಲ್, ಕಳೆದ ವರ್ಷ ನವಂಬರ್ ನಲ್ಲಿ ಜಗತ್ ದೇಸಾಯಿ (Jagat Desai) ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಇವರಿಗೆ ಇದೇ ವರ್ಷ ಜೂನ್ ತಿಂಗಳಲ್ಲಿ ಮುದ್ದಾದ ಗಂಡು ಮಗು ಜನಿಸಿದ್ದು, ಅದಕ್ಕೆ ಇಳೈ ಎಂದು ನಾಮಕರಣ ಕೂಡ ಮಾಡಿದ್ದರು. 

ತಮ್ಮ ಪ್ರೆಗ್ನೆನ್ಸಿ ಫೋಟೊ ಶೂಟ್ (pregnancy photoshoot) ಮೂಲಕ ಸುದ್ದಿಯಲ್ಲಿದ್ದ ನಟಿ, ಮಗು ಜನಿಸಿದ ಬಳಿಕ ಫೋಟೊ ಪೋಸ್ಟ್ ಮಾಡಿದ್ದು ತುಂಬಾನೆ ಕಡಿಮೆ, ತಮ್ಮ ಸಿನಿಮಾ, ಶೂಟಿಂಗ್ ನಿಂದ ಸಂಪೂರ್ಣವಾಗಿ ಬ್ರೇಕ್ ಪಡೆದು ಮಗುವಿನ ಲಾಲನೆ ಪಾಲನೆಯಲ್ಲಿ ತೊಡಗಿರುವ ನಟಿ ಅಮಲಾ ಪೌಲ್, ಇದೀಗ ಮೊದಲ ಬಾರಿಗೆ ಮಗನ ಮುಖ ರಿವೀಲ್ ಮಾಡಿದ್ದಾರೆ. 

ಮಲಯಾಳಿ ಆಗಿರುವ ಅಮಲಾ ಪೌಲ್, ಕೇರಳದ ಅತಿ ದೊಡ್ಡ ಹಬ್ಬವಾದ ಓಣಂ ಹಬ್ಬದಂದು ತಮ್ಮ ಗಂಡ ಜಗತ್ ದೇಸಾಯಿ ಮತ್ತು ಮಗನ ಜೊತೆಗೆ ಕೇರಳದ ಸಾಂಪ್ರದಾಯಿಕ ಧಿರಿಸು ಧರಿಸಿ ಫೋಟೊ ಶೂಟ್ ಮಾಡಿಸಿದ್ದು, ಮುದ್ದಾದ ಫ್ಯಾಮಿಲಿ ಫೋಟೊ, ಜೊತೆಗೆ ತಮ್ಮ ಕುಟುಂಬದ ಜೊತೆಗಿನ ಓಣಂ ಸಂಭ್ರಮದ ಫೋಟೊಗಳನ್ನು ಅಮಲಾ ಹಂಚಿಕೊಂಡಿದ್ದಾರೆ. 

ಅಮಲಾ ಪೌಲ್ ಕೆಂಪು ಬಾರ್ಡರ್ ಇರುವ ಬಿಳಿ ಬಣ್ಣದ ಸೀರೆಗೆ, ಕೆಂಪು ಸ್ಲೀವ್ ಲೆಸ್ ಬ್ಲೌಸ್ ಧರಿಸಿದ್ರೆ, ಪತಿ ಆಫ್ ವೈಟ್ ಬಣ್ಣದ ರೇಷ್ಮೆ ಪಂಚೆ, ಶರ್ಟ್ ಧರಿಸಿದ್ದಾರೆ. ಪುಟಾಣಿ ಮಗನಿಗೆ ಕೆಂಪು ಶೇಡ್ ಇರುವ ಬಿಳಿ ಬಣ್ಣದ ಕಚ್ಚೆ ಧರಿಸಿದ್ದು, ಮೂವರ ಮುದ್ದಾದ ಫ್ಯಾಮಿಲಿ ಫೋಟೊ ತುಂಬಾನೆ ಕ್ಯೂಟ್ ಆಗಿದೆ. ಗಂಡನಿಗೆ ಅಮಲಾ ಲಿಪ್ ಲಾಕ್ (liploack) ಮಾಡಿರುವ ಫೋಟೊವನ್ನು ಸಹ ಶೇರ್ ಮಾಡಿದ್ದು, ಇಂಟರ್ನೆಟಲ್ಲಿ ಫೋಟೊ ವೈರಲ್ ಆಗುತ್ತಿದೆ. ಈ ಫೋಟೊಗಳಿಗೆ ಲೈಕ್, ಮೆಚ್ಚಿಗೆಗಳ ಸುರಿಮಳೆ ಬರುತ್ತಿದೆ. 

ಅಮಲಾ ಪೌಲ್ ತಮ್ಮ ಬಾಯ್ ಫ್ರೆಂಡ್ ಜಗತ್ ದೇಸಾಯಿ ಜೊತೆ ಕಳೆದ ವರ್ಷ ನವಂಬರ್ 5 ರಂದು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಆದಾಗಿ ಸ್ವಲ್ಪ ಸಮಯದಲ್ಲೇ ತಾವು ಗರ್ಭಿಣಿ ಅನ್ನೋದನ್ನ ರಿವೀಲ್ ಮಾಡಿದ್ದರು. ಜೂನ್ 11 ರಂದು ಅಮಲಾ ಪೌಲ್ ಗಂಡು ಮಗುವಿಗೆ ಜನ್ಮ ನೀಡಿದ್ದು, ಮಗನ ಜೊತೆಗಿನ ವಿಡಿಯೋ ಶೇರ್ ಮಾಡುವುದರ ಜೊತೆಗೆ ಮಗುವಿನ ಹೆಸರು ಇಳೈ ಎನ್ನುವುದನ್ನು ರಿವೀಲ್ ಮಾಡಿದ್ದರು. ಆದರೆ ಮಗುವಿನ ಮುಖ ತೋರಿಸಿರಲಿಲ್ಲ. 

ತಮ್ಮ ಬೋಲ್ಡ್ ಸ್ಟೇಟ್ ಮೆಂಟ್ ಗಳಿಂದಲೇ ಸುದ್ದಿಯಲ್ಲಿರುತ್ತಿದ್ದ ಅಮಲಾ ಪೌಲ್ ಈ ಹಿಂದೆ ನಿರ್ದೇಶಕ ಎಎಲ್ ವಿಜಯ್ ಅವರನ್ನು 12 ಜೂನ್ 2014 ರಂದು ವಿವಾಹವಾಗಿದ್ದರು. ಆದರೆ ಅವರ ಮದುವೆ ಹೆಚ್ಚು ಸಮಯ ಉಳಿಯಲಿಲ್ಲ, ನಾಲ್ಕು ವರ್ಷಗಳ ನಂತರ ಇಬ್ಬರು ಡಿವೋರ್ಸ್ ಪಡೆದಿದ್ದರು.  ಇದಾದ ನಂತರ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದ ನಟಿ ಅಮಲಾ ಪೌಲ್, ಕಳೆದ ವರ್ಷ ಎರಡನೇ ಬಾರಿ ಜಗತ್ ದೇಸಾಯಿ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು.