ಬಾರ್ಬರಾ ಮೋರಿಯಿಂದ ಕಂಗನಾವರೆಗೆ ಹೃತಿಕ್, ರಾಕೇಶ್ ವಿವಾದ

ಅನೇಕ ತಂದೆ-ಮಗ ಜೋಡಿಗಳು ಬಾಲಿವುಡ್ (Bollywood) ಉದ್ಯಮದಲ್ಲಿ ಕೆಲಸ ಮಾಡಿದ್ದಾರೆ. ಅದರಲ್ಲಿ, ಅತ್ಯಂತ ಯಶಸ್ವಿ ಜೋಡಿ ಬಹುಶಃ ಹೃತಿಕ್ ರೋಷನ್ ಮತ್ತು ರಾಕೇಶ್ ರೋಷನ್. ಅಂದಹಾಗೆ, ಹೃತಿಕ್ 1980ರಲ್ಲಿಯೇ ಬಾಲ ಕಲಾವಿದನಾಗಿ ‘ಆಶಾ’ ಸಿನಿಮಾ ಮಾಡಿದ್ದರು. ಇದರ ನಂತರ, ಅವರು ಬಾಲ ಕಲಾವಿದರಾಗಿ (Child Artiste) 'ಆಸ್-ಪಾಸ್' ಮತ್ತು 'ಆಪ್ ಕೆ ದೀವಾನೆ' ಮುಂತಾದ ಅನೇಕ ಚಿತ್ರಗಳನ್ನು ಮಾಡಿದರು. 1987 ರಿಂದ 1997 ರವರೆಗೆ, ಅವರು ತಮ್ಮ ಸ್ವಂತ ಬ್ಯಾನರ್‌ನಲ್ಲಿ ನಿರ್ಮಿಸಲಾದ 'ಖುದ್ಗರ್ಜ್', 'ಕರಣ್-ಅರ್ಜುನ್' ಮತ್ತು 'ಕೊಯಾಲ' ಚಿತ್ರಗಳಲ್ಲಿ ಸಹಾಯಕ ನಿರ್ದೇಶಕರಾಗಿಯೂ ಹತ್ತು ವರ್ಷಗಳ ಕಾಲ ತಮ್ಮ ತಂದೆಯೊಂದಿಗೆ ಒಡನಾಟ ಹೊಂದಿದ್ದರು. ಅಂತಿಮವಾಗಿ, 2000 ರಲ್ಲಿ, ಹೃತಿಕ್ ರೋಷನ್ 'ಕಹೋ ನಾ ಪ್ಯಾರ್ ಹೈ' ಚಿತ್ರದ ಮೂಲಕ ಪೂರ್ಣ ಪ್ರಮಾಣದ ನಟನಾಗಿ ಬಣ್ಣದ ಜಗತ್ತಿಗೆ ಅಧಿಕೃತ ಪಾದಾರ್ಪಣೆ ಮಾಡಿದರು. ಅಂದಿನಿಂದ ಹೃತಿಕ್ ಮತ್ತು ರಾಕೇಶ್ ರೋಷನ್ 6 ಚಿತ್ರಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ.. ಇಷ್ಟೇ ಅಲ್ಲ ಈ ತಂದೆ ಮಗನ ಜೋಡಿಯ ವಿವಾದಗಳು ಸಹ ಸಾಕಷ್ಟು ಸುದ್ದಿಯಾಗಿವೆ.  

2000 ರ ಕಹೋ ನಾ ಪ್ಯಾರ್ ಹೈ ಚಿತ್ರ  ಹೃತಿಕ್ ರೋಷನ್ ಅವರ ವೃತ್ತಿ ಜೀವನದ (Career) ಮಾತ್ರವಲ್ಲದೆ ಬಾಲಿವುಡ್‌ನ ಅತಿದೊಡ್ಡ ಬ್ಲಾಕ್‌ಬಸ್ಟರ್ ಎಂದು ಸಾಬೀತಾಯಿತು. ಅಮೀಶಾ ಪಟೇಲ್ ಮೊದಲು, ಕರೀನಾ ಕಪೂರ್ ಈ ಚಿತ್ರದಲ್ಲಿ ನಾಯಕಿಯಾಗಿ ಸಹಿ ಹಾಕಿದ್ದರು. ಹೃತಿಕ್ ಅವರ ತಂದೆ ರಾಕೇಶ್ ರೋಷನ್ ಮತ್ತು ಕರೀನಾ ಅವರ ತಾಯಿ ಬಬಿತಾ ನಡುವೆ ಸಣ್ಣ ವಾದ ವಿವಾದ ಉಂಟಾಗಿದ್ದರಿಂದ ಕರೀನಾ ಚಿತ್ರ ಬಿಡಬೇಕಾಯಿತು. ರಾಕೇಶ್ ಪ್ರಕಾರ, ಬಬಿತಾ ರಾಕೇಶ್ ಚಿತ್ರದ ಚಿತ್ರೀಕರಣವನ್ನು ಸಂಭಾಷಣೆಯ ದೃಶ್ಯದೊಂದಿಗೆ ಪ್ರಾರಂಭಿಸಬೇಕೆಂದು ಬಯಸಿದ್ದರು. ಆದರೆ ರಾಕೇಶ್ ಅವರು ಚಿತ್ರವನ್ನು ಹಾಡಿನೊಂದಿಗೆ ಚಿತ್ರೀಕರಿಸಿದರೆ, ಕರೀನಾ ಉತ್ತಮ ರೀತಿಯಲ್ಲಿ ಬೆರೆಯಲು ಸಾಧ್ಯವಾಗುತ್ತದೆ ಎಂದು ನಂಬಿದ್ದರು. ಇದನ್ನು ಒಪ್ಪಿಕೊಳ್ಳಲು ಬಬಿತಾ ಒಪ್ಪದಿದ್ದಾಗ, ನಾನು ಈ ರೀತಿ ಕೆಲಸ ಮಾಡಲು ಸಾಧ್ಯವಿಲ್ಲ ಎಂದು ರಾಕೇಶ್ ಸ್ಪಷ್ಟವಾಗಿ ನಿರಾಕರಿಸಿದ್ದರು. ನಾವು ಸ್ನೇಹಿತರಾಗಿರುವುದರಿಂದ, ನಾಳೆ ನಮ್ಮ ನಡುವೆ ಯಾವುದೇ ವಿವಾದಗಳು ನನಗೆ ಬೇಡ ಹಾಗಾಗಿ ಕರೀನಾ ಈ ಚಿತ್ರದಿಂದ ದೂರವಾಗಬೇಕು ಎಂದು ಹೇಳಿದರು. 

ಕೋಯಿ ಮಿಲ್ ಗಯಾ ಚಿತ್ರದಲ್ಲಿ ನಟ ಹೃತಿಕ್‌  ವೇಷಭೂಷಣವನ್ನು (Costume Design) ಧರಿಸಿ ಅನ್ಯಲೋಕದ ಮಾಂತ್ರಿಕ ಪಾತ್ರವನ್ನು ನಿರ್ವಹಿಸಿದ್ದಾರೆ. ಆದರೆ ರಾಕೇಶ್ ರೋಷನ್ ಇದನ್ನು ಎಂದಿಗೂ ಒಪ್ಪಲಿಲ್ಲ. ಜಾದೂ ಚಿತ್ರದ ಶೂಟಿಂಗ್‌ಗಾಗಿ ತಯಾರಿಸಿದ ರಿಮೋಟ್ ಕಂಟ್ರೋಲ್ ರೋಬೋಟ್ ಎಂದು ಅವರು ಯಾವಾಗಲೂ ಹೇಳುತ್ತಿದ್ದರು. ಇದಲ್ಲದೆ, ಐಶ್ವರ್ಯಾ ರೈ ಈ ಚಿತ್ರದಲ್ಲಿ ಪ್ರಮುಖ ಪಾತ್ರವನ್ನು ನಿರ್ವಹಿಸಲಿದ್ದರು. ಆದರೆ ನಂತರ ಕೆಲವು ಕಾರಣಗಳಿಂದ ಪ್ರೀತಿ ಜಿಂಟಾ ಅವರನ್ನು ಬದಲಾಯಿಸಲಾಯಿತು. ರಾಕೇಶ್ ರೋಷನ್ ಅವರ ಚಿತ್ರಗಳ ಭಾಗವಾಗಿದ್ದ ಜಾನಿ ಲಿವರ್, ಈ ಚಿತ್ರದ ನಂತರ ಮತ್ತೆ ರಾಕೇಶ್ ಅವರೊಂದಿಗೆ ಕೆಲಸ ಮಾಡಲಿಲ್ಲ

ಕ್ರಿಶ್ ಸಿನಿಮಾಕ್ಕೆ ಪ್ರಿಯಾಂಕಾ ಚೋಪ್ರಾ ಕೊನೆಯ ಕ್ಷಣದಲ್ಲಿ ಅಮೃತಾ ರಾವ್ ಬದಲಿಗೆ ಬಂದರು. ಅಮೃತಾ ರಾವ್‌ ಚಿತ್ರಕ್ಕೆ ಮೊದಲ ಆಯ್ಕೆಯಾಗಿದ್ದರು ಆದರೆ ರಾಕೇಶ್ 'ಐತ್ರಾಜ್' ಚಿತ್ರದಲ್ಲಿ ಪ್ರಿಯಾಂಕಾ ಚೋಪ್ರಾ ಅವರ ಅಭಿನಯವನ್ನು ನೋಡಿದಾಗ, ಅವರು ಅಮೃತಾ ಬದಲಿಗೆ ಪ್ರಿಯಾಂಕಾಗೆ ನಟಿಸಲು ಮನಸ್ಸು ಮಾಡಿದರು. ಚಿತ್ರದ ಶೂಟಿಂಗ್ ವೇಳೆಯೂ ಪ್ರಿಯಾಂಕಾ ಮತ್ತು ಹೃತಿಕ್ ಸಂಬಂಧ ಚರ್ಚೆಯಾಗಿತ್ತು.

ಕೈಟ್‌ ಚಿತ್ರದಲ್ಲಿ ಹೃತಿಕ್ ರೋಷನ್ ಎದುರು ಮೆಕ್ಸಿಕನ್ ನಟಿ ಬಾರ್ಬರಾ ಮೋರಿ ಕಾಣಿಸಿಕೊಂಡಿದ್ದಾರೆ. ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಫ್ಲಾಪ್ ಆಗಿದ್ದರೂ, ಹೃತಿಕ್ ಅವರ ಸಂಬಂಧದಿಂದಾಗಿ, ಚಿತ್ರವು ಅನೇಕ ವಿವಾದಗಳಲ್ಲಿ ಸಿಲುಕಿಕೊಂಡಿತು. ತಮಾಷೆಯೆಂದರೆ ಹೃತಿಕ್ ಅವರ ಪತ್ನಿ ಸುಸ್ಸಾನೆ ಖಾನ್ ಅವರು ಚಿತ್ರದ ಪ್ರಚಾರದ ಸಮಯದಲ್ಲಿ ಅವರ ಜೊತೆಯಲ್ಲಿಯೇ ಇದ್ದರೂ, ಹೃತಿಕ್ ನಟಿ ಬಾರ್ಬರಾ ಮೋರಿಯೊಂದಿಗೆ ಸಂಬಂಧವನ್ನು ಹೊಂದಿದ್ದಾರೆ ಎಂಬ ವದಂತಿ ಇತ್ತು. 'ಇದೆಲ್ಲ ಅಸಂಬದ್ಧ. ಹೃತಿಕ್ ಮತ್ತು ನಮ್ಮ ಮದುವೆ ಮುರಿಯಲು ಯಾರಿಂದಲೂ ಸಾಧ್ಯವಿಲ್ಲ. ನಾವಿಬ್ಬರೂ ತುಂಬಾ ಬಲಶಾಲಿಗಳು ಎಂದು ಆ ಸಮಯದಲ್ಲಿ ಸುಸಾನೆ ಸಂದರ್ಶನವೊಂದರಲ್ಲಿ ಹೇಳಿದ್ದರು. ಆದರೆ 2014 ರಲ್ಲಿ ವಿಚ್ಛೇದನ ಪಡೆದರು. ಇದಕ್ಕೆ  ಹೃತಿಕ್ ಮತ್ತು ಬಾರ್ಬರಾ ಮೋರಿ ಅವರ ಸಂಬಂಧ  ಕಾರಣ ಎಂದು ನಂಬಲಾಗಿದೆ.

ಕ್ರಿಶ್ 3  ಚಿತ್ರವು 2006 ರಲ್ಲಿ ಬಿಡುಗಡೆಯಾದ ಕ್ರಿಶ್ ಚಿತ್ರದ ಮುಂದುವರಿದ ಭಾಗವಾಗಿತ್ತು. ಈ ಚಿತ್ರದಲ್ಲಿ ಕಂಗನಾ ರಣಾವತ್ ಹೃತಿಕ್ ಜೊತೆ ಎರಡನೇ ಬಾರಿಗೆ ಕೆಲಸ ಮಾಡಿದ್ದಾರೆ. ಈ ಹಿಂದೆ ಇಬ್ಬರೂ ಕೈಟ್ಸ್ ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದರು. ಆದರೆ, ಈ ಚಿತ್ರ ಬಿಡುಗಡೆಯಾದ ನಂತರ ಕಂಗನಾ ರಣಾವತ್ ಮತ್ತು ಹೃತಿಕ್ ರೋಷನ್ ನಡುವೆ ಭಾರೀ ವಿವಾದ ಹುಟ್ಟಿಕೊಂಡಿದ್ದು, ಹೃತಿಕ್ ತನ್ನನ್ನು ಈ ಚಿತ್ರದಲ್ಲಿ ನಟಿಸಲು 6  ತಿಂಗಳ ಕಾಲ ಹಿಂಬಾಲಿಸುತ್ತಿದ್ದಾರೆ ಎಂದು ಕಂಗನಾ ಮಾಧ್ಯಮಗಳೊಂದಿಗೆ ಹೇಳಿ ಕೊಂಡಿದ್ದರು. 2014 ರಲ್ಲಿ ಸುಸ್ಸಾನೆಯಿಂದ ವಿಚ್ಛೇದನದ ನಂತರ, ಹೃತಿಕ್ ಪ್ಯಾರಿಸ್‌ನಲ್ಲಿ ತನ್ನನ್ನು ಮದುವೆಯಾಗಲು ಪ್ರಸ್ತಾಪಿಸಿದ್ದಾಗಿಯೂ ಕಂಗನಾ ಹೇಳಿದ್ದರು. ಈ ಚಿತ್ರದ ಚಿತ್ರೀಕರಣದ ವೇಳೆ ಇಬ್ಬರ ನಡುವೆ ಆತ್ಮೀಯತೆ ಬೆಳೆದಿತ್ತು. ಆದರೆ ಇಬ್ಬರೂ ತಮ್ಮ ಸಂಬಂಧವನ್ನು ಮಾಧ್ಯಮಗಳಿಂದ ಮುಚ್ಚಿಟ್ಟಿದ್ದರು. ನಂತರ, ಹೃತಿಕ್ ತನ್ನನ್ನು ಆವಾಯಿಡ್‌  ಮಾಡುತ್ತಿದ್ದಾರೆ, ಎಂದು ಕಂಗನಾ ಭಾವಿಸಿದಾಗ, ಅವರು ಮಾಧ್ಯಮಗಳ ಮುಂದೆ ಈ ವಿಷಯಗಳನ್ನು ಬಹಿರಂಗ ಪಡಿಸಿದ್ದರು.