ಸಿನೆಮಾಗಾಗಿ ಮಾತ್ರವಲ್ಲ ನಿಜ ಜೀವನಕ್ಕೂ ಬೇಕು, ವಿದೇಶಿ ಸಮರ ಕಲೆಯಲ್ಲಿ ಈ ನಟಿಮಣಿಯರು ನಿಪುಣರು!

ಬಾಲಿವುಡ್‌ ನಲ್ಲಿ ತಮ್ಮದೇ ಆದ ಸ್ಥಾನ ಪಡೆದುಕೊಂಡು ಇಂದು ಪ್ರಸಿದ್ಧ ನಟಿಯರಾಗಿರುವ 10ಕ್ಕೂ ಹೆಚ್ಚು ಮಂದಿ ಸಮರ ಕಲೆಗಳಲ್ಲಿ ನಿಸ್ಸೀಮರು. ಒಬ್ಬಬ್ಬರು ಒಂದೊಂದು ಕಲೆಯಲ್ಲಿ ನಿಪುಣರಾಗಿದ್ದು, ಕೆಲವರು ಹಲವು ಕಲೆಗಳನ್ನು ಬಲ್ಲವರಾಗಿದ್ದಾರೆ. ಹೆಚ್ಚಿನ ನಟಿಯರು ವಿದೇಶಿ ಸಮರ ಕಲೆಗಳನ್ನು ಕರಗತ ಮಾಡಿಕೊಂಡಿದ್ದಾರೆ.  ತಮ್ಮ ಪಾತ್ರಗಳಿಗಾಗಿ ವಿವಿಧ ಸಮರ ಕಲೆಗಳನ್ನು ಕಲಿತು ಪರಿಣತಿ ಪಡೆದಿದ್ದಾರೆ. ಮಾಧುರಿ ದೀಕ್ಷಿತ್ ಟೇಕ್ವಾಂಡೋ, ಪ್ರಿಯಾಂಕಾ ಚೋಪ್ರಾ ಕರಾಟೆ ಮತ್ತು ದೀಪಿಕಾ ಪಡುಕೋಣೆ ಜುಜುಟ್ಸು ತರಬೇತಿ ಪಡೆದಿದ್ದಾರೆ. ಯಾವ ನಟಿ ಏನು ಕಲಿತಿದ್ದಾರೆ ಇಲ್ಲದೆ ಮಾಹಿತಿ

ನಟಿ ಮಾಧುರಿ ದೀಕ್ಷಿತ್  ಟೇಕ್ವಾಂಡೋ ಎಂಬ ಕಲೆಯನ್ನು ಕಲಿತಿದ್ದಾರೆ. ಇದರಲ್ಲಿ ಕಿತ್ತಳೆ ಬಣ್ಣದ ಬೆಲ್ಟ್ ಅನ್ನು ಕೂಡ ಗಳಿಸಿದ್ದಾರೆ. ಅವರ ಇಡೀ ಕುಟಂಬ ಅಂದರೆ ಗಂಡ ಮತ್ತು ಮಕ್ಕಳು ಕೂಡ ಇದರಲ್ಲಿ ಪರಿಣಿತರು.  ಗುಲಾಬ್ ಗ್ಯಾಂಗ್‌ ಚಿತ್ರಕ್ಕಾಗಿ ನಟಿ ಕುಂಗ್ ಫೂನ ಅತ್ಯಂತ ಹಳೆಯ ಪ್ರಕಾರಗಳಲ್ಲಿ ಒಂದಾದ ಶಾವೋಲಿನ್ ಕುಂಗ್ ಫೂ  ಎಂಬ ಕಲೆಯ ತರಭೇತಿ ಪಡೆದಿದ್ದಾರೆ. ಪೆಕಿಟಿ-ಟಿರ್ಸಿಯಾ ಕಲಿ ಮತ್ತು ಶಾವೋಲಿನ್ ಚಿನ್ ನಾ ಎಂಬ ಬಗ್ಗೆಯೂ ಜ್ಞಾನವಿದೆ.

ಪರಿಣಿತಿ ಚೋಪ್ರಾ ಅವರು ಕೋಡ್ ನೇಮ್: ತಿರಂಗಾ ಚಿತ್ರದಲ್ಲಿನ ತನ್ನ ಪಾತ್ರಕ್ಕಾಗಿ 'ಕ್ರಾವ್ ಮಗಾ' ಕಲಿಯಲು ಮೂರು ತಿಂಗಳು ಮೀಸಲಿಟ್ಟರು.  ಕ್ರಾವ್ ಮಾಗಾ ಎಂಬುದು ಇಸ್ರೇಲಿ ಸಮರ ಕಲೆಯಾಗಿದ್ದು, ಅದರ ಪ್ರಾಯೋಗಿಕ ಮತ್ತು ಸ್ವರಕ್ಷಣೆ ತಂತ್ರಗಳಿಗೆ ಹೆಸರುವಾಸಿಯಾಗಿದೆ.  

ಪ್ರಿಯಾಂಕಾ ಚೋಪ್ರಾ
ಬಾಲಿವುಡ್‌ ಕಮ್ ಹಾಲಿವುಡ್‌ ನಟಿ ಪ್ರಿಯಾಂಕಾ ಚೋಪ್ರಾ ವಿವಿಧ ಸಮರ ಕಲೆಗಳಲ್ಲಿ ತರಬೇತಿ ಪಡೆದಿದ್ದಾರೆ. ಅವುಗಳಲ್ಲಿ ಕರಾಟೆ, ಜು-ಜಿಟ್ಸು ಮತ್ತು ಗಟ್ಕಾ ಸೇರಿದೆ. ದ್ರೋಣ ಚಿತ್ರಕ್ಕಾಗಿ ಪ್ರಿಯಾಂಕಾ ಚೋಪ್ರಾ ಸಾಂಪ್ರದಾಯಿಕ ಸಿಖ್ ಸಮರ ಕಲೆಯಾದ ಗಟ್ಕಾದಲ್ಲಿ ತರಬೇತಿ ಪಡೆದರು. ಈ ತರಬೇತಿಯು ಅವರಿಗೆ ಸಂಕೀರ್ಣವಾದ ಸಾಹಸಗಳನ್ನು ಪ್ರದರ್ಶಿಸಲು ಅನುವು ಮಾಡಿಕೊಟ್ಟಿತು.  ಅವರು ಆಕ್ಷನ್ ಥ್ರಿಲ್ಲರ್ "ಡಾನ್" ಗಾಗಿ ತೈ ಚಿ ಮತ್ತು ತಮ್ಮ ಹಾಲಿವುಡ್ ಚೊಚ್ಚಲ ಚಿತ್ರ "ಬೇವಾಚ್" ಗಾಗಿ ಕಜುಕೆನ್‌ಬೊ ಕಲಿತರು. 

ದೀಪಿಕಾ ಪಡುಕೋಣೆ
ಚಾಂದನಿ ಚೌಕ್ ಟು ಚೀನಾ  ಸಿನೆಮಾದ ದ್ವಿಪಾತ್ರಕ್ಕಾಗಿ ದೀಪಿಕಾ ಪಡುಕೋಣೆ ಜುಜುಟ್ಸು ತರಬೇತಿ ಪಡೆದರು. ಅವರ ಕಠಿಣ ಪರಿಶ್ರಮ ತಯಾರಿ ಚಿತ್ರದಲ್ಲಿನ ಸಾಹಸ ಸನ್ನಿವೇಶಗಳಿಗೆ  ಬಲ ಹೆಚ್ಚಿಸಿತು. ವೈವಿಧ್ಯಮಯ ಪಾತ್ರಗಳಿಗೆ ಅವರು ತಯಾರಾಗುವ ರೀತಿ ಬದ್ಧತೆಯನ್ನು ಪ್ರದರ್ಶಿಸಿತು. ಇದು ಜಪಾನಿನ ಒಂದು ಯುದ್ಧ ಕಲೆಯಾಗಿದೆ. ಅಕ್ಷಯ್ ಕುಮಾರ್‌ಗೂ ತರಬೇತಿ ನೀಡಿದ್ದ ಮಾರ್ಷಲ್ ಆರ್ಟ್ಸ್ ಬೋಧಕರಾಗಿದ್ದವರು ದೀಪಿಕಾ ಅವರಿಗೆ ಇದನ್ನು ಕಲಿಸಿದರು ಎಂದು ವರದಿಯಾಗಿದೆ. 

ಹನಿ ಬನ್ನಿ ಚಿತ್ರದಲ್ಲಿ ಪಾತ್ರದಲ್ಲಿನ ಸಮಂತಾ  ಅವರ ಉಗ್ರ ಆಕ್ಷನ್ ಅವತಾರ ಪ್ರೇಕ್ಷಕರನ್ನು ಬೆರಗುಗೊಳಿಸಿತ್ತು. ಇದಕ್ಕಾಗಿ ದೈಹಿಕವಾಗಿ ಕಷ್ಟಕರವಾದ ಪಾತ್ರಕ್ಕೆ ತಯಾರಿ ನಡೆಸಲು ಅವರು ಕ್ರಾವ್ ಮಾಗಾದಲ್ಲಿ ತರಬೇತಿ ಪಡೆದರು ಮತ್ತು ಐಕಿಡೋ, ಬಾಕ್ಸಿಂಗ್, ಜೂಡೋ, ಕರಾಟೆ ಮತ್ತು ಕುಸ್ತಿಯ ತಂತ್ರಗಳನ್ನು ಕಲಿತಿದ್ದಾರೆ.

ಐಶ್ವರ್ಯಾ ರೈ ಬಚ್ಚನ್ 
ತಮಿಳಿನ ರೋಬೋಟ್ ಪಾತ್ರಕ್ಕಾಗಿ ಐಶ್ವರ್ಯಾ ರೈ ಬಚ್ಚನ್ ಅನುಭವಿ ಬೋಧಕ ರಮೇಶ್ ಅವರ ಮಾರ್ಗದರ್ಶನದಲ್ಲಿ ಕರಾಟೆ ಕಲಿತರು. ಭಾರತದ ಜಪಾನ್ ಶಿಟ್-ರ್ಯು ಕರಾಟೆ ಶಾಲೆಯಲ್ಲಿ ಕರಾಟೆ ತರಬೇತಿ ಪಡೆದರು. 

ಜಾಕ್ವೆಲಿನ್ ಫರ್ನಾಂಡಿಸ್ 
ಜಾಕ್ವೆಲಿನ್ ಫರ್ನಾಂಡಿಸ್ ಒಬ್ಬ ಫಿಟ್ನೆಸ್ ಉತ್ಸಾಹಿ. ಅವರು ತಮ್ಮ ಚಿತ್ರಕ್ಕಾಗಿ ದಕ್ಷಿಣ ಭಾರತದ ಸಮರ ಕಲೆಗಳಾದ ಕಲರಿಪಯಟ್ಟುವಿನ ತರಬೇತಿಯನ್ನು ಪಡೆದಿದ್ದಾರೆ.

ಟೈಗರ್ ಜಿಂದಾ ಹೈ ಚಿತ್ರದಲ್ಲಿ ಕತ್ರಿನಾ ಕೈಫ್ ತಮ್ಮ ಅದ್ಭುತ ಪ್ರದರ್ಶನದಿಂದ ಎಲ್ಲರನ್ನೂ ಪ್ರಭಾವಿತಗೊಳಿಸಿದರು, ಹಮಾಮ್ ಸರಣಿಯ ಸಮಯದಲ್ಲಿ ಅವರು ತಮ್ಮ ಅದ್ಭುತ ಸಮರ ಕಲೆಗಳ ಕೌಶಲ್ಯವನ್ನು ಪ್ರದರ್ಶಿಸಿದರು.  ಜಗ್ಗಾ ಜಾಸೂಸ್ ಪಾತ್ರಕ್ಕಾಗಿ ಕತ್ರಿನಾ ಕೈಫ್ ಇಸ್ರೇಲಿ ಯುದ್ಧ ತಂತ್ರವಾದ ಕ್ರಾವ್ ಮಾಗಾವನ್ನು ಅಭ್ಯಾಸ ಮಾಡಿದರು.

ಇದ್ಲದೆ ನಟಿ ತಾಪ್ಸಿ ಪನ್ನು, ಮಿಶ್ರ ಸಮರ ಕಲೆಗಳು ಮತ್ತು ಕ್ರಾವ್ ಮಗದಲ್ಲಿ ತರಬೇತಿ ಪಡೆದಿದ್ದಾರೆ. ಇನ್ನು ನಟಿ ಅದಾ ಶರ್ಮಾ ಒಬ್ಬ ನುರಿತ ಸಮರ ಕಲಾವಿದೆ. ಅವರು 'ಕಮಾಂಡೋ 3' ನಲ್ಲಿ ತಮ್ಮ ಸಾಹಸ ಪ್ರದರ್ಶನ ಮಾಡಿದರು. ಮಾತ್ರವಲ್ಲ ಮರ್ದ್ ಕೋ ದರ್ದ್ ನಹಿ ಹೋತಾ ಚಿತ್ರಕ್ಕಾಗಿ, ರಾಧಿಕಾ ಮದನ್ 'ಜೀತ್ ಕುನೆ ದೋ' ಎಂಬ ಹೊಸ ರೀತಿಯ ಸಮರ ಕಲೆಯನ್ನು ಪ್ರದರ್ಶಿಸಿದರು. ಇನ್ನು ನಟಿ ದಿಶಾ ಪಟಾನಿ  ಮತ್ತು ಕಂಗನಾ ರಣಾವತ್ ಕಿಕ್‌ಬಾಕ್ಸಿಂಗ್   ಕಲಿತಿದ್ದಾರೆ.