ಶಾರುಖ್ ಖಾನ್ ಜೊತೆ ನಟಿಸಿದ್ದ ಮಹೀಮಾ ಚೌಧರಿಯ ಚೊಚ್ಚಲ ಚಿತ್ರ ಪರ್‌ದೇಸ್ ಸೂಪರ್ಹಿಟ್ ಆಗಿತ್ತು.
ಹಲವು ಫ್ಲಾಪ್‌ ಸಿನಿಮಾಗಳ ನಂತರ ಉದ್ಯಮದಿಂದ ಕಣ್ಮರೆಯಾದರು ಬಾಲಿವುಡ್ ನಟಿ ಮಹೀಮಾ ಚೌದರಿ.
ಮಹೀಮಾ 2006ರಲ್ಲಿ ಬಂಗಾಳಿ ವಾಸ್ತುಶಿಲ್ಪಿ ಉದ್ಯಮಿ ಬಾಬಿ ಮುಖರ್ಜಿ ಅವರನ್ನು ಮದುವೆಯಾಗಿದ್ದರು. ಅವರಿಗೆ ಒಬ್ಬಳು ಮಗಳಿದ್ದಾಳೆ. ಆದರೆ ಈ ಜೋಡಿನ 2011 ರಲ್ಲಿ ಬೇರೆಯಾಯಿತು.
ಮಹಿಮಾ ಯಾವಾಗಲೂ ತಮ್ಮ ವೈಯಕ್ತಿಕ ಜೀವನವನ್ನು ಮಾಧ್ಯಮ ಮತ್ತು ಸಾರ್ವಜನಿಕರಿಂದ ದೂರವಿರಿಸುತ್ತಿದ್ದಾರೆ.
ಇಂಟರ್‌ನೆಟ್‌ನಲ್ಲಿ ಬೇಬಿ ಬಂಪ್‌ ಪೋಟೋ ಹೊರಬರುವವರೆಗೂ, ನಟಿಯ ಡೇಟಿಂಗ್ ಮತ್ತು ವೈವಾಹಿಕ ಜೀವನದ ಬಗ್ಗೆ ಯಾರಿಗೂ ತಿಳಿದಿರಲಿಲ್ಲ.
ಬಾಬಿಯನ್ನು ಮದುವೆಯಾಗುವ ಮೊದಲು ಮಹೀಮಾ ಲಿಯಾಂಡರ್ ಪೇಸ್ ಜೊತೆ ರಿಲೆಷನ್‌ಶಿಪ್‌ನಲ್ಲಿದ್ದರು.
ಒಂದು ಕಾಲದಲ್ಲಿ ಲಿಯಾಂಡರ್ ಪೇಸ್ ಮತ್ತು ಮಹೀಮಾ ಚೌಧರಿ ಸಂಬಂಧದಲ್ಲಿದ್ದರು.
ಆದರೆ ಈ ರಿಲೆಷನ್‌ಶಿಪ್‌ ವರ್ಕ್‌ ಆಗಲಿಲ್ಲ.
ರಿಯಾ ಪಿಳ್ಳೈ ಜೊತೆ ಡೇಟ್‌ ಮಾಡಲು ಪ್ರಾರಂಭಿಸಿ ಲಿಯಾಂಡರ್ಮಹೀಮಾಗೆ ಮೋಸ ಮಾಡಿದ್ದರು ಎಂದು ಹೇಳಲಾಗಿದೆ.
'ಅವನು ಬಹುಶಃ ಉತ್ತಮ ಟೆನಿಸ್ ಆಟಗಾರನಾಗಿರಬಹುದು, ಆದರೆ ಅವನು ನನ್ನೊಂದಿಗೆ ನ್ಯಾಯಯುತವಾಗಿ ಆಡಲಿಲ್ಲ. ಅವನು ಬೇರೊಬ್ಬರ ಜೊತೆ ತಿರುಗಾಡುತ್ತಿದ್ದಾನೆಂದು ತಿಳಿದಾಗ ನನಗೆ ನಿಜಕ್ಕೂ ಆಘಾತವಾಗಲಿಲ್ಲ. ಅವನ ನಿರ್ಗಮನವು ನನ್ನ ಜೀವನದ ಮೇಲೆ ಯಾವುದೇ ಪರಿಣಾಮ ಬೀರಲಿಲ್ಲ. ವಾಸ್ತವವಾಗಿ, ಒಬ್ಬ ವ್ಯಕ್ತಿಯಂತೆ ನಾನು ಹೆಚ್ಚು ಪ್ರಬುದ್ಧಳಾಗಿದ್ದೆ. ರಿಯಾ ಪಿಳ್ಳೈಗೂ ಅವನು ಅದೇ ರೀತಿ ಮಾಡಿದನೆಂದುಕೊಳ್ಳುತ್ತೇನೆ,' ಎಂದು ಮಿಸ್ ಮಾಲಿನಿ ಜೊತೆಸಂದರ್ಶನದಲ್ಲಿ, ಮಹೀಮಾ ಹೇಳಿಕೊಂಡಿದ್ದರು.
ಆದರೆ ವರ್ಷಗಳ ನಂತರ, ಲಿಯಾಂಡರ್ ರಿಯಾಳೊಂದಿಗೆ ಬ್ರೇಕಪ್‌ ಮಾಡಿಕೊಂಡರು. ಇದನ್ನು ಅತ್ಯಂತ ಕೆಟ್ಟ ಬ್ರೇಕಪ್‌ಗಳಲ್ಲಿ ಒಂದೆಂದು ಕರೆಯಲಾಯಿತು.