Romantic crime thrillers on ott india: OTTಯಲ್ಲಿ ನಿಮ್ಮ ಸಂಗಾತಿಯೊಂದಿಗೆ ಏಕಾಂತದಲ್ಲಿ ನೋಡಬಹುದಾದ ಅತ್ಯುತ್ತಮ ರೊಮ್ಯಾಂಟಿಕ್ ಸಿನಿಮಾಗಳ ಪಟ್ಟಿ ಇಲ್ಲಿದೆ. ಈ ಲಿಸ್ಟ್ನಲ್ಲಿ ಕೆಲವು ರೊಮ್ಯಾಂಟಿಕ್ ಕ್ರೈಮ್ ಥ್ರಿಲ್ಲರ್ಗಳೂ ಇವೆ.
ಓಟಿಟಿಯಲ್ಲಿ ಎಲ್ಲಾ ವರ್ಗದ ಪ್ರೇಕ್ಷಕರನ್ನು ರಂಜಿಸುವ ಕಂಟೆಂಟ್ ಲಭ್ಯವಿದೆ. ವಯಸ್ಕರಿಗಾಗಿ ರೊಮ್ಯಾಂಟಿಕ್, ಬೋಲ್ಡ್ ಕಂಟೆಂಟ್ ಇದ್ದರೆ, ಮಕ್ಕಳಿಗಾಗಿಯೂ ವಿಶೇಷ ಕಂಟೆಂಟ್ ಇರುತ್ತದೆ. ಹೀಗೆ ಎಲ್ಲಾ ಜಾನರ್ನ ಸಿನಿಮಾಗಳು, ವೆಬ್ ಸಿರೀಸ್ಗಳು ಓಟಿಟಿಯಲ್ಲಿ ಸಿಗುತ್ತವೆ. ನಿಮ್ಮ ಗರ್ಲ್ಫ್ರೆಂಡ್ ಅಥವಾ ಪತ್ನಿಯೊಂದಿಗೆ ಏಕಾಂತದಲ್ಲಿ ನೋಡಬಹುದಾದ ಕೆಲವು ಸಿನಿಮಾಗಳ ಪಟ್ಟಿಯನ್ನು ನಾವಿಲ್ಲಿ ನೀಡಿದ್ದೇವೆ. ಈ ಸಿನಿಮಾಗಳಲ್ಲಿ ಬೋಲ್ಡ್ ರೊಮ್ಯಾನ್ಸ್ ಇರುವುದರಿಂದ, ಮಕ್ಕಳನ್ನು ಕಡ್ಡಾಯವಾಗಿ ದೂರವಿಡುವುದು ಉತ್ತಮ.
27
ದಿ ಬಾಯ್ ನೆಕ್ಸ್ಟ್ ಡೋರ್ - ನೆಟ್ ಫ್ಲಿಕ್
ಇದು ಒಂದು ರೊಮ್ಯಾಂಟಿಕ್ ಕ್ರೈಮ್ ಥ್ರಿಲ್ಲರ್ ಸಿನಿಮಾ. ವಿಶ್ವಪ್ರಸಿದ್ಧ ನಟಿ ಜೆನ್ನಿಫರ್ ಲೋಪೆಜ್ ಈ ಚಿತ್ರದಲ್ಲಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಆಕೆ ವಿವಾಹಿತ ಮಹಿಳೆಯಾಗಿದ್ದು, ತನ್ನ ಪಕ್ಕದ ಮನೆಯ ಯುವಕನತ್ತ ಆಕರ್ಷಿತಳಾಗುತ್ತಾಳೆ. ಆಕಸ್ಮಿಕವಾಗಿ ಇಬ್ಬರ ನಡುವೆ ರೊಮ್ಯಾನ್ಸ್ ನಡೆಯುತ್ತದೆ. ನಂತರ ಆ ಯುವಕನ ವರ್ತನೆ ದಿನದಿಂದ ದಿನಕ್ಕೆ ಹದಗೆಡುತ್ತದೆ. ಕೊನೆಗೆ ಆತನನ್ನು ಮುಗಿಸಿ ತನ್ನ ಕುಟುಂಬವನ್ನು ಹೇಗೆ ರಕ್ಷಿಸಿಕೊಳ್ಳುತ್ತಾಳೆ ಎನ್ನುವುದೇ ಈ ಚಿತ್ರದ ಕಥೆ. ಈ ಸಿನಿಮಾ ನೆಟ್ಫ್ಲಿಕ್ಸ್ನಲ್ಲಿ ಲಭ್ಯವಿದೆ.
37
Unfaithful
ಈ ಚಿತ್ರ ಗಂಡ-ಹೆಂಡತಿಯ ಸಂಬಂಧದ ಕುರಿತಾಗಿದೆ. ಮದುವೆಯಾಗಿ ಗಂಡ, ಮಕ್ಕಳಿರುವ ಮಹಿಳೆಯೊಬ್ಬಳು ಅನಿರೀಕ್ಷಿತವಾಗಿ ಮತ್ತೊಬ್ಬ ವ್ಯಕ್ತಿಯತ್ತ ಆಕರ್ಷಿತಳಾಗುತ್ತಾಳೆ. ಆಕೆ ಮಾಡಿದ ತಪ್ಪಿನಿಂದಾಗಿ ಎದುರಿಸುವ ಸಮಸ್ಯೆಗಳೇ ಈ ಚಿತ್ರದ ಕಥಾವಸ್ತು.
ಟೈಟಾನಿಕ್ ಖ್ಯಾತಿಯ ನಟಿ ಕೇಟ್ ವಿನ್ಸ್ಲೆಟ್ ಈ ಚಿತ್ರದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ್ದಾರೆ. ಈ ಚಿತ್ರದ ನಟನೆಗಾಗಿ ಅವರು ಅತ್ಯುತ್ತಮ ನಟಿ ಆಸ್ಕರ್ ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ಈ ಸಿನಿಮಾದಲ್ಲಿ ಅವರು ಒಂಟಿ ಜೀವನ ನಡೆಸುತ್ತಾ, 15 ವರ್ಷದ ಹುಡುಗನೊಂದಿಗೆ ಸಂಬಂಧ ಹೊಂದುವ ಪಾತ್ರದಲ್ಲಿ ನಟಿಸಿದ್ದಾರೆ. ಆದರೆ ಆಕೆಯ ಭೂತಕಾಲ ಕರಾಳವಾಗಿರುತ್ತದೆ. ಮಾಡದ ತಪ್ಪಿಗೆ ಜೀವಾವಧಿ ಶಿಕ್ಷೆ ಅನುಭವಿಸುತ್ತಾಳೆ.
57
ಡೀಪ್ ವಾಟರ್
ಬೆನ್ ಅಫ್ಲೆಕ್ ಮತ್ತು ಅನಾ ಡಿ ಅರ್ಮಾಸ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ತನ್ನ ಪತ್ನಿ ಬೇರೆ ವ್ಯಕ್ತಿಗಳೊಂದಿಗೆ ಸಂಬಂಧ ಹೊಂದಿರುತ್ತಾಳೆ. ಅವರನ್ನು ನಾಯಕ ಒಬ್ಬೊಬ್ಬರಾಗಿ ಕೊಲ್ಲುತ್ತಾ ಹೋಗುತ್ತಾನೆ. ಕೊನೆಗೆ ಕಥೆ ಯಾವ ತಿರುವು ಪಡೆಯುತ್ತದೆ ಎನ್ನುವುದೇ ಉಳಿದ ಕಥೆ.
67
The Idea of You
40 ವರ್ಷ ದಾಟಿದ ಸಿಂಗಲ್ ಮದರ್, ತನ್ನ ಮಗಳನ್ನು ಮ್ಯೂಸಿಕ್ ಫೆಸ್ಟಿವಲ್ಗೆ ಕರೆದೊಯ್ಯುತ್ತಾಳೆ. ಅಲ್ಲಿ ತನ್ನ ಮಗಳ ವಯಸ್ಸಿನ 20 ವರ್ಷದ ಪಾಪ್ ಸ್ಟಾರ್ ಜೊತೆ ಆಕೆಗೆ ಪರಿಚಯವಾಗುತ್ತದೆ. ಇಬ್ಬರೂ ಪ್ರೀತಿಯಲ್ಲಿ ಬೀಳುತ್ತಾರೆ. ದೈಹಿಕ ಸಂಬಂಧವೂ ಶುರುವಾಗುತ್ತದೆ. ಆದರೆ ವಯಸ್ಸಿನ ಅಂತರವೇ ದೊಡ್ಡ ಸಮಸ್ಯೆಯಾಗುತ್ತದೆ. ಆತ ಪಾಪ್ ಸ್ಟಾರ್ ಆಗಿದ್ದರಿಂದ, ಈ ವಿಚಾರ ಮಾಧ್ಯಮಗಳಿಗೆ ತಿಳಿಯುತ್ತದೆ. ನಂತರದ ಬೆಳವಣಿಗೆಗಳೇ ಉಳಿದ ಕಥೆ.
77
Lady Chatterley's Lover
ಲೇಡಿ ಚಟರ್ಲಿಯ ಪತಿ ಯುದ್ಧದಲ್ಲಿ ಗಾಯಗೊಂಡು ವೀಲ್ಚೇರ್ಗೆ ಸೀಮಿತನಾಗುತ್ತಾನೆ. ಆತ ಇನ್ನು ಮಕ್ಕಳನ್ನು ಪಡೆಯುವುದು ಅಸಾಧ್ಯ. ಲೇಡಿ ಚಟರ್ಲಿಗೆ ಜೀವನವೇ ಶೂನ್ಯವಾದಂತೆ ಭಾಸವಾಗುತ್ತದೆ. ಆದರೆ ಆಕೆಯ ಪತಿ ತನ್ನ ವಂಶ ಮುಂದುವರಿಯಬೇಕೆಂದು ಬಯಸುತ್ತಾನೆ. ಹೀಗಾಗಿ, ಬೇರೆ ಉನ್ನತ ಕುಲದ ವ್ಯಕ್ತಿಯೊಂದಿಗೆ ಮಗುವನ್ನು ಪಡೆಯಲು ಪತ್ನಿಗೆ ಅನುಮತಿ ನೀಡುತ್ತಾನೆ. ಆದರೆ ಸಮಾಜದ ದೃಷ್ಟಿಯಲ್ಲಿ ಆ ಮಕ್ಕಳು ತನಗೇ ಹುಟ್ಟಿದ್ದು ಎಂದು ಹೇಳಬೇಕೆಂಬ ಷರತ್ತು ಹಾಕುತ್ತಾನೆ. ಆದರೆ, ಲೇಡಿ ಚಟರ್ಲಿ ತನ್ನ ಎಸ್ಟೇಟ್ನಲ್ಲಿ ತೋಟದ ಕೆಲಸಗಾರನ ಪ್ರೀತಿಯಲ್ಲಿ ಬೀಳುತ್ತಾಳೆ. ದೈಹಿಕ ಸಂಬಂಧ ಶುರುವಾಗುತ್ತದೆ. ಈ ಸಿನಿಮಾದಲ್ಲಿ ಅಶ್ಲೀಲ ದೃಶ್ಯಗಳು ಹೆಚ್ಚಾಗಿವೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.
