Salman Khan ನಟಿ ಕಾಂಪ್ಲಾನ್ ಗರ್ಲ್ Ayesha Takia ಈಗೇನು ಮಾಡ್ತಾ ಇದ್ದಾರೆ?

ಸಲ್ಮಾನ್ ಖಾನ್ (Salman Khan)  ಜೊತೆ ‘ವಾಂಟೆಡ್’ (Wanted) ಸಿನಿಮಾದಲ್ಲಿ ಕೆಲಸ ಮಾಡಿದ್ದ ನಟಿ ಆಯೇಶಾ ಟಾಕಿಯಾ (Ayesha Takia) ಅವರಿಗೆ 36 ವರ್ಷ . ಏಪ್ರಿಲ್ 10, 1985 ರಂದು ಮುಂಬೈನಲ್ಲಿ ಜನಿಸಿದ ಆಯೇಶಾ ಟಾಕಿಯಾ ಅವರ ತಂದೆ ಗುಜರಾತಿ, ತಾಯಿ ಕಾಶ್ಮೀರಿ ಮುಸ್ಲಿಂ. ಅವರು ತನ್ನ ಶಾಲಾ ಶಿಕ್ಷಣವನ್ನು ಮುಂಬೈನ ಚೆಂಬೂರ್‌ನಲ್ಲಿರುವ ಸೇಂಟ್ ಆಂಥೋನಿ ಗರ್ಲ್ಸ್ ಸ್ಕೂಲ್‌ನಲ್ಲಿ ಮಾಡಿದರು. ಆಯೇಷಾ ತನ್ನ ವೃತ್ತಿಜೀವನವನ್ನು ಬಾಲ ಕಲಾವಿದೆಯಾಗಿ ಪ್ರಾರಂಭಿಸಿದರು. ಅವರು ಕೇವಲ 13 ನೇ ವಯಸ್ಸಿನಲ್ಲಿ ಮಾಡೆಲಿಂಗ್ ಪ್ರಾರಂಭಿಸಿದರು.  

ಆಯೇಶಾ ಅವರು  ಮೊದಲು ಕಾಣಿಸಿಕೊಂಡದ್ದು Complan ಜಾಹೀರಾತಿನಲ್ಲಿ. ಈ ಜಾಹೀರಾತಿನಲ್ಲಿ ಆಯೇಷಾ ಟಾಕಿಯಾ ಜೊತೆಗೆ ಶಾಹಿದ್ ಕಪೂರ್ ಕೂಡ ಇದ್ದರು. ಈ ಜಾಹೀರಾತಿನಲ್ಲಿ ಕೆಲಸ ಮಾಡಿದ ನಂತರ, ಆಯೇಶಾ ಟಾಕಿಯಾಗೆ ಕಾಂಪ್ಲಾನ್ ಗರ್ಲ್ ಎಂದು ಕರೆಯಲಾಯಿತು. 

ಇನ್ನೂ ಕೆಲವು ಜಾಹೀರಾತುಗಳಲ್ಲಿ ಕೆಲಸ ಮಾಡಿದ ನಂತರ, ಆಯೇಷಾ ಫಲ್ಗುಣಿ ಪಾಠಕ್ ಅವರ ಸಂಗೀತ ವೀಡಿಯೊ 'ಮೇರಿ ಚುನಾರ್ ಉದ್ ಉದ್ ಜಾಯೆ' ನಲ್ಲಿ ಕಾಣಿಸಿಕೊಂಡರು. ಈ ಮ್ಯೂಸಿಕ್ ವೀಡಿಯೋ ನಂತರ, ಕೀತ್ ಸಿಕ್ವೇರಾ ಅವರೊಂದಿಗೆ ಆಯೇಷಾ ಟಾಕಿಯಾ ಮತ್ತೊಂದು ಸಂಗೀತ ಆಲ್ಬಂ 'ನಹೀ ನಹಿ ಅಭಿ ನಹಿ' ನಲ್ಲಿ ಕಾಣಿಸಿಕೊಂಡರು.

ಈ ಎರಡು ಮ್ಯೂಸಿಕ್ ವೀಡಿಯೋಗಳಲ್ಲಿ ಕೆಲಸ ಮಾಡಿದ ನಂತರ, ಬಾಲಿವುಡ್ ಕಣ್ಣುಗಳು ಆಯೇಷಾ ಮೇಲೆ ಬಿದ್ದಿತು ಮತ್ತು 2004 ರಲ್ಲಿ 'ಟಾರ್ಜನ್' ಚಿತ್ರದಲ್ಲಿ ಕೆಲಸ ಮಾಡುವ ಅವಕಾಶ ಸಿಕ್ಕಿತು.

ಟಾರ್ಜನ್ ದಿ ವಂಡರ್ ಕಾರ್ ನಂತರ, ಆಯೇಶಾ ಟಾಕಿಯಾ ದಿಲ್ ಮಾಂಗೆ ಮೋರ್, ಡೋರ್, ಕ್ಯಾಶ್, ಸಂಡೇ, ಡಿ ತಾಲಿ, ಸೋಚಾ ನಾ ಥಾ, ಪಾಠಶಾಲಾ ಮತ್ತು ವಾಂಟೆಡ್‌ನಂತಹ ಕೆಲವು ಚಿತ್ರಗಳಲ್ಲಿ ನಟಿಸಿದ್ದಾರೆ.

ಆದಾಗ್ಯೂ, ವಾಂಟೆಡ್ ಹೊರತುಪಡಿಸಿ, ಅವರ ಯಾವುದೇ ಚಿತ್ರವು ಹೆಚ್ಚು ಯಶಸ್ವಿಯಾಗಲಿಲ್ಲ. ಸಿನಿಮಾಗಳಲ್ಲಿ ಯಶಸ್ಸು ಸಿಗದ ನಂತರ ಆಯೇಷಾ ಸೆಟಲ್ ಆಗಲು ಮನಸ್ಸು ಮಾಡಿದರು. 

ಇದರ ನಂತರ, ಆಯೇಷಾ 2009 ರಲ್ಲಿ ರಾಜಕಾರಣಿ ಅಬು ಅಜ್ಮಿ ಅವರ ಮಗ ಫರ್ಹಾನ್ ಅಜ್ಮಿಯನ್ನು ವಿವಾಹವಾದರು. ಮದುವೆಯಾದ 4 ವರ್ಷಗಳ ನಂತರ, ಡಿಸೆಂಬರ್ 2013 ರಲ್ಲಿ, ಆಯೇಶಾ ತಾಯಿಯಾದರು ಮತ್ತು ಮಗ ಮಿಕೈಲ್‌ಗೆ ಜನ್ಮ ನೀಡಿದರು.

ಸಲ್ಮಾನ್ ಖಾನ್ ಜೊತೆ ಆಯೇಷಾ ಟಾಕಿಯಾ ಕೆಲಸ ಮಾಡಿದ 'ವಾಂಟೆಡ್' ಚಿತ್ರವು ಅವರ ಮದುವೆಯ ನಂತರ ಮಾಡಿದಾಗಿದೆ ಅಂದಹಾಗೆ, ಆಯೇಶಾ ಟಾಕಿಯಾ ಬಾಲಿವುಡ್‌ನ ಹೊರತಾಗಿ ದಕ್ಷಿಣದ ಚಿತ್ರಗಳಲ್ಲಿಯೂ ಕೆಲಸ ಮಾಡಿದ್ದಾರೆ. ಸೌತ್ ಮೂವೀ ಸೂಪರ್‌ಗಾಗಿ ಆಯೇಷಾ ಅತ್ಯುತ್ತಮ ನಟಿ ವಿಭಾಗದಲ್ಲಿ ಫಿಲ್ಮ್‌ಫೇರ್ ಪ್ರಶಸ್ತಿಯನ್ನೂ ಪಡೆದಿದ್ದಾರೆ.

ಆಯೇಷಾ ಟಕಿಯಾ ಅವರ ಪತಿ ಫರ್ಹಾನ್ ಅಜ್ಮಿ ರೆಸ್ಟೋರೆಂಟ್ ವ್ಯವಹಾರವನ್ನು ಹೊಂದಿದ್ದಾರೆ. ಚಲನಚಿತ್ರಗಳನ್ನು ತೊರೆದ ನಂತರ, ಆಯೇಷಾ ಈಗ ತನ್ನ ಗಂಡನ ವ್ಯವಹಾರದಲ್ಲಿ ಸಹಾಯ ಮಾಡುತ್ತಾರೆ. ಆಯೇಷಾ ಗೋವಾದಲ್ಲಿ ಬೊಟಿಕ್ ಹೋಟೆಲ್ ಡಿಸೈನಿಂಗ್ ಕೆಲಸವನ್ನೂ ಮಾಡುತ್ತಾರೆ.