ಅಕ್ಷಯ್ ಖನ್ನಾ ಒಂದು ದಿನದ ಹಿಂದೆಯಷ್ಟೇ 50ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಅವರು 1975 ರಲ್ಲಿ ಮುಂಬೈನಲ್ಲಿ ಜನಿಸಿದರು. ಇತ್ತೀಚೆಗೆ ವಿಕ್ಕಿ ಕೌಶಲ್ ಅವರ ಛಾವಾ ಚಿತ್ರದಲ್ಲಿ ಅಕ್ಷಯ್ ಔರಂಗಜೇಬ್ ಪಾತ್ರವನ್ನು ನಿರ್ವಹಿಸಿದ್ದರು.
ಬಾಲಿವುಡ್ ನಟ ಅಕ್ಷಯ್ ಖನ್ನಾ 50 ವರ್ಷ ವಯಸ್ಸಿನವರಾಗಿದ್ದಾರೆ. ಅಕ್ಷಯ್ 1975 ರಲ್ಲಿ ಮುಂಬೈನಲ್ಲಿ ಜನಿಸಿದರು. ಅಕ್ಷಯ್ ವೃತ್ತಿಜೀವನದಲ್ಲಿ ಹೇಳಿಕೊಳ್ಳುವಂಥ ದೊಡ್ಡ ಚಿತ್ರಗಳಲ್ಲಿ ನಟಿಸಿಲ್ಲ. ಆದರೆ, ನಟಿಸಿದ ಚಿತ್ರಗಳಲ್ಲಿ ಅವರು ಮಾಡಿದ ಪಾತ್ರಗಳಿಂದ ಗಮನಸೆಳೆದಿದ್ದಾರೆ.
ಅಕ್ಷಯ್ ಖನ್ನಾ ಬಾಲಿವುಡ್‌ನ ಸೂಪರ್‌ಸ್ಟಾರ್ ವಿನೋದ್ ಖನ್ನಾ ಅವರ ಪುತ್ರ. ಹಾಗಿದ್ದರೂ, ಅಕ್ಷಯ್ ತಮ್ಮ ತಂದೆಯಂತೆ ಹೆಸರು ಗಳಿಸಲು ಸಾಧ್ಯವಾಗಲಿಲ್ಲ.
50 ವರ್ಷ ವಯಸ್ಸಿನಲ್ಲೂ ಅಕ್ಷಯ್ ಖನ್ನಾ ಇನ್ನೂ ಬ್ರಹ್ಮಚಾರಿ. ಆದರೆ ಅವರ ಬಗ್ಗೆ ಬಹಳ ಕಡಿಮೆ ಜನರಿಗೆ ತಿಳಿದಿರುವ ಒಂದು ವಿಷಯವೆಂದರೆ ಅವರು ಕರಿಷ್ಮಾ ಕಪೂರ್ ಅವರನ್ನು ಮದುವೆಯಾಗಲು ಹೊರಟಿದ್ದ ಸ್ಟಾರ್‌ ಹೀರೋ.
ವಿಚಾರ ಏನೆಂದರೆ, ಕರೀಷ್ಮಾ ಕಪೂರ್ ಅವರ ತಂದೆ ರಣಧೀರ್ ಕಪೂರ್ ಸ್ವತಃ ವಿನೋದ್ ಖನ್ನಾ ಮನೆಗೆ ಸಂಬಂಧ ಕಳುಹಿಸಿದ್ದರು. ಕರೀಷ್ಮಾ ಕಪೂರ್‌ರನ್ನು ಅಕ್ಷಯ್ ಖನ್ನಾಗೆ ಕೊಟ್ಟು ಮದುವೆ ಮಾಡುವ ಇಂಗಿತ ವ್ಯಕ್ತಪಡಿಸಿದ್ದರು. ಅವರನ್ನು ಕಪೂರ್ ಕುಟುಂಬದ ಅಳಿಯನನ್ನಾಗಿ ಮಾಡಿಕೊಳ್ಳಬೇಕು ಅನ್ನೋ ಹಂಬಲವಿತ್ತು.
ಆದರೆ, ಅಕ್ಷಯ್ ಖನ್ನಾ ಮತ್ತು ಕರಿಷ್ಮಾ ಕಪೂರ್ ಅವರ ಸಂಬಂಧ ಮುರಿದುಬಿತ್ತು. ಯಾಕೆಂದರೆ, ಕರಿಷ್ಮಾ ಅವರ ತಾಯಿ ಬಬಿತಾ ಅವರಿಗೆ ಈ ಮದುವೆ ಆಗುವುದು ಇಷ್ಟವಿರಲಿಲ್ಲ. ಏಕೆಂದರೆ, ಬಬಿತಾ ತಮ್ಮ ಮಗಳು ಮದುವೆಯಾದ ನಂತರ ತಮ್ಮ ವೃತ್ತಿಜೀವನದಿಂದ ವಿರಾಮ ತೆಗೆದುಕೊಳ್ಳುವುದನ್ನು ಬಯಸಿರಲಿಲ್ಲ. ಇದೇ ಕಾರಣಕ್ಕಾಗಿ ಇವರಿಬ್ಬರ ಸಂಬಂಧ ಮುರಿದು ಬಿದ್ದಿತ್ತು.
ಅಕ್ಷಯ್ ಖನ್ನಾ ತಮ್ಮ ಮದುವೆಯ ಬಗ್ಗೆ ಸಂದರ್ಶನವೊಂದರಲ್ಲಿ ಹೇಳಿದ್ದರು - "ನನಗೆ ಮದುವೆಯಾಗಲು ಇಷ್ಟವಿಲ್ಲ. ನನಗೆ ಒಂಟಿಯಾಗಿರಲು ಇಷ್ಟ. ನಾನು ಯಾವುದೇ ಸಂಬಂಧದಲ್ಲಿ ಹೆಚ್ಚು ಕಾಲ ಇರಲು ಸಾಧ್ಯವಿಲ್ಲ" ಎಂದಿದ್ದರು.
ಉತ್ತರ ಕರ್ನಾಟಕದ ಗಾಯಕ ಬಾಳು ಬೆಳಗುಂದಿ ಇದೀಗ ಸಿನಿಮಾ ಹಾಡಿನ ಗಾಯಕ; ಚಾನ್ಸ್ ಕೊಟ್ಟ ಅರ್ಜುನ್ ಜನ್ಯ!
ಅಕ್ಷಯ್ ಖನ್ನಾ 1997 ರಲ್ಲಿ ಹಿಮಾಲಯ ಪುತ್ರ ಚಿತ್ರದೊಂದಿಗೆ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಈ ಚಿತ್ರವನ್ನು ವಿನೋದ್ ಖನ್ನಾ ತಮ್ಮ ಮಗನನ್ನು ಚಿತ್ರರಂಗಕ್ಕೆ ಪರಿಚಯಿಸಲು ನಿರ್ಮಿಸಿದ್ದರು. ಆದರೆ, ಅದು ಫ್ಲಾಪ್‌ ಆಯಿತು. ಅವರು ತಾಲ್, ಹಮ್ರಾಜ್, ಹಂಗಾಮ, ಹಲ್ಚುಲ್, ರೇಸ್, ದೃಶ್ಯಂ 2 ನಂತಹ ಅನೇಕ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.
ಬರೋಬ್ಬರಿ 45 ಕೋಟಿ ಬಜೆಟ್‌ನ ಸಿನೆಮಾ ಗಳಿಸಿದ್ದು 40 ಸಾವಿರ! ಪ್ರಪಂಚದ ಕಳಪೆ ರೆಕಾರ್ಡ್ ಇರೋ ಭಾರತದ ಚಿತ್ರ!
