84 ಕೋಟಿಯ ಖಾಸಗಿ ಜೆಟ್: ಅಜಯ್‌ದೇವಗನ್‌ ಲಕ್ಷುರಿಯಸ್‌ ಲೈಫ್‌ಸ್ಟೈಲ್‌!
First Published | Jul 12, 2021, 5:58 PM ISTಅಜಯ್ ದೇವ್‌ಗನ್ ಅವರ ಬಹುನಿರೀಕ್ಷಿತ ಚಿತ್ರ 'ಭುಜ್: ದಿ ಪ್ರೈಡ್' ಚಿತ್ರದ ಟ್ರೈಲರ್ ಸೋಮವಾರ ಬಿಡುಗಡೆಯಾಗಿದೆ. ಈ ಚಿತ್ರದಲ್ಲಿ ವಾಯುಪಡೆಯ ಸ್ಕ್ವಾಡ್ರನ್ ಕ್ಯಾಪ್ಟನ್‌ ವಿಜಯ್ ಕಾರ್ನಿಕ್ ಪಾತ್ರದಲ್ಲಿ ಅಜಯ್ ದೇವ್‌ಗನ್ ನಟಿಸುತ್ತಿದ್ದಾರೆ. ಅಂದಹಾಗೆ, ಅಜಯ್ ದೇವಗನ್ ನಿಜ ಜೀವನದಲ್ಲಿ ಜೆಟ್ ವಿಮಾನವನ್ನು ಹೊಂದಿದ್ದಾರೆ. 2010 ರಲ್ಲಿ ಖರೀದಿಸಿದ 6 ಜನರ ಆಸನ ಸಾಮರ್ಥ್ಯವನ್ನು ಹೊಂದಿರುವ ಹಾಕರ್ 800 ಹೆಸರಿನ ಈ ಜೆಟ್‌ನ ಬೆಲೆ 84 ಕೋಟಿ ಎಂದು ಹೇಳಲಾಗಿದೆ. ಅಜಯ್ ಈ ಜೆಟ್ ಅನ್ನು ಶೂಟಿಂಗ್, ಪ್ರಚಾರ ಮತ್ತು ವೈಯಕ್ತಿಕ ಪ್ರವಾಸಗಳಿಗಾಗಿ ಬಳಸುತ್ತಾರೆ. ಕೆಲವು ವರದಿಗಳ ಪ್ರಕಾರ, ಅಜಯ್ ತನ್ನ ಜೆಟ್ ಅನ್ನು ಮಾರಾಟ ಮಾಡಿದ್ದಾರೆ. ಅಂದಹಾಗೆ, ಜೆಟ್ ಹೊರತುಪಡಿಸಿ, ಅಜಯ್ ದೇವಗನ್ ಕೂಡ ಒಂದಕ್ಕಿಂತ ಹೆಚ್ಚು ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ.