ಸಮಂತಾ, ನಿಧಿ ಅಗರ್ವಾಲ್ ಮಾತ್ರವಲ್ಲ.. ಈ ನಟಿಯರಿಗಾಗಿ ಅಭಿಮಾನಿಗಳು ನಿರ್ಮಿಸಿದ್ದಾರೆ ದೇವಸ್ಥಾನ!

ದಕ್ಷಿಣ ಭಾರತ ಚಿತ್ರರಂಗದ ನಟಿಯರ ಮೇಲಿನ ಅಭಿಮಾನಿಗಳ ಅಪಾರ ಪ್ರೀತಿಯನ್ನು ಈ ದೇವಸ್ಥಾನಗಳು ಸಾರುತ್ತವೆ. ಯಾವ ನಟಿಯರಿಗಾಗಿ ಯಾವ ರೀತಿಯ ದೇವಸ್ಥಾನ ನಿರ್ಮಾಣವಾಗಿದೆ ಗೊತ್ತಾ? 

ಕಾಲಿವುಡ್ ಹಾಗೂ ಟಾಲಿವುಡ್ ಜನರಿಗೆ ಸಿನಿಮಾ ಮತ್ತು ರಾಜಕೀಯ ಎರಡೂ ತುಂಬಾ ಹತ್ತಿರ. ರಾಜಕೀಯ ನಾಯಕರು ಮತ್ತು ಸ್ವಾತಂತ್ರ್ಯ ಹೋರಾಟಗಾರರ ವಿಗ್ರಹಗಳನ್ನು ಸ್ಥಾಪಿಸಿ ಪೂಜಿಸುವುದನ್ನು ನಾವು ನೋಡಿದ್ದೇವೆ. ಆದರೆ ಇಲ್ಲಿನ ಅಭಿಮಾನಿಗಳು ಒಂದು ಹೆಜ್ಜೆ ಮುಂದೆ ಹೋಗಿ, ಸಿನಿಮಾ ನಟಿಯರಿಗೆ ವಿಗ್ರಹಗಳನ್ನು ಸ್ಥಾಪಿಸಿ ಪೂಜಿಸಿದ ಘಟನೆಗಳು ನಡೆದಿವೆ. ಹಾಗಾದರೆ ಯಾವ ನಟಿಯರಿಗಾಗಿ ದೇವಸ್ಥಾನಗಳನ್ನು ನಿರ್ಮಿಸಿ ಅಭಿಮಾನಿಗಳು ಪೂಜಿಸಿದ್ದಾರೆ ಎಂಬುದನ್ನು ನೋಡೋಣ.

ಖುಷ್ಬೂ: ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿ ದೇವಸ್ಥಾನವನ್ನು ನಿರ್ಮಿಸಿ ಪೂಜಿಸಲ್ಪಟ್ಟ ಮೊದಲ ನಟಿ ಖುಷ್ಬೂ. 1988 ರಲ್ಲಿ ಬಿಡುಗಡೆಯಾದ 'ಧರ್ಮಥಿನ್ ತಲೈವನ್' ಚಿತ್ರದ ಮೂಲಕ ನಾಯಕಿಯಾಗಿ ಪಾದಾರ್ಪಣೆ ಮಾಡಿದರು. ಕಡಿಮೆ ಅವಧಿಯಲ್ಲಿಯೇ ಖ್ಯಾತಿ ಮತ್ತು ಪ್ರತಿಷ್ಠೆಯನ್ನು ಗಳಿಸಿದ ನಟಿ ಖುಷ್ಬೂಗಾಗಿ ಅವರ ಅಭಿಮಾನಿಗಳು ತಿರುಚಿಯಲ್ಲಿ ದೇವಸ್ಥಾನವನ್ನು ನಿರ್ಮಿಸಿದರು. ನಂತರ 2005 ರಲ್ಲಿ ಆ ದೇವಸ್ಥಾನವನ್ನು ಕೆಡವಲಾಯಿತು.

ನಯನತಾರಾ: ದಕ್ಷಿಣ ಭಾರತ ಚಿತ್ರರಂಗದಲ್ಲಿ ಲೇಡಿ ಸೂಪರ್ ಸ್ಟಾರ್ ಆಗಿ ಮೆರೆಯುತ್ತಿದ್ದಾರೆ ನಯನತಾರಾ. ಅವರು ತಮ್ಮ ಸಿನಿಮಾಗಳಲ್ಲಿ ಗ್ಲಾಮರ್ ಪಾತ್ರಗಳನ್ನು ಮಾತ್ರವಲ್ಲದೆ ವಿವಿಧ ಪಾತ್ರಗಳನ್ನೂ ನಿರ್ವಹಿಸಿದ್ದಾರೆ.  ಶೀಘ್ರದಲ್ಲೇ ಅವರು ನಟಿಸಿರುವ 'ಮುಕ್ತಿ ಅಮ್ಮನ್' ಚಿತ್ರದ ಎರಡನೇ ಭಾಗ ಬಿಡುಗಡೆಯಾಗಲಿದೆ. ದೈವತ್ವದೊಂದಿಗೆ ಹೆಸರು ಮಾಡಿರುವ ನಯನತಾರಾ ಅವರಿಗಾಗಿಯೂ ಅಭಿಮಾನಿಗಳು ದೇವಸ್ಥಾನವನ್ನು ನಿರ್ಮಿಸಲು ಮುಂದೆ ಬಂದರು. ಆದರೆ ನಯನ ತಾರಾ ನಿರಾಕರಿಸಿದ್ದರಿಂದ ಆ ಪ್ರಯತ್ನ ವಿಫಲವಾಯಿತು.

ನಿಧಿ ಅಗರ್ವಾಲ್: ಈ ಪಟ್ಟಿಯಲ್ಲಿ ನಟಿ ನಿಧಿ ಅಗರ್ವಾಲ್ ಸ್ಥಾನ ಪಡೆದಿರುವುದು ವಿಶೇಷ. ಅವರು ತಮಿಳಿನಲ್ಲಿ ಸಿಂಬು ಜೊತೆ 'ಈಶ್ವರನ್', ಉದಯನಿಧಿ ಜೊತೆ 'ಕಲಗ ತಲೈವನ್' ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದಾರೆ. ಅವರಿಗಾಗಿ ಚೆನ್ನೈನಲ್ಲಿರುವ ಅಭಿಮಾನಿಗಳು 2022 ರಲ್ಲಿ ದೇವಸ್ಥಾನವನ್ನು ನಿರ್ಮಿಸಿ ಕುಂಭಾಭಿಷೇಕವನ್ನೂ ನೆರವೇರಿಸಿದರು. ನಿಧಿ ಅಗರ್ವಾಲ್ ಅವರ ವಿಗ್ರಹಕ್ಕೆ ಅಭಿಮಾನಿಗಳು ಹಾಲಾಭಿಷೇಕ ಮಾಡಿ ಪೂಜೆ ಸಲ್ಲಿಸಿದ ವೀಡಿಯೊಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದ್ದವು.

ಸಮಂತಾ: ಅಭಿಮಾನಿಗಳು ದೇವಸ್ಥಾನವನ್ನು ನಿರ್ಮಿಸಿ ಪೂಜಿಸಲ್ಪಡುವ ಮತ್ತೊಬ್ಬ ನಟಿ ಅಂದ್ರೆ ಸಮಂತಾ. ಆಂಧ್ರಪ್ರದೇಶದ ಬಾಪಟ್ಲ ಜಿಲ್ಲೆಯ ಆಲಪಾಡು ಗ್ರಾಮದಲ್ಲಿ ಅವರ ಅಭಿಮಾನಿಯೊಬ್ಬರು ಕಳೆದ ವರ್ಷ ದೇವಸ್ಥಾನವನ್ನು ನಿರ್ಮಿಸಿದ್ದಾರೆ. ಈ ದೇವಸ್ಥಾನವನ್ನು ಸಮಂತಾ ಅವರ ಹುಟ್ಟುಹಬ್ಬದ ಸಂದರ್ಭದಲ್ಲಿ ಕುಂಭಾಭಿಷೇಕ ಮಾಡಿ ಉದ್ಘಾಟಿಸಲಾಯಿತು. ಇಲ್ಲಿ ಜನರು ಮತ್ತು ಅಭಿಮಾನಿಗಳು ಇಂದಿಗೂ ಪೂಜೆ ಸಲ್ಲಿಸುತ್ತಿರುವುದು ವಿಶೇಷ. 

ಹನ್ಸಿಕಾ: ದಕ್ಷಿಣ ಭಾರತ ಚಿತ್ರರಂಗದಲ್ಲಿ ಗೋಲ್ಡನ್ ಖುಷ್ಬೂ ಎಂದು ಹೆಸರು ಗಳಿಸಿದ್ದಾರೆ ಹನ್ಸಿಕಾ. ಖುಷ್ಬೂ ಅವರಿಗಾಗಿ ದೇವಸ್ಥಾನವನ್ನು ನಿರ್ಮಿಸಿದ ಅಭಿಮಾನಿಗಳು ಗೋಲ್ಡನ್ ಖುಷ್ಬೂ ಹನ್ಸಿಕಾ ಅವರಿಗಾಗಿಯೂ ಅಂತಹ ದೇವಸ್ಥಾನವನ್ನು ನಿರ್ಮಿಸಲು ಪ್ರಯತ್ನಿಸಿದರು. ಇದಕ್ಕಾಗಿ ಮಧುರೈನಲ್ಲಿ ದೇವಸ್ಥಾನ ನಿರ್ಮಾಣಕ್ಕೆ ಸಿದ್ಧತೆಗಳು ನಡೆದವು, ಆದರೆ ಹನ್ಸಿಕಾ ನಿರಾಕರಿಸಿದ್ದರಿಂದ ಅಭಿಮಾನಿಗಳು ಆ ನಿರ್ಧಾರವನ್ನು ಕೈಬಿಟ್ಟರು.

ನಮಿತಾ: ತೆಲುಗು ಮತ್ತು ತಮಿಳು ಚಿತ್ರರಂಗದಲ್ಲಿ ತಮ್ಮದೇಯಾದ ಹೆಸರು ಗಳಿಸಿದ್ದಾರೆ ನಮಿತಾ. ವಿಜಯ್, ಅಜಿತ್, ಸೂರ್ಯ, ವಿಜಯಕಾಂತ್ ಜೊತೆಗೆ ತೆಲುಗು ನಾಯಕರೊಂದಿಗೂ ಸಿನಿಮಾಗಳನ್ನು ಮಾಡಿ ಸೈ ಎನಿಸಿಕೊಂಡಿದ್ದಾರೆ. ಅವರ ಸಿನಿಮಾ ವೃತ್ತಿಜೀವನವು ಉತ್ತುಂಗದಲ್ಲಿದ್ದಾಗ 2008 ರಲ್ಲಿ ದೇವಸ್ಥಾನವನ್ನು ನಿರ್ಮಿಸಲಾಯಿತು. ತಮಿಳುನಾಡಿನ ತಿರುನಲ್ವೇಲಿಯಲ್ಲಿ ನಮಿತಾ ಅವರಿಗಾಗಿ ಈ ದೇವಸ್ಥಾನವನ್ನು ನಿರ್ಮಿಸಲಾಗಿದೆ ಎಂದು ಹೇಳಲಾಗುತ್ತದೆ. ಖುಷ್ಬೂ ನಂತರ ನಮಿತಾಗಾಗಿ ಅಭಿಮಾನಿಗಳು ದೇವಸ್ಥಾನವನ್ನು ಕಟ್ಟಿದರು.