ಕಿಸ್ಸಿಂಗ್ ಸೀನ್​ಗಳಲ್ಲಿ ನಟಿಸೋಕೆ ಇಷ್ಟ, ಆದ್ರೆ ಅದಕ್ಕೆ ಲೇಟ್ ಯಾಕೆ?: ನಟಿ ರಿತು ವರ್ಮಾ ಹೇಳಿಕೆ ವೈರಲ್!

ಟಾಲಿವುಡ್​ನಲ್ಲಿ ಗ್ಲಾಮರ್, ನಟನೆಯಿಂದ ಗುರುತಿಸಿಕೊಂಡಿರುವ ನಟಿಯರಲ್ಲಿ ರಿತು ವರ್ಮಾ ಒಬ್ಬರು. ಗ್ಲಾಮರ್​ಗಿಂತ ರೀತು ವರ್ಮಾ ನಟನೆ, ಆಯ್ಕೆ ಮಾಡಿಕೊಳ್ಳುವ ಪಾತ್ರಗಳಿಂದಲೇ ಹೆಚ್ಚು ಫೇಮಸ್ ಆದರು. ಅವರಿಗೆ ಸಕ್ಸಸ್ ಕಡಿಮೆ ಇದೆ. ಆದರೆ ಆಯ್ಕೆ ಮಾಡಿಕೊಳ್ಳುವ ಪ್ರತಿ ಚಿತ್ರವು ವಿಶೇಷವಾಗಿ ನಿಲ್ಲುತ್ತದೆ. 'ಪೆಳ್ಲಿ ಚೂಪಲು' ಚಿತ್ರದ ಮೂಲಕ ರಿತು ವರ್ಮಾ ಗುರುತಿಸಿಕೊಂಡರು.

ರಿತು ವರ್ಮಾ 'ಒಕೆ ಒಕ ಜೀವಿತಂ', 'ವರುಡು ಕಾವಲೇನು', 'ಸ್ವಾಗ್', 'ಮಾರ್ಕ್ ಆಂಟೋನಿ' ರೀತಿಯ ವಿಭಿನ್ನ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇತ್ತೀಚೆಗೆ ಅವರು ಸಂದೀಪ್ ಕಿಶನ್ ಜೊತೆಯಾಗಿ ನಟಿಸುತ್ತಿರುವ 'ಮಜಾಕಾ' ಸಿನಿಮಾ ಶಿವರಾತ್ರಿಗೆ ರಿಲೀಸ್ ಆಗಲಿದೆ. ಈ ಹಿನ್ನೆಲೆಯಲ್ಲಿ ರಿತು ವರ್ಮಾ ಪ್ರಚಾರ ಕಾರ್ಯಕ್ರಮಗಳಲ್ಲಿ ಬ್ಯುಸಿಯಾಗಿದ್ದಾರೆ.

ರಿತು ವರ್ಮಾ ಗ್ಲಾಮರ್ ಶೋ ವಿಚಾರದಲ್ಲಿ ಸ್ವಲ್ಪ ಹಿಂದೇಟು ಹಾಕುತ್ತಿದ್ದಾರೆ. ಗ್ಲಾಮರ್ ಶೋ ಇರುವ ಚಿತ್ರಗಳು, ರೊಮ್ಯಾಂಟಿಕ್ ಸೀನ್‌ಗಳು, ಕಿಸ್ಸಿಂಗ್ ಸೀನ್‌ಗಳು ಇರುವ ಚಿತ್ರಗಳಿಗೆ ರೀತು ವರ್ಮಾ ದೂರ ಉಳಿಯುತ್ತಿದ್ದಾರೆ. ಇದರ ಬಗ್ಗೆ ಇತ್ತೀಚೆಗೆ ರಿತು ವರ್ಮಾ ಅವರಿಗೆ ಪ್ರಶ್ನೆ ಎದುರಾಯಿತು.

ಕಿಸ್ಸಿಂಗ್ ಸೀನ್‌ಗಳಲ್ಲಿ ನಟಿಸಲು ನನಗೆ ಯಾವುದೇ ಅಭ್ಯಂತರವಿಲ್ಲ. ನನ್ನನ್ನು ನೋಡಿ ಆ ಹುಡುಗಿ ಕಿಸ್ಸಿಂಗ್ ಸೀನ್ ಮಾಡಲ್ಲ ಅಂತ ಫಿಕ್ಸ್ ಆದಂತಿದ್ದಾರೆ. ಅದಕ್ಕೆ ನನಗೆ ಈವರೆಗೆ ಆಫರ್ ಬಂದಿಲ್ಲ. ಸನ್ನಿವೇಶಕ್ಕೆ ತಕ್ಕಂತೆ ಅಂತಹ ಸೀನ್‌ನಲ್ಲಿ ನಟಿಸಬೇಕಾಗಿ ಬಂದರೆ ಖಂಡಿತಾ ನಟಿಸುತ್ತೇನೆ. ಆಫರ್ ಬರದೇ ಇರುವುದರಿಂದ ಇಷ್ಟು ದಿನ ತಡವಾಯಿತು ಎಂದು ರಿತು ವರ್ಮಾ ಹೇಳಿದ್ದಾರೆ.