ಸಿನಿ ಇಂಡಸ್ಟ್ರಿಯನ್ನೇ ಬೆಚ್ಚಿಬೀಳಿಸಿದ್ದ ನಟಿ ಪ್ರತ್ಯುಷಾ ಸಾವಿನ ಕೇಸ್​: 24 ವರ್ಷಗಳ ಬಳಿಕ ಈಗ ಶಿಕ್ಷೆ ಪ್ರಕಟ!

ನಟಿ ಪ್ರತ್ಯುಷಾ ಅವರ ಸಾವು 'ಪುನ್ನಗೈ ಮನ್ನನ್' ಚಿತ್ರದ ಕಥೆಯನ್ನು ಹೋಲುತ್ತದೆ. ಪ್ರಿಯಕರ ಸಿದ್ಧಾರ್ಥ್ ರೆಡ್ಡಿ ಜೊತೆ ಆತ್ಮ*ಹತ್ಯೆಗೆ ಯತ್ನಿಸಿ ಪ್ರಾಣ ಕಳೆದುಕೊಂಡಿದ್ದ ಈ ಪ್ರಕರಣದಲ್ಲಿ, 24 ವರ್ಷಗಳ ಬಳಿಕ ತೀರ್ಪು ಪ್ರಕಟವಾಗಿದೆ. ಏನಿದೆ ತೀರ್ಪಿನಲ್ಲಿ?

ಸಿನಿಮೀಯ ರೀತಿಯ ಸಾವು

1986ರಲ್ಲಿ ಬಿಡುಗಡೆಯಾಗಿದ್ದ ಕಮಲ ಹಾಸನ್​, ರೇವತಿ ಅಭಿನಯದ ತಮಿಳು ಚಿತ್ರ 'ಪುನ್ನಕೈ ಮನ್ನನ್' (Punnagai Mannan). ಈ ಚಿತ್ರದಲ್ಲಿ, ನಾಯಕರಾದ ಕಮಲ್ ಮತ್ತು ರೇಖಾ ಲವ್​ ಮಾಡಿದರೂ, ಅದಕ್ಕೆ ಮನೆಯವರ ಬೆಂಬಲ ಸಿಗದೇ ಪರ್ವತದಿಂದ ಹಾರಿ ಆತ್ಮ*ಹತ್ಯೆಗೆ ಪ್ರಯತ್ನಿಸುತ್ತಾರೆ. ನಾಯಕ ಕಮಲ್ ಮರದ ಕೊಂಬೆಯಲ್ಲಿ ಸಿಲುಕಿಕೊಂಡು ಬದುಕುಳಿದರೆ, ರೇಖಾ ಸಾಯುತ್ತಾಳೆ! ಆದರೆ ಇದೇ ಸಿನಿಮಾದ ಕಥೆ ನಿಜ ಜೀವನದಲ್ಲಿಯೂ ನಡೆದದ್ದು ಕಾಲಿವುಡ್​ನ ಅತ್ಯಂತ ಸುಂದರ ನಟಿ ಎಂದೇ ಖ್ಯಾತಿ ಪಡೆದಿದ್ದ, ಕೇವಲ 22ರ ಹರೆಯದಲ್ಲಿಯೇ ಸೂಪರ್​ಹಿಟ್​ ಚಿತ್ರಗಳನ್ನು ನೀಡಿದ್ದ ನಟಿ ಪ್ರತ್ಯುಷಾ ಅವರದ್ದು!

24 ವರ್ಷಗಳ ಬಳಿಕ ತೀರ್ಪು

2002ರಲ್ಲಿ ಬದುಕನ್ನೇ ಕೊನೆಗೊಳಿಸಿಕೊಂಡಿದ್ದ ಪ್ರತ್ಯುಷಾ ಅವರ ಸಾವಿನ ಪ್ರಕರಣದಲ್ಲಿ ಬರೋಬ್ಬರಿ 24 ವರ್ಷಗಳ ಬಳಿಕ ಸುಪ್ರೀಂಕೋರ್ಟ್​ ಈಗ ಆಕೆಯ ಪ್ರಿಯಕರನಾಗಿದ್ದ ಸಿದ್ಧಾರ್ಥ್ ರೆಡ್ಡಿ​ಗೆ ಐದು ವರ್ಷಗಳ ಶಿಕ್ಷೆಯನ್ನು ವಿಧಿಸಿದೆ. 4 ವಾರಗಳ ಒಳಗೆ ಶರಣಾಗುವಂತೆ ಕೋರ್ಟ್​ ಹೇಳಿದೆ. ಇದು ಆರೋಪಿ ಮತ್ತು ಮೃತ ವ್ಯಕ್ತಿಯ ನಡುವಿನ ಆತ್ಮ*ಹತ್ಯೆ ಒಪ್ಪಂದ ಪ್ರಕರಣ ಆಗಿರುವ ಹಿನ್ನೆಲೆಯಲ್ಲಿ, ಬದುಕುಳಿದವರಿಗೆ ಶಿಕ್ಷೆ ಆಗಬೇಕು ಎಂದು ನ್ಯಾಯಮೂರ್ತಿಗಳಾದ ಮನಮೋಹನ್‌ ಮತ್ತು ರಾಜೇಶ್‌ ಬಿಂದಾಲ್‌ ಅವರಿದ್ದ ಪೀಠ ಹೇಳಿದೆ.

ಕುತೂಹಲ ಪ್ರಕರಣ

ಅಷ್ಟಕ್ಕೂ ಈ ಪ್ರಕರಣವೇ ಕುತೂಹಲವಾಗಿದೆ. 1998 ರಲ್ಲಿ ಆಗಿನ ತೆಲುಗು ಸೂಪರ್ ಸ್ಟಾರ್ ಮೋಹನ್ ಬಾಬು ಜೊತೆ 18ರ ವಯಸ್ಸಿನಲ್ಲಿಯೇ ಪ್ರತ್ಯುಷಾ ನಟಿಸಿದ್ದರು. ಮೊದಲ ಚಿತ್ರವೇ ಬ್ಲಾಕ್​ಬಸ್ಟರ್​ ಆದ ಮೇಲೆ ಅವಕಾಶಗಳು ಹುಡುಕಿ ಬಂದವು. ಅವರ ನಟನೆಗೆ ಜನರು ಮನಸೋತರು. ತೆಲುಗುವಿನ ಸಕ್ಸಸ್​ ಬಳಿಕ ಆಕೆಗೆ ತಮಿಳಿನಲ್ಲಿಯೂ ಅವಕಾಶ ಸಿಕ್ಕಿತು. 1999 ರಲ್ಲಿ ತಂಬಿ ರಾಮಯ್ಯ ನಿರ್ದೇಶಿಸಿದ ಮನುನೀತಿ ಚಿತ್ರದಲ್ಲಿ ಮುರಳಿ ಜೊತೆ ನಟಿಸಿದರು. ಅಲ್ಲಿಯೂ ಫೇಮಸ್​ ಆದರು.

11 ಬ್ಲಾಕ್​ಬಸ್ಟರ್​ ಚಿತ್ರ

ತೆಲಗು ಮತ್ತು ತಮಿಳು ಚಿತ್ರದ ಸೂಪರ್​ಸ್ಟಾರ್​ಗಳ ಜೊತೆ ನಟಿಸುತ್ತಿರುವಾಗಲೇ ಪ್ರತ್ಯುಷಾ ಸಿದ್ಧಾರ್ಥ್​ ಅವರ ಜೊತೆ ಲವ್​ನಲ್ಲಿ ಬಿದ್ದರು. ಇವರ ಈ ಪ್ರೀತಿಗೆ ಸಿದ್ಧಾರ್ಥ್​ ಮನೆಯಲ್ಲಿ ಒಪ್ಪಿಗೆ ಇರಲಿಲ್ಲ ಎನ್ನಲಾಗಿದೆ. ಆದರೆ ಒಬ್ಬರನ್ನೊಬ್ಬರು ಬಿಟ್ಟಿಲರಾದಷ್ಟು ಲವ್​ ಮಾಡ್ತಿದ್ದ ಈ ಜೋಡಿ, ಸಾವಿನಲ್ಲಿ ಒಂದಾಗಲು ನಿರ್ಧರಿಸಿಯೇ ಬಿಟ್ಟರು. ಆಗ ಪ್ರತ್ಯುಷಾಗೆ ಇನ್ನೂ 22ರ ಹರೆಯ. ಅದಾಗಲೇ 11 ಬ್ಲಾಕ್​ಬಸ್ಟರ್​ ಚಿತ್ರ ಕೊಟ್ಟಾಕೆ.

ವಿಧಿಯಾಟವೇ ಬೇರೆಯಾಗಿತ್ತು

ವಿಧಿಯಾಟವೇ ಬೇರೆಯಾಗಿತ್ತು. ಇಬ್ಬರೂ ಕೀಟನಾಶಕ ಸೇವಿಸಿದರು. ಸಿದ್ಧಾರ್ಥ್​ ಬದುಕುಳಿದರೆ, ಪ್ರತ್ಯುಷಾ ಸಾವನ್ನಪ್ಪಿದರು. ತಮ್ಮ ಮಗಳದ್ದು ಆತ್ಮ*ಹತ್ಯೆಯಲ್ಲ, ಅದು ಅತ್ಯಾ*ಚಾರ ಮತ್ತು ಕೊ*ಲೆ ಎಂದು ಆಕೆಯ ತಾಯಿ ಕೋರ್ಟ್​ ಮೆಟ್ಟಿಲೇರಿದ್ದರು.

ಕೋರ್ಟ್​ಗಳ ಅಲೆದಾಟ

ವಿಚಾರಣಾ ನ್ಯಾಯಾಲಯ ರೆಡ್ಡಿಯನ್ನ ತಪ್ಪಿತಸ್ಥನೆಂದು ತೀರ್ಮಾನಿಸಿ, 5 ವರ್ಷಗಳ ಕಾರಾಗೃಹ ಶಿಕ್ಷೆ ವಿಧಿಸಿತ್ತು. ಅದನ್ನು ಪ್ರಶ್ನಿಸಿ ಅವರು ಮೇಲ್ಮನವಿ ಸಲ್ಲಿಸಿದ್ದರು. ಹೀಗೆ ಹೈಕೋರ್ಟ್​, ಸುಪ್ರೀಂಕೋರ್ಟ್​ ಎಂದೆಲ್ಲಾ ಅಲೆದಾಡಿದ ಈ ಕೇಸ್​ನಲ್ಲಿ ಈಗ 24 ವರ್ಷಗಳ ಬಳಿಕ ತೀರ್ಪು ಹೊರಬಂದಿದೆ. ಇಲ್ಲಿ ಅತ್ಯಾ*ಚಾರ ನಡೆದಿಲ್ಲ ಎನ್ನುವುದು ಸ್ಪಷ್ಟವಾಗಿದೆ. ವಿಷ ಸೇವನೆ ಕಾರಣ ಎಂದಿರುವ ಕೋರ್ಟ್​, ಆತ್ಮ*ಹತ್ಯೆಗೆ ಪ್ರೇರಣೆ ನೀಡಿರುವ ಕಾರಣ, ಅಪರಾಧಿಗೆ ಶಿಕ್ಷೆ ಆಗಲೇಬೇಕು ಎಂದಿದೆ!