ನಟಿ ಮೃಣಾಲ್ ಠಾಕೂರ್ ಅವರು ತೆಲುಗು ನಟನೊಂದಿಗೆ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಕುರಿತು ಸೋಷಿಯಲ್ ಮೀಡಿಯಾದಲ್ಲಿ ಭರ್ಜರಿ ಚರ್ಚೆ ನಡೆಯುತ್ತಿದೆ. ಅಲ್ಲದೆ, ಮದುವೆ ಬಳಿಕ ಮೃಣಾಲ್ ಹೈದರಾಬಾದ್‌ನಲ್ಲೇ ವಾಸ ಮಾಡುತ್ತಾರೆ ಎಂದು ಹೇಳಲಾಗಿದೆ.
ತೆಲುಗು ಚಲನಚಿತ್ರ ನಿರ್ದೇಶಕ ಅಲ್ಲು ಅರವಿಂದ್ ಇತ್ತೀಚೆಗೆ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ನಟಿ ಮೃಣಾಲ್ ಠಾಕೂರ್ ಗೆ 'ಸೀತಾ ರಾಮಂ' ಚಿತ್ರದಲ್ಲಿನ ಅಸಾಧಾರಣ ಅಭಿನಯಕ್ಕಾಗಿ ಅತ್ಯುತ್ತಮ ಮಹಿಳಾ ನಟ ಪ್ರಶಸ್ತಿ ನೀಡಿದ ಗೌರವಿಸಿದರು. ಅಲ್ಲದೆ, ಈ ವೇಳೆ ಶೀಘ್ರದಲ್ಲೇ ಮದುವೆ ಮಾಡಿಕೊಂಡು, ಮೃಣಾಲ್ ಹೈದರಾಬಾದ್‌ನಲ್ಲಿ ನೆಲೆಸಬೇಕೆಂದು ನಾನು ಬಯಸುತ್ತೇನೆ ಎಂದಿದ್ದರು.
ಈ ಹಿಂದೆ ನಟಿ ಹೀರೋಯಿನ್ ಲಾವಣ್ಯ ಬಗ್ಗೆ ಅಲ್ಲು ಅರವಿಂದ್ ಕೂಡ ಇದೇ ರೀತಿ ಕಾಮೆಂಟ್ ಮಾಡಿದ್ದರು. ಹಾಗೆಯೇ ಲಾವಣ್ಯ ಅವರು ಇತ್ತೀಚೆಗಷ್ಟೇ ವರುಣ್ ಅವರನ್ನು ವಿವಾಹವಾಗಿದ್ದಾರೆ.
ಇದೀಗ ಮೃಣಾಲ್ ವಿಚಾರದಲ್ಲೂ ಅದೇ ರೀತಿ ಕಾಮೆಂಟ್ ಮಾಡಿದ್ದಾರೆ ಎಂದು ನೆಟ್ಟಿಗರು ಸೋಷಿಯಲ್ ಮೀಡಿಯಾದಲ್ಲಿ ಮಾತನಾಡುತ್ತಿದ್ದಾರೆ. ಮೃಣಾಲ್ ವಿಚಾರದಲ್ಲಿ ಅರವಿಂದ್ ಹೇಳಿಕೆ ನಿಜವಾಗುತ್ತಾ? ಚರ್ಚಿಸಲಾಗುತ್ತಿದೆ.
ಸದ್ಯ ಮೃಣಾಲ್ ನಟನೆಯ ತೆಲುಗು ಚಿತ್ರ 'ಹಾಯ್ ನನ್ನ' ಬಿಡುಗಡೆಗೆ ಸಿದ್ಧವಾಗಿದೆ. ಚಿತ್ರದ ಟೀಸರ್ ಕೂಡ ಬಿಡುಗಡೆಯಾಗಿ ಕುತೂಹಲ ಮೂಡಿಸಿದೆ. ಇದು ಸಂಬಂಧ ಮತ್ತು ಭಾವನೆಗಳ ಬೆಳವಣಿಗೆಯ ಕಥಾಹಂದರದ ಸಿನಿಮಾ. ಈ ಸಿನಿಮಾದಲ್ಲಿ ನಾನಿ ಜೊತೆ ಮೃಣಾಲ್ ನಟಿಸುತ್ತಿದ್ದಾರೆ.
ಅಲ್ಲದೆ ಮೃಣಾಲ್, ಉಮೇಶ್ ಶುಕ್ಲಾ ಅವರ ಮುಂದಿನ ಚಿತ್ರ 'ಆಂಖ್ ಮಿಚೋಲಿ'ಯಲ್ಲಿ ಪ್ರಮುಖ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಈ ಚಿತ್ರವು ನವೆಂಬರ್ 3 ರಂದು ಬಿಡುಗಡೆಯಾಗಲಿದೆ. ಪರೇಶ್ ರಾವಲ್, ಶರ್ಮನ್ ಜೋಶಿ ಸೇರಿದಂತೆ ಹಲವು ನಟರು ಈ ಸಿನಿಮಾದಲ್ಲಿದ್ದಾರೆ.
ಸೀತಾರಾಮಂ ಚಿತ್ರದ ಮೂಲಕ ತೆಲುಗು ಪ್ರೇಕ್ಷಕರನ್ನು ರಂಜಿಸಿದ ಸುಂದರಿ ಮೃಣಾಲ್ ಠಾಕೂರ್ ಸದ್ಯ ಬೇಡಿಕೆಯ ನಟಿ. ಬಾಲಿವುಡ್ ನಲ್ಲಿ ಒಳ್ಳೆಯ ಹೆಸರು ಮಾಡಿರುವ ಮೃಣಾಲ್ ಸಾಮಾಜಿಕ ಜಾಲತಾಣದಲ್ಲಿ ಸದಾ ಆ್ಯಕ್ಟಿವ್ ಆಗಿರುತ್ತಾರೆ.
ಮೃಣಾಲ್ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ದಿನಕ್ಕೊಂದು ಸ್ಟೈಲಿಶ್‌ ಆಗಿರುವ ಫೋಟೊ ಹಂಚಿಕೊಳ್ಳುವ ಮೂಲಕ ಇದನ್ನು ಪ್ರೂವ್‌ ಮಾಡುತ್ತಿದ್ದಾರೆ ಕೂಡ. ಇವರು ತಮ್ಮ ಅಪ್ರತಿಮ ನಟನಾ ಕೌಶಲದಿಂದ ಮಾತ್ರವಲ್ಲ, ಬಗೆ ಬಗೆಯ ಉಡುಪುಗಳ ಪ್ರಯೋಗದಿಂದಲೂ ಅಭಿಮಾನಿಗಳ ಮನ ಗೆದ್ದಿದ್ದಾರೆ.