ಪೆಟ್ರೋಲ್ ಬಂಕ್‌ಗಳಲ್ಲಿ ಮೋಸ? ದೂರು ನೀಡಲು ಇಲ್ಲಿವೆ ಸಂಖ್ಯೆಗಳು

ಪೆಟ್ರೋಲ್ ಕಡಿಮೆ ಹಾಕಿ ಬಂಕ್ ಸಿಬ್ಬಂದಿ ನಿಮ್ಮನ್ನ ಮೋಸ ಮಾಡಿದ್ದಾರಾ? ಉಚಿತ ಕುಡಿಯುವ ನೀರು ಕೇಳಿದ್ರೆ ಇಲ್ವಂತ ಹೇಳಿದ್ರಾ? ಹೀಗಾದಾಗ ಯಾರಿಗೆ ದೂರು ನೀಡಬೇಕು ಗೊತ್ತಾ? ದೂರು ನೀಡಬೇಕಾದ ಫೋನ್ ನಂಬರ್‌ಗಳು ಮತ್ತು ಇತರ ಮಾಹಿತಿ ಇಲ್ಲಿದೆ.

ಪೆಟ್ರೋಲ್ ಬಂಕ್‌ಗಳಲ್ಲಿ ಕೆಲವು ಉಚಿತ ಸೌಲಭ್ಯಗಳಿವೆ ಅಂತ ಬಹಳಷ್ಟು ಜನಕ್ಕೆ ಗೊತ್ತಿಲ್ಲ. ಗ್ರಾಹಕರಿಗೆ ಅಗತ್ಯವಿರುವ ಸೇವೆಗಳನ್ನ ಬಂಕ್‌ನವರು ಕೊಡ್ತಾರೆ. ಅಂದ್ರೆ ಕುಡಿಯುವ ನೀರು, ಶೌಚಾಲಯ, ವಾಹನಗಳಿಗೆ ಗಾಳಿ ಹಾಕೋದು, ಆಯಿಲ್ ಗುಣಮಟ್ಟ ಪರಿಶೀಲನೆ ಇವೆಲ್ಲ ಉಚಿತ. ಆದ್ರೆ ಇಷ್ಟೆಲ್ಲಾ ಸೌಲಭ್ಯಗಳಿವೆ ಅಂತ ಗೊತ್ತಿಲ್ಲದೆ ಗ್ರಾಹಕರು ಹಣ ಖರ್ಚು ಮಾಡ್ತಾರೆ.

ಪ್ರತಿ ಪೆಟ್ರೋಲ್ ಬಂಕ್‌ನಲ್ಲೂ ಒಂದು ಸ್ವಚ್ಛ ಕೊಠಡಿ, ಅದರಲ್ಲಿ ದೊಡ್ಡ ಕನ್ನಡಿ, ಕುರ್ಚಿಗಳು ಇರಬೇಕು. ಪ್ರಯಾಣಿಕರು ಇಲ್ಲಿ ವಿಶ್ರಾಂತಿ ಪಡೆಯಬಹುದು.

ಪೆಟ್ರೋಲ್ ಬಂಕ್‌ನಲ್ಲಿ ಕುಡಿಯುವ ನೀರು, ಸ್ವಚ್ಛ ಶೌಚಾಲಯ ಕಡ್ಡಾಯ. ಇದಕ್ಕೆ ಯಾವುದೇ ಶುಲ್ಕ ಪಡೆಯಬಾರದು. ಮಹಿಳೆಯರಿಗೆ ಪ್ರತ್ಯೇಕ ಕನ್ನಡಿ, ವಾಶ್‌ರೂಮ್ ಇರಲೇಬೇಕು.

ತುರ್ತು ವೈದ್ಯಕೀಯ ಸೌಲಭ್ಯಕ್ಕೆ ಒಂದು ಕೊಠಡಿ ಅಥವಾ ಹಾಸಿಗೆ ಇರಬೇಕು. ಅಲ್ಲಿ ಪ್ರಥಮ ಚಿಕಿತ್ಸಾ ಪೆಟ್ಟಿಗೆ ಇರಬೇಕು. ಅಧಿಕಾರಿಗಳು, ಆಸ್ಪತ್ರೆಗಳು, ಪೊಲೀಸರ ತುರ್ತು ಫೋನ್ ನಂಬರ್‌ಗಳನ್ನ ಬೋರ್ಡ್‌ನಲ್ಲಿ ಬರೆದಿರಬೇಕು.

ಇಂಧನವನ್ನೂ ಪರಿಶೀಲಿಸಬಹುದು..

ನಿಮ್ಮ ವಾಹನಕ್ಕೆ ಹಾಕಿಸಿಕೊಳ್ಳುವ ಇಂಧನದ ಗುಣಮಟ್ಟದ ಬಗ್ಗೆ ನಿಮಗೆ ಸಂದೇಹವಿದ್ದರೆ ನೀವು ಸಾಂದ್ರತೆ, ಗುಣಮಟ್ಟವನ್ನು ಪರಿಶೀಲಿಸಬಹುದು. ಬಂಕ್‌ನವರು ಇದನ್ನು ಉಚಿತವಾಗಿ ಮಾಡಬೇಕು.

ಸಾಮಾನ್ಯವಾಗಿ ಟೈರ್‌ಗಳಿಗೆ ಗಾಳಿ ಹಾಕಲು ಪ್ರತ್ಯೇಕ ಅಂಗಡಿಗಳಿರುತ್ತವೆ. ಅಲ್ಲಿ ಗಾಳಿ ಹಾಕಲು ಹಣ ಕೊಡಬೇಕು. ಆದರೆ ಈ ಸೌಲಭ್ಯವನ್ನು ಬಂಕ್‌ನವರು ಉಚಿತವಾಗಿ ಒದಗಿಸಬೇಕು. ಆದರೆ ಬಹಳಷ್ಟು ಬಂಕ್‌ಗಳಲ್ಲಿ ಗಾಳಿ ಹಾಕುವ ಯಂತ್ರ ಕೆಲಸ ಮಾಡಲ್ಲ ಅಂತಾರೆ. ಒಂದು ವೇಳೆ ಅದು ಕೆಲಸ ಮಾಡದಿದ್ದರೆ ಬಂಕ್ ಮಾಲೀಕರು ತಕ್ಷಣ ರಿಪೇರಿ ಮಾಡಿಸಬೇಕು.

ಮೇಲೆ ತಿಳಿಸಿದ ಯಾವುದೇ ಸೇವೆಗಳು ಲಭ್ಯವಿಲ್ಲದಿದ್ದರೆ ನೀವು ಸಂಬಂಧಪಟ್ಟ ಬಂಕ್ ಮಾಲೀಕರಿಗೆ ದೂರು ನೀಡಬಹುದು. ಇಲ್ಲಿ ಕೊಟ್ಟಿರುವ ಫೋನ್ ನಂಬರ್‌ಗಳಿಗೆ ಕರೆ ಮಾಡಿ ನಿಮ್ಮ ಸಮಸ್ಯೆ ತಿಳಿಸಬಹುದು.

ಇಂಡಿಯನ್ ಆಯಿಲ್: 1800 2333 555

HPCL: 1800 2333 555

ಭಾರತ್ ಪೆಟ್ರೋಲಿಯಂ: 1800 22 4344

ರಿಲಯನ್ಸ್: 1800 891 9023

ಇಂದಿನಿಂದಲೇ ಗ್ರಾಹಕರು ಪೆಟ್ರೋಲ್ ಬಂಕ್‌ಗಳಲ್ಲಿ ನಿಮಗೆ ಸಿಗಬೇಕಾದ ಉಚಿತ ಸೇವೆಗಳನ್ನು ಕೇಳಿ ಪಡೆಯಿರಿ. ಇಲ್ಲದಿದ್ದರೆ ಬಂಕ್ ಮಾಲೀಕರಿಗೆ ದೂರು ನೀಡಿ.