ಕೆಲಸಕ್ಕೆ ಗುಡ್‌ಬೈ ಹೇಳೋ ಯೋಚನೆ ಇದ್ಯಾ? ತೆಂಗಿನಕಾಯಿ ತ್ಯಾಜ್ಯದಿಂದ ತಿಂಗಳಿಗೆ ಲಕ್ಷ ಗಳಿಸಿ!

ಕೆಲಸ ಮಾಡುವ ಬಹುತೇಕರಿಗೆ ಸ್ವಂತ ಬ್ಯುಸಿನೆಸ್ ಶುರು ಮಾಡಬೇಕೆಂಬ ಆಸೆ ಇರುತ್ತದೆ. ಆದರೆ, ನಷ್ಟದ ಭಯದಿಂದ ಹಿಂದೆ ಸರಿಯುತ್ತಾರೆ. ಹಾಗಿದ್ರೆ, ಕಡಿಮೆ ರಿಸ್ಕ್, ಹೆಚ್ಚು ಲಾಭ ತರುವ ಒಂದು ಸೂಪರ್ ಬ್ಯುಸಿನೆಸ್ ಐಡಿಯಾ ಇಲ್ಲಿದೆ.

ತೆಂಗಿನಕಾಯಿ ತ್ಯಾಜ್ಯದಿಂದ ಕೋಟ್ಯಂತರ ವ್ಯಾಪಾರ

ನಾವು ಪ್ರತಿದಿನ ಮನೆ, ಮಾರುಕಟ್ಟೆಗಳಲ್ಲಿ ನೂರಾರು ತೆಂಗಿನಕಾಯಿ ಒಡೆಯುತ್ತೇವೆ. ತಿರುಳು, ನೀರು ಬಳಸಿದ ಮೇಲೆ ಸಿಪ್ಪೆ, ನಾರನ್ನು ಬಿಸಾಡುತ್ತೇವೆ. ಆದರೆ ಇದೇ ತ್ಯಾಜ್ಯವನ್ನು ಕಚ್ಚಾ ವಸ್ತುವಾಗಿಸಿ ಉತ್ತಮ ಆದಾಯ ಗಳಿಸಬಹುದು. ಕೃಷಿ, ತೋಟಗಾರಿಕೆ, ರಫ್ತು ವಲಯದಲ್ಲಿ ತೆಂಗಿನಕಾಯಿ ಆಧಾರಿತ ಉತ್ಪನ್ನಗಳಿಗೆ ಬೇಡಿಕೆ ಹೆಚ್ಚುತ್ತಿದೆ. ಕಡಿಮೆ ಹೂಡಿಕೆಯಲ್ಲಿ ಆರಂಭಿಸಿ ಹಂತ ಹಂತವಾಗಿ ವಿಸ್ತರಿಸಬಹುದಾದ ಉದ್ಯಮವಿದು.

ತೆಂಗಿನ ತ್ಯಾಜ್ಯದಿಂದ ಏನು ತಯಾರಿಸಬಹುದು?

ತೆಂಗಿನಕಾಯಿ ತ್ಯಾಜ್ಯದಿಂದ ಹಲವು ಬಗೆಯ ಉತ್ಪನ್ನಗಳನ್ನು ತಯಾರಿಸಬಹುದು. ಅವುಗಳಲ್ಲಿ ಮುಖ್ಯವಾದವುಗಳು: ಕೋಕೋಪಿಟ್: ತೆಂಗಿನ ಸಿಪ್ಪೆಯನ್ನು ಸಂಸ್ಕರಿಸಿ, ಒಣಗಿಸಿ, ಪುಡಿಮಾಡಿ ಕೋಕೋಪಿಟ್ ತಯಾರಿಸಲಾಗುತ್ತದೆ. ಇದು ಮಣ್ಣಿನಲ್ಲಿ ತೇವಾಂಶವನ್ನು ಹಿಡಿದಿಡುತ್ತದೆ. ನರ್ಸರಿ, ಟೆರೇಸ್ ಗಾರ್ಡನಿಂಗ್, ಹೈಡ್ರೋಪೋನಿಕ್ಸ್‌ನಲ್ಲಿ ಇದನ್ನು ವ್ಯಾಪಕವಾಗಿ ಬಳಸುತ್ತಾರೆ. 

ಹಗ್ಗಗಳು: ತೆಂಗಿನ ನಾರಿನಿಂದ ಹಗ್ಗ ತಯಾರಿಸುವುದು ಸಾಮಾನ್ಯ. ಕೃಷಿ, ನಿರ್ಮಾಣ, ಅಲಂಕಾರಿಕ ವಸ್ತುಗಳ ತಯಾರಿಕೆಯಲ್ಲಿ ಇವು ಬಳಕೆಯಾಗುತ್ತವೆ.

ಡೋರ್ ಮ್ಯಾಟ್‌ಗಳು: ತೆಂಗಿನ ನಾರಿನಿಂದ ಮ್ಯಾಟ್ ತಯಾರಿಸಿ ದೇಶೀಯ ಹಾಗೂ ವಿದೇಶಿ ಮಾರುಕಟ್ಟೆಗೆ ಪೂರೈಸಬಹುದು. 

ಇಂಧನ ಬ್ರಿಕೆಟ್‌ಗಳು: ತೆಂಗಿನ ಚಿಪ್ಪನ್ನು ಪುಡಿಮಾಡಿ ಬ್ರಿಕೆಟ್‌ಗಳಾಗಿ ಮಾಡಿದರೆ ಹೋಟೆಲ್, ಕೈಗಾರಿಕೆಗಳು ಖರೀದಿಸುತ್ತವೆ. ಇವುಗಳನ್ನು ಬೆಂಕಿ ಹೊತ್ತಿಸಲು ಬಳಸುತ್ತಾರೆ.

ಎಷ್ಟು ಹೂಡಿಕೆ ಬೇಕು?

ಈ ಉದ್ಯಮದಲ್ಲಿ ಹೂಡಿಕೆಯು ನೀವು ಆಯ್ಕೆ ಮಾಡುವ ಉತ್ಪನ್ನವನ್ನು ಅವಲಂಬಿಸಿರುತ್ತದೆ. 

ಸಣ್ಣ ಪ್ರಮಾಣದ ಘಟಕ ಸ್ಥಳ: 1,000–2,000 ಚದರ ಅಡಿ ಕಚ್ಚಾ ವಸ್ತು: ಸ್ಥಳೀಯ ಮಾರುಕಟ್ಟೆ ಅಥವಾ ತೆಂಗು ಬೆಳೆಗಾರರಿಂದ ಸಂಗ್ರಹಿಸಬೇಕು. ಯಂತ್ರಗಳು: ಫೈಬರ್ ಎಕ್ಸ್‌ಟ್ರಾಕ್ಷನ್ ಮೆಷಿನ್, ಸ್ಕ್ರೀನಿಂಗ್ ಮೆಷಿನ್, ಬ್ಲಾಕ್ ಮೇಕಿಂಗ್ ಮೆಷಿನ್. 

ಅಂದಾಜು ಹೂಡಿಕೆ: ₹8 ಲಕ್ಷದಿಂದ ₹20 ಲಕ್ಷದವರೆಗೆ ಮಧ್ಯಮ ಪ್ರಮಾಣದ ಘಟಕಕ್ಕೆ ಸೆಮಿ ಆಟೋಮ್ಯಾಟಿಕ್ ಯಂತ್ರಗಳು, ಡ್ರೈಯಿಂಗ್ ಯಾರ್ಡ್, ಪ್ಯಾಕೇಜಿಂಗ್ ಸೌಲಭ್ಯ ಬೇಕಾಗುತ್ತದೆ. 

ಈ ವ್ಯವಹಾರಕ್ಕೆ ₹25 ಲಕ್ಷದಿಂದ ₹75 ಲಕ್ಷದವರೆಗೆ ದೊಡ್ಡ ಮೊತ್ತದ ಹೂಡಿಕೆ ಬೇಕಾಗಬಹುದು. ಆದರೆ ಲಾಭವೂ ಅಷ್ಟೇ ಇರುತ್ತದೆ. ಸರ್ಕಾರಿ ಸಾಲ ಯೋಜನೆಗಳು ಮತ್ತು MSME ನೋಂದಣಿ ಮೂಲಕ ಸಬ್ಸಿಡಿ ಪಡೆಯುವ ಅವಕಾಶವಿದೆ.

ತಯಾರಿಕಾ ಪ್ರಕ್ರಿಯೆ ಹೇಗಿರುತ್ತದೆ?

ಕೋಕೋಪಿಟ್ ತಯಾರಿಸಲು, ಮೊದಲು ರೈತರಿಂದ ಅಥವಾ ಮಾರುಕಟ್ಟೆಯಿಂದ ತೆಂಗಿನ ಸಿಪ್ಪೆಯನ್ನು ಸಂಗ್ರಹಿಸಬೇಕು. ನಂತರ ನಾರು ಮತ್ತು ಇತರ ಕಲ್ಮಶಗಳನ್ನು ಬೇರ್ಪಡಿಸಬೇಕು. ಬಳಿಕ ನೀರಿನಿಂದ ಸ್ವಚ್ಛಗೊಳಿಸಿ, ಸಂಪೂರ್ಣವಾಗಿ ಒಣಗಿಸಬೇಕು. ಅಂತಿಮವಾಗಿ, ಬೇಕಾದ ಉತ್ಪನ್ನಗಳ ತಯಾರಿಕೆಗೆ ಬಳಸಿಕೊಳ್ಳಬಹುದು. 

ಲಾಭ ಎಷ್ಟು? ಈ ಕ್ಷೇತ್ರದಲ್ಲಿ ಲಾಭಕ್ಕೆ ಮೂರು ಪ್ರಮುಖ ಕಾರಣಗಳು

 *ಕಚ್ಚಾ ವಸ್ತು ಕಡಿಮೆ ಬೆಲೆಗೆ ಸಿಗುತ್ತದೆ 

*ಸಂಸ್ಕರಣಾ ವೆಚ್ಚ ಸೀಮಿತವಾಗಿರುತ್ತದೆ 

*ರಫ್ತಿನಲ್ಲಿ ಉತ್ತಮ ಮಾರ್ಜಿನ್ ಇರುತ್ತದೆ ಸಣ್ಣ ಘಟಕವು ತಿಂಗಳಿಗೆ 15–20 ಟನ್ ಕೋಕೋಪಿಟ್ ತಯಾರಿಸಿದರೆ, ಎಲ್ಲಾ ಖರ್ಚುಗಳನ್ನು ಕಳೆದ ನಂತರ ₹50,000 ದಿಂದ ₹1.5 ಲಕ್ಷದವರೆಗೆ ನಿವ್ವಳ ಲಾಭ ಗಳಿಸಬಹುದು. ಮಧ್ಯಮ ಘಟಕದ ವಹಿವಾಟು ಕೋಟ್ಯಂತರ ರೂಪಾಯಿ ತಲುಪಬಹುದು.

ಮಾರ್ಕೆಟಿಂಗ್ ಮತ್ತು ವಿಸ್ತರಣೆ ಹೇಗೆ?

ಸ್ಥಳೀಯ ನರ್ಸರಿಗಳು, ಗಾರ್ಡನ್ ಶಾಪ್‌ಗಳೊಂದಿಗೆ ಒಪ್ಪಂದ ಮಾಡಿಕೊಳ್ಳಬೇಕು. ಆನ್‌ಲೈನ್ B2B ಪ್ಲಾಟ್‌ಫಾರ್ಮ್‌ಗಳಲ್ಲಿ ನೋಂದಾಯಿಸಿಕೊಳ್ಳಬೇಕು. ರಫ್ತು ಪರವಾನಗಿ ಪಡೆದು ವಿದೇಶಿ ಖರೀದಿದಾರರನ್ನು ಸಂಪರ್ಕಿಸಬೇಕು. ಗುಣಮಟ್ಟದ ಪ್ರಮಾಣೀಕರಣ ಪಡೆದರೆ ವಿಶ್ವಾಸಾರ್ಹತೆ ಹೆಚ್ಚುತ್ತದೆ. ಮೊದಲು ಸಣ್ಣ ಪ್ರಮಾಣದಲ್ಲಿ ವ್ಯಾಪಾರ ಆರಂಭಿಸಿ, ಬೇಡಿಕೆ ಹೆಚ್ಚಾದಂತೆ ಯಂತ್ರಗಳು ಮತ್ತು ಉತ್ಪಾದನಾ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳುವುದು ಉತ್ತಮ. 

ಗಮನಿಸಿ: ಇಲ್ಲಿ ನೀಡಿರುವ ಮಾಹಿತಿಯನ್ನು ಕೇವಲ ಪ್ರಾಥಮಿಕ ಜ್ಞಾನಕ್ಕಾಗಿ ಪರಿಗಣಿಸಬೇಕು. ಈ ವ್ಯವಹಾರವನ್ನು ಪ್ರಾರಂಭಿಸುವ ಮೊದಲು, ಈ ಕ್ಷೇತ್ರದಲ್ಲಿ ಅನುಭವವಿರುವವರನ್ನು ನೇರವಾಗಿ ಸಂಪರ್ಕಿಸಿ ಸಲಹೆ ಪಡೆಯುವುದು ಉತ್ತಮ.