ಮನೇಲಿ ಬೋರ್ ಆದಾಗ ಬೆಂಗಳೂರು ಮೂಲದ ಸ್ಟಾರ್ಟ್‌ ಅಪ್‌ ಸಿಇಒ Gen-Z ಕಿಡ್ಸ್‌ ಜೊತೆ ಸೋಷಿಯಲೈಸ್ ಆಗಿದ್ದು ಹೀಗೆ!

ಓಕ್‌ಕ್ರೆಡಿಟ್‌ನ ಸಿಇಒ ಹರ್ಷ್ ಪೋಖರ್ಣ, ಜೈಪುರದಲ್ಲಿ ಒಂದೂವರೆ ತಿಂಗಳ ವಿಶ್ರಾಂತಿಯ ನಂತರ, ಸಾಮಾಜಿಕ ಪ್ರಯೋಗವೊಂದರಲ್ಲಿ ತೊಡಗಿಕೊಂಡರು. ಇನ್ಸ್ಟಾಗ್ರಾಮ್ ಮೂಲಕ ಅಪರಿಚಿತರೊಂದಿಗೆ ಸಂಪರ್ಕ ಸಾಧಿಸಿ ಅನಿರೀಕ್ಷಿತ ಸಂಬಂಧಗಳನ್ನು ಬೆಳೆಸಿಕೊಂಡರು.

ದೇಶದಲ್ಲಿ ಪ್ರತಿ ಸ್ಟಾರ್ಟ್‌ಅಪ್‌ ಸಂಸ್ಥಾಪಕರ ಕಥೆ, ಹೂಡಿಕೆ ಮಾಡುವ ವಿಚಾರಗಳಿಗೆ, ತನ್ನ ಉತ್ಪನ್ನವನ್ನು ಹೇಗೆ ಮಾರ್ಕೆಟ್‌ ಮಾಡಬೇಕು ಅನ್ನೋದರ ಬಗ್ಗೆ ಮಾತ್ರವೇ ಗಮನವಿರೋದಿಲ್ಲ. ಕೆಲವೊಮ್ಮೆ ಅವುಗಳು ತಮ್ಮೊಳಗಿನ ಮನುಷ್ಯ ಸಹಜ ಭಾವನೆಗಳನ್ನು ವ್ಯಕ್ತಪಡಿಸುವುದೂ ಆಗಿರುತ್ತದೆ.

ಬೆಂಗಳೂರು ಮೂಲದ ಫಿನ್‌ಟೆಕ್ ಸ್ಟಾರ್ಟ್‌ಅಪ್ ಓಕ್‌ಕ್ರೆಡಿಟ್‌ನ ಸಿಇಒ ಮತ್ತು ಐಐಟಿ ಕಾನ್ಪುರ ಪದವೀಧರರಾದ ಹರ್ಷ್ ಪೋಖರ್ಣ ಇತ್ತೀಚೆಗೆ ಇಂಟರ್ನೆಟ್‌ನಲ್ಲಿ ರಿಫ್ರೆಶಿಂಗ್‌ ಎನಿಸುವಂಥ ರೀಲ್‌ ನೀಡಿದರು. ಇತ್ತೀಚೆಗೆ ಜೈಪುರದ ತಮ್ಮ ಮನೆಯಲ್ಲಿ ಒಂದೂವರೆ ತಿಂಗಳು ವಿಶ್ರಾಂತಿ ತೆಗೆದುಕೊಂಡಿದ್ದರು. ಮಗ ಮನೆಯಲ್ಲಿದ್ದ ಖುಷಿ ತನ್ನ ಪೋಷಕರ ಮುಖದಲ್ಲಿತ್ತು ಎಂದು ಹರ್ಷ್‌ ಹೇಳಿಕೊಂಡರೂ, ಅವರೇ ಹೇಳುವ ಹಾಗೆ ಮನೆ ತಮಗೆ ಬೋರ್‌ ಎನಿಸಲು ಆರಂಭಿಸಿತು ಎಂದಿದ್ದಾರೆ.

ಅದಕ್ಕಾಗಿ ಅವರು ಸಾಧ್ಯವಾದಷ್ಟು Gen-Z ರೀತಿ ವಿಷಯಗಳನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಪೋಸ್ಟ್‌ ಮಾಡಲು ನಿರ್ಧರಿಸಿದರು. ಜೈಪುರದಲ್ಲಿರುವ ಜನರನ್ನು ಭೇಟಿಯಾಗಲು ಆಹ್ವಾನಿಸುವ ಇನ್ಸ್‌ಟಾಗ್ರಾಮ್‌ ಸ್ಟೋರಿಯನ್ನು ಪೋಸ್ಟ್‌ ಮಾಡುವ ಮೂಲಕ ಎಲ್ಲವೂ ಬದಲಾಯಿತು.

ಸರಳ ಸೋಶಿಯಲ್‌ ಎಕ್ಸ್‌ಪೀರಿಮೆಂಟ್‌ ಆಗಿ ಆರಂಭವಾಗಿದ್ದ ಅವರ ಕಾರ್ಯಕ್ರಮ ಅವರ ಜೀವಮಾನದ ವಿಶೇಷ ಅನುಭವವಾಗಿ ಬದಲಾಯಿತು. ಹರ್ಷ್‌ಗೆ ಪ್ರತಿದಿನ ಹೊರಗೆ ಹೋಗಲು ಆರಂಭಿಸಿದರು. ಹಳೇ ಸ್ನೇಹಿತರ ಭೇಟಿಯಾಗೋದು, ಇನ್ಸ್‌ಟಾಗ್ರಾಮ್‌ ಡಿಎಂನಲ್ಲಿ ಬಂದ ಅಪರಿಚಿತರ ಜೊತೆ ಸಂಪರ್ಕ ಸಾಧಿಸಲು ಆರಂಭಿಸಿದರು. ಸಿಲ್ಲಿಯಾದ ಸಂಭಾಷಣೆಯಿಂದ ಹಿಡಿದು ರೋಮಾಂಚಕ ಎನಿಸಿವಂಥ ಮಾತುಕತೆಗಳಲ್ಲಿ ತೊಡಗಿಕೊಂಡರು.

ಕೆಲವು ಚಾಟ್‌ಗಳು ಆಹಾರ ಹಾಗೂ ಥೆರಪಿ ಬಗ್ಗೆ ಇದ್ದರೆ, ಇನ್ನೂ ಕೆಲವು ಬ್ರೇಕ್‌ಅಪ್‌ಗಳು, ಸ್ಟಾರ್ಟ್‌ಅಪ್‌-ಡೇಟಿಂಗ್‌ ಅಪ್ಲಿಕೇಶನ್‌ಗಳ ಬಗ್ಗೆ ಇರುತ್ತಿದ್ದವು. ಮಾಅತುಕತೆಗೆ ಯಾವುದೇ ನಿಯಮ ಇದ್ದಿರಲಿಲ್ಲ, ಯಾವುದೇ ಅಜೆಂಡಾಗಲೂ ಇದ್ದಿರಲಿಲ್ಲ. ಅಲ್ಲಿ ಇದ್ದಿದ್ದು ಮಾನವರ ಜೊತೆಗೆನ ಆತ್ಮೀಯ ಸಂಪರ್ಕ ಮಾತ್ರ.

ಅವರು ಆ ಅನುಭವವನ್ನು "ಆರೋಗ್ಯಕರ" ಎಂದು ಮೀರಿ ಲೇಬಲ್ ಮಾಡದಿದ್ದರೂ, ಸಂದೇಶವು ಸ್ಪಷ್ಟವಾಗಿತ್ತು: ಕೆಲವೊಮ್ಮೆ ಒಂದು ಹತಾಶೆಯಿಂದ ಹೊರಬರಲು ಬೇಕಾಗಿರುವುದು Instagram ನಲ್ಲಿ ಸ್ವಲ್ಪ ಶೇಮ್‌ಲೆಸ್‌ನೆಸ್‌ ಮತ್ತು ಮುಕ್ತ ಮನಸ್ಸು ಎಂದಿದ್ದಾರೆ.

ಅವರ ಊರಿನಲ್ಲಿ ಅವರ ಸ್ವಾಭಾವಿಕ "ಸ್ನೇಹಿತರಿಗಾಗಿ ಬಂಬಲ್" ಅರ್ಥಪೂರ್ಣ ಸಂವಹನಗಳು ಯಾವಾಗಲೂ ಯೋಜಿತ ನೆಟ್‌ವರ್ಕಿಂಗ್ ಅಥವಾ ರಚನಾತ್ಮಕ ಭೇಟಿಗಳಿಂದ ಬರುವುದಿಲ್ಲ ಎಂದು ನಮಗೆ ನೆನಪಿಸುತ್ತದೆ. ಅವು ಅಪರಿಚಿತರೊಂದಿಗೆ ಕಾಫಿ ಕುಡಿಯುತ್ತಾ ಅಥವಾ ನೀವು ವರ್ಷಗಳಿಂದ ನೋಡದ ಯಾರೊಂದಿಗಾದರೂ ನಡೆದುಕೊಂಡು ಸಂವಹನ ಸಾಗಬಹುದು ಎಂದಿದ್ದಾರೆ.

ಫೋಟೋಗಳಲ್ಲಿ, ಅವರು ಬೇರೆ ಬೇರೆ ಜನರೊಂದಿಗೆ ಸುತ್ತಾಡುತ್ತಾ ವಿಶ್ರಾಂತಿ ಪಡೆಯುತ್ತಿರುವುದನ್ನು ಕಾಣಬಹುದು. ಒಂದು ಚಿತ್ರದಲ್ಲಿ ಅವರು ಬ್ಯಾಡ್ಮಿಂಟನ್ ಆಡುತ್ತಿರುವುದನ್ನು ತೋರಿಸಿದರೆ, ಇನ್ನೊಂದು ಚಿತ್ರ ಅವರ ಪಿಕಲ್‌ಬಾಲ್‌ನ ಸೆಷನ್‌ನ ಒಂದು ಕ್ಷಣವನ್ನು ಸೆರೆಹಿಡಿದಿದೆ.

ಇತರ ಚಿತ್ರಗಳಲ್ಲಿ ಅವರು ಕಾರು ಸವಾರಿಯನ್ನು ಆನಂದಿಸುವುದು, ರೆಸ್ಟೋರೆಂಟ್‌ನಲ್ಲಿ ಊಟ ಮಾಡುವುದು ಮತ್ತು ಕಾಫಿ ಹೀರುವುದು, ಜೈಪುರದಲ್ಲಿ ಅವರ ಆರಾಮ, ಜನಭರಿತ ದಿನಗಳ ಒಂದು ನೋಟವನ್ನು ನೀಡಿದೆ.

ಹರ್ಷ್ ಪೋಖರ್ಣ ಅವರು 2014 ರಲ್ಲಿ ಐಐಟಿ ಕಾನ್ಪುರದಿಂದ ಮೆಕ್ಯಾನಿಕಲ್ ಎಂಜಿನಿಯರಿಂಗ್‌ನಲ್ಲಿ ಬಿ.ಟೆಕ್ ಪದವಿಯನ್ನು ಪೂರ್ಣಗೊಳಿಸಿದರು. ಪದವಿ ಪಡೆದ ನಂತರ, ಅವರು ಇಂಟೆಲ್ ಕಾರ್ಪೊರೇಷನ್, ಫ್ಲಿಪ್‌ಕಾರ್ಟ್ ಮತ್ತು ರಿಲಯನ್ಸ್ ಪೇಮೆಂಟ್ ಸೊಲ್ಯೂಷನ್ಸ್ (ಜಿಯೋಮನಿ) ನಂತಹ ಪ್ರಮುಖ ಕಂಪನಿಗಳೊಂದಿಗೆ ಕೆಲಸ ಮಾಡುವ ಮೂಲಕ ಅನುಭವವನ್ನು ಪಡೆದರು.

2015 ರಲ್ಲಿ, ಅವರು ತಮ್ಮ ಐಐಟಿ ಕಾನ್ಪುರ್ ಬ್ಯಾಚ್‌ಮೇಟ್‌ಗಳಾದ ಗೌರವ್ ಕುಮಾರ್ ಮತ್ತು ಆದಿತ್ಯ ಪ್ರಸಾದ್ ಅವರೊಂದಿಗೆ ಬ್ಯುಸಿನೆಸ್‌ನಲ್ಲಿ ತೊಡಗಿಕೊಂಡರು, ಜನರು ಸಂಪರ್ಕ ಸಾಧಿಸಲು ಮತ್ತು ಹಂಚಿಕೆಯ ಆಸಕ್ತಿಗಳನ್ನು ಅನ್ವೇಷಿಸಲು ಸಹಾಯ ಮಾಡುವ ಗುರಿಯನ್ನು ಹೊಂದಿರುವ ಸಾಮಾಜಿಕ ಅನ್ವೇಷಣಾ ವೇದಿಕೆಯಾದ ಕ್ಲಾನ್‌ಔಟ್ ಅನ್ನು ಸಹ-ಸ್ಥಾಪಿಸಿದರು. ನಂತರ, ಅವರು ಓಕ್‌ಕ್ರೆಡಿಟ್ ಎಂಬ ಅಪ್ಲಿಕೇಶನ್ ಅನ್ನು ಸಹ-ಸ್ಥಾಪಿಸಿದರು, ಅಲ್ಲಿ ಪೋಖರ್ಣ ಸಿಇಒ ಆಗಿದ್ದಾರೆ.

ಹಾರ್ವರ್ಡ್ ವೈದ್ಯಕೀಯ ಶಾಲೆಯ ಡಾ. ತ್ರಿಶಾ ಪಾಸ್ರಿಚಾ, ಅಪರಿಚಿತರೊಂದಿಗೆ ಸಂಕ್ಷಿಪ್ತ ಸಂವಹನವು ಸಂತೋಷವನ್ನು ಹೆಚ್ಚಿಸುತ್ತದೆ ಮತ್ತು ಒಬ್ಬರಿಗೊಬ್ಬರು ಸೇರಿದವರ ಭಾವನೆಯನ್ನು ಬೆಳೆಸುತ್ತದೆ ಎಂದು ಹೇಳಿದ್ದಾರೆ.

2014 ರಲ್ಲಿ ಚಿಕಾಗೋ ವಿಶ್ವವಿದ್ಯಾಲಯದ ಬೂತ್ ಸ್ಕೂಲ್ ಆಫ್ ಬ್ಯುಸಿನೆಸ್ ನಡೆಸಿದ ಅಧ್ಯಯನವು ಪ್ರಯಾಣಿಕರನ್ನು ರೈಲಿನಲ್ಲಿ ಅಪರಿಚಿತರೊಂದಿಗೆ ಸಂಭಾಷಣೆಯಲ್ಲಿ ತೊಡಗಿಸಿಕೊಳ್ಳಲು ಕೇಳಿಕೊಂಡಿದೆ.

ಅನೇಕ ಭಾಗವಹಿಸುವವರು ಇತರರು ಗ್ರಹಿಸುವುದಿಲ್ಲ ಎಂದು ಭಾವಿಸಿದ್ದರೂ, ಫಲಿತಾಂಶಗಳು ಆಶ್ಚರ್ಯಕರ ಫಲಿತಾಂಶವನ್ನು ಬಹಿರಂಗಪಡಿಸಿದವು. ಸಂವಹನದಲ್ಲಿ ಭಾಗಿಯಾಗಿರುವ ಇಬ್ಬರೂ ವ್ಯಕ್ತಿಗಳು ನಂತರ ಹೆಚ್ಚು ಸಕಾರಾತ್ಮಕ ಭಾವನೆ ಹೊಂದಿರುವುದಾಗಿ ವರದಿ ಮಾಡಿದ್ದಾರೆ ಎಂದು ಹಾರ್ವರ್ಡ್ ವೈದ್ಯರು ತಿಳಿಸಿದ್ದಾರೆ.