'ಶೃಂಗಾರದ ಹೊಂಗೆಮರ ಹೂ ಬಿಟ್ಟಾಗ' ಯಾವ ಜನ್ಮರಾಶಿಯವರು ಹೇಗೆ ವರ್ತಿಸುತ್ತಾರೆ ಎಂಬ ಡೀಟೇಲ್ಸ್ ಇಲ್ಲಿದೆ. ನಿಮ್ಮ ಸಂಗಾತಿ ಯಾವ ರಾಶಿ ಎಂಬುದು ತಿಳಿದಿದ್ದರೆ ಮಂಚದ ಮೇಲೆ ಅವರ ವರ್ತನೆಗಳನ್ನು ನೀವು ಅರ್ಥ ಮಾಡಿಕೊಳ್ಳಬಹುದು.
ಮೇಷ ರಾಶಿ
ಇವರು ಎಲ್ಲವನ್ನೂ ನೇರಾನೇರ ಮಾಡಲು ಬಯಸುವವರು. ನೀನಂದ್ರೆ ನನಗಿಷ್ಟ ಅನ್ನುವುದನ್ನೂ, ನಿನ್ನೊಡನೆ ರೊಮ್ಯಾನ್ಸ್ ಮಾಡಲು ಬಯಸುತ್ತೇನೆ ಅನ್ನುವುದನ್ನೂ ಮುಚ್ಚುಮರೆ ಇಲ್ಲದೆ ಹೇಳುವವರು. ಇದರಿಂದ ಮುಖಭಂಗ ಆದರೂ ಇವರು ಅದನ್ನೆಲ್ಲ ಲೆಕ್ಕಿಸುವವರೇ ಅಲ್ಲ. ಥಟ್ಟನೆ ನಿಮಗೆ ಯಾರಾದರೂ ಡೇಟಿಂಗ್ ಆಫರ್ ಕೊಟ್ಟರೆ ಅವರು ಮೇಷ ರಾಶಿಯವರೆಂದೇ ತಿಳಿಯಿರಿ.
ವೃಷಭ ರಾಶಿ
ಇವರು ವರ್ಚುವಲ್ ರೊಮ್ಯಾನ್ಸ್‌ನಲ್ಲಿ ಹೆಚ್ಚು ಸುಖ ಕಾಣುವವರು. ಫೋನ್‌ನಲ್ಲಿ ಸೆಕ್ಸ್ ಚಾಟ್ ಮಾಡುವುದು, ವಿಡಿಯೋ ಮೂಲಕ ಡೇಟಿಂಗ್, ಪರಿಚಿತರ ಜೊತೆಗೆ ಸೆಕ್ಸ್‌ಟಿಂಗ್ ಇವೆಲ್ಲ ಇವರಿಗೆ ಇಷ್ಟ. ಯಾವುದೇ ರೊಮ್ಯಾಂಟಿಕ್ ಧಾರಾವಾಹಿ ಅಥವಾ ಸಿನಿಮಾಗಳಿಂದ ಹೆಚ್ಚಿನ ಪ್ರಚೋದನೆ, ಪ್ರೇರಣೆ ಪಡೆಯುತ್ತಾರೆ.
ಮಿಥುನ ರಾಶಿ
ಇವರು ಏಕಕಾಲಕ್ಕೆ ಹಲವು ಮಂದಿಯ ಜೊತೆಗೆ ರೊಮ್ಯಾನ್ಸ್ ನಡೆಸಬಲ್ಲರು. ಫೋನ್‌ನಲ್ಲಿ ನಿಮ್ಮೊಂದಿಗೆ ಸೆಕ್ಸ್ ಚಾಟ್ ನಡೆಸುತ್ತಿದ್ದರೆ, ಇನ್ನೊಬ್ಬರೊಂದಿಗೂ ಚಾಟ್ ನಿರತರಾಗಿದ್ದರೂ ಆಶ್ಚರ್ಯವಿಲ್ಲ. ಇವರು ಲೈಂಗಿಕ ವಂಚನೆಯಲ್ಲಿಯೂ ರೊಮ್ಯಾಂಟಿಕ್ ಸುಖ ಕಾಣುತ್ತಾರೆ. ಅದರಿಂದಲೇ ಹೆಚ್ಚಿನ ಥ್ರಿಲ್ ಅನುಭವಿಸುತ್ತಾರೆ.
ಕಟಕ ರಾಶಿ
ಇವರು ಕಟಕರಲ್ಲ, ಕಟುಕರೇ ಸರಿ. ಅಂದರೆ ಇವರಿಗೆ ನೋಯಿಸುವುದೇ ಹೆಚ್ಚು ರೊಮ್ಯಾಂಟಿಕ್. ಸಂಗಾತಿಯನ್ನು ಹಾಸಿಗೆಯ ಮೇಲೆ ದೈಹಿಕವಾಗಿಯೂ ನೋಯಿಸಬಹುದು; ಹಾಗೇ ಮಾನಸಿಕವಾಗಿಯೂ ನೋಯಿಸಬಹುದು. ಇವರಿಗೆ ಒಪ್ಪುವ ಸಂಗಾತಿಯಾಗಿದ್ದರೆ ಇಬ್ಬರಿಗೂ ಸುಖ. ಇಲ್ಲವಾದರೆ ತುಸು ಕಷ್ಟವೇ ಸರಿ.
ಶಕುನಿ ಮೋಸ ಮಾಡಿದ್ದು ಧರ್ಮರಾಯನಿಗೋ, ಕೌರವನಿಗೋ? ...
ಸಿಂಹ ರಾಶಿ
ಇವರು ಸಿಂಹದಂತೆ ರೊಮ್ಯಾನ್ಸ್‌ನಲ್ಲೂ ಗಾಂಭೀರ್ಯ ಪ್ರಿಯರು. ಯಾವುದೇ ಅಲ್ಪತೃಪ್ತಿಯನ್ನು ಒಪ್ಪುವವರಲ್ಲ. ಈ ಜನ್ಮರಾಶಿಯ ಹೆಣ್ಣುಮಕ್ಕಳು ತಮಗೆ ತೃಪ್ತಿಯಾಗುವವರೆಗೂ ಗಂಡಸನ್ನು ಬಿಡುವುದಿಲ್ಲ. ಇವರೊಂದಿಗೆ ರೊಮ್ಯಾನ್ಸ್ ಮಾಡುವುದು ಕಷ್ಟವೇ ಸರಿ. ಆದರೂ ಅದು ತುಂಬಾ ಇಷ್ಟದಾಯಕವಾದ ಕಷ್ಟ ಆಗಬಹುದು.
ಕನ್ಯಾ ರಾಶಿ
ಇವರು ಒಂಥರಾ ತಂಗಾಳಿಯ ಹಾಗೆ. ಇವರು ಡೇಟಿಂಗ್ ಮಾಡಿದ್ದೂ ಗೊತ್ತಾಗುವುದಿಲ್ಲ. ರೊಮ್ಯಾನ್ಸ್ ನಡೆಸಿದ್ದೂ ಗೊತ್ತಾಗುವುದಿಲ್ಲ. ಆದರೆ ಎಲ್ಲವೂ ಒಳಗಿಂದೊಳಗೇ ನಡೆದಿರುತ್ತದೆ. ಎಲ್ಲವೂ ಮುಗಿದ ಮೇಲೇ ಓಹೋ ಹೀಗೆಲ್ಲ ಆಯಿತೇ ಎಂದು ನಿಮಗೆ ಅರಿವುಗೆ ಬರುತ್ತದೆ. ಅಷ್ಟರಲ್ಲಿ ನೀವು ಕಳೆದುಹೋಗಿರುತ್ತೀರಿ.
ತುಲಾ ರಾಶಿ
ಇವರು ಅವಸರದವರು, ಇವರಿಗೆ ಚೂರೂ ತಾಳ್ಮೆ ಎಂಬುದೇ ಇಲ್ಲ. ಈ ಜನ್ಮರಾಶಿಯ ಗಂಡಸರು ಹೆಣ್ಣನ್ನು ಒಲಿಸಿಕೊಂಡು, ಸಿದ್ಧಪಡಿಸಿ ನಂತರ ಕೂಡಬೇಕು ಎಂಬ ಅರಿವನ್ನು ಹೊಂದಿರುವುದಿಲ್ಲ. ಆದ್ದರಿಂದ ಇವರ ಅವಸರ ಸ್ತ್ರೀಯರಿಗೆ ಕಷ್ಟವಾಗುತ್ತದೆ. ಈ ಜನ್ಮರಾಶಿಯ ಹೆಣ್ಣುಮಕ್ಕಳ ಅವಸರ ಗಂಡಸರಿಗೆ ಇಷ್ಟವಾಗಬಹುದು.
ವೃಶ್ಚಿಕ ರಾಶಿ
ಇವರೊಂಥರಾ ಪ್ಲೆಟೋನಿಕ್ ಲವ್ ಅನ್ನುತ್ತಾರಲ್ಲ. ಆ ಜಾತಿಗೆ ಸೇರಿದವರು. ಇವರು ಪ್ರೀತಿ ಪರಿಪೂರ್ಣವಾಗಿ ಬೇರೂರದೆ ರೊಮ್ಯಾನ್ಸ್‌ನಲ್ಲಿ ಮುಂದುವರಿಯಲು ಇಷ್ಟಪಡುವುದಿಲ್ಲ. ಅಂದರೆ ಇವರಿಗೆ ಕಾಮಕ್ಕಿಂತಲೂ ಪ್ರೇಮವೇ ಮುಖ್ಯ. ಆದರೆ ಪ್ರೇಮಪೂರ್ಣ ಸಂಬಂಧಗಳಲ್ಲಿ ಮುಂದುವರಿದಾಗ ಸ್ವರ್ಗವನ್ನೇ ಧರೆಗಿಳಿಸುತ್ತಾರೆ.
ಯಾವ ರಾಶಿಯವರಿಗೆ ಯಾವ ವೃತ್ತಿಯಲ್ಲಿ ಕೈತುಂಬಾ ಹಣ ಬರುತ್ತೆ? ...
ಧನು ರಾಶಿ
ಇವರು ಹೆದೆಯೇರಿದ ಬಿಲ್ಲಿನ ಹಾಗೆ ಸದಾ ರೊಮ್ಯಾನ್ಸ್ ನಡೆಸುವುದಕ್ಕೆ ಕಾಯುತ್ತಿರುತ್ತಾರೆ. ಡೈಲಿ ರೊಟೀನ್, ಸ್ಟ್ರೆಸ್ ಎಲ್ಲಾ ಇವರಿಗೆಲ್ಲ ಒಂದು ಸಮಸ್ಯೆ ಆಗುವುದೇ ಇಲ್ಲ. ಎದುರಿಗೆ ತಮಗೆ ಒಪ್ಪುವ ಒಂದು ಜೀವಿ ಇದ್ದರಾಯಿತು. ಯಾರೂ ಸಿಗದಿದ್ದರೆ ತಮ್ಮ ಹಳೇ ಸಂಗಾತಿಯನ್ನಾದರೂ ಕಾಲು ಕೆರೆದು ರೊಮ್ಯಾನ್ಸ್‌ಗೆ ಕರೆಯುತ್ತಾರೆ.
ಮಕರ ರಾಶಿ
ಇವರ ರೊಮ್ಯಾನ್ಸ್ ಪೂರ್ತಿ ದೈಹಿಕವಾದುದು. ರೊಮ್ಯಾನ್ಸ್‌ನಲ್ಲಿ ಮನಸ್ಸಿನ ಪಾತ್ರವಿದೆ ಎಂಬುದನ್ನು ಇವರು ಒಪ್ಪುವುದಿಲ್ಲ. ಅಂದರೆ ಏಕಕಾಲಕ್ಕೆ ಹಲವು ಸಂಗಾತಿಗಳ ಜೊತೆಗೆ ರೊಮ್ಯಾನ್ಸ್- ಸೆಕ್ಸ್‌ನಲ್ಲಿ ತೊಡಗಲು ಇವರು ಸಿದ್ಧರಿರುತ್ತಾರೆ. ಒಂದು ಹಂತದ ಬಳಿಕ ಊಟ ನಿದ್ರೆಯಂತೆ ಇದೂ ಅವರಿಗೆ ಸಾಮಾನ್ಯವೆನಿಸಿಬಿಡುತ್ತದೆ.
ಕುಂಭ ರಾಶಿ
ಇವರು ರೊಮ್ಯಾನ್ಸ್ ವಿಚಾರದಲ್ಲಿ ಬಹಳ ಸಲ ಮೋಸ ಹೋಗುತ್ತಾರೆ. ಯಾಕೆಂದರೆ ಇವರಿಗೆ ತಪ್ಪು ಕಲ್ಪನೆಗಳು ಹೆಚ್ಚು. ಕೆಲವೊಮ್ಮೆ ಪರಿಚಿತ ಹೆಣ್ಣು - ಗಂಡಿನ ಸನ್ನೆ ಸಂದೇಶಗಳನ್ನು ತಪ್ಪು ಕಲ್ಪನೆ ಮಾಡಿಕೊಂಡು ರೊಮ್ಯಾನ್ಸ್‌ಗೆ ಇಳಿದು ಪೆಟ್ಟು ತಿನ್ನಬಲ್ಲರು. ಹೀಗೆ ಹಲವು ಸಲ ಆದಾಗ ಅದರ ಕಹಿ ಇವರಲ್ಲಿ ಉಳಿದುಕೊಳ್ಳುತ್ತದೆ.
ದ್ರೌಪದಿ ವಸ್ತ್ರಾಪಹರಣ ವಿರೋಧಿಸಿದ ಒಬ್ಬನೇ ಒಬ್ಬ ಕೌರವ ಯಾರು ಗೊತ್ತೆ? ...
ಮೀನ ರಾಶಿ
ಇವರದು ಒಂಥರಾ ವಿರೋಧಾರ್ಥಕ ಪ್ರೀತಿ. ತನಗೆ ಯಾರೊಂದಿಗೆ ರೊಮ್ಯಾನ್ಸ್ ಇಷ್ಟವಿಲ್ಲ ಎನ್ನುತ್ತಾರೋ ಅವರೊಂದಿಗೇ ಸೆಕ್ಸ್ ನಡೆಸಲು ಇಷ್ಟಪಡುತ್ತಾರೆ. ಇವರು ಸಂಗಾತಿಗಳ ಜೊತೆಗೆ ಜೋರಾಗಿ ಜಗಳ ನಡೆಸಲು ಮುಂದಾದರೆ ರೊಮ್ಯಾನ್ಸ್ ನಡೆಸಲು ಇಷ್ಟಪಟ್ಟಿದ್ದಾರೆ ಎಂದುಕೊಳ್ಳಬಹುದು.