Relationship and Zodiacs: ಪುರುಷನಿಗೆ ಸಂಬಂಧದಲ್ಲಿ ಅತಿ ಮುಖ್ಯವೆನಿಸೋದು ಏನು?

ಸಂಬಂಧದಲ್ಲಿ ರಾಶಿ ಆಧಾರದಲ್ಲಿ, ಪುರುಷರು ಎಲ್ಲಕ್ಕಿಂತ ಹೆಚ್ಚು ಪ್ರಾಶಸ್ತ್ಯ ಕೊಡುವುದು ಯಾವುದಕ್ಕೆ ತಿಳಿಯಿರಿ.

ರಾಶಿಚಕ್ರಗಳು ವ್ಯಕ್ತಿಯ ಬದುಕಿನಲ್ಲಿ ಬಹಳ ಪ್ರಮುಖ ಪಾತ್ರ ವಹಿಸುತ್ತವೆ. ಅವು ಒಬ್ಬ ವ್ಯಕ್ತಿಯ ಸ್ವಭಾವ, ಯೋಚನೆಗಳು ಎಲ್ಲವನ್ನೂ ನಿರ್ಧರಿಸಬಲ್ಲವು. ಅಂತೆಯೇ ರಾಶಿಗಳ ಆಧಾರದ ಮೇಲೆ ಯಾವ ರಾಶಿಯ ಪುರುಷ ಸಂಗಾತಿಯಿಂದ ಅತಿ ಮುಖ್ಯವಾಗಿ ಬಯಸುವುದು ಏನನ್ನು ಎಂದು ಇಲ್ಲಿ ಹೇಳಲಾಗಿದೆ. 

ಮೇಷ(Aries): ನಿಮ್ಮ ಪ್ರಾಮಾಣಿಕತೆ ಹೊರತು ಮತ್ತೇನೂ ಇವರು ಬಯಸುವುದಿಲ್ಲ. ಮೇಷ ರಾಶಿಯ ಪುರುಷರಿಗೆ ನಂಬಿಕೆಯ ಸಂಗಾತಿ ಸಿಕ್ಕರೆ ಚಿನ್ನ ಸಿಕ್ಕಂತೆ. ನೀವೆಂದೂ ಮೋಸ ಮಾಡದಿದ್ದರೆ ಅವರಿಗಷ್ಟೇ ಸಾಕು. ನೆಮ್ಮದಿಯಾಗಿ ಜೊತೆಗಿರುವರು.

ವೃಷಭ(Taurus): ಇರುವೆ ಹೋಗಿದ್ದರಿಂದ ಹಿಡಿದು ರಾಜಕೀಯದವರೆಗೆ- ಏನು ಬೇಕಾದರೂ ಮಾತನಾಡಬಹುದಾದ, ಎಲ್ಲವನ್ನೂ ಮಾತನಾಡಬಹುದಾದ ಸಂಗಾತಿಯನ್ನು ಬಯಸುತ್ತಾರೆ ವೃಷಭ ರಾಶಿಯ ಪುರುಷರು. ಸಂಗಾತಿಯೊಂದಿಗೆ ಯಾವುದೇ ಗುಟ್ಟಿಲ್ಲದೆ, ಮಾತಾಡಿಕೊಂಡಿರುವುದು ಇವರಿಗೆ ಸಂಬಂಧದಲ್ಲಿ ಮುಖ್ಯವೆನಿಸುತ್ತದೆ. 

ಮಿಥುನ(Gemini): ಮಿಥುನ ರಾಶಿಯ ಪುರುಷರಿಗೆ ಗೌರವ(respect)ವೇ ಎಲ್ಲ. ಸಂಗಾತಿಯು ತನಗೆ ಗೌರವ ಕೊಡಬೇಕು, ಸದಾ ತನ್ನನ್ನು ಗೌರವದಿಂದ ನಡೆಸಿಕೊಳ್ಳಬೇಕೆಂದು ಇವರು ಬಯಸುತ್ತಾರೆ. ಅಷ್ಟೇ ಅಲ್ಲ, ಗೌರವ ಪಡೆದ ಮೇಲೆ ಗೌರವ ಕೊಡುವುದನ್ನೂ ಇವರು ಚೆನ್ನಾಗಿ ಅರಿತಿದ್ದಾರೆ.

Vastu For Career: ವೃತ್ತಿಯಲ್ಲಿ ಹಿಂದೆಂದೂ ಕಂಡಿರದ ಏಳ್ಗೆ ಬೇಕಂದ್ರೆ ಈ ಟಿಪ್ಸ್ ಫಾಲೋ ಮಾಡಿ..

ಕಟಕ(Cancer): ಕಟಕ ರಾಶಿಯ ಹುಡುಗ ಫ್ಯಾಮಿಲಿ ಮ್ಯಾನ್. ಆತನಿಗೆ ಎಲ್ಲರೂ ಬೇಕು. ಗೆಳೆಯರು, ಬಂಧುಗಳು, ಮನೆಯವರು. ತನ್ನನ್ನು ವಿವಾಹವಾಗಿ ಬರುವವಳು ಇವರೆಲ್ಲರೊಂದಿಗೂ ಚೆನ್ನಾಗಿ ಹೊಂದಿಕೊಂಡು ಹೋಗಬೇಕು ಎಂಬುದು ಇವರ ಆಸೆ. ಪತ್ನಿ ತನ್ನವರೊಂದಿಗೆ ಹೇಗೆ ನಡೆದುಕೊಳ್ಳುತ್ತಾಳೆ ಎಂಬುದನ್ನು ಗಮನಿಸುತ್ತಿರುತ್ತಾನೆ ಈತ.

ಸಿಂಹ(Leo): ನೀವು ಸಂಬಂಧ(relationship) ಚೆನ್ನಾಗಿರಲು ಹಾಕುವ ಪ್ರಯತ್ನ, ಅದನ್ನು ಉಳಿಸಿಕೊಳ್ಳಲು ಮಾಡುವ ಪಡಿಪಾಟಲು ಇವೆಲ್ಲವನ್ನೂ ಗಮನಿಸುತ್ತಾರೆ ಸಿಂಹ ರಾಶಿಯ ಪುರುಷರು. ನೀವು ಈ ಸಂಬಂಧಕ್ಕೆ ಕೊಡುವ ಬೆಲೆಯೇ ಅವರಿಗೆ ಎಲ್ಲಕ್ಕಿಂತ ಮುಖ್ಯವಾದುದು. ಇದರಿಂದ ನಿಮಗೆ ಈ ಸಂಬಂಧ ಎಷ್ಟು ಮುಖ್ಯವೆಂಬುದು ಅವರಿಗೆ ಅರ್ಥವಾಗಿ ಪ್ರೀತಿ ಹೆಚ್ಚಲಿದೆ.

ಕನ್ಯಾ(Virgo): ತನ್ನ ಪತ್ನಿಯಾದವಳು ಎಲ್ಲ ಭಾವನೆಗಳನ್ನೂ ತನ್ನೆದುರು ಬಿಚ್ಚಿಡುತ್ತಿದ್ದಾಳೆ, ಯಾವುದೇ ಗುಟ್ಟು ಮಾಡುತ್ತಿಲ್ಲ ಎಂದರೆ ಸಾಕು, ಕನ್ಯಾ ರಾಶಿಯ ಪುರುಷ ನೆಮ್ಮದಿಯಿಂದಿರುತ್ತಾನೆ. ಗುಟ್ಟು(secret)ಗಳಿದ್ದರೆ ನಂಬಿಕೆಯಾದರೂ ಹುಟ್ಟುವುದು ಹೇಗೆ? 

Hindu Festivals: ನಾವೇಕೆ ಮಕರ ಸಂಕ್ರಾಂತಿ ಆಚರಿಸಲೇಬೇಕು ಎಂಬುದಕ್ಕೆ 5 ಕಾರಣಗಳು..

ತುಲಾ(Libra): ಪತ್ನಿಯ ನೈತಿಕತೆ, ರೂಢಿಸಿಕೊಂಡಿರುವ ಆದರ್ಶಗಳು(moral values) ತುಲಾ ರಾಶಿಯ ಪುರುಷನಿಗೆ ಇಷ್ಟವಾಗುತ್ತದೆ. ಆದರ್ಶಗಳಿಲ್ಲದ ಮಹಿಳೆ ಆತನಿಗೆ ಇಷ್ಟವಾಗುವುದಿಲ್ಲ. ಪ್ರತಿ ವಿಷಯಕ್ಕೂ ನೈತಿಕತೆ ಪ್ರದರ್ಶನವು ಪತ್ನಿಯ ಪ್ರಬುದ್ಧತೆಯ ಅಳತೆಗೋಲು ಎಂಬುದು ಈತನಿಗೆ ಗೊತ್ತು. 

ವೃಶ್ಚಿಕ(Scorpio): ಪತ್ನಿಯಾದವಳು ಮೊದಲು ಸ್ನೇಹಿತೆ(friend)ಯಾಗಿರಬೇಕು ಎಂದು ಬಯಸುವವ ಈತ. ನೀವು ಈತನ ಸ್ನೇಹಿತೆಯಾಗದಿದ್ದರೆ, ಸಂಬಂಧವನ್ನು ಮುಂದೆ ತೆಗೆದುಕೊಂಡು ಹೋಗುವುದು ಈತನಿಗೆ ಕಷ್ಟವೆನಿಸುತ್ತದೆ. 

ಧನುಸ್ಸು(Sagittarius): ಧನಸ್ಸಿನ ಪುರುಷನಿಗೆ ಲಿಬಿಡೋ(Libido) ಹೆಚ್ಚು. ಲೈಂಗಿಕ ಕಾಮನೆಗಳಲ್ಲಿ ಆಸಕ್ತಿ ಜಾಸ್ತಿ. ಪತ್ನಿಯಾಗಿ ಬಂದವಳು ಸಂಪೂರ್ಣ ಸಹಕಾರ ನೀಡಿದರೆ ಈತ ನೆಮ್ಮದಿಯಾಗಿಯೂ, ಸಂತೋಷವಾಗಿಯೂ ಇದ್ದು ಬಿಡಬಲ್ಲ. ಅವಳನ್ನು ಹೆಚ್ಚು ಪ್ರೀತಿಸಬಲ್ಲ. 

ಮಕರ(Capricorn): ಯಾವುದೇ ವಿಷಯದ ಬಗ್ಗೆ ಬುದ್ಧಿವಂತಿಕೆ(intelligent)ಯಿಂದ ಮಾತಾಡಬಲ್ಲ ಪತ್ನಿ ಈತನಿಗಿಷ್ಟ. ತನಗಿರುವ ಜ್ಞಾನಕ್ಕೆ ಸರಿ ಸಮನಾಗಿ ತಿಳಿದುಕೊಂಡಿರುವವಳು, ಆ ಬಗ್ಗೆ ಮಾತನ್ನು ಎಷ್ಟು ಬೇಕಾದರೂ ಬೆಳೆಸಬಲ್ಲವಳೆಂದರೆ ಮಕರದ ಹುಡುಗನಿಗಿಷ್ಟ. 

ಕುಂಭ(Aquarius): ಯಾವುದೇ ವಿಷಯವಾಗಲಿ, ಕಷ್ಟವಿರಲಿ, ಸುಖವಿರಲಿ- ಈತನ ಬೆನ್ನಿಗೆ ನಿಂತು ಸಹಕರಿಸುವ ಪತ್ನಿ ಇದ್ದರೆ ಸ್ವರ್ಗಕ್ಕೇ ಕಿಚ್ಚು ಹಚ್ಚು ಎನ್ನುವವನು ಈತ. 

ಮೀನ(Pisces): ನಿಮ್ಮ ಹಾಸ್ಯಪ್ರಜ್ಞೆ(sense of humour) ಚೆನ್ನಾಗಿದ್ದರೆ, ಕಾಮಿಡಿ ಟೈಮಿಂಗ್ ಕೂಡಾ ಸೂಪರಾಗಿದ್ದರೆ ಮೀನ ರಾಶಿಯ ಪತಿಗೆ ನೀವೇ ಸೂಪರ್ ಪತ್ನಿ. ಪತ್ನಿಗೆ ಉತ್ತಮ ಹಾಸ್ಯಪ್ರಜ್ಞೆ ಇರಬೇಕು, ಆಕೆ ತನ್ನನ್ನು ನಕ್ಕು ನಗಿಸುತ್ತಿರಬೇಕು ಎನ್ನುವವ ಈತ.