ಈ ದೇವಾಲಯದಲ್ಲಿ ಶಿವಲಿಂಗ ದಿನಕ್ಕೆ ಮೂರು ಬಾರಿ ರೂಪ ಬದಲಾಯಿಸುತ್ತದೆ. ಸ್ವತಃ ಬ್ರಹ್ಮನೇ ನಿರ್ಮಿಸಿದ್ದಾನೆ ಎನ್ನಲಾಗುವ ಈ ದೇವಾಲಯ ಎಲ್ಲಿದೆ ಗೊತ್ತಾ? ಇದರ ವೈಶಿಷ್ಠ್ಯಗಳು ಹಲವಿವೆ..
ಉತ್ತರ ಪ್ರದೇಶದಲ್ಲಿ ಧಾರ್ಮಿಕ ಕೇಂದ್ರಗಳಿಗೆ ಕೊರತೆ ಇಲ್ಲ, ಶ್ರೀ ರಾಮ ನಗರ ಅಯೋಧ್ಯೆ, ಕಾಶಿ, ದ್ವಾರಕೆ, ಮಥುರಾ ಇತ್ಯಾದಿ ಜನಪ್ರಿಯ ದೇವಾಲಯಗಳು ಇವೆ. ಉತ್ತರ ಪ್ರದೇಶದ ಈ ಅನೇಕ ಧಾರ್ಮಿಕ ಸ್ಥಳಗಳು ತಮ್ಮ ರಾಮೀಯಣ, ಮಹಾಭಾರತ ಉಲ್ಲೇಖದಿಂದಾಗಿ ದೇಶದಾದ್ಯಂತ ಜನಪ್ರಿಯವಾಗಿವೆ. ಆದರೆ ಇಲ್ಲಿ ಇನ್ನೂ ಕೆಲವು ಧಾರ್ಮಿಕ ಸ್ಥಳಗಳಿವೆ, ಅವುಗಳು ತಮ್ಮ ಪವಾಡಗಳಿಗೆ ಮತ್ತು ಪುರಾಣಗಳಿಗೆ ಹೆಸರುವಾಸಿಯಾಗಿವೆ. ಇದರಲ್ಲಿ ಸೀತಾಪುರದಲ್ಲಿರುವ ನೈಮಿಶಾರಣ್ಯ ಭೂತೇಶ್ವರನಾಥ ದೇವಾಲಯವೂ ಒಂದು. ಈ ದೇವಾಲಯವು ಹಲವು ರೀತಿಯಲ್ಲಿ ವಿಶೇಷವಾಗಿದೆ.
ಮೂರು ಬಾರಿ ರೂಪ ಬಗದಲಿಸುವ ಲಿಂಗ
ಭೂತೇಶ್ವರ ನಾಥ ದೇವಾಲಯದಲ್ಲಿ ಸ್ಥಾಪಿಸಲಾದ ಅದ್ಭುತ ಶಿವಲಿಂಗವು ಪ್ರತಿದಿನ 3 ಬಾರಿ ತನ್ನ ರೂಪವನ್ನು ಬದಲಾಯಿಸುತ್ತದೆ. ಮುಂಜಾನೆ ಶಿವಲಿಂಗವು ಬಾಲಕಲ್ಯ ರೂಪದಲ್ಲಿ ಗೋಚರಿಸುತ್ತದೆ. ನೀವು ಮಧ್ಯಾಹ್ನದ ಸಮಯದಲ್ಲಿ ಶಿವನ ಉಗ್ರ ರೂಪ ಮತ್ತು ಸಂಜೆ ಶಿವಲಿಂಗದ ಕರುಣಾಮಯ ರೂಪವನ್ನು ನೋಡಬಹುದು.
ನೈಮಿಶಾರಣ್ಯ ಭೂತೇಶ್ವರನಾಥ ದೇವಾಲಯ
ಈ ದೇವಾಲಯದಲ್ಲಿ ಸ್ಥಾಪಿಸಲಾದ ಶಿವಲಿಂಗಕ್ಕೆ ನೀರನ್ನು ಅರ್ಪಿಸಲು ಪ್ರತಿದಿನ ಹೆಚ್ಚಿನ ಸಂಖ್ಯೆಯ ಜನರು ಸೇರುತ್ತಾರೆ. ಶ್ರಾವಣ ಮಾಸದಲ್ಲಂತೂ ಭಕ್ತರ ಸಂಖ್ಯೆ ಅಪಾರವಾಗಿರುತ್ತದೆ.
3 ಪಾಪಗ್ರಹಗಳ ಹಿಮ್ಮುಖ ಚಲನೆ; 4 ರಾಶಿಗಳ ಹಣ, ಆರೋಗ್ಯಕ್ಕೆ ಕುತ್ತು
ತಪೋಭೂಮಿ
ನೈಮಿಷಾರಣ್ಯವನ್ನು ಋಷಿಗಳ ತಪಸ್ಸಿನ ಭೂಮಿ ಎಂದು ಕರೆಯಲಾಗುತ್ತದೆ. ಇಲ್ಲಿ ಸ್ವತಃ ಬ್ರಹ್ಮನೇ ಶಿವಲಿಂಗವನ್ನು ಸ್ಥಾಪಿಸಿದ್ದಾನೆ ಎಂಬ ಪ್ರತೀತಿ ಇದೆ. ಭೂತೇಶ್ವರನಾಥನನ್ನು ನೈಮಿಶಾರಣ್ಯದ ಕೊತ್ವಾಲ್ ಎಂದೂ ಕರೆಯುತ್ತಾರೆ. ಅದೇ ಸಮಯದಲ್ಲಿ, ಈ ದೇವಾಲಯದ ಇತಿಹಾಸವು ತುಂಬಾ ಪೌರಾಣಿಕವಾಗಿದೆ. ವಾಸ್ತವವಾಗಿ, ಸೀತಾಪುರದ ನೈಮಿಷಾರಣ್ಯವು 88000 ಋಷಿಗಳ ತಪೋಭೂಮಿ ಎಂದು ಹೇಳಲಾಗುತ್ತದೆ. ಇಲ್ಲಿಯೇ ಭೂತೇಶ್ವರನಾಥನ ದೇವಾಲಯವಿದೆ. ಈ ದೇವಾಲಯವು ಎಷ್ಟು ಪುರಾತನವಾಗಿದೆಯೋ ಅಷ್ಟೇ ನಿಗೂಢವಾಗಿದೆ. ಇತರ ಶಿವ ದೇವಾಲಯಗಳಲ್ಲಿ, ಶಿವನ ನಿರಾಕಾರ ರೂಪವನ್ನು ಕಾಣಬಹುದು, ಆದರೆ ಈ ದೇವಾಲಯದಲ್ಲಿ, ಶಿವನ ತ್ರಿಕಾರ ರೂಪವನ್ನು ಕಾಣಬಹುದು.
ಹೊತ್ತಿಗೊಂದು ರೂಪ
ನೈಮಿಶಾರಣ್ಯದಲ್ಲಿರುವ ಭೂತೇಶ್ವರನಾಥ ದೇವಾಲಯದಲ್ಲಿ ಸ್ಥಾಪಿಸಲಾದ ಅದ್ಭುತ ಶಿವಲಿಂಗವು ದಿನಕ್ಕೆ ಮೂರು ಬಾರಿ ರೂಪವನ್ನು ಬದಲಾಯಿಸುತ್ತದೆ. ಬೆಳಿಗ್ಗೆ ಶಿವಲಿಂಗದಲ್ಲಿ ಬಾಲ್ಯದ ರೂಪವನ್ನು ಕಾಣಬಹುದು. ಮಧ್ಯಾಹ್ನ 12 ಗಂಟೆಗೆ, ಶಿವಲಿಂಗವು ಕೆರಳಿದ ರೂಪದಲ್ಲಿ ಕಂಡುಬರುತ್ತದೆ. ಆದರೆ ಸಾಯಂಕಾಲ 6:00 ಗಂಟೆಗೆ ಶಿವಲಿಂಗವು ಪರಿವರ್ತನೆಯಾಗುತ್ತದೆ ಮತ್ತು ಕರುಣಾಮೂರ್ತಿಯಾಗಿ ಗೋಚರಿಸುತ್ತದೆ. ಚಕ್ರತೀರ್ಥದಲ್ಲಿ ಸ್ನಾನ ಮಾಡುವ ಭಕ್ತರು ಈ ದೇವಾಲಯಕ್ಕೆ ಬಂದು ದರ್ಶನ ಪೂಜೆಯನ್ನು ಮಾಡುತ್ತಾರೆ.
ಅಂಬಾನಿ ಮಕ್ಕಳನ್ನು ಅದೃಷ್ಟದ ತೊಟ್ಟಿಲಲ್ಲಿಟ್ಟು ತೂಗಿದ ರಾಶಿಚಕ್ರ
ಇಷ್ಟಾರ್ಥಗಳು ಈಡೇರುತ್ತವೆ..
ಇಲ್ಲಿ ಶಿವನಲ್ಲಿ ಬೇಡಿಕೆ ಇಟ್ಟರೆ ಖಂಡಿತವಾಗಿಯೂ ಪೂರೈಸುತ್ತಾನೆ ಎಂದು ನಂಬಲಾಗಿದೆ. ದೇಗುಲದ ಅಲಂಕಾರದಲ್ಲಿ ಯಾರೇ ತೊಡಗಿಕೊಂಡರೂ ಅವರ ಬದುಕಿಗೆ ಧನ್ಯತೆ ತಾಕುತ್ತದೆ ಎನ್ನುತ್ತಾರೆ ದೇವಸ್ಥಾನದ ಅರ್ಚಕರು. ಏಕೆಂದರೆ ಶಿವಲಿಂಗದ ಎಲ್ಲಾ ಮೂರು ರೂಪಗಳ ದರ್ಶನವು ಇಲ್ಲಿ ಕಂಡುಬರುತ್ತದೆ. ಇದು ಶಿವನ ವಿಶೇಷ ದೇವಾಲಯವಾಗಿದೆ. ಈ ನಂಬಿಕೆಯಿಂದಾಗಿ ಇಲ್ಲಿಗೆ ಪ್ರತಿದಿನ ಅಪಾರ ಸಂಖ್ಯೆಯ ಭಕ್ತರು ದರ್ಶನಕ್ಕೆ ಬರುತ್ತಾರೆ.