ಜನ್ಮರಾಶಿಯಲ್ಲಿ ಅಥವಾ ಜನ್ಮ ಕುಂಡಲಿಯಲ್ಲಿ ಗ್ರಹಗಳ ಸ್ಥಾನದಿಂದಾಗಿ ಜಾತಕನಿಗೆ ಕೆಲವು ದೋಷಗಳು ಕಂಡುಬರುತ್ತವೆ. ಈ ದೋಷಗಳಿಂದಾಗಿ ಜೀವನದಲ್ಲಿ ಹಲವು ಸಮಸ್ಯೆಗಳೂ ಬರುತ್ತವೆ. ನಿಮಗೆ ಪದೇ ಪದೇ ಕೆಲವು ಸಮಸ್ಯೆಗಳು ಬಾಧಿಸುತ್ತಿದ್ದರೆ, ನೀವು ಜಾತಕ ಚೆಕ್ ಮಾಡಿ ನೋಡಿಕೊಂಡರೆ ಖಂಡಿತವಾಗಿಯೋ ಈ ದೋಷಗಳು ಕಂಡುಬರಬಹುದು. ಅದಕ್ಕೆ ಪರಿಹಾರವೂ ಇಲ್ಲಿದೆ.
1) ಕುಜದೋಷ: ಮದುವೆಗೆ ಸಂಬಂಧಿಸಿದ ಸಮಸ್ಯೆಗಳು
ಕುಜ ದೋಷದಿಂದ ಮದುವೆ ತಡವಾಗಬಹುದು. ಮದುವೆಯಾಗಿದ್ದರೂ ಸಂಬಂಧಗಳ ಮೇಲೆ ಋಣಾತ್ಮಕ ಪರಿಣಾಮ ಉಂಟಾಗಬಹುದು. ಮದುವೆ ವಿಳಂಬ, ಘರ್ಷಣೆ ಮತ್ತು ಅಸ್ಥಿರತೆ ಉಂಟಾಗುತ್ತದೆ. ಕುಜ ದೋಷದ ಋಣಾತ್ಮಕ ಪರಿಣಾಮಗಳನ್ನು ನಿವಾರಿಸಲು ಹಲವಾರು ಪರಿಹಾರಗಳು ಇವೆ. ಅತ್ಯಂತ ಪರಿಣಾಮಕಾರಿ ಮಾರ್ಗವೆಂದರೆ ಹೊಂದಾಣಿಕೆಯ ಜಾತಕ ನೋಡಿದ ನಂತರ ಮದುವೆಯಾಗುವುದು. ಮಂಗಳದೋಷವಿರುವ ವ್ಯಕ್ತಿ ಇದೇ ದೋಷವಿರುವವರನ್ನು ಮದುವೆಯಾಗಬಹುದು. ಅವರು ತಮ್ಮ ಜಾತಕಕ್ಕೆ ಹೊಂದಿಕೆಯಾಗುವ ಜಾತಕವನ್ನು ಹೊಂದಿರುವವರನ್ನು ಸಹ ಮದುವೆಯಾಗಬಹುದು. ಮಂಗಳ ದೋಷದ ಪರಿಣಾಮಗಳನ್ನು ಕಡಿಮೆ ಮಾಡಲು ನಿರ್ದಿಷ್ಟ ಮಂತ್ರಗಳನ್ನು ಪಠಿಸುವುದು, ಪೂಜೆಗಳನ್ನು ನಡೆಸುವುದು ಮತ್ತು ಭಗವಾನ್ ಹನುಮಂತನಿಗೆ ಪ್ರಾರ್ಥನೆಗಳನ್ನು ಸಲ್ಲಿಸಬೇಕು. ಹವಳ ಅಥವಾ ಕೆಂಪು ಗಾರ್ನೆಟ್‌ನಂತಹ ರತ್ನದ ಕಲ್ಲುಗಳನ್ನು ಧರಿಸುವುದು ಸಹಾಯ ಮಾಡುತ್ತದೆ. ಮಂಗಳವಾರದಂದು ಕೆಲವೊಂದು ವಸ್ತುಗಳನ್ನು ದಾನ ಮಾಡುವುದು ಲೇಸು.
undefined
2) ಕಾಲ ಸರ್ಪ ದೋಷ: ವೃತ್ತಿಯಲ್ಲಿ ಕೆಡುಕು, ಆರೋಗ್ಯ ಬಾಧೆ
ಕಾಲ ಸರ್ಪ ದೋಷದಿಂದ ವೃತ್ತಿ, ಆರೋಗ್ಯ ಮತ್ತು ಸಂಬಂಧಗಳಂತಹ ಜೀವನದ ವಿವಿಧ ಅಂಶಗಳ ಮೇಲೆ ನಕಾರಾತ್ಮಕ ಪರಿಣಾಮಗಳು ಆಗುತ್ತವೆ. ಜನ್ಮ ಕುಂಡಲಿಯಲ್ಲಿ ರಾಹು ಮತ್ತು ಕೇತುಗಳ ನಡುವಿನ ಎಲ್ಲಾ ಗ್ರಹಗಳ ಸಂಯೋಜನೆಯಿಂದಾಗಿ ಇದು ಸಂಭವಿಸುತ್ತದೆ. ಈ ದೋಷದ ಋಣಾತ್ಮಕ ಪರಿಣಾಮಗಳನ್ನು ನಿವಾರಿಸಲು ಶಿವನಿಗೆ ಪ್ರಾರ್ಥನೆ ಸಲ್ಲಿಸುವುದು, ರುದ್ರಾಭಿಷೇಕ ಮಾಡುವುದು ಮತ್ತು ಮಹಾಮೃತ್ಯುಂಜಯ ಮಂತ್ರವನ್ನು ಪಠಿಸುವುದು ಮಾಡಬಹುದು. ರಾಹು ಮತ್ತು ಕೇತುಗಳೊಂದಿಗೆ ಸಂಬಂಧ ಹೊಂದಿರುವ ಗೋಮೇಧಿಕದಂತಹ ರತ್ನದ ಕಲ್ಲುಗಳನ್ನು ಧರಿಸುವುದು. ಅಮಾವಾಸ್ಯೆ ಅಥವಾ ಪೂರ್ಣಿಮೆಯಂತಹ ಮಂಗಳಕರ ದಿನಗಳಲ್ಲಿ ದಾನ ಮಾಡುವುದು ಸಹಾಯ ಮಾಡುತ್ತದೆ.
3) ನಾಡಿದೋಷ: ವೈವಾಹಿಕ ಜೀವನದಲ್ಲಿ ಘರ್ಷಣೆ
ನಾಡಿ ದೋಷದಿಂದ ಇದು ಆಗುತ್ತದೆ. ಇದು ವೈವಾಹಿಕ ಜೀವನದಲ್ಲಿ ಘರ್ಷಣೆಯನ್ನು ಉಂಟುಮಾಡುತ್ತದೆ. ವಧು ಮತ್ತು ವರನ ನಾಡಿ ಒಂದೇ ಆಗಿರುವಾಗ ಇದು ಸಂಭವಿಸುತ್ತದೆ. ಇದು ಅವರ ದೈಹಿಕ ಮತ್ತು ಮಾನಸಿಕ ಗುಣಲಕ್ಷಣಗಳಲ್ಲಿ ಹೋಲಿಕೆಯನ್ನು ಸೂಚಿಸುತ್ತದೆ. ಇದು ಬಂಜೆತನ, ಆರೋಗ್ಯ ಸಮಸ್ಯೆಗಳು ಮತ್ತು ಭಾವನಾತ್ಮಕ ಯಾತನೆ ಉಂಟುಮಾಡುತ್ತದೆ. ನಾಡಿ ದೋಷ ನಿವಾರಣಾ ಪೂಜೆಯನ್ನು ನಡೆಸುವುದು, ಪಚ್ಚೆ ಮತ್ತು ನೀಲಿ ನೀಲಮಣಿಯಂತಹ ರತ್ನಗಳನ್ನು ಧರಿಸುವುದು ಮತ್ತು ಮಂತ್ರಗಳನ್ನು ಪಠಿಸುವುದು ಮುಂತಾದ ಪರಿಹಾರಗಳನ್ನು ನಿರ್ವಹಿಸುವ ಮೂಲಕ ಇದನ್ನು ನಿವಾರಿಸಬಹುದು. ಪಚ್ಚೆ ರತ್ನಗಳನ್ನು ಧರಿಸುವುದರಿಂದ ಸಂಗಾತಿಗಳ ನಡುವೆ ಸಾಮರಸ್ಯ, ಶಾಂತಿ ಮತ್ತು ತಿಳುವಳಿಕೆ ತರಬಹುದು.
Astrology Tips: ನಿಮ್ಮ ಅಜ್ಜ- ಅಜ್ಜಿ ಹೇಳಿಕೊಂಡ ಹರಕೆ ತೀರಿಸದಿದ್ದರೆ ನಿಮ್ಮನ್ನೂ ಕಾಡಬಹುದು! ಪರಿಹಾರವೇನು?
4) ಶನಿದೋಷ: ಹಣಕಾಸು, ಸಂಬಂಧಗಳಲ್ಲಿ ನಷ್ಟ
ಶನಿ ದೋಷದಿಂದ ಹೀಗಾಗುತ್ತದೆ. ಇದು ಒಟ್ಟಾರೆ ಜೀವನದ ಮೇಲೆ ನಕಾರಾತ್ಮಕ ಪರಿಣಾಮಗಳನ್ನು ತರುತ್ತದೆ. ವ್ಯಕ್ತಿಯ ಜನ್ಮ ಜಾತಕದಲ್ಲಿ ಶನಿ ಗ್ರಹವು ಒಂದು ನಿರ್ದಿಷ್ಟ ಸ್ಥಾನದಲ್ಲಿದ್ದಾಗ ಇದು ಸಂಭವಿಸುತ್ತದೆ. ಇದು ವೃತ್ತಿ, ಹಣಕಾಸು, ಸಂಬಂಧಗಳು ಮತ್ತು ಆರೋಗ್ಯದಂತಹ ಜೀವನದ ವಿವಿಧ ಕ್ಷೇತ್ರಗಳಲ್ಲಿ ವಿಳಂಬಗಳು, ಅಡೆತಡೆಗಳು ಮತ್ತು ಹೋರಾಟಗಳನ್ನು ಉಂಟುಮಾಡುತ್ತದೆ. ಇದಕ್ಕೆ ಪರಿಹಾರವೆಂದರೆ ನೀಲಿ ನೀಲಮಣಿ ರತ್ನವನ್ನು ಧರಿಸುವುದು, ಮಂತ್ರಗಳನ್ನು ಪಠಿಸುವುದು, ಪೂಜೆ ಮಾಡುವುದು ಮತ್ತು ಶನಿ ದೇವರಿಗೆ ಪ್ರಾರ್ಥನೆ ಸಲ್ಲಿಸುವುದು ಮುಂತಾದವು.
5) ಪಿತೃದೋಷ: ಕೌಟುಂಬಿಕ ಸಮಸ್ಯೆಗಳು
ಪಿತೃ ದೋಷ ನಿಮ್ಮ ವ್ಯಕ್ತಿಯ ಪೂರ್ವಜರನ್ನು ಸರಿಯಾಗಿ ಗೌರವಿಸದಿದ್ದಾಗ ಅಥವಾ ಪೂರ್ವಜರ ಆಚರಣೆಗಳಲ್ಲಿ ದೋಷಗಳು ಅಥವಾ ಲೋಪಗಳು ಉಂಟಾದಾಗ ಸಂಭವಿಸುತ್ತದೆ. ಈ ದೋಷವು ವ್ಯಕ್ತಿಯ ಜೀವನದಲ್ಲಿ ಹಣಕಾಸಿನ ತೊಂದರೆಗಳು, ಸಂಬಂಧದ ಸಮಸ್ಯೆಗಳು ಮತ್ತು ಆರೋಗ್ಯ ಸಮಸ್ಯೆಗಳು ಸೇರಿದಂತೆ ವಿವಿಧ ಸಮಸ್ಯೆಗಳು ಮತ್ತು ಅಡೆತಡೆಗಳಿಗೆ ಕಾರಣವಾಗಬಹುದು. ಇದರ ದುಷ್ಪಪರಿಣಾಮ ತಗ್ಗಿಸಲು ನಿಮ್ಮ ಪೂರ್ವಜರ ಶ್ರಾದ್ಧ, ದಾನ ನೀಡುವುದು ಅಥವಾ ಪ್ರಾರ್ಥನೆ ಸಲ್ಲಿಸುವುದನ್ನು ಮಾಡಬಹುದು. ಹಾಗೆ ಮಾಡಿ ನಿಮ್ಮ ಪೂರ್ವಜರೊಂದಿಗಿನ ನಿಮ್ಮ ಸಂಪರ್ಕವನ್ನು ನೀವು ಬಲಪಡಿಸಬಹುದು. ಹೆಚ್ಚು ಸಕಾರಾತ್ಮಕ ಶಕ್ತಿಯನ್ನು ಪಡೆಯಬಹುದು.
Chanakya Neeti: ಹಣ ಮತ್ತು ಹೆಣ್ಣು ಒಂದೇ ಥರ ಅಂತಾನೆ ಚಾಣಕ್ಯ; ಅದು ಹೇಗೆ?