ಕಲಿತು, ಭಾಷಾ ಪ್ರೇಮ ಮೆರೆದ ಸನ್ನಿ ಲಿಯೋನ್‌!

ಭಾಷೆ ವಿಚಾರವಾಗಿ ಇಂದು ಸಾಕಷ್ಟುಚರ್ಚೆಗಳು ನಡೆಯುತ್ತಿವೆ. ಒಂದು ಕಡೆ ಹಿಂದಿ ಹೇರಿಕೆ, ಮತ್ತೊಂದು ಕಡೆ ಪ್ರಾದೇಶಿಕ ಭಾಷೆಗಳು ತಮ್ಮ ಅಸ್ತಿತ್ವ ಉಳಿಸಿಕೊಳ್ಳಲು ಹೋರಾಟವನ್ನೇ ಮಾಡಬೇಕಾದ ಪರಿಸ್ಥಿತಿ ಇದೆ. ಸಂದರ್ಭ ಹೀಗಿರುವಾಗ ಎಲ್ಲಾ ನಟ, ನಟಿಯರಿಗೂ ಮಾದರಿಯಾಗಬಹುದಾದ ಹೆಜ್ಜೆಯೊಂದನ್ನು ಸನ್ನಿ ಲಿಯೋನ್‌ ಇಟ್ಟಿದ್ದಾರೆ.

ತಮ್ಮ ಹೊಸ ಸಿನಿಮಾ ‘ಕೋ ಕೋ ಕೋಲಾ’ದಲ್ಲಿ ನಟಿಸಲು ಸಹಾಯವಾಗುವಂತೆ ಉತ್ತರ ಪ್ರದೇಶದ ಸ್ಥಳೀಯ ಭಾಷೆಯ ಕಲಿಕೆಗೆ ಅವರು ಮುಂದಾಗಿದ್ದಾರೆ. ‘ಸಿನಿಮಾ ಎಂದು ಬಂದಾಗ ನಾನು ಅದಕ್ಕೆ ಬೇಕಾದ ಎಲ್ಲಾ ತಯಾರಿಗಳನ್ನೂ ಮಾಡಿಕೊಳ್ಳುತ್ತೇನೆ. ಹೊಸದನ್ನು ಕಲಿಯಲು ಮನಸ್ಸಿದ್ದಾಗ ಹೊಸದನ್ನು ಮಾಡಲು ಸಾಧ್ಯವಾಗುತ್ತದೆ. ನನಗೆ ಹೊಸ ಹೊಸ ಭಾಷೆಗಳನ್ನು ಕಲಿಯುವುದು ಎಂದರೆ ಇಷ್ಟ. ಇದರಿಂದ ಪಾತ್ರಕ್ಕೆ ಜೀವ ತುಂಬಲು ಸಾಧ್ಯವಾಗುತ್ತದೆ’ ಎಂದು ಹೇಳುವ ಮೂಲಕ ತಮ್ಮ ಬದ್ಧತೆ ಪ್ರದರ್ಶನ ಮಾಡಿದ್ದಾರೆ.

ಇಂದು ಪರಭಾಷೆಗಳಿಂದ ನಟ, ನಟಿಯರು ಕನ್ನಡ ಸೇರಿದಂತೆ ಎಲ್ಲಾ ಪ್ರಾದೇಶಿಕ ಭಾಷೆಯಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಸಾಮಾನ್ಯ. ಅವರೂ ಇದೇ ರೀತಿ ಭಾಷೆಯನ್ನು ಕಲಿಯಲು ಮುಂದಾದರೆ ಖುಷಿ. ಇವರನ್ನು ಫಾಲೋ ಮಾಡುವ ಇವರ ಅಭಿಮಾನಿಗಳೂ ಇದೇ ರೀತಿ ತಾವು ಇರುವ ಜಾಗದ ಭಾಷೆಯನ್ನು ಕಲಿಯಲೂ ಮುಂದಾಗಬಹುದು. ಈ ನಿಟ್ಟಿನಲ್ಲಿ ಸನ್ನಿಯದ್ದು ಮಾದರಿ ನಡೆಯೇ ಸರಿ.