ಕಾಲ ಮೇಲೆ ಕಾಲು ಹಾಕಿ ಕುಳಿತ ರಾಕುಲ್ ಗೆ ‘ಸಂಸ್ಕಾರಿ’ ಗಳ ಪಾಠ!

ದೇ ದೇ ಪ್ಯಾರ್ ದೇ ಸಿನಿಮಾದಲ್ಲಿ ಅಜಯ್ ದೇವಗನ್ ಜತೆ ರಾಕುಲ್ ಪ್ರೀತ್ ಸಿಂಗ್ ಕಾಣಿಸಿಕೊಂಡಿದ್ದು ಸಿನಿಮಾದ ಹಾಡೊಂದರಲ್ಲಿ ರಾಕುಲ್ ನೃತ್ಯ ಮಾಡಿದ್ದನ್ನು ಸೋಶಿಯಲ್ ಮೀಡಿಯಾದ ಕೆಲ ಕಿಡಿಗೇಡಿಗಳು ಮಾರ್ಪಾಡು ಮಾಡಿ ಹರಿಬಿಟ್ಟಿದ್ದರು.

ತಮ್ಮ ದೇ ದೇ ಪ್ಯಾರ್ರ ದೇ ಸಿನಿಮಾದ ಪ್ರಮೋಶನ್ ನಲ್ಲಿ  ನಟಿ ರಾಕುಲ್ ಕಾಣಿಸಿಕೊಂಡ ರೀತಿ ಈಗ ನಿಜಕ್ಕೂ ಸೋಶಿಯಲ್ ಮೀಡಿಯಾದ ಹಾಟ್ ಟಾಪಿಕ್.  ಆಕೆ ಸದ್ಯ ಎಲ್ಲಿಗೆ ಹೋದರೂ ತಮ್ಮ ಸಿನಿಮಾದ ಬಗ್ಗೆಯೇ ಮಾತನಾಡುತ್ತಾರೆ. 

ಬಿಳಿ ಅಂಗಿ ಮೇಲೆ ಪಿಂಕ್ ಡ್ರೆಸ್ ಧರಿಸಿದ್ದ ರಾಕುಲ್ ಪೋಟೋ ವೈರಲ್ ಆಗುತ್ತಿದೆ. ಸಂದರ್ಶನದ ವೇಳೆ ರಾಕುಲ್ ಕುಳಿತುಕೊಂಡ ಭಂಗಿಯ ಬಗ್ಗೆಯೇ ಸೋಶಿಯಲ್ ಮೀಡಿಯಾ ಮಾತನಾಡಿಕೊಳ್ಳುವಂತೆ ಮಾಡಿದೆ.

ಕಾಲ ಮೇಲೆ ಕಾಲು ಹಾಕಿ ಕುಳಿತುಕೊಂಡಿರುವ ರಾಕುಲ್ ಅವರಿಗೆ ಕೆಲವರು ಉಪದೇಶವನ್ನು ನೀಡಿದ್ದು ಇಂಥ ಔಟ್ ಫಿಟ್ ಧರಿಸಿದಾಗ ಹೇಗೆ ಎಚ್ಚರಿಕೆಯಿಂದ ಇರಬೇಕು ಎಂದು ಪಾಠವನ್ನು ಹೇಳಿದ್ದಾರೆ.