ಕಿರಿಕ್ ಕೀರ್ತಿ ಹಾರರ್ ಸಿನಿಮಾ ಬರ್ತಿದೆ
ಸಾರಾಂಶ
ಕಿರಿಕ್ ಕೀರ್ತಿ ಪೂರ್ಣಪ್ರಮಾಣದಲ್ಲಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡ ಮೊದಲ ಚಿತ್ರ ಇದಂತೆ. ಚಿತ್ರವನ್ನು ಆವಿಷ್ಕಾರ್ ಕ್ರಿಯೇಶನ್ಸ್ ಬ್ಯಾನರ್'ನಡಿ ನಿರ್ಮಿಸಲಾಗುತ್ತಿದ್ದು, 'ಒಂದೇ ಒಂದು ಪೆಗ್ಗಿಗೆ' ಖ್ಯಾತಿಯ ರ್ಯಾಪರ್ ಚಂದನ್ ಶೆಟ್ಟಿ ಸಂಗೀತ ನೀಡಿದ್ದಾರೆ.
ಬೆಂಗಳೂರು: ಬಿಗ್'ಬಾಸ್ ಖ್ಯಾತಿಯ 'ಕಿರಿಕ್' ಕೀರ್ತಿಯ ಹಾರರ್ ಸಿನಿಮಾವೊಂದು ಶೀಘ್ರದಲ್ಲೇ ಬರಲಿದೆ. ಹೆಸರು - ಚಿತ್ರಾಲಿ. ಇದೇ 8ರಂದು ಚಿತ್ರದ ಭರ್ಜರಿ ಟ್ರೇಲರ್ ಲಾಂಚ್ ಆಗುತ್ತಿದೆ. ಇಂಟರೆಸ್ಟಿಂಗ್ ವಿಷಯ ಏನೆಂದರೆ 'ಬಿಗ್ ಬಾಸ್' ಮನೆಗೆ ಹೋಗುವ ಮೊದಲೇ ಕೀರ್ತಿ ಅವರು ಈ ಚಿತ್ರದಲ್ಲಿ ನಟಿಸಿದ್ದರು. ಆಗಲೇ ಚಿತ್ರೀಕರಣ ಸಂಪೂರ್ಣವಾಗಿತ್ತು. ಬಿಗ್ ಬಾಸ್ ಮನೆಗೆ ಹೋಗಿ ಬಂದು, ಪೋಸ್ಟ್ ಪ್ರೊಡಕ್ಷನ್ ಮುಗಿಸಿ ಟ್ರೇಲರ್ ಲಾಂಚ್'ಗೆ ಸಿದ್ಧತೆ ನಡೆಸಿಕೊಂಡಿದ್ದಾರೆ. ರವಿ ಮತ್ತು ಚೇತನ್ ಎಸ್'ಪಿ ಎನ್ನುವವರು ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. "ಎರಡನೇ ಸಲ" ಸೇರಿ 2 ಚಿತ್ರಗಳನ್ನು ಆಗಲೇ ಒಪ್ಪಿಕೊಂಡಿದ್ದರೂ ಕಿರಿಕ್ ಕೀರ್ತಿ ಪೂರ್ಣಪ್ರಮಾಣದಲ್ಲಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡ ಮೊದಲ ಚಿತ್ರ ಇದಂತೆ. ಚಿತ್ರವನ್ನು ಆವಿಷ್ಕಾರ್ ಕ್ರಿಯೇಶನ್ಸ್ ಬ್ಯಾನರ್'ನಡಿ ನಿರ್ಮಿಸಲಾಗುತ್ತಿದ್ದು, 'ಒಂದೇ ಒಂದು ಪೆಗ್ಗಿಗೆ' ಖ್ಯಾತಿಯ ರ್ಯಾಪರ್ ಚಂದನ್ ಶೆಟ್ಟಿ ಸಂಗೀತ ನೀಡಿದ್ದಾರೆ.
ಕೀರ್ತಿ ಈ ಬಗ್ಗೆ ಹೇಳೋದು ಹೀಗೆ:
"ಇದೊಂದು ಹಾಲಿವುಡ್ ಥರದ ಸಿನಿಮಾ. ಹಾಡು ಕಾಮಿಡಿಗಳಿಲ್ಲ. ನೇರ ಕತೆಯೇ ಜರುಗುತ್ತದೆ. ಈ ಚಿತ್ರದ ಅವಧಿ ಒಂದು ಗಂಟೆ ಹತ್ತು ನಿಮಿಷದಷ್ಟು ಮಾತ್ರ. ಚಿಕ್ಕ ಮಗಳ ಮೇಲೆ ಭೂತ ಆವಾಹನೆ ಆಗುವ ಒಂದು ಕತೆ. ಅದರಲ್ಲಿ ನಾನು ಆ ಮಗುವಿನ ಚಿಕ್ಕಪ್ಪ. ನಾನು ವಿದೇಶದಲ್ಲಿ ಪ್ಯಾರನಾರ್ಮಲ್ ಸ್ಟಡಿ ಮಾಡಿಕೊಂಡು ಬಂದಿರುತ್ತೇನೆ. ಹೇಗೆ ಆ ಮಗುವನ್ನು ಬಚಾವ್ ಮಾಡುತ್ತೇನೆ ಎನ್ನುವದೇ ಈ ಕತೆ" ಎಂದು ಕೀರ್ತಿ ವಿವರಿಸುತ್ತಾರೆ.
ಕನ್ನಡಪ್ರಭ ಸಿನಿ ವಾರ್ತೆ
epaper.kannadaprabha.in
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.