ಕನ್ನಡದ ಈ ಪೋಷಕ ನಟರ ದಿನದ ಸಂಭಾವನೆ ಎಷ್ಟು ಗೊತ್ತಾ..?

ಸಿನಿಮಾದಲ್ಲಿ ಹೀರೋ -ಹೀರೋಯಿನ್'ಗಳಷ್ಟೆ ಸ್ಕೋಪ್ ಇರುವುದು ಪೋಷಕ ಪಾತ್ರಗಳಿಗೆ. ಸದ್ಯ ಸ್ಯಾಂಡಲ್ ವುಡ್ ನಲ್ಲಿ ಪೋಷಕ ಪಾತ್ರದಲ್ಲಿ ಮಿಂಚುವ ನಟರು ಒಂದು ಸಿನಿಮಾಕ್ಕೆ ಲಕ್ಷ ಲಕ್ಷ ಸಂಭಾವನೆ ಪಡೆಯುವ ಮೂಲಕ ಬೇಡಿಕೆಯನ್ನು ಹೆಚ್ಚಿಸಿಕೊಂಡಿದ್ದಾರೆ.

ಬೆಂಗಳೂರು(ಡಿ.01): ಸಿನಿಮಾದಲ್ಲಿ ನಾಯಕ ನಾಯಕಿಯರಿಗಿರುವಷ್ಟೆ ಸ್ಕೋಪ್ ಪೋಷಕ ಪಾತ್ರಗಳಿಗೆ ಇದೆ. ಸದ್ಯ ಸ್ಯಾಂಡಲ್ ವುಡ್'ನಲ್ಲಿ ಪೋಷಕ ಪಾತ್ರದಲ್ಲಿ ಮಿಂಚುವ ನಟರು ಒಂದು ಸಿನಿಮಾಕ್ಕೆ ಲಕ್ಷ ಲಕ್ಷ ಸಂಭಾವನೆ ಪಡೆಯುವ ಮೂಲಕ ಬೇಡಿಕೆಯನ್ನು ಹೆಚ್ಚಿಸಿಕೊಂಡಿದ್ದಾರೆ.

ರವಿಶಂಕರ್'ಗೆ ಒಂದು ದಿನಕ್ಕೆ ಮೂರು ಲಕ್ಷ..!: ಕೇಂಪೆಗೌಡ ಸಿನಿಮಾ ಮೂಲಕ ಸ್ಯಾಂಡಲ್ ವುಡ್`ನಲ್ಲಿ ಬೇಡಿಕೆಯ ಖಳ ನಟನಾಗಿರುವ ರವಿಶಂಕರ್, ಸದ್ಯಕ್ಕೆ ಗಾಂಧಿನಗರದಲ್ಲಿ ಬೇಡಿಕೆಯ ಪೋಷಕ ನಟ.ಇವರು   ಒಂದು ದಿನಕ್ಕೆ ಮೂರು ಲಕ್ಷ ಚಾರ್ಜ್​ ಮಾಡ್ತಾರಂತೆ. ದೊಡ್ಮನೆ ಹುಡುಗ ಚಿತ್ರದಲ್ಲಿ ಖಡಕ್'ಆಗಿ ಆಬ್ಬರಿಸಿದ ರವಿಶಂಕರ್ ಹೆಬ್ಬುಲಿ ಚಿತ್ರದಲ್ಲಿ ವಿಭಿನ್ನವಾಗಿ ಕಾಣಿಸಿಕೊಂಡಿದ್ದಾರೆ.

ಸಾಧು ಕೋಕಿಲ ಪಡೀತಾರೆ 1.50 ಸಾವಿರ.!:  ಗಾಂಧಿನಗರದ ಕಾಮಿಡಿ ಮಹಾರಾಜ ಅಂತಾ ಬ್ರಾಂಡ್ ಆಗಿರುವ ಸಾಧುಕೋಕಿಲ ಒಂದು ದಿನಕ್ಕೆ 1.50 ಲಕ್ಷ ರೂಪಾಯಿ ಸಂಭಾವನೆ ಪಡೆಯುತ್ತಾರಂತೆ. ಇನ್ನು ನಿರ್ದೇಶನ ಹಾಗೂ ಸಂಗೀತ  ಸಾಧು ಬೇರೆ ಬೇರೆ ರೀತಿ ಚಾರ್ಜ್​ ಮಾಡ್ತಾರೆ ಅನ್ನೋದು ಬಲ್ಲವರು ಹೇಳುವ ಮಾತು.

ರಂಗಾಯಣ ರಘುಗೆ ಕೋಡಬೇಕು 1 ಲಕ್ಷ.!:  ಸಕಲಕಲಾವಲ್ಲಭ ಅಂತಾ ಕರಿಸಿಕೊಂಡಿರುವ ರಂಗಾಯಣ ರಘು ಕೂಡ ದಿನಕ್ಕೆ ಸಖತ್ ಚಾರ್ಜ್​ ಮಾಡ್ತಾರೆ. ಅದು ಖಳ ನಟ, ಕಾಮಿಡಿ ಹಾಗೂ ತಂದೆ ಪಾತ್ರ ಹೀಗೆ ಯಾವುದೇ ಇರಲಿ ರಂಗಾಯಣ ರಘು ಒಂದು ದಿನಕ್ಕೆ 1 ಲಕ್ಷದಿಂದ 50 ಸಾವಿರ ರೂಪಾಯಿಯಷ್ಟು ಸಂಭಾವನೆ ಪಡೆಯುತ್ತಾರೆ.

ಚಿಕ್ಕಣ್ಣ 1 ಲಕ್ಷ ಕಡಿಮೆಗೆ ಸಿಗಲ್ಲ: ಅಧ್ಯಕ್ಷ ಸಿನಿಮಾದಿಂದ ಗಾಂಧಿನಗರದಲ್ಲಿ ತನ್ನ ಬೇಡಿಕೆಯನ್ನ ಹೆಚ್ಚಿಸಿಕೊಂಡಿರುವ ಹಾಸ್ಯ ನಟ ಚಿಕ್ಕಣ್ಣ. ಸ್ಟಾರ್ಸ್ ನಟರಿಂದ ಹಿಡಿದು ಮಾಮೂಲಿ ಸಿನಿಮಾದಲ್ಲಿ ಆಕ್ಟ್ ಮಾಡುವ ಚಿಕ್ಕಣ್ಣ ಒಂದು ದಿನಕ್ಕೆ ಒಂದು ಲಕ್ಷ ಚಾರ್ಜ್​ ಮಾಡ್ತಾರಂತೆ.

ಬುಲೆಟ್ ಪ್ರಕಾಶ್'ಗೆ 75 ರಿಂದ 1 ಲಕ್ಷ ಕೊಡಲೇ ಬೇಕು

ತನ್ನ ವಿಭಿನ್ನ ಮ್ಯಾನರಿಸಂನಿಂದ ಮೋಡಿ ಮಾಡುವ ಮತ್ತೊಬ್ಬ ಹಾಸ್ಯ ಕಲಾವಿದ ಅಂದ್ರೆ ಬುಲೆಟ್ ಪ್ರಕಾಶ್. ಈಗಾಗ್ಲೇ ಎಲ್ಲಾ ಸ್ಟಾರ್ ನಟರ ಜೊತೆ ಸ್ಕ್ರಿನ್ ಹಂಚಿಕೊಂಡಿರುವ ಬುಲೆಟ್ ಒಂದು ದಿನಕ್ಕೆ 75 ರಿಂದ 1 ಲಕ್ಷ ರೂಪಾಯಿ ಸಂಭಾವನೆ ಪಡೆಯುತ್ತಾರಂತೆ.

ಅಚ್ಯುತ್ ಕುಮಾರ್ ಸಂಭಾವನೆ ಕೂಡ ಕಡಿಮೆಯೇನಲ್ಲ

ಸದ್ಯ ಸ್ಯಾಂಡಲ್'ವುಡ್ ನಲ್ಲಿ ಬೇಡಿಕೆಯ ಪೋಷಕ ನಟನಾಗಿರೋ ಅಚ್ಯುತ್ ಕುಮಾರ್ ಮಿಸ್ಟರ್ ಅಂಡ್ ಮಿಸ್ಸಸ್ ರಾಮಾಚಾರಿ ಚಿತ್ರದ ನಂತರ ತಮ್ಮ ಬೇಡಿಕೆಯನ್ನ ಜಾಸ್ತಿ ಮಾಡಿಕೊಂಡಿದ್ದಾರೆ. ಅಚ್ಯುತ್  ಕೂಡ ದಿನಕ್ಕೆ 1 ರಿಂದ 2 ಲಕ್ಷದವರೆಗೂ ಸಂಭಾವನೆ ಪಡೆಯುತ್ತಾರೆ.

ಒಟ್ಟಾರೆ ಪೋಷಕ ಪಾತ್ರಗಳಲ್ಲಿ ತೆರೆ ಮೇಲೆ ಮಿಂಚುವ ಈ ಸ್ಟಾರ್ಸ್, ಒಂದು ಸಿನಿಮಾಕ್ಕೆ ಅಥವಾ ಒಂದು ದಿನಕ್ಕೆ ಲಕ್ಷ ಗಟ್ಟಲೆ ಸಂಭಾವನೆ ಪಡೆಯುತ್ತಾರೆ ಅನ್ನೋದು ಗಾಂಧಿನಗರದ ಕೆಲ ಪಂಡಿತರ ಅಂಕಿ ಅಂಶ ಇದು.

ವರದಿ: ರವಿಕುಮಾರ್ ಎಂ.ಕೆ, ಸುವರ್ಣ ನ್ಯೂಸ್