ಕಾಲಾ ಚಿತ್ರದಲ್ಲಿ ರಜನಿ ಜೊತೆ ಇದ್ದ ನಾಯಿಗೀಗ ಕೋಟಿ ಕೋಟಿ ಬೆಲೆ!
ಸಾರಾಂಶ
ನಟ ರಜನೀಕಾಂತ್ ಅವರ ಮುಂಬರುವ ‘ಕಾಲಾ ಚಿತ್ರ’ದಲ್ಲಿ ಕಾಣಿಸಿಕೊಂಡಿರುವ ‘ಮಣಿ’ ಹೆಸರಿನ ಬೀದಿ ನಾಯಿಗೆ ಇದೀಗ ಭರ್ಜರಿ ಬೇಡಿಕೆ ಬಂದಿದೆ. ಈ ಶ್ವಾನವನ್ನು ಖರೀದಿಸಲು ರಜನೀಕಾಂತ್ ಅಭಿಮಾನಿಗಳು ಕೋಟಿ ಕೋಟಿ ಹಣ ನೀಡುವುದಕ್ಕೂ ಸಿದ್ಧರಿದ್ದಾರೆ!
ನವದೆಹಲಿ: ನಟ ರಜನೀಕಾಂತ್ ಅವರ ಮುಂಬರುವ ‘ಕಾಲಾ ಚಿತ್ರ’ದಲ್ಲಿ ಕಾಣಿಸಿಕೊಂಡಿರುವ ‘ಮಣಿ’ ಹೆಸರಿನ ಬೀದಿ ನಾಯಿಗೆ ಇದೀಗ ಭರ್ಜರಿ ಬೇಡಿಕೆ ಬಂದಿದೆ. ಈ ಶ್ವಾನವನ್ನು ಖರೀದಿಸಲು ರಜನೀಕಾಂತ್ ಅಭಿಮಾನಿಗಳು ಕೋಟಿ ಕೋಟಿ ಹಣ ನೀಡುವುದಕ್ಕೂ ಸಿದ್ಧರಿದ್ದಾರೆ!
ಕಾಲಾ ಚಿತ್ರಕ್ಕೆ ಸುಮಾರು 30 ಶ್ವಾನಗಳನ್ನು ತೋರಿಸಿದರೂ ಅದನ್ನು ರಜನೀಕಾಂತ್ ನಿರಾಕರಿಸಿದ್ದರು. ಕೊನೆಗೆ ಬೇಸತ್ತಿದ್ದ ಪ್ರಾಣಿ ತರಬೇತುದಾರರಾಗಿರುವ ಸಿಮೊನ್, ಚೆನ್ನೈನ ಬೀದಿಯೊಂದರಲ್ಲಿ ಸಿಕ್ಕ ನಾಯಿಯನ್ನು ಪಳಗಿಸಿ ಅದಕ್ಕೆ ಮಣಿ ಎಂಬ ಹೆಸರು ನೀಡಿ, ಅದನ್ನು ರಜನಿಗೆ ತೋರಿಸಿದಾಗ ಅದನ್ನು ಅವರು ಒಪ್ಪಿಕೊಂಡಿದ್ದರು. 2.5 ವರ್ಷದ ಈ ಶ್ವಾನ ‘ಮೆಹೆಂದಿ ಸರ್ಕಸ್’ ಸೇರಿದಂತೆ 2- 3 ಚಿತ್ರಗಳಲ್ಲಿ ಕಾಣಿಸಿಕೊಂಡಿದೆ.
ಕಾಲಾ ಚಿತ್ರದಲ್ಲಿ ಕಾಣಿಸಿಕೊಂಡ ಬಳಿಕ ಜನರು ಈ ಶ್ವಾನವನ್ನು ಖರೀದಿಸಲು 2 ರಿಂದ 3 ಕೋಟಿ ರು.ವರೆಗೂ ಆಫರ್ ನೀಡಿದ್ದಾರೆ. ಆದರೆ, ಸಿಮೊನ್ ಮಾತ್ರ ಮಣಿಯನ್ನು ಮಾರಾಟ ಮಾಡುವ ಯೋಚನೆ ಇಲ್ಲ ಎಂದು ಹೇಳಿದ್ದಾರೆ. ಸಿಮೊನ್ ಅವರು ಕಳೆದ ಮೂರು ದಶಕಗಳಿಂದ 800ರಿಂದ 1000 ಚಿತ್ರಗಳಲ್ಲಿ ಪ್ರಾಣಿ ತರಬೇತುದಾರರಾಗಿ ಕಾರ್ಯನಿರ್ವಹಿಸಿದ್ದಾರೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.